ਨਵੀਂ ਦਿੱਲੀ - ਚੀਨ ਦੇ ਵੁਹਾਨ ਤੋਂ ਫੈਲੇ ਕੋਰੋਨਾਵਾਇਰਸ ਨੇ ਦੁਨੀਆ ਦੇ ਲਗਭਗ ਸਾਰੇ ਦੇਸ਼ਾਂ ਨੂੰ ਆਪਣੀ ਲਪੇਟ ਵਿਚ ਲੈ ਲਿਆ ਹੈ। ਵਿਸ਼ਵ ਦੇ ਬਹੁਤ ਸਾਰੇ ਵਿਗਿਆਨੀ ਇਸ ਲਾਗ ਨੂੰ ਰੋਕਣ ਲਈ ਸੰਘਰਸ਼ ਕਰ ਰਹੇ ਹਨ। ਜਿਸ ਤਰ੍ਹਾਂ ਇਹ ਤੇਜ਼ੀ ਨਾਲ ਫੈਲ ਰਿਹਾ ਹੈ, ਉਸੇ ਤਰਾਂ ਸਮੇਂ ਦੇ ਨਾਲ-ਨਾਲ ਇਸ ਦੇ ਨਵੇਂ ਲੱਛਣ ਵੀ ਸਾਹਮਣੇ ਆ ਰਹੇ ਹਨ। ਕੋਰੋਨਾ ਵਿਸ਼ਾਣੂ ਦਾ ਇਲਾਜ ਕਰਨ ਵਾਲੇ ਡਾਕਟਰਾਂ ਦਾ ਕਹਿਣਾ ਹੈ ਕਿ ਅੱਖਾਂ ਦਾ ਲਾਲ ਹੋਣਾ ਅਤੇ ਅੱਖਾਂ ਦੇ ਅੱਥਰੂ ਡਿੱਗਣਾ ਵੀ ਇਸ ਵਾਇਰਸ ਦੀ ਲਾਗ ਦਾ ਲੱਛਣ ਹੋ ਸਕਦਾ ਹੈ। ਜ਼ਿਕਰਯੋਗ ਹੈ ਕਿ 95000 ਨਵੇਂ ਕੇਸ ਸਾਹਮਣੇ ਆਉਣ ਤੋਂ ਬਾਅਦ ਹੁਣ ਕੁਲ ਮਾਮਲੇ 21,81,000 ਤੋਂ ਵੱਧ ਹੋ ਗਏ ਹਨ ਅਤੇ ਕੁੱਲ ਮੌਤ ਦੀ ਗਿਣਤੀ ਹੁਣ 1,45,466 'ਤੇ ਪਹੁੰਚ ਗਈ ਹੈ।
ਅੱਖਾਂ ਦਾ ਲਾਲ ਹੋਣਾ ਵੀ ਕੋਰੋਨਾ ਦਾ ਹੈ ਲੱਛਣ
ਅਮੇਰਿਕਨ ਅਕੈਡਮੀ ਆਫ ਆਪਥਲਮੋਲਾਜੀ ਨੇ ਇਕ ਅਲਰਟ ਜਾਰੀ ਕਰਦਿਆਂ ਕਿਹਾ ਸੀ ਕਿ ਵਾਇਰਸ ਦੇ ਸੰਕਰਮਣ ਕਾਰਨ ਕੰਜੇਕਟਿਵਾਇਟਿਸ ਹੋ ਸਕਦਾ ਹੈ। ਇਸ ਵਿਚ ਅੱਖਾਂ ਵਿਚ ਜਲਣ ਦੇ ਨਾਲ-ਨਾਲ ਅੱਖਾਂ ਲਾਲ ਹੋ ਜਾਂਦੀਆਂ ਹਨ। ਵਾਸ਼ਿੰਗਟਨ ਦੇ ਕਿਰਕਲੈਂਡ ਵਿਚ ਕੋਰੋਨਾ ਦਾ ਇਲਾਜ ਕਰ ਰਹੀ ਚੇਲਸੀ ਅਰਨੇਸਟ ਨਰਸ ਦਾ ਕਹਿਣਾ ਹੈ ਕਿ ਕੋਰੋਨਾ ਨਾਲ ਸੰਕਰਮਿਤ ਲਗਭਗ ਵਿਅਕਤੀਆਂ ਦੀਆਂ ਅੱਖਾਂ ਲਾਲ ਹੋਣ ਦਾ ਲੱਛਣ ਦੇਖਿਆ ਗਿਆ ਹੈ।
