ਬੈਂਗਲੁਰੂ: ਡਿਜੀਟਲ ਯੁੱਗ 'ਚ ਜਿੱਥੇ ਸਹੂਲਤਾਂ ਵਧੀਆਂ ਹਨ, ਉੱਥੇ ਹੀ ਸਾਈਬਰ ਅਪਰਾਧੀਆਂ ਨੇ ਲੋਕਾਂ ਨੂੰ ਲੁੱਟਣ ਦੇ ਨਵੇਂ ਤਰੀਕੇ ਲੱਭ ਲਏ ਹਨ। ਅਜਿਹਾ ਹੀ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਬੈਂਗਲੁਰੂ ਤੋਂ ਸਾਹਮਣੇ ਆਇਆ ਹੈ, ਜਿੱਥੇ ਇੱਕ 42 ਸਾਲਾ ਕਾਰੋਬਾਰੀ ਨੂਰ ਨਾਹਿਦ ਖਾਨ ਨੂੰ ਵਟਸਐਪ 'ਤੇ ਵਿਆਹ ਦਾ ਸੱਦਾ ਪੱਤਰ ਡਾਊਨਲੋਡ ਕਰਨਾ 5 ਲੱਖ ਰੁਪਏ ਤੋਂ ਵੱਧ ਮਹਿੰਗਾ ਪੈ ਗਿਆ।
ਕਿਵੇਂ ਹੋਈ ਠੱਗੀ?
ਪੀੜਤ ਕਾਰੋਬਾਰੀ ਨੂੰ ਵਟਸਐਪ 'ਤੇ ਇਕ ਅਣਜਾਣ ਨੰਬਰ ਤੋਂ ਮੈਸੇਜ ਆਇਆ ਸੀ, ਜਿਸ ਵਿਚ ਲਿਖਿਆ ਸੀ, "ਸਾਨੂੰ ਤੁਹਾਨੂੰ ਆਪਣੇ ਵਿਆਹ 'ਤੇ ਬੁਲਾ ਕੇ ਖੁਸ਼ੀ ਹੋ ਰਹੀ ਹੈ। ਕਿਰਪਾ ਕਰਕੇ ਸਮਾਗਮ ਦੇ ਪੂਰੇ ਵੇਰਵਿਆਂ ਲਈ ਨੱਥੀ ਸੱਦਾ ਪੱਤਰ ਡਾਊਨਲੋਡ ਕਰੋ"। ਮੈਸੇਜ ਦੇ ਹੇਠਾਂ ਇੱਕ APK ਫਾਈਲ ਦਿੱਤੀ ਗਈ ਸੀ। ਜਿਵੇਂ ਹੀ ਖਾਨ ਨੇ ਇਸ ਫਾਈਲ ਨੂੰ ਡਾਊਨਲੋਡ ਕੀਤਾ, ਉਸਨੇ ਅਣਜਾਣੇ ਵਿੱਚ ਆਪਣੇ ਫੋਨ ਦਾ ਪੂਰਾ ਕੰਟਰੋਲ ਧੋਖੇਬਾਜ਼ਾਂ ਨੂੰ ਦੇ ਦਿੱਤਾ।
ਮਿੰਟਾਂ 'ਚ ਸਾਫ਼ ਹੋਇਆ ਬੈਂਕ ਖਾਤਾ
16 ਅਪ੍ਰੈਲ ਨੂੰ ਸਵੇਰੇ 4:45 ਤੋਂ 4:54 ਦੇ ਵਿਚਕਾਰ, ਸਿਰਫ 9 ਮਿੰਟਾਂ ਦੇ ਅੰਦਰ ਕਾਰੋਬਾਰੀ ਦੇ ਬੈਂਕ ਖਾਤੇ ਵਿੱਚੋਂ 5,00,440 ਰੁਪਏ ਕਈ UPI ਲੈਣ-ਦੇਣ ਰਾਹੀਂ ਕੱਢ ਲਏ ਗਏ। ਪੁਲਸ ਜਾਂਚ ਮੁਤਾਬਕ, ਉਸ APK ਫਾਈਲ ਰਾਹੀਂ ਫੋਨ 'ਚ ਇੱਕ ਅਜਿਹੀ ਐਪ ਇੰਸਟਾਲ ਹੋ ਗਈ ਸੀ ਜਿਸ ਨੇ ਗੂਗਲ ਪੇਅ, ਬੈਂਕਿੰਗ ਐਪਸ ਅਤੇ ਕੈਮਰੇ ਤੱਕ ਪਹੁੰਚ ਹਾਸਲ ਕਰ ਲਈ ਸੀ।
