ਵੈੱਬ ਡੈਸਕ : ਅੱਜ-ਕੱਲ੍ਹ ਦੇ ਦੌਰ ਵਿੱਚ ਥਕਾਵਟ ਦੂਰ ਕਰਨ, ਤੁਰੰਤ ਐਨਰਜੀ ਪਾਉਣ ਅਤੇ ਪੜ੍ਹਾਈ ਜਾਂ ਕੰਮ ਵਿੱਚ ਫੋਕਸ ਵਧਾਉਣ ਲਈ ਐਨਰਜੀ ਡਰਿੰਕਸ ਦਾ ਰੁਝਾਨ ਤੇਜ਼ੀ ਨਾਲ ਵਧ ਰਿਹਾ ਹੈ। ਖਾਸ ਕਰਕੇ ਨੌਜਵਾਨ ਪੀੜ੍ਹੀ ਇਸ ਨੂੰ ਆਪਣੀ ਰੋਜ਼ਾਨਾ ਜੀਵਨ ਸ਼ੈਲੀ ਦਾ ਹਿੱਸਾ ਬਣਾ ਰਹੀ ਹੈ। ਪਰ ਵਿਸ਼ਵ ਲਿਵਰ ਦਿਵਸ ਦੇ ਮੌਕੇ 'ਤੇ ਮਾਹਿਰਾਂ ਨੇ ਇੱਕ ਗੰਭੀਰ ਚਿਤਾਵਨੀ ਦਿੱਤੀ ਹੈ ਕਿ ਇਹ ਡਰਿੰਕਸ ਨੌਜਵਾਨਾਂ ਦੇ ਲਿਵਰ (ਜਿਗਰ) 'ਤੇ ਬਹੁਤ ਭਾਰੀ ਪੈ ਰਹੇ ਹਨ।
ਨੌਜਵਾਨਾਂ 'ਚ ਵਧ ਰਿਹਾ ਖਤਰਾ
ਮੈਡੀਕਲ ਰਿਪੋਰਟਾਂ ਅਨੁਸਾਰ, ਜੋ ਲਿਵਰ ਦੀਆਂ ਬਿਮਾਰੀਆਂ ਪਹਿਲਾਂ ਵਧੇਰੇ ਉਮਰ ਦੇ ਲੋਕਾਂ 'ਚ ਦੇਖੀਆਂ ਜਾਂਦੀਆਂ ਸਨ, ਹੁਣ ਉਹੀ ਸਮੱਸਿਆਵਾਂ 20 ਤੋਂ 30 ਸਾਲ ਦੇ ਨੌਜਵਾਨਾਂ ਵਿੱਚ ਤੇਜ਼ੀ ਨਾਲ ਸਾਹਮਣੇ ਆ ਰਹੀਆਂ ਹਨ। 'BMJ Case Reports' ਵਿੱਚ ਪ੍ਰਕਾਸ਼ਿਤ ਇੱਕ ਅਧਿਐਨ ਮੁਤਾਬਕ, ਇਨ੍ਹਾਂ ਡਰਿੰਕਸ ਵਿੱਚ ਮੌਜੂਦ ਵਾਧੂ ਕੈਫੀਨ, ਸ਼ੂਗਰ ਅਤੇ ਕੈਮੀਕਲ ਲਿਵਰ ਨੂੰ ਹੌਲੀ-ਹੌਲੀ ਨੁਕਸਾਨ ਪਹੁੰਚਾਉਂਦੇ ਹਨ।
ਲਿਵਰ ਲਈ ਕਿਉਂ ਖ਼ਤਰਨਾਕ ਹਨ ਇਹ ਡਰਿੰਕਸ?
