ਮੁੰਬਈ- ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਨੇ ਗੜ੍ਹਚਿਰੌਲੀ ਜ਼ਿਲ੍ਹੇ 'ਚ ਆਦਿਵਾਸੀ ਬੱਚਿਆਂ ਨਾਲ ਸੰਬੰਧਤ ਇਕ ਸਰਕਾਰੀ ਮਦਦ ਪ੍ਰਾਪਤ ਰਿਹਾਇਸ਼ੀ ਸਕੂਲ 'ਚ ਸੱਪ ਦੇ ਡੱਸਣ ਨਾਲ ਤਿੰਨ ਵਿਦਿਆਰਥਣਾਂ ਦੀ ਮੌਤ ਹੋਣ ਤੋਂ ਬਾਅਦ ਮੰਗਲਵਾਰ ਨੂੰ ਇਸ ਸਕੂਲ ਦਾ ਲਾਇਸੈਂਸ ਰੱਦ ਕਰਨ ਦਾ ਆਦੇਸ਼ ਦਿੱਤਾ। ਅਧਿਕਾਰੀਆਂ ਨੇ ਦੱਸਿਆ ਕਿ ਐਤਵਾਰ ਰਾਤ ਦੀ ਇਸ ਘਟਨਾ ਤੋਂ ਬਾਅਦ ਸਰਕਾਰ ਨੇ ਸੂਬੇ 'ਚ ਆਦਿਵਾਸੀ ਬੱਚਿਆਂ ਨਾਲ ਜੁੜੇ 500 ਰਿਹਾਇਸ਼ੀ ਸਕੂਲਾਂ (ਹੋਸਟਲ) ਦਾ ਤੀਜੀ ਪਾਰਟੀ ਤੋਂ 'ਆਡਿਟ' ਕਰਵਾਉਣ ਦਾ ਫੈਸਲਾ ਲਿਆ ਹੈ।
ਆਦਿਵਾਸੀ ਵਿਕਾਸ ਮੰਤਰੀ ਅਸ਼ੋਕ ਉਈਕੇ ਨੇ ਇੱਥੇ ਕੈਬਨਿਟ ਦੀ ਬੈਠਕ 'ਚ ਇਸ ਘਟਨਾ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ। ਫੜਨਵੀਸ ਨੇ ਨਿਰਦੇਸ਼ ਦਿੱਤਾ ਕਿ ਸਕੂਲ ਦਾ ਲਾਇਸੈਂਸ ਸਥਾਈ ਤੌਰ 'ਤੇ ਰੱਦ ਕਰ ਦਿੱਤਾ ਜਾਵੇ ਅਤੇ ਜਿਸ ਅਧਿਕਾਰੀ ਨੇ ਹਾਲ 'ਚ ਸਕੂਲ ਦਾ ਨਿਰੀਖਣ ਕੀਤਾ ਸੀ ਅਤੇ ਕਮੀਆਂ ਦੇ ਬਾਵਜੂਦ ਅਨੁਕੂਲ ਰਿਪੋਰਟ ਸੌਂਪੀ ਸੀ, ਉਸ ਨੂੰ ਸਸਪੈਂਡ ਕਰ ਦਿੱਤਾ ਜਾਵੇ। ਉਈਕੇ ਨੇ ਸਵਾਲ ਚੁੱਕਿਆ ਕਿ ਕਾਂਗਰਸ ਆਗੂ ਅਤੇ ਸਾਬਕਾ ਸੰਸਦ ਮੈਂਬਰ ਮਾਰੋਤਰਾਵ ਕੋਵਾਸੇ ਵਰਗਾ ਵਿਅਕਤੀ ਆਸ਼ਰਮ ਸਕੂਲ ਨੂੰ ਇਸ ਤਰ੍ਹਾਂ ਕਿਵੇਂ ਚਲਾ ਸਕਦਾ ਹੈ ਕਿ ਕੁੜੀਆਂ ਦੀ ਸੁਰੱਖਿਆ ਖਤਰੇ 'ਚ ਪੈ ਗਈ।
ਮੁੱਖ ਮੰਤਰੀ ਨੇ ਕਿਹਾ ਕਿ ਇਸ ਸਕੂਲ 'ਚ ਨਾ ਤਾਂ ਅਧਿਆਪਕ ਹਨ ਅਤੇ ਨਾ ਹੀ ਵਾਰਡਨ (ਹੋਸਟਲ ਇੰਚਾਰਜ) ਅਤੇ ਸਰਕਾਰੀ ਫੰਡ ਮਿਲਣ ਦੇ ਬਾਵਜੂਦ ਉੱਥੇ ਬੁਨਿਆਦੀ ਸਹੂਲਤਾਂ ਦੀ ਵੀ ਕਮੀ ਹੈ। ਫੜਨਵੀਸ ਨੇ ਮੁੱਖ ਸਕੱਤਰ ਨੂੰ ਇਕ ਬੈਠਕ ਬੁਲਾਉਣ ਅਤੇ ਹੋਸਟਲਾਂ ਲਈ ਇਕ ਵਿਆਪਕ ਨਿਰੀਖਣ ਤੰਤਰ ਸਥਾਪਤ ਕਰਨ ਲਈ ਕਿਹਾ। ਉਈਕੇ ਨੇ ਦੱਸਿਆ ਕਿ ਐਤਵਾਰ ਰਾਤ ਨੂੰ ਹੋਸਟਲ 'ਚ 50 ਕੁੜੀਆਂ ਹੇਠਾਂ ਸੌਂ ਰਹੀਆਂ ਸਨ, ਉਸ ਦੌਰਾਨ ਇਕ ਸੱਪ ਨੇ ਉਨ੍ਹਾਂ 'ਚੋਂ 6 ਨੂੰ ਡੱਸ ਲਿਆ। ਉਨ੍ਹਾਂ ਕਿਹਾ ਕਿ ਵਾਰਡਨ ਉਸ ਸਮੇਂ ਮੌਜੂਦ ਨਹੀਂ ਸੀ। ਉਨ੍ਹਾਂ ਕਿਹਾ ਕਿ ਘਟਨਾ ਦੀ ਪੂਰੀ ਜਾਂਚ ਕੀਤੀ ਜਾਵੇਗੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
6 ਸਾਲਾਂ 'ਚ 300 ਸੈਟੇਲਾਈਟ ਲਾਂਚ ਕਰੇਗਾ ISRO ! ਭਾਰਤ ਨੇ ਸਪੇਸ ਵੱਲ ਮਾਰੀ ਵੱਡੀ ਛਲਾਂਗ
NEXT STORY 
