ਜਲੰਧਰ- ਹਿੰਦੂ ਧਰਮ ਵਿੱਚ ਬਸੰਤ ਪੰਚਮੀ ਦਾ ਵਿਸ਼ੇਸ਼ ਮਹੱਤਵ ਹੈ। ਗਿਆਨ ਦੀ ਦੇਵੀ ਮਾਂ ਸਰਸਵਤੀ ਦੀ ਬਸੰਤ ਪੰਚਮੀ ਦੇ ਦਿਨ ਪੂਜਾ ਕੀਤੀ ਜਾਂਦੀ ਹੈ। ਸ਼ਾਸਤਰਾਂ ਵਿੱਚ, ਬਸੰਤ ਪੰਚਮੀ ਨੂੰ ਰਿਸ਼ੀ ਪੰਚਮੀ ਦੇ ਨਾਮ ਨਾਲ ਤੋਂ ਵੀ ਜਾਣਿਆ ਜਾਂਦਾ ਹੈ। ਮਾਂ ਸਰਸਵਤੀ ਨੂੰ ਗਿਆਨ ਦੀ ਦੇਵੀ ਮੰਨਿਆ ਜਾਂਦਾ ਹੈ। ਹਿੰਦੂ ਕੈਲੰਡਰ ਦੇ ਅਨੁਸਾਰ, ਬਸੰਤ ਪੰਚਮੀ ਦਾ ਤਿਉਹਾਰ ਹਰ ਸਾਲ ਮਾਘ ਮਹੀਨੇ ਦੇ ਸ਼ੁਕਲ ਪੱਖ ਦੀ ਪੰਚਮੀ ਤਿਥੀ ਨੂੰ ਮਨਾਇਆ ਜਾਂਦਾ ਹੈ। ਇਸ ਸਾਲ ਇਹ ਤਰੀਕ 2 ਫਰਵਰੀ 2025 ਨੂੰ ਸਵੇਰੇ 9:14 ਵਜੇ ਸ਼ੁਰੂ ਹੋਵੇਗੀ। ਇਹ 3 ਫਰਵਰੀ ਨੂੰ ਸਵੇਰੇ 6:52 ਵਜੇ ਸਮਾਪਤ ਹੋਵੇਗਾ।ਬਸੰਤ ਪੰਚਮੀ ਦਾ ਤਿਉਹਾਰ 2 ਫਰਵਰੀ 2025 ਯਾਨੀ ਅੱਜ ਨੂੰ ਮਨਾਇਆ ਜਾਵੇਗਾ। ਮੰਨਿਆ ਜਾਂਦਾ ਹੈ ਕਿ ਮਾਘ ਮਹੀਨੇ ਦੇ ਸ਼ੁਕਲ ਪੱਖ ਦੀ ਪੰਜਵੀਂ ਤਰੀਕ ਨੂੰ, ਦੇਵੀ ਸਰਸਵਤੀ ਭਗਵਾਨ ਬ੍ਰਹਮਾ ਦੇ ਮੂੰਹੋਂ ਪ੍ਰਗਟ ਹੋਈ ਸੀ ਅਤੇ ਇਸੇ ਲਈ ਇਸ ਦਿਨ ਨੂੰ ਬਸੰਤ ਪੰਚਮੀ ਦੇ ਤਿਉਹਾਰ ਵਜੋਂ ਮਨਾਇਆ ਜਾਂਦਾ ਹੈ।
ਇਹ ਵੀ ਪੜ੍ਹੋ-ਸਾਰਾ ਅਲੀ ਖ਼ਾਨ ਨੂੰ ਦੇਖਣ ਲਈ ਲੋਕਾਂ 'ਚ ਮਚੀ ਭਾਜੜ ਕਈ ਲੋਕ ਜ਼ਖਮੀ
ਇਹ ਤਿਉਹਾਰ ਭਾਰਤ ਦੇ ਨਾਲ-ਨਾਲ ਉੱਤਰ-ਪੱਛਮੀ ਬੰਗਲਾਦੇਸ਼ ਅਤੇ ਨੇਪਾਲ ਵਿੱਚ ਵੀ ਬਹੁਤ ਉਤਸ਼ਾਹ ਨਾਲ ਮਨਾਇਆ ਜਾਂਦਾ ਹੈ। ਇਸ ਤਿਉਹਾਰ ਦੇ ਨਾਲ, ਸਰਦੀਆਂ ਦੀ ਰੁੱਤ ਅਲਵਿਦਾ ਕਹਿ ਜਾਂਦੀ ਹੈ ਅਤੇ ਸਾਲ ਦੀ ਸਭ ਤੋਂ ਵਧੀਆ ਰੁੱਤ, ਭਾਵ ਬਸੰਤ, ਸ਼ੁਰੂ ਹੁੰਦੀ ਹੈ। ਬਸੰਤ ਪੰਚਮੀ 'ਤੇ, ਦੇਵੀ ਸਰਸਵਤੀ ਨੂੰ ਪੀਲੇ ਰੰਗ ਦੀ ਭੇਂਟ ਅਤੇ ਫੁੱਲ ਚੜ੍ਹਾਏ ਜਾਂਦੇ ਹਨ।
