ਨੈਸ਼ਨਲ ਡੈਸਕ : ਬਿਹਾਰ ਦੇ ਨਾਲੰਦਾ ਤੋਂ ਸੋਮਵਾਰ (23 ਸਤੰਬਰ) ਨੂੰ ਇਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਇਕ ਵਿਅਕਤੀ ਦੀ ਮੌਤ ਦੀ ਪੁਸ਼ਟੀ ਕੀਤੇ ਬਿਨਾਂ ਹੀ ਉਸ ਨੂੰ ਪੋਸਟਮਾਰਟਮ ਲਈ ਭੇਜਿਆ ਗਿਆ ਸੀ ਪਰ ਪੋਸਟਮਾਰਟਮ ਤੋਂ ਪਹਿਲਾਂ ਹੀ ਅਚਾਨਕ 'ਮ੍ਰਿਤਕ' ਸਟਰੈਚਰ ਉੱਤੇ ਜ਼ਿੰਦਾ ਹੋ ਗਿਆ। ਇਸ ਨੂੰ ਦੇਖ ਕੇ ਕੁਝ ਸਮੇਂ ਲਈ ਹਫੜਾ-ਦਫੜੀ ਮਚ ਗਈ। ਜਦੋਂ ਉਸ ਵਿਅਕਤੀ ਨੇ ਆਪਣੇ ਆਪ ਨੂੰ ਲੋਕਾਂ ਵਿਚਕਾਰ ਸਟਰੈਚਰ 'ਤੇ ਦੇਖਿਆ ਤਾਂ ਉਹ ਵੀ ਹੈਰਾਨ ਰਹਿ ਗਿਆ ਅਤੇ ਕਿਹਾ, 'ਮੈਂ ਜ਼ਿੰਦਾ ਹਾਂ, ਮਰਿਆ ਨਹੀਂ'।
ਟਾਇਲਟ 'ਚ ਡਿੱਗ ਪਿਆ ਸੀ ਵਿਅਕਤੀ
ਦਰਅਸਲ ਸਦਰ ਹਸਪਤਾਲ ਬਿਹਾਰ ਸ਼ਰੀਫ ਦੇ ਟਾਇਲਟ 'ਚ ਇਕ ਵਿਅਕਤੀ ਕਾਫੀ ਸਮੇਂ ਤੋਂ ਡਿੱਗਿਆ ਪਿਆ ਸੀ, ਹਸਪਤਾਲ ਦੇ ਮੈਨੇਜਰ ਨੇ ਇਸ ਘਟਨਾ ਦੀ ਸੂਚਨਾ ਬਿਹਾਰ ਪੁਲਸ ਸਟੇਸ਼ਨ ਨੂੰ ਦਿੱਤੀ। ਪੁਲਸ ਨੇ ਮੌਕੇ 'ਤੇ ਪਹੁੰਚ ਕੇ ਟਾਇਲਟ ਦਾ ਦਰਵਾਜ਼ਾ ਤੋੜਿਆ ਤਾਂ ਪੁਲਸ ਨੇ ਡਾਕਟਰ ਤੋਂ ਬਿਨਾਂ ਕਿਸੇ ਪੁਸ਼ਟੀ ਦੇ ਮੀਡੀਆ ਸਾਹਮਣੇ ਡਿੱਗੇ ਵਿਅਕਤੀ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਮੌਤ ਦੀ ਪੁਸ਼ਟੀ ਹੋਣ ਤੋਂ ਬਾਅਦ ਹਸਪਤਾਲ ਪ੍ਰਸ਼ਾਸਨ 'ਚ ਦਹਿਸ਼ਤ ਦਾ ਮਾਹੌਲ ਹੈ। ਸਿਵਲ ਸਰਜਨ ਵੀ ਜਾਂਚ ਲਈ ਮੌਕੇ 'ਤੇ ਪਹੁੰਚੇ ਪਰ ਅਸਲੀਅਤ ਉਦੋਂ ਸਾਹਮਣੇ ਆਈ ਜਦੋਂ ਟਾਇਲਟ 'ਚ ਡਿੱਗੇ ਵਿਅਕਤੀ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਲਿਜਾਇਆ ਗਿਆ।
