Fact Check by BOOM
ਨਵੀਂ ਦਿੱਲੀ - ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਅਫਗਾਨਿਸਤਾਨ ਚੈਂਪੀਅਨਜ਼ ਟਰਾਫੀ ਫਾਈਨਲ ਵਿੱਚ ਭਾਰਤ ਦੀ ਜਿੱਤ ਦਾ ਜਸ਼ਨ ਮਨਾ ਰਿਹਾ ਹੈ। ਫੈਕਟ ਚੈੱਕ ਦੀ ਜਾਂਚ ਕਰਨ ਤੋਂ ਬਾਅਦ, ਬੂਮ ਨੇ ਪਾਇਆ ਕਿ ਇਹ 26 ਫਰਵਰੀ 2025 ਨੂੰ ਅਫਗਾਨਿਸਤਾਨ ਦੀ ਇੰਗਲੈਂਡ ਵਿਰੁੱਧ ਜਿੱਤ ਤੋਂ ਬਾਅਦ ਜਸ਼ਨ ਦਾ ਵੀਡੀਓ ਹੈ।
ਕਰੀਬ ਇਕ ਮਿੰਟ ਦੇ ਇਸ ਵੀਡੀਓ 'ਚ ਕਈ ਕਲਿੱਪ ਹਨ, ਜਿਸ 'ਚ ਲੋਕ ਸੜਕਾਂ 'ਤੇ ਨੱਚਦੇ ਅਤੇ ਗਾਉਂਦੇ ਨਜ਼ਰ ਆ ਰਹੇ ਹਨ। ਇਸ ਵਿੱਚ ਆਤਿਸ਼ਬਾਜ਼ੀ ਦੇ ਦ੍ਰਿਸ਼ ਵੀ ਹਨ।
ਤੁਹਾਨੂੰ ਦੱਸ ਦੇਈਏ ਕਿ 9 ਮਾਰਚ ਨੂੰ ਭਾਰਤ ਨੇ ਨਿਊਜ਼ੀਲੈਂਡ ਨੂੰ ਚਾਰ ਵਿਕਟਾਂ ਨਾਲ ਹਰਾ ਕੇ ਚੈਂਪੀਅਨਸ ਟਰਾਫੀ 2025 ਦਾ ਖਿਤਾਬ ਜਿੱਤਿਆ ਸੀ। ਯੂਜ਼ਰਸ ਅਫਗਾਨਿਸਤਾਨ ਦੇ ਇਸ ਵੀਡੀਓ ਨੂੰ ਲਿੰਕ ਕਰਕੇ ਸ਼ੇਅਰ ਕਰ ਰਹੇ ਹਨ।
ਫੇਸਬੁੱਕ 'ਤੇ ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਇਕ ਯੂਜ਼ਰ ਨੇ ਲਿਖਿਆ, 'ਅਫਗਾਨਿਸਤਾਨ ਦੀ ਰਾਜਧਾਨੀ ਕਾਬੁਲ 'ਚ ਭਾਰਤ ਦੀ ਜਿੱਤ ਦਾ ਸ਼ਾਨਦਾਰ ਜਸ਼ਨ ਮਨਾਇਆ ਗਿਆ। ਅਫਗਾਨਿਸਤਾਨ ਨੇ ਭਾਰਤ ਦੀ ਜਿੱਤ ਦਾ ਜਸ਼ਨ ਮਨਾਇਆ। ਪਾਕਿਸਤਾਨੀ ਮੀਡੀਆ 'ਤੇ ਸਾਰੀ ਫੁਟੇਜ ਦਿਖਾ ਕੇ ਛਾਤੀ ਪਿੱਟੀ ਜਾ ਰਹੀ ਹੈ ਕਿ ਭਾਰਤ ਨੇ ਕਾਫ਼ਰ ਮੁਲਕ ਹੋਣ ਦੇ ਬਾਵਜੂਦ ਮੁਸਲਮਾਨ ਅਫ਼ਗਾਨਾਂ ਨੂੰ ਆਪਣਾ ਦੋਸਤ ਬਣਾ ਲਿਆ ਹੈ।
