ਪੁਣੇ : ਮਹਾਰਾਸ਼ਟਰ ਦੇ ਪੁਣੇ 'ਚ ਫੁੱਟਪਾਥ 'ਤੇ ਸੁੱਤੇ ਪਏ ਲੋਕਾਂ 'ਤੇ ਇਕ ਸ਼ਰਾਬੀ ਡੰਪਰ ਡਰਾਈਵਰ ਨੇ ਡੰਪਰ ਚੜ੍ਹਾ ਦਿੱਤਾ, ਜਿਸ ਕਾਰਨ 9 ਲੋਕ ਬੁਰੀ ਤਰ੍ਹਾਂ ਕੁਚਲੇ ਗਏ, ਜਿਨ੍ਹਾਂ ਵਿਚੋਂ 3 ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਹਾਦਸੇ ਵਿਚ ਮਾਰੇ ਗਏ ਲੋਕਾਂ ਵਿਚ 2 ਬੱਚੇ ਅਤੇ ਇਕ ਆਦਮੀ ਸ਼ਾਮਲ ਹੈ, ਜੋ ਕਿ ਬੱਚਿਆਂ ਦਾ ਚਾਚਾ ਦੱਸਿਆ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ 6 ਲੋਕ ਗੰਭੀਰ ਜ਼ਖਮੀ ਹਨ, ਜਿਨ੍ਹਾਂ ਨੂੰ ਇਲਾਜ ਲਈ ਹਸਪਤਾਲ ਲਿਜਾਇਆ ਗਿਆ। ਇਹ ਘਟਨਾ ਦੇਰ ਰਾਤ ਵਾਘੋਲੀ ਦੇ ਕੇਸਨੰਦ ਫਾਟਾ ਸਥਿਤ ਥਾਣੇ ਦੇ ਸਾਹਮਣੇ ਵਾਪਰੀ। ਹੁਣ ਤੱਕ ਪ੍ਰਾਪਤ ਜਾਣਕਾਰੀ ਅਨੁਸਾਰ ਡੰਪਰ ਦੇ ਡਰਾਈਵਰ ਨੇ ਸ਼ਰਾਬ ਪੀਤੀ ਹੋਈ ਸੀ।
ਇਹ ਵੀ ਪੜ੍ਹੋ : ਵੱਡਾ ਹਾਦਸਾ: ਪਟਾਕੇ ਬਣਾਉਣ ਵਾਲੀ ਫੈਕਟਰੀ 'ਚ ਲੱਗੀ ਅੱਗ, ਫਾਇਰ ਆਪ੍ਰੇਟਰ ਸਮੇਤ 5 ਲੋਕ ਜ਼ਖਮੀ
ਮਰਨ ਵਾਲਿਆਂ ਵਿਚ ਵਿਸ਼ਾਲ ਵਿਨੋਦ ਪਵਾਰ (22), ਵੈਭਵੀ ਰਿਤੇਸ਼ ਪਵਾਰ (1) ਅਤੇ ਵੈਭਵ ਰਿਤੇਸ਼ ਪਵਾਰ (2) ਦੇ ਨਾਂ ਸ਼ਾਮਲ ਹਨ। ਜ਼ਖਮੀਆਂ ਵਿਚ ਜਾਨਕੀ ਦਿਨੇਸ਼ ਪਵਾਰ (21), ਰਿਨੀਸ਼ਾ ਵਿਨੋਦ ਪਵਾਰ (18), ਰੋਸ਼ਨ ਸ਼ਸ਼ਾਦੂ ਭੌਂਸਲੇ (9), ਨਾਗੇਸ਼ ਨਿਵਰਤੀ ਪਵਾਰ (27), ਦਰਸ਼ਨ ਸੰਜੇ ਵੈਰਲ (18) ਅਤੇ ਅਲੀਸ਼ਾ ਵਿਨੋਦ ਪਵਾਰ (47) ਸ਼ਾਮਲ ਹਨ।
ਪਿਛਲੇ ਦਿਨੀਂ 2 ਨੌਜਵਾਨਾਂ ਦੀ ਹੋਈ ਸੀ ਮੌਤ
ਇਸੇ ਮਹੀਨੇ ਮਹਾਰਾਸ਼ਟਰ ਦੇ ਪੁਣੇ ਵਿਚ ਇਕ ਸੜਕ ਹਾਦਸੇ ਵਿਚ 2 ਨੌਜਵਾਨਾਂ ਦੀ ਮੌਤ ਹੋ ਗਈ ਸੀ, ਜਦੋਂਕਿ ਦੋ ਗੰਭੀਰ ਜ਼ਖ਼ਮੀ ਹੋ ਗਏ ਸਨ। ਇਹ ਘਟਨਾ ਪੁਣੇ ਦੀ ਇੰਦਾਪੁਰ ਤਹਿਸੀਲ ਵਿਚ ਵਾਪਰੀ, ਜਿੱਥੇ ਬਾਰਾਮਤੀ ਤੋਂ ਭਿਗਵਾਨ ਜਾ ਰਹੀ ਇਕ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਈ, ਜਿਸ ਵਿਚ 4 ਲੋਕ ਸਵਾਰ ਸਨ। ਰਿਪੋਰਟ ਮੁਤਾਬਕ ਡਰਾਈਵਰ ਨੇ ਗੱਡੀ ਚਲਾਉਂਦੇ ਸਮੇਂ ਕਾਰ ਤੋਂ ਕੰਟਰੋਲ ਗੁਆ ਦਿੱਤਾ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਪੰਜਾਬ ਦੇ ਥਾਣਿਆਂ 'ਚ ਧਮਾਕੇ ਕਰਨ ਵਾਲੇ 3 ਅੱਤਵਾਦੀ ਪੁਲਸ ਨੇ ਕੀਤੇ ਢੇਰ
NEXT STORY 
