ਨਵੀਂ ਦਿੱਲੀ — ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵਲੋਂ ਇਕ ਵਾਰ ਇਸਤੇਮਾਲ ਹੋਣ ਵਾਲੇ ਪਲਾਸਟਿਕ ਦੀ ਵਰਤੋਂ ਬੰਦ ਕਰਨ ਦੇ ਐਲਾਨ ਪਿਛੋਂ ਸਰਕਾਰੀ ਏਅਰਲਾਈਨ ਕੰਪਨੀ ਏਅਰ ਇੰਡੀਆ ਨੇ ਉਸਦੀ ਅਤੇ ਉਸਦੀਆਂ ਇਕਾਈਆਂ ਏਅਰ ਇੰਡੀਆ ਐਕਸਪ੍ਰੈੱਸ ਅਤੇ ਅਲਾਇੰਸ ਏਅਰ ਦੀਆਂ ਉਡਾਣਾਂ ’ਚ ਇਸ ਦਾ ਇਸਤੇਮਾਲ ਬੰਦ ਕਰਨ ਦਾ ਫੈਸਲਾ ਕੀਤਾ ਹੈ।
ਏਅਰ ਇੰਡੀਆ ਦੇ ਚੇਅਰਮੈਨ ਅਤੇ ਪ੍ਰਬੰਧ ਨਿਰਦੇਸ਼ਕ ਅਸ਼ਵਨੀ ਲੋਹਾਨੀ ਨੇ ਵੀਰਵਾਰ ਨੂੰ ਇੱਕ ਵਰਕਸ਼ਾਪ ਵਿੱਚ ਕਿਹਾ ਕਿ 2 ਅਕਤੂਬਰ ਤੱਕ ਏਅਰ ਇੰਡੀਆ ਐਕਸਪ੍ਰੈਸ ਅਤੇ ਅਲਾਇੰਸ ਏਅਰ ਦੀਆਂ ਉਡਾਣਾਂ ਵਿੱਚ ਸਿੰਗਲ-ਯੂਜ਼ ਪਲਾਸਟਿਕ ਦੀ ਵਰਤੋਂ ਪੂਰੀ ਤਰ੍ਹਾਂ ਬੰਦ ਕਰ ਦਿੱਤੀ ਜਾਵੇਗੀ, ਜਦੋਂਕਿ ਏਅਰ ਇੰਡੀਆ ਵਿੱਚ ਇਸ ਨੂੰ ਜਿੰਨਾ ਸੰਭਵ ਹੋ ਸਕੇ ਘਟਾਇਆ ਜਾਵੇਗਾ। ਸ੍ਰੀ ਲੋਹਾਨੀ ਨੇ ਕਿਹਾ, “ਏਅਰ ਇੰਡੀਆ ਵਿਚ ਇਸ ਨੂੰ 2 ਅਕਤੂਬਰ ਤੱਕ ਪੂਰੀ ਤਰ੍ਹਾਂ ਬੰਦ ਕਰਨਾ ਸੰਭਵ ਨਹੀਂ ਹੋ ਸਕਦਾ ਪਰ ਏਅਰ ਇੰਡੀਆ ਵਿਚ 2 ਅਕਤੂਬਰ ਤੱਕ ਇਸ ਵਿਚ ਕਾਫ਼ੀ ਕਮੀ ਆਵੇਗੀ ਅਤੇ ਹੌਲੀ ਹੌਲੀ ਇਸ ਨੂੰ ਪੂਰੀ ਤਰ੍ਹਾਂ ਖਤਮ ਕਰ ਦਿੱਤਾ ਜਾਵੇਗਾ। ਏਅਰ ਇੰਡੀਆ ਦੇ ਬੁਲਾਰੇ ਨੇ ਦੱਸਿਆ ਕਿ ਏਅਰ ਇੰਡੀਆ ਐਕਸਪ੍ਰੈਸ ਦੇ ਦੋ ਰੂਟਾਂ ਨੂੰ ਛੱਡ ਕੇ, ਹੋਰ ਸਾਰੇ ਰੂਟਾਂ 'ਤੇ 200 ਮਿਲੀਲੀਟਰ ਪੈਕ ਕੀਤੇ ਪਾਣੀ ਦੀ ਬਜਾਏ ਡੇਢ ਲਿਟਰ ਪਾਣੀ ਦੀ ਬੋਤਲ ਦਿੱਤੀ ਜਾਵੇਗੀ ਅਤੇ ਇਸ ਦੇ ਨਾਲ ਹੀ ਪਲਾਸਟਿਕ ਦੇ ਚਾਹ ਵਾਲੇ ਕੱਪ ਦੀ ਥਾਂ ਮੋਟੇ ਕਾਗਜ਼ ਦੇ ਕੱਪ ਦਾ ਇਸਤੇਮਾਲ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ਕੇਲੇ ਦੇ ਚਿੱਪਸ, ਸੈਂਡਵਿੱਚ ਹੁਣ ਬਟਰ ਪੇਪਰ ਪਾਊਚ ’ਚ ਪੈਕ ਕੀਤੇ ਜਾਣਗੇ। ਨਾਸ਼ਤੇ ਦੇ ਪੈਕੇਟ ’ਚ ਹੁਣ ਕੇਕ ਦੀ ਥਾਂ ਮਫਿੱਨ ਮਿਲਣਗੇ ਤਾਂ ਜੋ ਪੈਕਿੰਗ ਲਈ ਪਲਾਸਟਿਕ ਦਾ ਇਸਤੇਮਾਲ ਨਾ ਕੀਤਾ ਜਾ ਸਕੇ। ਯਾਤਰੀਆਂ ਵਲੋਂ ਆਰਡਰ ਕੀਤੇ ਗਏ ਭੋਜਨ ’ਚ ਪਲਾਸਟਿਕ ਦੀ ਕਟਲਰੀ ਦੀ ਥਾਂ ਭੋਜ ਦੀ ਲੱਕੜ ਦੀ ਅਤੇ ਚਾਲਕ ਦਲ ਦੇ ਮੈਂਬਰਾਂ ਨੂੰ ਭੋਜਨ ਦੇ ਨਾਲ ਸਟੀਲ ਕਟਲਰੀ ਦਿੱਤੀ ਜਾਵੇਗੀ। ਯਾਤਰੀਆਂ ਦੁਆਰਾ ਆਰਡਰ ਕੀਤੇ ਗਏ ਭੋਜਨ ’ਚ ਪਲਾਸਟਿਕ ਦੀ ਕਟਲਰੀ ਭੋਜ ਲੱਕੜ ਦੀ ਬਣੀ ਹੋਵੇਗੀ ਅਤੇ ਚਾਲਕ ਦਲ ਦੇ ਮੈਂਬਰਾਂ ਨੂੰ ਖਾਣੇ ਦੇ ਨਾਲ ਸਟੀਲ ਦੀ ਕਟਲਰੀ ਦਿੱਤੀ ਜਾਵੇਗੀ।
ਚਿਦਾਂਬਰਮ ਦੀ ਗਿ੍ਰਫਤਾਰੀ ’ਤੇ ਇੰਦਰਾਣੀ ਮੁਖਰਜੀ ਨੇ ਦਿੱਤਾ ਇਹ ਬਿਆਨ
NEXT STORY 
