ਨੈਸ਼ਨਲ ਡੈਸਕ : ਗੈਂਗਸਟਰ ਮਯੰਕ ਸਿੰਘ ਨੂੰ ਝਾਰਖੰਡ ਅੱਤਵਾਦ ਵਿਰੋਧੀ ਦਸਤੇ (ਏ.ਟੀ.ਐਸ.) ਨੇ ਸ਼ਨੀਵਾਰ ਸਵੇਰੇ ਅਜ਼ਰਬਾਈਜਾਨ ਤੋਂ ਹਵਾਲਗੀ ਤੋਂ ਬਾਅਦ ਰਾਂਚੀ ਵਾਪਸ ਲਿਆਂਦਾ। ਪੁਲਸ ਅਧਿਕਾਰੀਆਂ ਨੇ ਜਾਣਕਾਰੀ ਦਿੰਦਿਆ ਕਿਹਾ ਕਿ ਝਾਰਖੰਡ ਏ.ਟੀ.ਐਸ. ਦੇ ਸੁਪਰਡੈਂਟ (ਐਸ.ਪੀ.) ਰਿਸ਼ਭ ਕੁਮਾਰ ਝਾਅ ਦੀ ਅਗਵਾਈ ਵਾਲੀ ਏ.ਟੀ.ਐਸ. ਟੀਮ ਨੇ ਦੋਵਾਂ ਦੇਸ਼ਾਂ ਵਿਚਕਾਰ ਹਵਾਲਗੀ ਸੰਧੀ ਅਨੁਸਾਰ ਕਾਰਵਾਈਆਂ ਪੂਰੀਆਂ ਕੀਤੀਆਂ ਤੇ ਫਿਰ ਮਯੰਕ ਸਿੰਘ ਉਰਫ਼ ਸੁਨੀਲ ਮੀਣਾ ਨੂੰ ਵਾਪਸ ਲਿਆਉਣ ਲਈ ਅਜ਼ਰਬਾਈਜਾਨ ਦਾ ਦੌਰਾ ਕੀਤਾ।
ਇਹ ਵੀ ਪੜ੍ਹੋ...'ਕਾਲ' ਬਣ ਕੇ ਆਇਆ Monsoon ! ਭਾਰੀ ਬਰਸਾਤ ਕਾਰਨ ਪੰਜ ਲੋਕਾਂ ਦੀ ਮੌਤ, ਇੱਕ ਲਾਪਤਾ
ਰਾਂਚੀ ਹਵਾਈ ਅੱਡੇ 'ਤੇ ਪਹੁੰਚਣ ਤੋਂ ਬਾਅਦ ਝਾਅ ਨੇ ਕਿਹਾ, "ਇਹ ਝਾਰਖੰਡ ਪੁਲਸ ਦੇ ਇਤਿਹਾਸ ਵਿੱਚ ਪਹਿਲੀ ਸਫਲ ਹਵਾਲਗੀ ਹੈ। ਸਾਨੂੰ ਉਮੀਦ ਹੈ ਕਿ ਵਿਦੇਸ਼ਾਂ ਵਿੱਚ ਮੌਜੂਦ ਬਾਕੀ ਅਪਰਾਧੀਆਂ ਨੂੰ ਵੀ ਹਵਾਲਗੀ ਜਾਂ ਦੇਸ਼ ਨਿਕਾਲਾ ਰਾਹੀਂ ਜਲਦੀ ਵਾਪਸ ਲਿਆਂਦਾ ਜਾਵੇਗਾ।" ਉਨ੍ਹਾਂ ਕਿਹਾ, "ਇਹ ਇੱਕ ਵੱਡੀ ਪ੍ਰਾਪਤੀ ਹੈ ਤੇ ਇਸਦਾ ਸਿਹਰਾ ਸਾਡੇ ਪੁਲਸ ਡਾਇਰੈਕਟਰ ਜਨਰਲ, ਮੁੱਖ ਮੰਤਰੀ ਅਤੇ ਰਾਜ ਅਤੇ ਕੇਂਦਰ ਸਰਕਾਰਾਂ ਦੇ ਸਹਿਯੋਗ ਨੂੰ ਜਾਂਦਾ ਹੈ।" ਐਸਪੀ ਨੇ ਕਿਹਾ ਕਿ ਸਿੰਘ ਝਾਰਖੰਡ, ਰਾਜਸਥਾਨ ਅਤੇ ਪੰਜਾਬ ਅਤੇ ਹੋਰ ਰਾਜਾਂ ਵਿੱਚ ਦਰਜ 50 ਤੋਂ ਵੱਧ ਮਾਮਲਿਆਂ ਵਿੱਚ ਲੋੜੀਂਦਾ ਹੈ। ਪੁਲਸ ਅਨੁਸਾਰ, ਉਸਨੂੰ ਬਦਨਾਮ ਅਮਨ ਸਾਹੂ ਗੈਂਗ ਦਾ ਇੱਕ ਮੁੱਖ ਮੈਂਬਰ ਦੱਸਿਆ ਜਾਂਦਾ ਹੈ ਤੇ ਰਾਜਸਥਾਨ ਵਿੱਚ ਰਹਿਣ ਵਾਲੇ ਹੋਰ ਗੈਂਗਸਟਰਾਂ ਨਾਲ ਸੰਪਰਕ ਸਥਾਪਤ ਕਰਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦਾ ਹੈ। ਝਾਅ ਨੇ ਕਿਹਾ "ਉਹ ਅਮਨ ਸਾਹੂ ਅਤੇ ਹੋਰ ਗੈਂਗਸਟਰਾਂ ਨਾਲ ਜੁੜਿਆ ਰਿਹਾ ਹੈ। ਅਸੀਂ ਉਸ ਤੋਂ ਹੋਰ ਪੁੱਛਗਿੱਛ ਕਰਾਂਗੇ।" ਉਨ੍ਹਾਂ ਕਿਹਾ ਕਿ ਮਯੰਕ ਸਿੰਘ ਨੂੰ ਅੱਜ ਰਾਮਗੜ੍ਹ ਦੀ ਇੱਕ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ ਤੇ ਪੁਲਸ ਹਿਰਾਸਤ ਦੀ ਮੰਗ ਕੀਤੀ ਜਾਵੇਗੀ। ਸਿੰਘ ਨੂੰ ਪਿਛਲੇ ਸਾਲ ਅਕਤੂਬਰ ਵਿੱਚ ਅਜ਼ਰਬਾਈਜਾਨ ਦੇ ਦਾਤੂ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸਰਦੀ-ਜ਼ੁਕਾਮ ਦੀ ਲੈਣ ਗਿਆ ਸੀ ਦਵਾਈ, ਡਾਕਟਰ ਨੇ ਲਾ'ਤਾ ਰੇਬਿਜ਼ ਦਾ ਟੀਕਾ
NEXT STORY 
