ਨੈਸ਼ਨਲ ਡੈਸਕ: ਕੋਰੋਨਾ ਵਾਇਰਸ ਤੋਂ ਬਚਾਅ ਦੇ ਲਈ ਘਰ ਤੋਂ ਨਿਕਲਦੇ ਸਮੇਂ ਮਾਸਕ ਪਾਉਣਾ ਬੇਹੱਦ ਜ਼ਰੂਰੀ ਹੈ। ਕਈ ਲੋਕ ਬਜ਼ਾਰਾਂ ਤੋਂ ਮਹਿੰਗੇ ਮਾਸਕ ਖਰੀਦ ਰਹੇ ਹਨ। ਇਸ ਸਮੇਂ 'ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਘਰ 'ਚ ਬਣੇ ਮਾਸਕ ਦਾ ਇਸਤੇਮਾਲ ਕਰੋ ਅਤੇ ਅੱਗੇ ਪੰਜ ਲੋਕਾਂ ਨੂੰ ਵੀ ਬਣਾ ਕੇ ਦਿਓ। ਪੀ.ਐੱਮ. ਮੋਦੀ ਦੀ ਅਪੀਲ 'ਤੇ ਇਕ 10 ਸਾਲ ਦੇ ਮੁੰਡੇ ਨੇ ਵੀ ਖੁਦ ਘਰ 'ਚ ਬੈਠ ਕੇ ਮਾਸਕ ਬਣਾਏ। ਉਸ ਨੇ ਸਿਲਾਈ ਮਸ਼ੀਨ ਦੇ ਜ਼ਰੀਏ ਇਹ ਮਾਸਕ ਤਿਆਰ ਕੀਤਾ ਹੈ। ਬੱਚੇ ਦੇ ਕਿਸੇ ਜਾਣਕਾਰ ਨੇ ਮਾਸਕ ਬਣਾਉਂਦੇ ਹੋਏ ਉਸ ਦੀ ਤਸਵੀਰ ਨੂੰ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤਾ, ਜਿਸ 'ਤੇ ਪੀ.ਐੱਮ. ਮੋਦੀ ਦਾ ਵੀ ਰਿਐਕਸ਼ਨ ਆਇਆ। ਪੀ.ਐੱਮ. ਮੋਦੀ ਨੇ ਬੱਚੇ ਦੀ ਕੋਸ਼ਿਸ਼ ਦੀ ਤਾਰੀਫ ਕਰਦੇ ਹੋਏ ਕਿਹਾ ਕਿ ਕੋਰੋਨਾ ਦੇ ਖਿਲਾਫ ਇਸ ਜੰਗ 'ਚ ਤੁਹਾਡੀ ਭੂਮਿਕਾ ਨੂੰ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ।
ਹੇਮੰਤ ਗੁਪਤਾ ਨਾਂ ਦੇ ਇਕ ਸ਼ਖਸ ਨੇ ਟਵਿੱਟਰ 'ਤੇ ਆਪਣੇ ਭਤੀਜੇ ਦੀਆਂ ਕੁਝ ਫੋਟੋਆਂ ਸ਼ੇਅਰ ਕੀਤੀਆਂ ਅਤੇ ਲਿਖਿਆ ਕਿ ਮੋਦੀ ਜੀ ਨੇ ਘਰ 'ਚ ਬਣੇ ਮਾਸਕ ਪਾਉਣ ਦਾ ਸੁਝਾਅ ਦਿੱਤਾ ਸੀ। ਮੇਰਾ 10 ਸਾਲ ਦਾ ਭਤੀਜਾ ਵੀ ਇਸ ਤੋਂ ਕਾਫੀ ਪ੍ਰਭਾਵਿਤ ਹੋਇਆ ਅਤੇ ਉਸ ਨੇ ਘਰ 'ਚ ਸਿਲਾਈ ਮਸ਼ੀਨ 'ਤੇ ਖੁਦ ਆਪਣੇ ਲਈ ਮਾਸਕ ਬਣਾਇਆ। ਜਾਣਕਾਰੀ ਮੁਤਾਬਕ ਪ੍ਰਧਾਨ ਮੰਤਰੀ ਮੋਦੀ ਨੇ ਮੰਗਲਵਾਰ ਨੂੰ ਟਵਿੱਟਰ 'ਤੇ ਆਪਣੇ ਪ੍ਰੋਫਾਈਲ ਫੋਟੋ ਵੀ ਬਦਲ ਦਿੱਤੀ ਹੈ। ਉਨ੍ਹਾਂ ਨੇ ਆਪਣੇ ਟਵਿੱਟਰ 'ਤੇ ਗਮਛੇ ਨਾਲ ਮੂੰਹ ਢੱਕੀ ਹੋਈ ਫੋਟੋ ਲਗਾਈ ਹੈ ਜੋ ਦੇਸ਼ ਵਾਸੀਆਂ ਦੇ ਲਈ ਇਕ ਸੰਦੇਸ਼ ਹੈ ਕਿ ਆਪਣਾ ਮੂੰਹ ਢੱਕ ਕੇ ਘਰੋਂ ਬਾਹਰ ਨਿਕਲੋ।
ਲਾਕਡਾਊਨ ਦੌਰਾਨ ਪੈਦਾ ਹੋਈ ਸਰੋਗੇਟ ਬੱਚੀ, ਏਅਰ ਐਂਬੂਲੈਂਸ ਰਾਹੀਂ ਪਹੁੰਚੀ ਮਾਪਿਆਂ ਕੋਲ
NEXT STORY 