ਹੋਇਆ ਅਜਿਹਾ ਕਿ ਜਦੋਂ ਪੋਸਟਮਾਰਟਮ ਲਈ ਜਾ ਰਿਹਾ ਸੀ ਤਾਂ ਉਸ ਵਿਅਕਤੀ ਨੂੰ ਅਚਾਨਕ ਹੋਸ਼ ਆ ਗਿਆ ਅਤੇ ਉਹ ਉੱਠ ਕੇ ਬੈਠ ਗਿਆ, ਜਿਸ ਤੋਂ ਬਾਅਦ ਪੂਰੇ ਸਦਰ ਹਸਪਤਾਲ 'ਚ ਵੱਖਰੀ ਹੀ ਚਰਚਾ ਸ਼ੁਰੂ ਹੋ ਗਈ। ਇਸ ਨੂੰ ਦੇਖਣ ਲਈ ਹਸਪਤਾਲ 'ਚ ਸੈਂਕੜੇ ਲੋਕ ਇਕੱਠੇ ਹੋ ਗਏ। ਪੁਲਸ ਇਸ ਵਿਅਕਤੀ ਨੂੰ ਹਸਪਤਾਲ ਲੈ ਕੇ ਗਈ। ਜਾਂਚ ਤੋਂ ਬਾਅਦ ਉਕਤ ਵਿਅਕਤੀ ਦੇ ਪੁੱਛਣ 'ਤੇ ਉਸ ਨੇ ਦੱਸਿਆ ਕਿ ਉਹ ਥਾਣਾ ਅਸਥਾਨ ਦੇ ਜਿਰਨਈ ਤੋਂ ਕਲੇਮ ਲੈਣ ਆਇਆ ਸੀ, ਉਹ ਨਸ਼ਾ ਕਰਕੇ ਟਾਇਲਟ 'ਚ ਡਿੱਗ ਗਿਆ ਸੀ। ਵਿਅਕਤੀ ਨੇ ਆਪਣਾ ਨਾਂ ਮਿਥਲੇਸ਼ ਦੱਸਿਆ।
ਕੀ ਕਹਿੰਦੇ ਹਨ ਬਿਹਾਰ ਥਾਣੇ ਦੇ ਏਐੱਸਆਈ
ਇਸ ਸਬੰਧ 'ਚ ਥਾਣਾ ਬਿਹਾਰ 'ਚ ਤਾਇਨਾਤ ਏਐੱਸਆਈ ਬਿਆਸ ਪ੍ਰਸਾਦ ਨੇ ਦੱਸਿਆ ਕਿ ਪੁਲਸ ਨੂੰ ਹਸਪਤਾਲ ਰਾਹੀਂ ਸੂਚਨਾ ਮਿਲੀ ਸੀ ਕਿ ਹਸਪਤਾਲ ਦੇ ਟਾਇਲਟ 'ਚ ਇੱਕ ਲਾਸ਼ ਪਈ ਹੈ। ਇਸ ਸੂਚਨਾ 'ਤੇ ਪੁਲਸ ਪਹੁੰਚੀ। ਮੌਤ ਦੀ ਪੁਸ਼ਟੀ ਵੀ ਹੋਈ ਹੈ। ਜਦੋਂ ਟਾਇਲਟ ਦਾ ਦਰਵਾਜ਼ਾ ਤੋੜਿਆ ਗਿਆ ਤਾਂ ਅੰਦਰ ਇੱਕ ਵਿਅਕਤੀ ਪਿਆ ਮਿਲਿਆ।
ਸਦਰ ਹਸਪਤਾਲ ਦੇ ਮੈਨੇਜਰ ਕੁਨਾਲ ਕੁਮਾਰ ਨੇ ਦੱਸਿਆ ਕਿ ਸਵੀਪਰ ਨੇ ਪਖਾਨੇ ਵਿੱਚ ਕਿਸੇ ਦੇ ਡਿੱਗਣ ਦੀ ਸੂਚਨਾ ਦਿੱਤੀ ਸੀ। ਮੌਤ ਦੀ ਪੁਸ਼ਟੀ ਹੋ ਗਈ, ਜਿਸ ਤੋਂ ਬਾਅਦ ਪੁਲਸ ਨੂੰ ਬੁਲਾਇਆ ਗਿਆ ਪਰ ਜਦੋਂ ਉਹ ਪੋਸਟਮਾਰਟਮ ਲਈ ਜਾਣ ਲੱਗੇ ਤਾਂ ਵਿਅਕਤੀ ਨੂੰ ਹੋਸ਼ ਆ ਗਿਆ। ਇਸ ਤੋਂ ਬਾਅਦ ਅਸੀਂ ਉਸ ਦੀ ਜਾਂਚ ਕੀਤੀ ਤਾਂ ਪਤਾ ਲੱਗਾ ਕਿ ਉਹ ਠੀਕ ਹੈ।
ਜਦੋਂ ਪੈਦਾ ਕਰਨ ਵਾਲਾ ਪਿਓ ਹੀ ਬਣ ਗਿਆ ਹੈਵਾਨ; ਨਾਬਾਲਗ ਧੀ ਨੂੰ ਮੰਜੇ ਨਾਲ ਬੰਨ੍ਹ ਕੀਤੀ ਗੰਦੀ ਕਰਤੂਤ
NEXT STORY 