ਪੋਸਟ ਦਾ ਆਰਕਾਈਵ ਲਿੰਕ
Cric7 Videos ਨਾਮ ਦੇ ਵੈਰੀਫਾਇਡ YouTube ਚੈਨਲ 'ਤੇ ਵੀ ਇਹ ਵੀਡੀਓ ਅੱਪਲੋਡ ਇਸੇ ਦਾਅਵੇ ਨਾਲ ਕੀਤਾ ਗਿਆ।
ਵੀਡੀਓ ਦਾ ਆਰਕਾਈਵ ਲਿੰਕ
ਫੈਕਟ ਚੈੱਕ: ਵੀਡੀਓ ਦੇ ਨਾਲ ਝੂਠਾ ਦਾਅਵਾ ਵਾਇਰਲ ਹੋ ਰਿਹਾ ਹੈ
ਜਦੋਂ ਅਸੀਂ ਵੀਡੀਓ ਨੂੰ ਧਿਆਨ ਨਾਲ ਦੇਖਿਆ, ਤਾਂ ਅਸੀਂ ਪਾਇਆ ਕਿ ਵੀਡੀਓ ਦਾ ਕ੍ਰੈਡਿਟ Zekria Zeer ਨਾਮ ਦੇ ਇੱਕ ਇੰਸਟਾਗ੍ਰਾਮ ਹੈਂਡਲ ਨੂੰ ਦਿੱਤਾ ਗਿਆ ਸੀ। ਅਸੀਂ ਜਾਂਚ ਕਰਨ ਲਈ ਇਸ ਇੰਸਟਾਗ੍ਰਾਮ ਹੈਂਡਲ 'ਤੇ ਪਹੁੰਚੇ।
ਇੱਥੇ ਸਾਨੂੰ ਦੋ ਅਜਿਹੇ ਵੀਡੀਓ ਮਿਲੇ ਹਨ, ਜਿਨ੍ਹਾਂ 'ਚ ਵਾਇਰਲ ਵੀਡੀਓ ਦੇ ਕਲਿੱਪ ਦੇਖੇ ਜਾ ਸਕਦੇ ਹਨ।
ਇਹ ਵੀਡੀਓਜ਼ 27 ਫਰਵਰੀ ਨੂੰ ਸ਼ੇਅਰ ਕੀਤੀਆਂ ਗਈਆਂ ਸਨ ਜਦੋਂਕਿ ਚੈਂਪੀਅਨਸ ਟਰਾਫੀ ਦਾ ਫਾਈਨਲ ਮੈਚ 9 ਮਾਰਚ ਨੂੰ ਹੋਇਆ ਸੀ, ਜਿਸ ਵਿੱਚ ਭਾਰਤ ਜਿੱਤਿਆ ਸੀ। ਇਸ ਤੋਂ ਸਾਫ਼ ਸੀ ਕਿ ਇਸ ਦਾ ਭਾਰਤ ਦੀ ਜਿੱਤ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਸੀ।
ਇਸ ਦੇ ਕੈਪਸ਼ਨ ਮੁਤਾਬਕ ਇਹ ਅਫਗਾਨਿਸਤਾਨ ਦੇ ਜਲਾਲਾਬਾਦ ਸ਼ਹਿਰ 'ਚ ਇੰਗਲੈਂਡ ਖਿਲਾਫ ਅਫਗਾਨਿਸਤਾਨ ਦੀ ਜਿੱਤ ਤੋਂ ਬਾਅਦ ਜਸ਼ਨ ਦੀ ਵੀਡੀਓ ਹੈ।
