ਨਵੀਂ ਦਿੱਲੀ, (ਬਿਊਰੋ)— ਦਿੱਲੀ ਦੀ ਰੋਹਿਣੀ ਕੋਰਟ ਨੇ ਰੂਸੀ ਟੈਨਿਸ ਖਿਡਾਰਨ ਮਾਰੀਆ ਸ਼ਾਰਾਪੋਵਾ ਸਮੇਤ ਇੱਕ ਬਿਲਡਰ ਕੰਪਨੀ ਦੇ ਖਿਲਾਫ ਪੁਲਸ ਨੂੰ ਮਾਮਲਾ ਦਰਜ ਕਰਨ ਦਾ ਹੁਕਮ ਦਿੱਤਾ ਹੈ । ਮਾਮਲੇ ਵਿਚ ਸ਼ਿਕਾਇਤਕਰਤਾ ਦੇ ਵਕੀਲ ਪੀਊਸ਼ ਕਸਾਨਾ ਨੇ ਦੱਸਿਆ ਕਿ ਹੋਮਸਟਿਡ ਕੰਪਨੀ ਨੇ ਇੱਕ ਪ੍ਰੋਜੈਕਟ ਵਿੱਚ ਟੈਨਿਸ ਅਕੈਡਮੀ ਖੋਲ੍ਹਣ ਦੀ ਗੱਲ ਕਹੀ ਸੀ । ਇਸਦੇ ਲਈ ਗਾਹਕਾਂ ਤੋਂ ਲੱਖਾਂ ਰੁਪਏ ਵਸੂਲੇ ਗਏ, ਪਰ ਹੁਣ ਤੱਕ ਪ੍ਰੋਜੈਕਟ ਲਈ ਜ਼ਮੀਨ ਤੱਕ ਵੀ ਨਹੀਂ ਲਈ ਗਈ । ਇਲਜ਼ਾਮ ਹੈ ਕਿ ਇਸ ਪ੍ਰੋਜੈਕਟ ਵਿੱਚ ਮਾਰੀਆ ਸ਼ਾਰਾਪੋਵਾ ਦਾ ਵੀ ਨਾਮ ਜੁੜਿਆ ਹੈ । ਅਜਿਹੇ ਵਿੱਚ ਇਸ ਧੋਖਾਧੜੀ ਵਿੱਚ ਉਨ੍ਹਾਂ ਦੀ ਵੀ ਸ਼ਮੂਲੀਅਤ ਦਾ ਵੀ ਇਲਜ਼ਾਮ ਹੈ ।
ਕੋਰਟ ਨੇ ਭਾਵਨਾ ਬਨਾਮ ਅੰਤਰਰਾਸ਼ਟਰੀ ਟੈਨਿਸ ਖਿਡਾਰਨ ਅਤੇ ਬਿਲਡਰ ਹੋਮਸਟਿਡ ਇਨਫਰਾਸਟਰਕਚਰ ਡੇਵਲਪਮੈਂਟ ਪ੍ਰਾਈਵੇਟ ਲਿਮਿਟੇਡ ਸਮੇਤ 7 ਦੋਸ਼ੀਆਂ ਦੇ ਖਿਲਾਫ ਚੱਲ ਰਹੇ ਕੇਸ ਵਿੱਚ ਮਾਰੀਆ ਸ਼ਾਰਾਪੋਵਾ ਅਤੇ ਹੋਮਸਟਿਡ ਕੰਪਨੀ ਦੇ ਬਿਲਡਰ 'ਤੇ ਐੱਫ.ਆਈ.ਆਰ. ਦਰਜ ਕਰਨ ਦੇ ਹੁਕਮ ਦਿੱਤੇ । ਗੁਰੂਗਰਾਮ ਦੇ ਸੈਕਟਰ - 73 ਵਿੱਚ ਐੱਸ ਬਾਏ ਸ਼ਾਰਾਪੋਵਾ ਨਾਂ ਦੇ ਰਿਹਾਇਸ਼ੀ ਪ੍ਰੋਜੈਕਟ ਦੇ ਤਹਿਤ ਅਗਸਤ 2013 ਵਿੱਚ ਭਾਵਨਾ ਨੇ ਅਪਾਰਟਮੈਂਟ ਲਈ 53 ਲੱਖ ਰੁਪਏ ਦਿੱਤੇ ਸਨ, ਜਿਸ ਵਿੱਚ ਪ੍ਰੋਜੈਕਟ ਨੂੰ ਸ਼ਾਰਾਪੋਵਾ ਦੀ ਟੈਨਿਸ ਅਕੈਡਮੀ ਦੇ ਨਾਲ ਦੇਣ ਦਾ ਵਾਅਦਾ ਕੀਤਾ ਗਿਆ ਸੀ । ਸ਼ਾਰਾਪੋਵਾ ਨੇ ਭਾਰਤ ਵਿੱਚ ਇਸ ਪ੍ਰੋਜੈਕਟ ਦਾ ਸਮਰਥਨ ਕੀਤਾ ਸੀ ਪਰ ਪ੍ਰੋਜੈਕਟ ਵਿੱਚ ਤੈਅ ਸਮੇ ਵਿੱਚ ਕੀਤੇ ਗਏ ਵਾਅਦੇ ਦੇ ਤਹਿਤ ਤਿੰਨ ਸਾਲ ਦੇ ਬਾਅਦ ਵੀ ਕੋਈ ਉਸਾਰੀ ਕਾਰਜ ਨਹੀਂ ਕੀਤਾ ਗਿਆ । ਇਸ ਵਜ੍ਹਾ ਕਰਕੇ ਉਨ੍ਹਾਂ ਨੇ ਕੋਰਟ ਦਾ ਦਰਵਾਜ਼ਾ ਖੜਕਾਇਆ । ਕੋਰਟ ਨੇ ਟਿੱਪਣੀ ਕੀਤੀ ਕਿ ਅਜੋਕੇ ਸਮੇ ਵਿੱਚ ਕਈ ਸੈਲੀਬਰਿਟੀਜ਼ ਇਸ ਧੋਖਾਧੜੀ ਯੋਜਨਾਵਾਂ ਦਾ ਸਮਰਥਨ ਕਰਦੇ ਹਨ, ਜਿਨ੍ਹਾਂ ਉੱਤੇ ਰੋਕ ਅਤੇ ਸਖਤ ਰੁਖ਼ ਅਪਣਾਉਣ ਦੇ ਉਦੇਸ਼ ਨਾਲ ਕੋਰਟ ਨੇ ਇਹ ਫੈਸਲਾ ਲਿਆ ਹੈ ।
ਭਾਰਤੀ ਬੱਚੀ ਸ਼ੇਰੀਨ ਕੀਤੀ ਗਈ ਸਪੁਰਦ-ਏ-ਖਾਕ, ਦਫਨਾਉਣ ਵਾਲੀ ਥਾਂ ਰੱਖੀ ਗਈ ਗੁਪਤ
NEXT STORY