ਨੋਇਡਾ- ਉੱਤਰ ਪ੍ਰਦੇਸ਼ ਦੇ ਨੋਇਡਾ ਫੇਸ-2 ਥਾਣਾ ਖੇਤਰ ਦੇ ਅਧੀਨ ਆਉਂਦੇ ਯਾਕੂਬਪੁਰ ਪਿੰਡ ਵਿਚ ਇਕ ਨੌਜਵਾਨ ਨੇ ਇਕ ਪੀ. ਜੀ. ਵਿਚ ਵੜ ਕੇ ਆਪਣੀ 25 ਸਾਲਾ ਪ੍ਰੇਮਿਕਾ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ। ਘਟਨਾ ਦੀ ਸੂਚਨਾ ਮਿਲਣ ’ਤੇ ਪੁਲਸ ਮੌਕੇ ’ਤੇ ਪਹੁੰਚੀ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ।
ਪੁਲਸ ਮੁਤਾਬਕ, ਮ੍ਰਿਤਕਾ ਸੋਨੂੰ, ਅਮਰੋਹਾ ਜ਼ਿਲੇ ਦੇ ਆਦਮਪੁਰ ਪਿੰਡ ਦੀ ਰਹਿਣ ਵਾਲੀ ਸੀ ਅਤੇ ਯਾਕੂਬਪੁਰ ਵਿਚ ਇਕ ਪੀ. ਜੀ. ਵਿਚ ਰਹਿੰਦੀ ਸੀ। ਸੋਨੂੰ ਅਤੇ ਮੁਲਜ਼ਮ ਕ੍ਰਿਸ਼ਨਾ, ਜੋ ਕਿ ਬਿਹਾਰ ਦੇ ਆਰਾ ਦਾ ਰਹਿਣ ਵਾਲਾ ਸੀ, ਪਹਿਲਾਂ ਇਕ ਫੈਕਟਰੀ ਵਿਚ ਇਕੱਠੇ ਕੰਮ ਕਰਦੇ ਸਨ, ਜਿੱਥੇ ਉਨ੍ਹਾਂ ਦੇ ਪ੍ਰੇਮ ਸਬੰਧ ਬਣ ਗਏ ਸਨ। ਸੋਨੂੰ ਇਸ ਸਮੇਂ ਘਰੇਲੂ ਨੌਕਰਾਣੀ ਵਜੋਂ ਕੰਮ ਕਰਦੀ ਸੀ।
ਕੁਝ ਦਿਨਾਂ ਤੋਂ ਕ੍ਰਿਸ਼ਨਾ ਸੋਨੂੰ ’ਤੇ ਵਿਆਹ ਦਾ ਦਬਾਅ ਬਣਾ ਰਿਹਾ ਸੀ ਪਰ ਸੋਨੂੰ ਇਸਦੇ ਲਈ ਤਿਆਰ ਨਹੀਂ ਸੀ ਅਤੇ ਉਸਨੇ ਉਸ ਤੋਂ ਦੂਰੀ ਬਣਾਉਣੀ ਸ਼ੁਰੂ ਕਰ ਦਿੱਤੀ ਸੀ। ਮੁਲਜ਼ਮ ਦੇ ਫੋਨ ਤੱਕ ਅਣਸੁਣੇ ਕੀਤੇ ਜਾਣ ਲੱਗੇ ਸਨ। ਇਸੇ ਗੱਲ ਨੂੰ ਲੈ ਕੇ ਸ਼ੁੱਕਰਵਾਰ ਸ਼ਾਮ ਕ੍ਰਿਸ਼ਨਾ ਪੀ. ਜੀ. ਵਿਚ ਸੋਨੂੰ ਦੇ ਕਮਰੇ ਵਿਚ ਪਹੁੰਿਚਆ, ਜਿਥੇ ਦੋਵਾਂ ਵਿਚਾਲੇ ਲੰਬਾ ਝਗੜਾ ਹੋਇਆ। ਵਿਵਾਦ ਵਧਣ ’ਤੇ ਕ੍ਰਿਸ਼ਨਾ ਨੇ ਗੁੱਸੇ ਵਿਚ ਸੋਨੂੰ ਦੀ ਛਾਤੀ ’ਚ ਗੋਲੀ ਮਾਰ ਦਿੱਤੀ ਤੇ ਮੌਕੇ ਤੋਂ ਫਰਾਰ ਹੋ ਗਿਆ।
ਬਦਲ ਗਿਆ ਦੇਸ਼ ਦਾ ਇਹ ਮੈਪ, ਪੰਜਾਬ ਨੂੰ ਵੱਡਾ ਖ਼ਤਰਾ, ਰਿਸਕ 'ਚ ਜਲੰਧਰ, ਅੰਮ੍ਰਿਤਸਰ ਤੇ ਚੰਡੀਗੜ੍ਹ ਦੇ ਲੋਕ
NEXT STORY 