ਵੀਡੀਓ ਦੇ ਇੱਕ ਸੀਨ ਵਿੱਚ ਜਿੱਥੇ ਪ੍ਰਸ਼ੰਸਕ ਟੀਵੀ ਦੇਖਦੇ ਹੋਏ ਨਜ਼ਰ ਆ ਰਹੇ ਹਨ, ਉੱਥੇ ਸਕਰੀਨ ਉੱਤੇ ਅਫਗਾਨਿਸਤਾਨ ਅਤੇ ਇੰਗਲੈਂਡ ਦਾ ਸਕੋਰ ਬੋਰਡ ਦੇਖਿਆ ਜਾ ਸਕਦਾ ਹੈ। ਇਸ ਫੈਕਟ ਤੋਂ ਇਹ ਵੀ ਪਤਾ ਲੱਗਦਾ ਹੈ ਕਿ ਇਹ ਅਫਗਾਨਿਸਤਾਨ ਅਤੇ ਇੰਗਲੈਂਡ ਦੇ ਮੈਚ ਦਾ ਦ੍ਰਿਸ਼ ਹੈ।
ਇਹ ਵੀਡੀਓ Zekria Zeer ਦੇ ਫੇਸਬੁੱਕ ਪੇਜ 'ਤੇ ਵੀ ਮੌਜੂਦ ਹੈ। ਉਸ ਦੇ ਸੋਸ਼ਲ ਮੀਡੀਆ ਮੁਤਾਬਕ ਉਹ ਅਫਗਾਨਿਸਤਾਨ ਦੇ ਜਲਾਲਾਬਾਦ ਦਾ ਰਹਿਣ ਵਾਲਾ ਵੀਡੀਓਗ੍ਰਾਫਰ ਅਤੇ ਫੋਟੋਗ੍ਰਾਫਰ ਹੈ।
ਅਸੀਂ ਪੁਸ਼ਟੀ ਲਈ Zekria Zeer ਨਾਲ ਵੀ ਸੰਪਰਕ ਕੀਤਾ। ਬੂਮ ਨਾਲ ਗੱਲਬਾਤ ਕਰਦੇ ਹੋਏ ਉਸਨੇ ਦੱਸਿਆ ਕਿ ਉਹ ਇੱਕ ਕੰਟੈਂਟ ਕ੍ਰਿਏਟਰ ਹੈ ਅਤੇ ਉਸਨੇ ਅਫਗਾਨਿਸਤਾਨ ਦੇ ਜਲਾਲਾਬਾਦ ਵਿੱਚ ਅਫਗਾਨਿਸਤਾਨ ਦੀ ਇੰਗਲੈਂਡ ਖਿਲਾਫ ਜਿੱਤ ਤੋਂ ਬਾਅਦ ਇਹ ਵੀਡੀਓ ਰਿਕਾਰਡ ਕੀਤਾ ਸੀ।
ਉਸਨੇ ਬੂਮ ਨੂੰ ਦੱਸਿਆ, "ਲੋਕਾਂ ਨੇ ਜ਼ਬਰਦਸਤੀ ਗਲਤ ਕੈਪਸ਼ਨ ਦੇ ਨਾਲ ਇਸਨੂੰ ਆਪਣੇ ਅਕਾਉਂਟ ਤੋਂ ਸਾਂਝਾ ਕੀਤਾ ਹੈ। ਇਹ ਅਫਗਾਨਿਸਤਾਨ ਦੀ ਜਿੱਤ ਦਾ ਜਸ਼ਨ ਸੀ।"
