ਨੈਸ਼ਨਲ ਡੈਸਕ- ਉੱਤਰ ਪ੍ਰਦੇਸ਼ ਦੇ ਹਾਪੁੜ ਜ਼ਿਲ੍ਹੇ ਤੋਂ ਆਈ ਇਕ ਤਸਵੀਰ ਨੇ ਸੋਸ਼ਲ ਮੀਡੀਆ ’ਤੇ ਹੰਗਾਮਾ ਮਚਾ ਦਿੱਤਾ ਹੈ। ਗੜ੍ਹਮੁਕਤੇਸ਼ਵਰ ਦੇ ਪਲਵਾਰਾ ਚੈਕ ਪੋਸਟ ’ਤੇ ਚੈਕਿੰਗ ਦੌਰਾਨ ਪੁਲਸ ਨੇ ਇਕ ਬਾਈਕ ’ਤੇ ਇਕ ਵਿਅਕਤੀ ਅਤੇ 6 ਨਾਬਾਲਗ ਬੱਚਿਆਂ ਨੂੰ ਸਵਾਰ ਦੇਖਿਆ। ਇਸ ਹੈਰਾਨੀਜਨਕ ਦ੍ਰਿਸ਼ ਨੂੰ ਦੇਖ ਕੇ ਪੁਲਸ ਕਰਮਚਾਰੀ ਵੀ ਹੈਰਾਨ ਰਹਿ ਗਏ।
ਇਹ ਵੀ ਪੜ੍ਹੋ : ''ਹਰ ਰੋਜ਼ ਮਿਲ ਰਹੀ ਐ ਸਜ਼ਾ !'', ਅਹਿਮਦਾਬਾਦ ਪਲੇਨ ਕ੍ਰੈਸ਼ 'ਚ ਬਚੇ ਇਕਲੌਤੇ ਵਿਅਕਤੀ ਦਾ ਝਲਕਿਆ ਦਰਦ
ਪੁਲਸ ਨੇ ਕੀਤਾ ਸਖ਼ਤ ਐਕਸ਼ਨ
ਇਹ ਘਟਨਾ ਮੰਗਲਵਾਰ ਸਵੇਰੇ ਦੀ ਹੈ, ਜਦੋਂ ਟਰੈਫ਼ਿਕ ਪੁਲਸ ਹਾਈਵੇ ’ਤੇ ਚੈਕਿੰਗ ਕਰ ਰਹੀ ਸੀ। ਇਸ ਦੌਰਾਨ ਇਕ ਬਾਈਕ ਨੂੰ ਰੋਕਿਆ ਗਿਆ ਜਿਸ ’ਤੇ ਕੁੱਲ 7 ਲੋਕ ਸਵਾਰ ਸਨ — ਇਕ ਬਾਲਗ ਅਤੇ 6 ਬੱਚੇ। ਪੁਲਸ ਨੇ ਤੁਰੰਤ ਕਾਰਵਾਈ ਕਰਦਿਆਂ 7,000 ਰੁਪਏ ਦਾ ਚਲਾਨ ਜਾਰੀ ਕੀਤਾ।
ਪੁਲਸ ਨੇ ਜੋੜੇ ਹੱਥ, ਦਿੱਤੀ ਸਲਾਹ
ਪੁਲਸ ਅਧਿਕਾਰੀਆਂ ਨੇ ਬਾਈਕ ਸਵਾਰ ਨਾਲ ਗੱਲ ਕਰਦਿਆਂ ਦੋਵੇਂ ਹੱਥ ਜੋੜ ਕੇ ਟਰੈਫਿਕ ਨਿਯਮਾਂ ਦੀ ਪਾਲਣਾ ਕਰਨ ਦੀ ਅਪੀਲ ਕੀਤੀ। ਉਨ੍ਹਾਂ ਕਿਹਾ ਕਿ “ਆਪਣੀ ਜਾਨ ਹੀ ਨਹੀਂ, ਬੱਚਿਆਂ ਦੀ ਸੁਰੱਖਿਆ ਵੀ ਤੁਹਾਡੇ ਹੱਥ 'ਚ ਹੈ।”
ਇਹ ਵੀ ਪੜ੍ਹੋ : ਵਿਆਹਾਂ ਦੇ ਸੀਜ਼ਨ 'ਚ 10, 20, 50 ਦੇ ਨਵੇਂ ਨੋਟਾਂ ਦੀ ਲੋੜ ! ਬਿਨਾਂ ਕਿਸੇ ਸਿਫਾਰਿਸ਼ ਤੋਂ ਇੰਝ ਕਰੋ ਹਾਸਲ
ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋਈ ਤਸਵੀਰ
ਇਕ ਬਾਈਕ ’ਤੇ 7 ਲੋਕਾਂ ਦੀ ਇਹ ਤਸਵੀਰ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਲੋਕ ਇਸ ਤਸਵੀਰ ਨੂੰ ਦੇਖ ਕੇ ਟਰੈਫ਼ਿਕ ਨਿਯਮਾਂ ਦੀ ਅਣਦੇਖੀ ’ਤੇ ਨਾਰਾਜ਼ਗੀ ਜ਼ਾਹਿਰ ਕਰ ਰਹੇ ਹਨ। ਪੁਲਸ ਨੇ ਚਲਾਨ ਕਰਕੇ ਸਪੱਸ਼ਟ ਕੀਤਾ ਕਿ ਇਸ ਤਰ੍ਹਾਂ ਦੀ ਲਾਪਰਵਾਹੀ ਮਹਿੰਗੀ ਪੈ ਸਕਦੀ ਹੈ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸੜਕ 'ਤੇ ਥੱਪੜੋ-ਥਪੜੀ ਹੋਈਆਂ ਯੂਟਿਊਬਰ ਭੈਣਾਂ, ਆਟੋ ਡਰਾਈਵਰ ਨੇ ਵੀ ਝੰਬਿਆ, ਵੀਡੀਓ ਵਾਇਰਲ
NEXT STORY 