ਰਿਸਰਚ ਵਿੱਚ ਸਾਹਮਣੇ ਆਇਆ ਹੈ ਕਿ ਐਨਰਜੀ ਡਰਿੰਕਸ ਵਿੱਚ ਮੌਜੂਦ ਨਿਆਸਿਨ (ਵਿਟਾਮਿਨ B3) ਦੀ ਜ਼ਿਆਦਾ ਮਾਤਰਾ ਲਿਵਰ 'ਤੇ ਜ਼ਹਿਰੀਲਾ ਪ੍ਰਭਾਵ ਪਾ ਸਕਦੀ ਹੈ, ਜਿਸ ਨਾਲ 'ਐਕਿਊਟ ਹੈਪੇਟਾਈਟਸ' ਵਰਗੀ ਗੰਭੀਰ ਸਥਿਤੀ ਪੈਦਾ ਹੋ ਸਕਦੀ ਹੈ। ਇਸ ਤੋਂ ਇਲਾਵਾ ਹਾਈ ਸ਼ੂਗਰ ਅਤੇ ਕੈਫੀਨ ਤੱਤ ਲਿਵਰ 'ਤੇ ਵਾਧੂ ਦਬਾਅ ਪਾਉਂਦੇ ਹਨ। ਲਗਾਤਾਰ ਸੇਵਨ ਨਾਲ ਲਿਵਰ ਵਿੱਚ ਚਰਬੀ (Fat) ਜਮ੍ਹਾ ਹੋਣ ਲੱਗਦੀ ਹੈ, ਜਿਸ ਨਾਲ ਸੋਜ ਅਤੇ ਆਕਸੀਡੇਟਿਵ ਸਟ੍ਰੈੱਸ ਵਧਦਾ ਹੈ। ਰਿਪੋਰਟਾਂ ਅਨੁਸਾਰ, ਭਾਰਤ ਦੀ ਲਗਭਗ 25 ਤੋਂ 30 ਫੀਸਦੀ ਸ਼ਹਿਰੀ ਆਬਾਦੀ ਨਾਨ-ਅਲਕੋਹਲਿਕ ਫੈਟੀ ਲਿਵਰ ਡਿਜ਼ੀਜ਼ (NAFLD) ਤੋਂ ਪ੍ਰਭਾਵਿਤ ਹੋ ਸਕਦੀ ਹੈ।
ਸ਼ਰਾਬ ਦੇ ਨਾਲ ਸੇਵਨ ਹੈ ਜਾਨਲੇਵਾ
ਡਾਕਟਰਾਂ ਨੇ ਵਿਸ਼ੇਸ਼ ਤੌਰ 'ਤੇ ਚਿਤਾਵਨੀ ਦਿੱਤੀ ਹੈ ਕਿ ਐਨਰਜੀ ਡਰਿੰਕਸ ਨੂੰ ਸ਼ਰਾਬ ਦੇ ਨਾਲ ਮਿਲਾ ਕੇ ਪੀਣਾ ਬੇਹੱਦ ਖ਼ਤਰਨਾਕ ਹੈ। ਕੈਫੀਨ ਸ਼ਰਾਬ ਦੇ ਨਸ਼ੇ ਨੂੰ ਲੁਕਾ ਦਿੰਦੀ ਹੈ, ਜਿਸ ਕਾਰਨ ਵਿਅਕਤੀ ਹੱਦ ਤੋਂ ਜ਼ਿਆਦਾ ਸ਼ਰਾਬ ਪੀ ਲੈਂਦਾ ਹੈ। ਇਸ ਨਾਲ ਲਿਵਰ 'ਤੇ ਦੋਹਰਾ ਅਸਰ ਪੈਂਦਾ ਹੈ, ਜੋ ਅੱਗੇ ਜਾ ਕੇ ਸਿਰੋਸਿਸ ਅਤੇ ਫਾਈਬਰੋਸਿਸ ਵਰਗੀਆਂ ਜਾਨਲੇਵਾ ਬਿਮਾਰੀਆਂ ਦਾ ਕਾਰਨ ਬਣ ਸਕਦਾ ਹੈ।
ਬਚਾਅ ਦੇ ਤਰੀਕੇ
ਮਾਹਿਰਾਂ ਅਨੁਸਾਰ, ਇਸ ਆਦਤ ਨੂੰ ਸਮੇਂ ਸਿਰ ਕੰਟਰੋਲ ਕਰਨਾ ਬਹੁਤ ਜ਼ਰੂਰੀ ਹੈ। ਸਹੀ ਖ਼ੁਰਾਕ, ਨਿਯਮਿਤ ਕਸਰਤ ਅਤੇ ਇਨ੍ਹਾਂ ਨਸ਼ੀਲੇ ਪਦਾਰਥਾਂ ਤੋਂ ਦੂਰੀ ਬਣਾ ਕੇ ਹੀ ਲਿਵਰ ਨੂੰ ਸੁਰੱਖਿਅਤ ਰੱਖਿਆ ਜਾ ਸਕਦਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
50 ਲੱਖ ਤੋਂ ਮਹਿੰਗੀ ਜਾਇਦਾਦ 'ਤੇ ਵੀ ਨਹੀਂ ਲੱਗੇਗਾ TDS! ITAT ਦਾ ਇਤਿਹਾਸਕ ਫੈਸਲਾ
NEXT STORY 