ਜ਼ਿਕਰਯੋਗ ਹੈ ਕਿ ਚੈਂਪੀਅਨਸ ਟਰਾਫੀ ਦੇ ਤਹਿਤ ਅਫਗਾਨਿਸਤਾਨ ਨੇ 26 ਫਰਵਰੀ ਨੂੰ ਲਾਹੌਰ ਦੇ ਗੱਦਾਫੀ ਸਟੇਡੀਅਮ 'ਚ ਇੰਗਲੈਂਡ ਨੂੰ 8 ਦੌੜਾਂ ਨਾਲ ਹਰਾਇਆ ਸੀ। ਇਸ ਨਾਲ ਇੰਗਲੈਂਡ ਦੀ ਕ੍ਰਿਕਟ ਟੀਮ ਸੈਮੀਫਾਈਨਲ ਦੀ ਦੌੜ ਤੋਂ ਬਾਹਰ ਹੋ ਗਈ। ਇਹ ਉਸ ਦੇ ਜਸ਼ਨ ਨਾਲ ਸਬੰਧਤ ਇੱਕ ਵੀਡੀਓ ਹੈ।
ਨਿਊਜ਼ ਆਉਟਲੈਟਸ ETV ਭਾਰਤ ਅਤੇ ਟੀਵੀ 9 ਭਾਰਤਵਰਸ਼ ਦੀਆਂ ਸੰਬੰਧਿਤ ਖਬਰਾਂ ਵਿੱਚ ਵੀ ਇਹ ਵਿਜ਼ੂਅਲ ਦੇਖੇ ਜਾ ਸਕਦੇ ਹਨ।
ਸਾਨੂੰ ਕੁਝ ਅਜਿਹੀਆਂ ਰਿਪਰੋਟਾਂ ਵੀ ਮਿਲੀਆਂ, ਜਿਸ ਵਿੱਚ ਦੱਸਿਆ ਗਿਆ ਸੀ ਕਿ ਅਫਗਾਨਿਸਤਾਨ ਵਿੱਚ ਚੈਂਪੀਅਨਜ਼ ਟਰਾਫੀ ਵਿੱਚ ਭਾਰਤ ਦੀ ਜਿੱਤ ਦਾ ਜਸ਼ਨ ਮਨਾਇਆ ਗਿਆ। ਹਾਲਾਂਕਿ ਬੂਮ ਸੁਤੰਤਰ ਤੌਰ 'ਤੇ ਪੁਸ਼ਟੀ ਨਹੀਂ ਕਰ ਸਕਦਾ ਹੈ ਕਿ ਕੀ ਭਾਰਤ ਦੀ ਜਿੱਤ ਤੋਂ ਬਾਅਦ ਅਫਗਾਨਿਸਤਾਨ ਵਿੱਚ ਕੋਈ ਜਸ਼ਨ ਮਨਾਇਆ ਗਿਆ ਸੀ, ਬੂਮ ਇਹ ਪੁਸ਼ਟੀ ਕਰਨ ਦੇ ਯੋਗ ਹੈ ਕਿ ਵਾਇਰਲ ਵੀਡੀਓ ਦਾ ਭਾਰਤ ਦੀ ਜਿੱਤ ਨਾਲ ਕੋਈ ਸਬੰਧ ਨਹੀਂ ਹੈ।
(Disclaimer: ਇਹ ਫੈਕਟ ਚੈੱਕ ਮੂਲ ਤੌਰ 'ਤੇ BOOM ਵੱਲੋਂ ਕੀਤਾ ਗਿਆ ਹੈ, ਜਿਸ ਨੂੰ Shakti Collective ਦੀ ਮਦਦ ਨਾਲ ‘ਜਗ ਬਾਣੀ’ ਨੇ ਪ੍ਰਕਾਸ਼ਿਤ ਕੀਤਾ ਹੈ।)
Fact Check: ਜਨਸੇਨਾ ਪਾਰਟੀ ਦੇ ਪ੍ਰਧਾਨ ਪਵਨ ਕਲਿਆਣ ਦੀ ਪੁਰਾਣੀ ਵੀਡੀਓ ਰਮਜ਼ਾਨ ਨਾਲ ਜੋੜ ਕੇ ਹੋ ਰਹੀ ਵਾਇਰਲ
NEXT STORY 
