ਵੈੱਬ ਡੈਸਕ : ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਨੇ ਸੋਮਵਾਰ ਨੂੰ ਕਿਹਾ ਕਿ ਉਸਨੇ ਉੱਤਰੀ ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ ਜੰਮੂ ਤੇ ਕਸ਼ਮੀਰ 'ਚ ਹਾਲ ਹੀ 'ਚ ਮਾਰੇ ਗਏ ਛਾਪਿਆਂ ਦੌਰਾਨ ਨਾਰਕੋਟਿਕਸ ਕੰਟਰੋਲ ਬਿਊਰੋ (ਐੱਨਸੀਬੀ) ਦੁਆਰਾ ਦਰਜ ਕੀਤੇ ਗਏ ਇੱਕ ਡਰੱਗ ਮਾਮਲੇ ਵਿੱਚ ਲੋੜੀਂਦੇ ਦੋ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਛਾਪੇਮਾਰੀ ਦੌਰਾਨ 2 ਕਰੋੜ ਰੁਪਏ ਦੀ ਨਕਦੀ ਅਤੇ ਗਹਿਣੇ ਵੀ ਬਰਾਮਦ ਕੀਤੇ ਗਏ।
ਈਡੀ ਨੇ 13 ਫਰਵਰੀ ਨੂੰ ਜੰਮੂ-ਕਸ਼ਮੀਰ, ਦਿੱਲੀ, ਹਿਮਾਚਲ ਪ੍ਰਦੇਸ਼ ਅਤੇ ਹਰਿਆਣਾ ਵਿੱਚ ਰਈਸ ਅਹਿਮਦ ਭੱਟ ਅਤੇ ਹੋਰਾਂ ਨਾਲ ਸਬੰਧਤ ਇੱਕ ਮਾਮਲੇ ਵਿੱਚ ਛਾਪੇਮਾਰੀ ਕੀਤੀ ਸੀ ਜੋ ਕਥਿਤ ਤੌਰ 'ਤੇ "ਕੋਡੀਨ-ਅਧਾਰਤ ਖੰਘ ਦੀ ਦਵਾਈ (ਸੀਬੀਸੀਐੱਸ) ਦੀ ਵਿਕਰੀ ਅਤੇ ਇਸ ਤੋਂ ਗੈਰ-ਕਾਨੂੰਨੀ ਕਮਾਈ" ਵਿੱਚ ਸ਼ਾਮਲ ਸਨ। ਸੀਬੀਸੀਐੱਸ ਤਸਕਰੀ ਦੇ ਮਾਮਲੇ ਵਿੱਚ ਐੱਨਸੀਬੀ ਵੱਲੋਂ ਦਰਜ ਸ਼ਿਕਾਇਤ ਤੋਂ ਬਾਅਦ ਈਡੀ ਇਸ ਮਾਮਲੇ 'ਚ ਮਨੀ ਲਾਂਡਰਿੰਗ ਦੀ ਜਾਂਚ ਕਰ ਰਹੀ ਹੈ। 'ਸੀਬੀਸੀ' ਨਸ਼ੇੜੀਆਂ ਦੁਆਰਾ ਵਿਆਪਕ ਤੌਰ 'ਤੇ ਵਰਤੀ ਜਾਂਦੀ ਹੈ। ਖੰਘ ਦੀ ਦਵਾਈ ਬ੍ਰਾਂਡ ਕੋਕ੍ਰਿਕਸ ਨੂੰ ਹਿਮਾਚਲ ਪ੍ਰਦੇਸ਼ ਦੇ ਸਿਰਮੌਰ ਵਿੱਚ ਇਸਦੇ ਨਿਰਮਾਤਾ ਵਿਦਿਤ ਹੈਲਥਕੇਅਰ ਤੋਂ "ਅਣਅਧਿਕਾਰਤ ਤੌਰ 'ਤੇ" ਖਰੀਦਿਆ ਗਿਆ ਸੀ ਅਤੇ ਇਸਦਾ ਪ੍ਰਬੰਧਕੀ ਭਾਈਵਾਲ ਨੀਰਜ ਭਾਟੀਆ ਹੈ, ਜੋ ਕਿ ਹਰਿਆਣਾ ਦੇ ਪਾਣੀਪਤ ਦਾ ਰਹਿਣ ਵਾਲਾ ਹੈ।
ਈਡੀ ਨੇ ਬਿਆਨ ਵਿੱਚ ਦੋਸ਼ ਲਗਾਇਆ ਕਿ "ਸਿਰਪ ਨੂੰ ਸਹੀ ਜਗ੍ਹਾ 'ਤੇ ਨਹੀਂ ਭੇਜਿਆ ਗਿਆ ਸੀ ਅਤੇ ਫਰੀਦਾਬਾਦ ਸਥਿਤ ਐੱਸ.ਐੱਸ. ਇੰਡਸਟ੍ਰੀਜ਼ (ਮਾਲਿਕ ਸੁਮੇਸ਼ ਸਰੀਨ) ਤੇ ਐੱਨ.