ਨਵੀਂ ਦਿੱਲੀ— 2019 ਦੀਆਂ ਲੋਕ ਸਭਾ ਚੋਣਾਂ ਦੇ ਮੱਦੇਨਜ਼ਰ ਬਿਹਾਰ ਦੀ ਨਿਤਿਸ਼ ਸਰਕਾਰ ਸ਼ਰਾਬਬੰਦੀ ਸੰਬੰਧੀ ਕਾਨੂੰਨ 'ਚ ਵਾਰ-ਵਾਰ ਫੇਰ ਬਦਲ ਕਰ ਰਹੀ ਹੈ। ਬਿਹਾਰ ਵਿਧਾਸ ਸਭਾ 'ਚ ਸੋਮਵਾਰ ਨੂੰ ਨਵਾਂ ਸ਼ਰਾਬਬੰਦੀ ਪਾਸ ਹੋ ਗਿਆ। ਨਵੇਂ ਕਾਨੂੰਨ 'ਚ ਸ਼ਰਾਬਬੰਦੀ ਦੇ ਕਈ ਪ੍ਰਬੰਧਾਂ ਨੂੰ ਨਰਮ ਬਣਾਇਆ ਗਿਆ ਹੈ। ਇਸ ਕਾਨੂੰਨ ਨੂੰ ਪੇਸ਼ ਕਰਦੇ ਹੋਏ ਮੁੱਖ ਮੰਤਰੀ ਨਿਤਿਸ਼ ਕੁਮਾਰ ਨੇ ਕਿਹਾ ਕਿ ਸ਼ਰਾਬਬੰਦੀ ਗਰੀਬ ਆਦਮੀ ਲਈ ਲਿਆਂਦਾ ਗਿਆ ਸੀ।
ਜਾਣਕਾਰੀ ਮੁਤਾਬਕ ਗਰੀਬ ਲੋਕ ਆਪਣੀ ਆਮਦਨ ਦਾ ਵੱਡਾ ਹਿੱਸਾ ਸ਼ਰਾਬ ਖਰੀਦਣ 'ਤੇ ਖਰਚ ਕਰ ਰਹੇ ਸਨ। ਘਰੇਲੂ ਹਿੱਸਾ ਵਧ ਗਈ ਸੀ। ਸੁਸ਼ਾਸਨ ਬਾਬੂ ਨੇ ਕਿਹਾ ਕਿ ਉਨ੍ਹਾਂ ਨੇ ਸ਼ਰਾਬਬੰਦੀ ਕਾਨੂੰਨ ਗਰੀਬਾਂ ਦੀ ਬਿਹਤਰੀਨ ਲਈ ਲਾਗੂ ਕੀਤਾ ਸੀ। ਰਿਪੋਰਟ ਮੁਤਾਬਕ ਨਿਤਿਸ਼ ਸਰਕਾਰ ਨੇ ਪਿਛਲੇ ਦਿਨੀਂ ਬਿਹਾਰ 'ਚ ਸ਼ਰਾਬਬੰਦੀ ਨੂੰ ਲੈ ਕੇ ਕਾਨੂੰਨ 'ਚ ਕਈ ਅਹਿਮ ਬਦਲਾਅ ਨੂੰ ਕੈਬਨਿਟ ਮਨਜ਼ੂਰੀ ਦਿੱਤੀ ਸੀ। ਇਨ੍ਹਾਂ ਬਦਲਾਅ ਤੋਂ ਬਾਅਦ ਇਕ ਸਮੇਂ 'ਚ ਕਾਫੀ ਸਖਤ ਦਿਖਦੇ ਇਸ ਕਾਨੂੰਨ ਦੀ ਧਾਰ ਹੁਣ ਪਹਿਲਾਂ ਵਰਗੀ ਨਹੀਂ ਰਹਿ ਗਈ ਹੈ। ਕਦੀ ਸ਼ਰਾਬ ਨੂੰ ਲੈ ਕੇ ਕਾਫੀ ਸਖਤੀ ਦਿਖਾਉਣ ਵਾਲੇ ਨਿਤਿਸ਼ ਦੀ ਇਸ ਨਵੀਂ ਨਰਮੀ ਦੇ ਸਿਆਸੀ ਪ੍ਰਭਾਵ ਵੀ ਕੱਢੇ ਜਾ ਰਹੇ ਹਨ।
ਦੱਸਣਯੋਗ ਹੈ ਕਿ ਸ਼ਰਾਬਬੰਦੀ ਨੂੰ ਲੈ ਕੇ ਸੁਸ਼ਾਸਨ ਬਾਬੂ ਦਾ ਨਰਮ ਪੈਣਾ ਵਿਰੋਧੀ ਦਲਾਂ ਨੂੰ ਹਮਲਾਵਰ ਹੋਣ ਦਾ ਵੀ ਇਕ ਜ਼ਰੀਆ ਬਣਦਾ ਜਾ ਰਿਹਾ ਹੈ। ਇਨ੍ਹਾਂ ਦੋਸ਼ਾਂ 'ਤੇ ਵੀ ਮੁਹਰ ਲੱਗਦੀ ਦਿਸ ਰਹੀ ਹੈ ਕਿ ਕਾਨੂੰਨ ਦੀ ਦੁਰਵਰਤੋਂ ਹੋ ਰਹੀ ਸੀ। ਅਸਲ 'ਚ ਵਿਰੋਧੀ ਦਲਾਂ ਦੇ ਨੇਤਾਵਾਂ ਦਾ ਦੋਸ਼ ਸੀ ਕਿ ਸ਼ਰਾਬਬੰਦੀ ਦੀ ਆੜ 'ਚ ਦਲਿਤਾਂ ਅਤੇ ਪਛੜਿਆਂ ਨੂੰ ਗ੍ਰਿਫਤਾਰ ਕਰਕੇ ਉਨ੍ਹਾਂ 'ਤੇ ਦਬਾਅ ਪਾਇਆ ਜਾ ਰਿਹਾ ਹੈ। ਬਿਹਾਰ 'ਚ ਸ਼ਰਾਬਬੰਦੀ ਕਾਨੂੰਨ ਲਾਗੂ ਹੋਣ ਤੋਂ ਬਾਅਦ ਹੁਣ ਤੱਕ 1.5 ਲੱਖ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਜਾ ਚੁੱਕਾ ਹੈ। ਨਿਤਿਸ਼ ਕੁਮਾਰ ਨੇ ਆਬਕਾਰੀ ਐਕਟ ਦੀ ਦੁਰਵਰਤੋਂ ਦੀਆਂ ਸ਼ਿਕਾਇਤਾਂ ਨੂੰ ਧਿਆਨ 'ਚ ਰੱਖਦੇ ਹੋਏ ਕਾਨੂੰਨ 'ਚ ਬਦਲਾਅ ਦਾ ਵਿਚਾਰ ਦਿੱਤਾ ਸੀ।
ਜੰਤਰ-ਮੰਤਰ 'ਤੇ ਧਰਨਾ ਦੇਣ 'ਤੇ ਰੋਕ ਨਹੀਂ ਲਗਾਈ ਜਾ ਸਕਦੀ: ਸੁਪਰੀਮ ਕੋਰਟ
NEXT STORY 