ਇਹ ਵੀ ਪੜ੍ਹੋ :ਹਵਾਈ ਯਾਤਰੀਆਂ ਲਈ ਖੁਸ਼ਖਬਰੀ! ਟਿਕਟ ਕੈਂਸਲ ਕਰਵਾਉਣ 'ਤੇ ਮਿਲੇਗਾ ਪੂਰਾ ਪੈਸਾ ਵਾਪਸ
ਇਹ ਲੱਛਣਾਂ ਨਾਲ ਹੁੰਦਾ ਹੈ ਕੋਰੋਨਾ
ਹਾਲਾਂਕਿ, ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ ਐਂਡ ਪ੍ਰਿਵੈਂਸ਼ਨ ਨੇ ਅੱਖਾਂ ਦਾ ਲਾਲ ਹੋਣਾ, ਕੋਰੋਨਾ ਵਾਇਰਸ ਨਾਲ ਸੰਕਰਮਿਤ ਹੋਣ ਦਾ ਸੰਕੇਤ ਨਹੀਂ ਦੱਸਿਆ ਹੈ। ਸੂਚੀ ਵਿਚ ਅਜਿਹੇ ਕਿਸੇ ਲੱਛਣ ਦਾ ਜ਼ਿਕਰ ਨਹੀਂ ਕੀਤਾ ਗਿਆ ਹੈ। ਦਿਸ਼ਾ-ਨਿਰਦੇਸ਼ ਵਿਚ ਕਿਹਾ ਗਿਆ ਹੈ ਕਿ ਬੁਖਾਰ, ਕੱਫ ਅਤੇ ਸਾਹ ਲੈਣ ਸਮੇਂ ਤਕਲੀਫ ਕੋਰੋਨਾ ਵਾਇਰਸ ਦੀ ਲਾਗ ਦੇ ਲੱਛਣ ਹੋ ਸਕਦੇ ਹਨ। ਛਾਤੀ ਵਿਚ ਦਰਦ ਅਤੇ ਨੀਲੇ ਬੁੱਲ੍ਹ ਵੀ ਲਾਗ ਦਾ ਲੱਛਣ ਹੋ ਸਕਦੇ ਹਨ।
38 ਮਰੀਜ਼ਾਂ 'ਤੇ ਕੀਤੀ ਗਈ ਖੋਜ
ਅਮਰੀਕੀ ਮਾਹਰ ਨੇ ਜਾਣਕਾਰੀ ਦਿੱਤੀ ਹੈ ਕਿ ਪਿਛਲੇ ਕੁਝ ਦਿਨਾਂ ਵਿਚ ਚੀਨੀ ਖੋਜਕਰਤਾਵਾਂ ਦੁਆਰਾ ਕੀਤੀ ਗਈ ਤਾਜ਼ਾ ਖੋਜ ਵਿਚ, ਇਹ ਵੀ ਮੰਨਿਆ ਜਾਂਦਾ ਸੀ ਕਿ ਕੋਰੋਨਾ ਅੱਖਾਂ ਦੇ ਹੰਝੂਆਂ ਤੋਂ ਫੈਲ ਰਿਹਾ ਹੈ। ਇਹ ਖੋਜ ਕੋਰੋਨਾ ਵਾਇਰਸ ਦੇ 38 ਮਰੀਜ਼ਾਂ 'ਤੇ ਕੀਤੀ ਗਈ ਹੈ ਅਤੇ ਇਹ ਪਾਇਆ ਗਿਆ ਹੈ ਕਿ ਲਗਭਗ ਇਕ ਦਰਜਨ ਸੰਕਰਮਿਤ ਵਿਅਕਤੀਆਂ ਦੀਆਂ ਅੱਖਾਂ ਲਾਲ ਹੋ ਗਈਆਂ ਹਨ।
ਇਹ ਵੀ ਪੜ੍ਹੋ: SBI ਦੇ ਗਾਹਕਾਂ ਲਈ ਖੁਸ਼ਖਬਰੀ! ATM ਤੋਂ ਪੈਸੇ ਕਢਵਾਉਣ 'ਤੇ ਨਹੀਂ ਲੱਗੇਗਾ ਕੋਈ ਚਾਰਜ
ਵੈਸ਼ਨੋ ਦੇਵੀ ਮਾਰਗ 'ਤੇ ਘੁੰਮ ਰਹੇ ਤੇਂਦੁਏ ਨੂੰ ਪਿੰਜਰੇ 'ਚ ਕੀਤਾ ਗਿਆ ਕੈਦ
NEXT STORY 