ਕੇ. ਫਾਰਮਾਸਿਊਟੀਕਲਜ਼, ਕੰਸਲ ਫਾਰਮਾਸਿਊਟੀਕਲਜ਼, ਕੰਸਲ ਇੰਡਸਟ੍ਰੀਜ਼ ਤੇ ਹੋਰਾਂ ਦੇ ਰਾਹੀਂ ਵੇਚਿਆ ਗਿਆ ਸੀ। ਇਸ ਨੂੰ ਦਿੱਲੀ ਸਥਿਤ ਨਿਕੇਤ ਕੰਸਲ ਅਤੇ ਉਸਦੇ ਪਰਿਵਾਰਕ ਮੈਂਬਰਾਂ ਦੁਆਰਾ "ਕੰਟਰੋਲ" ਕੀਤਾ ਗਿਆ ਸੀ ਅਤੇ ਇਸ ਵਿੱਚ ਉਸਦਾ ਸਾਥੀ ਗਰਵ ਭਾਂਭਾਰੀ (ਫਰੀਦਾਬਾਦ ਵਿੱਚ ਰਹਿੰਦਾ ਹੈ) ਵੀ ਸ਼ਾਮਲ ਸੀ। ਏਜੰਸੀ ਨੇ ਦਾਅਵਾ ਕੀਤਾ ਕਿ ਜਾਂਚ ਵਿੱਚ ਪਾਇਆ ਗਿਆ ਕਿ 2018-24 ਦੇ ਵਿਚਕਾਰ, ਕੰਸਲ ਇੰਡਸਟਰੀਜ਼, ਕੰਸਲ ਫਾਰਮਾਸਿਊਟੀਕਲਜ਼, ਐੱਨ. ਕੇ. ਫਾਰਮਾਸਿਊਟੀਕਲਜ਼', 'ਨੋਵੇਟਾ ਫਾਰਮਾ' ਅਤੇ 'ਐੱਸਐੱਸ ਇੰਡਸਟਰੀਜ਼' ਵਿਦਿਤ ਹੈਲਥਕੇਅਰ ਤੋਂ ਖੰਘ ਦੀ ਦਵਾਈ ਖਰੀਦ ਰਹੇ ਸਨ ਅਤੇ ਉਹਨਾਂ ਨੂੰ "ਅਣਅਧਿਕਾਰਤ" ਤਰੀਕੇ ਨਾਲ ਵੰਡ ਰਹੇ ਸਨ।
ਇਸ ਵਿੱਚ ਕਿਹਾ ਗਿਆ ਹੈ ਕਿ ਡਰੱਗ ਕੰਟਰੋਲ ਅਧਿਕਾਰੀਆਂ ਨੇ ਕਈ ਅਜਿਹੇ ਅਦਾਰਿਆਂ ਦੇ ਲਾਇਸੈਂਸ ਰੱਦ ਕਰ ਦਿੱਤੇ ਹਨ। ਐੱਨਕੇ ਫਾਰਮਾਸਿਊਟੀਕਲਜ਼ ਅਤੇ ਹੋਰ ਅਜਿਹੀਆਂ ਸੰਸਥਾਵਾਂ ਨੇ 2019-25 ਦੇ ਵਿਚਕਾਰ ਵਿਦਿਤ ਹੈਲਥਕੇਅਰ ਨੂੰ 20 ਕਰੋੜ ਰੁਪਏ ਤੋਂ ਵੱਧ ਦਾ ਭੁਗਤਾਨ ਕਰਕੇ 'ਸੀਬੀਸੀਐੱਸ' ਦੀਆਂ ਲਗਭਗ 55 ਲੱਖ ਬੋਤਲਾਂ ਖਰੀਦੀਆਂ। ਈਡੀ ਨੇ ਕਿਹਾ ਕਿ ਇਹ ਸ਼ੱਕ ਹੈ ਕਿ ਇਨ੍ਹਾਂ ਨੂੰ ਖੁੱਲ੍ਹੇ ਬਾਜ਼ਾਰ ਵਿੱਚ ਵੇਚਿਆ ਗਿਆ ਸੀ, ਜਿਸ ਨਾਲ ਗੈਰ-ਕਾਨੂੰਨੀ ਆਮਦਨ ਹੋਈ। ਈਡੀ ਦੁਆਰਾ ਉਨ੍ਹਾਂ 'ਤੇ ਲਗਾਏ ਗਏ ਦੋਸ਼ਾਂ ਦੇ ਜਵਾਬ ਲਈ ਮੁਲਜ਼ਮਾਂ ਅਤੇ ਕੰਪਨੀਆਂ ਨਾਲ ਤੁਰੰਤ ਸੰਪਰਕ ਨਹੀਂ ਕੀਤਾ ਜਾ ਸਕਿਆ।
ਏਜੰਸੀ ਨੇ ਕਿਹਾ ਕਿ ਤਲਾਸ਼ੀ ਦੌਰਾਨ 40.62 ਲੱਖ ਰੁਪਏ ਦੀ ਨਕਦੀ, 1.61 ਕਰੋੜ ਰੁਪਏ ਦੇ ਗਹਿਣੇ ਅਤੇ ਦਸਤਾਵੇਜ਼ ਅਤੇ ਡਿਜੀਟਲ "ਸਬੂਤ" ਜ਼ਬਤ ਕੀਤੇ ਗਏ ਹਨ। ਇਸ ਵਿੱਚ ਕਿਹਾ ਗਿਆ ਹੈ ਕਿ ਐੱਨਸੀਬੀ ਨੇ ਮਾਮਲੇ ਵਿੱਚ ਦੋ ਫਰਾਰ ਮੁਲਜ਼ਮਾਂ-ਗਰਵ ਭਾਂਬਰੀ ਅਤੇ ਮਮਤਾ ਕੰਸਲ (ਨਿਕੇਤ ਕੰਸਲ ਦੀ ਮਾਂ) ਦਾ ਵੀ ਪਤਾ ਲਗਾ ਲਿਆ ਹੈ ਅਤੇ ਨਾਰਕੋਟਿਕਸ ਵਿਰੋਧੀ ਏਜੰਸੀ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਗਲਤੀ ਨਾਲ ਚੱਲੀ ਗੋਲੀ, ਮੁੰਡੇ ਦੀ ਮੌਤ
NEXT STORY 