ਪੁਲਸ ਕਾਰਵਾਈ
ਬੈਂਗਲੁਰੂ ਪੁਲਸ ਨੇ ਇਸ ਮਾਮਲੇ 'ਚ ਸੂਚਨਾ ਤਕਨਾਲੋਜੀ (IT) ਐਕਟ ਦੀ ਧਾਰਾ 66(C), 66(D) ਅਤੇ ਭਾਰਤੀ ਨਿਆ ਸੰਹਿਤਾ (BNS) ਤਹਿਤ ਕੇਸ ਦਰਜ ਕਰ ਲਿਆ ਹੈ। ਜਾਂਚ ਅਧਿਕਾਰੀਆਂ ਨੂੰ ਸ਼ੱਕ ਹੈ ਕਿ ਇਹ ਇੱਕ ਵੱਡੇ ਸਾਈਬਰ ਫਰਾਡ ਦਾ ਹਿੱਸਾ ਹੈ ਅਤੇ ਅਜਿਹੇ ਮੈਸੇਜ ਕਈ ਹੋਰ ਲੋਕਾਂ ਨੂੰ ਵੀ ਭੇਜੇ ਗਏ ਹੋ ਸਕਦੇ ਹਨ।
ਸਾਈਬਰ ਮਾਹਿਰਾਂ ਦੀ ਸਲਾਹ
ਇਸ ਘਟਨਾ ਤੋਂ ਬਾਅਦ ਡਿਜੀਟਲ ਸਾਖਰਤਾ ਦੀ ਲੋੜ 'ਤੇ ਜ਼ੋਰ ਦਿੱਤਾ ਜਾ ਰਿਹਾ ਹੈ। ਸਾਈਬਰ ਮਾਹਿਰਾਂ ਅਨੁਸਾਰ:
ਵਿਆਹ ਦੇ ਅਸਲੀ ਕਾਰਡ ਆਮ ਤੌਰ 'ਤੇ JPEG (ਫੋਟੋ), PDF ਜਾਂ MP4 (ਵੀਡੀਓ) ਫਾਰਮੈਟ 'ਚ ਹੁੰਦੇ ਹਨ।
ਕਦੇ ਵੀ ਅਣਜਾਣ ਨੰਬਰਾਂ ਤੋਂ ਆਈਆਂ .apk ਫਾਈਲਾਂ ਨੂੰ ਡਾਊਨਲੋਡ ਨਾ ਕਰੋ।
APK ਫਾਈਲਾਂ ਦੀ ਵਰਤੋਂ ਐਂਡਰਾਇਡ ਫੋਨਾਂ 'ਚ ਐਪਸ ਇੰਸਟਾਲ ਕਰਨ ਲਈ ਕੀਤੀ ਜਾਂਦੀ ਹੈ, ਜੋ ਕਿ ਬਹੁਤ ਖ਼ਤਰਨਾਕ ਹੋ ਸਕਦੀਆਂ ਹਨ ਜੇਕਰ ਉਹ ਗੂਗਲ ਪਲੇਅ ਸਟੋਰ ਤੋਂ ਬਾਹਰੋਂ ਹੋਣ,।
ਸਾਵਧਾਨ ਰਹੋ ਤੇ ਆਪਣੇ ਪਰਿਵਾਰ ਨੂੰ ਵੀ ਇਨ੍ਹਾਂ ਖ਼ਤਰਿਆਂ ਬਾਰੇ ਜਾਗਰੂਕ ਕਰੋ ਤਾਂ ਜੋ ਕੋਈ ਹੋਰ ਅਜਿਹੀ ਠੱਗੀ ਦਾ ਸ਼ਿਕਾਰ ਨਾ ਹੋਵੇ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
'ਪਹਿਲਾਂ ਮੈਡੀਕਲ ਰਿਪੋਰਟ ਦਿਓ, ਫਿਰ ਹੋਵੇਗਾ...', ਵਿਆਹ ਦੀਆਂ ਰਸਮਾਂ ਦੌਰਾਨ ਬੇਹੋਸ਼ ਲਾੜਾ, ਵਾਪਸ ਪਰਤੀ ਬਾਰਾਤ
NEXT STORY 