ਬਸੰਤ ਪੰਚਮੀ ਵਿਸ਼ੇਸ਼ ਪ੍ਰਸਾਦ
ਬਸੰਤ ਪੰਚਮੀ ਦੇ ਦਿਨ, ਦੇਵੀ ਸਰਸਵਤੀ ਨੂੰ ਪੀਲੇ ਰੰਗ ਦਾ ਪ੍ਰਸਾਦ ਚੜ੍ਹਾ ਸਕਦੇ ਹੋ। ਕਿਉਂਕਿ ਮਾਂ ਨੂੰ ਪੀਲਾ ਰੰਗ ਬਹੁਤ ਪਸੰਦ ਹੈ। ਜੇਕਰ ਤੁਸੀਂ ਵੀ ਦੇਵੀ ਨੂੰ ਮਠਿਆਈਆਂ ਚੜ੍ਹਾਉਣਾ ਚਾਹੁੰਦੇ ਹੋ, ਤਾਂ ਤੁਸੀਂ ਲੱਡੂ ਚੜ੍ਹਾ ਸਕਦੇ ਹੋ।
ਬਸੰਤ ਪੰਚਮੀ 2025 ਦਾ ਸ਼ੁਭ ਸਮਾਂ
ਪੰਚਾਂਗ ਦੇ ਅਨੁਸਾਰ, ਸਾਲ 2025 ਵਿੱਚ, ਬਸੰਤ ਪੰਚਮੀ ਦਾ ਤਿਉਹਾਰ 2 ਫਰਵਰੀ ਨੂੰ ਮਨਾਇਆ ਜਾਵੇਗਾ। ਇਸ ਦਿਨ, ਸਰਸਵਤੀ ਪੂਜਾ ਦਾ ਸ਼ੁਭ ਸਮਾਂ ਸਵੇਰੇ 07:08 ਵਜੇ ਸ਼ੁਰੂ ਹੋਵੇਗਾ ਅਤੇ ਦੁਪਹਿਰ 12:34 ਵਜੇ ਤੱਕ ਜਾਰੀ ਰਹੇਗਾ।
ਇਹ ਵੀ ਪੜ੍ਹੋ-ਕੈਂਸਰ ਪੀੜਤ ਹਿਨਾ ਖ਼ਾਨ 'ਤੇ ਡਾਕਟਰਾਂ ਨੂੰ ਰਿਸ਼ਵਤ ਦੇਣ ਦਾ ਲੱਗਿਆ ਦੋਸ਼
ਬਸੰਤ ਪੰਚਮੀ ਦਾ ਮਹੱਤਵ
ਬਸੰਤ ਪੰਚਮੀ ਦਾ ਸਿੱਖਿਆ ਅਤੇ ਸੰਗੀਤ ਦੇ ਖੇਤਰ ਨਾਲ ਜੁੜੇ ਲੋਕ ਸਾਰਾ ਸਾਲ ਉਡੀਕ ਕਰਦੇ ਹਨ। ਇਸ ਦਿਨ, ਦੇਸ਼ ਭਰ ਦੇ ਅਧਿਆਪਕ ਅਤੇ ਵਿਦਿਆਰਥੀ ਦੇਵੀ ਸਰਸਵਤੀ ਦੀ ਪੂਜਾ ਕਰਦੇ ਹਨ ਅਤੇ ਉਨ੍ਹਾਂ ਨੂੰ ਹੋਰ ਗਿਆਨਵਾਨ ਬਣਾਉਣ ਲਈ ਪ੍ਰਾਰਥਨਾ ਕਰਦੇ ਹਨ। ਬਸੰਤ ਪੰਚਮੀ ਦੇ ਦਿਨ, ਸਿੱਖਿਆ ਅਤੇ ਬੁੱਧੀ ਦੀ ਦੇਵੀ, ਸਰਸਵਤੀ ਦੀ ਪੂਜਾ ਸਹੀ ਰਸਮਾਂ ਨਾਲ ਕੀਤੀ ਜਾਂਦੀ ਹੈ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
19.5 ਲੱਖ ਰਾਸ਼ਨ ਕਾਰਡ ਧਾਰਕ ਪਰਿਵਾਰਾਂ ਨੂੰ ਵੱਡੀ ਰਾਹਤ
NEXT STORY 
