ਯਮੁਨਾਨਗਰ (ਏਜੰਸੀ)- ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟੜ ਨੇ ਸੋਮਵਾਰ ਨੂੰ 'ਨਸ਼ਾ ਮੁਕਤ ਹਰਿਆਣਾ' ਦੀ ਪਹਿਲ ਨੂੰ ਉਤਸ਼ਾਹ ਦੇਣ ਲਈ ਹਰਿਆਣਾ ਦੇ ਯਮੁਨਾਨਗਰ 'ਚ ਇਕ ਸਾਈਕਲੋਥੌਨ ਨੂੰ ਹਰੀ ਝੰਡੀ ਦਿਖਾਈ। 'ਡਰੱਗ ਮੁਕਤ ਹਰਿਆਣਾ ਲਈ ਸਾਈਕਲੋਥੌਨ' ਨਾਮੀ ਮੁਹਿੰਮ ਦਾ ਪਹਿਲਾ ਸਾਈਕਲੋਥੌਨ 1 ਸਤੰਬਰ ਨੂੰ ਦੇਖਿਆ ਗਿਆ ਅਤੇ 25 ਸਤੰਬਰ ਯਾਨੀ ਅੱਜ ਨਸ਼ਾ ਵਿਰੋਧੀ ਮੁਹਿੰਮ ਦੀ ਸਮਾਪਤੀ ਹੈ। ਯਮੁਨਾਨਗਰ ਸਾਈਕਲੋਥੌਨ ਦੇ ਦ੍ਰਿਸ਼ਾਂ 'ਚ ਨਸ਼ੀਲੀਆਂ ਦਵਾਈਆਂ ਦੀ ਗਲਤ ਵਰਤੋਂ ਦੇ ਖ਼ਤਰੇ ਬਾਰੇ ਜਾਗਰੂਕਤਾ ਫੈਲਾਣ ਦੇ ਉਪਾਅ ਵਜੋਂ ਵੱਡੀ ਗਿਣਤੀ 'ਚ ਸਾਈਕਲ ਚਾਲਕਾਂ ਨੇ ਇਸ ਪ੍ਰੋਗਰਾਮ 'ਚ ਹਿੱਸਾ ਲਿਆ। ਨਸ਼ਾ ਮੁਕਤ ਹਰਿਆਣਾ ਦੇ ਸੰਦੇਸ਼ ਨਾਲ ਸਾਈਕਲੋਥੌਨ ਨੇ 25 ਦਿਨਾਂ ਦੀ ਮਿਆਦ 'ਚ ਰਾਜ ਦੇ ਸਾਰੇ 22 ਜ਼ਿਲ੍ਹਿਆਂ ਦਾ ਦੌਰਾ ਕੀਤਾ।
ਖੱਟੜ ਨੇ ਪਹਿਲੇ ਐਲਾਨ ਕੀਤਾ ਸੀ ਕਿ ਕਰਨਾਲ 'ਚ ਹਰ ਮੰਗਲਵਾਰ ਨੂੰ 'ਕਾਰ ਮੁਕਤ ਦਿਨ' ਹੋਵੇਗਾ, ਜਿੱਥੇ ਸਰਕਾਰੀ ਅਧਿਕਾਰੀ ਸਿਰਫ਼ ਸਾਈਕਲ 'ਤੇ ਯਾਤਰਾ ਕਰਨਗੇ। ਹਰਿਆਣਾ ਦੇ ਮੁੱਖ ਮੰਤਰੀ ਨੇ ਕਿਹਾ ਸੀ ਕਿ ਨੌਜਵਾਨਾਂ ਨੂੰ ਸਕਾਰਾਤਮਕ ਦਿਸ਼ਾ 'ਚ ਅੱਗੇ ਲਿਜਾਉਣਾ ਹੋਵੇਗਾ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਗੈਰ ਸਰਕਾਰੀ ਸੰਗਠਨਾਂ ਅਤੇ ਹੋਰ ਸੰਗਠਨਾਂ ਦੇ ਸਹਿਯੋਗ ਨਾਲ ਰਾਜ 'ਚ ਨਸ਼ਾ ਮੁਕਤ ਸਮਾਜ ਲਈ ਕੰਮ ਕਰ ਰਹੀ ਹੈ।
ਜਗ ਬਾਣੀ ਈ-ਪੇਪਰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇਸ ਲਿੰਕ 'ਤੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਪਿਓ ਨੇ ਹੱਥੀਂ ਉਜਾੜਿਆ ਆਪਣਾ ਹੱਸਦਾ-ਵੱਸਦਾ ਘਰ, ਬੇਰਹਿਮੀ ਨਾਲ ਕਤਲ ਕੀਤੀ 6 ਸਾਲਾ ਧੀ
NEXT STORY 
