ਨੈਸ਼ਨਲ ਡੈਸਕ : ਸਾਬਕਾ ਸੀਐੱਮ ਦੇ ਘਰ ਛਾਪਾ ਮਾਰਨ ਗਈ ਈਡੀ ਟੀਮ ਉੱਤੇ ਹਮਲਾ ਹੋਣ ਦੀ ਖਬਰ ਸਾਹਮਣੇ ਆ ਰਹੀ ਹੈ। ਜਾਣਕਾਰੀ ਮਿਲੀ ਹੈ ਕਿ ਜਿਵੇਂ ਹੀ ਟੀਮ ਛਾਪਾ ਮਾਰਨ ਤੋਂ ਬਾਅਦ ਘਰ ਦੇ ਅੰਦਰੋਂ ਬਾਹਰ ਨਿਕਲੀ ਤਾਂ ਸਾਬਕਾ ਸੀਐੱਮ ਦੇ ਸਮਰਥਕਾਂ ਨੇ ਟੀਮ ਉੱਤੇ ਹਮਲਾ ਕਰ ਦਿੱਤਾ। ਈਡੀ ਅਧਿਕਾਰੀਆਂ ਦੀਆਂ ਗੱਡੀਆਂ ਉੱਤੇ ਪੱਥਰ ਸੁੱਟੇ ਗਏ ਤੇ ਭੰਨ-ਤੋੜ ਕਰ ਦਿੱਤੀ ਗਈ।
ਦੱਸਿਆ ਜਾ ਰਿਹਾ ਹੈ ਕਿ ਛੱਤੀਸਗੜ੍ਹ ਦੇ ਸਾਬਕਾ ਮੁੱਖ ਮੰਤਰੀ ਭੁਪੇਸ਼ ਬਘੇਲ ਦੇ ਘਰ 'ਤੇ ਈਡੀ ਨੇ ਕਾਰਵਾਈ ਕੀਤੀ। ਕਾਰਵਾਈ ਤੋਂ ਬਾਅਦ ਜਦੋਂ ਈਡੀ ਦੀ ਟੀਮ ਘਰ ਤੋਂ ਬਾਹਰ ਆਈ ਤਾਂ ਸਾਬਕਾ ਮੁੱਖ ਮੰਤਰੀ ਦੇ ਸਮਰਥਕਾਂ ਨੇ ਹੰਗਾਮਾ ਕੀਤਾ ਅਤੇ ਪਥਰਾਅ ਕੀਤਾ ਅਤੇ ਈਡੀ ਦੀ ਗੱਡੀ ਦੀ ਭੰਨਤੋੜ ਕੀਤੀ। ਭਿਲਾਈ ਸ਼ਹਿਰ 'ਚ ਈਡੀ ਦੀ ਟੀਮ 'ਤੇ ਹਮਲਾ ਹੋਇਆ ਹੈ। ਵਰਕਰਾਂ ਨੇ ਈਡੀ ਅਧਿਕਾਰੀਆਂ ਨਾਲ ਹੱਥੋਪਾਈ ਕੀਤੀ। ਦੱਸਿਆ ਜਾ ਰਿਹਾ ਹੈ ਕਿ ਕਈ ਕਰਮਚਾਰੀ ਈਡੀ ਦੀ ਗੱਡੀ ਦੇ ਹੇਠਾਂ ਲੇਟ ਗਏ।
ਕਰੀਬ 11 ਘੰਟੇ ਦੀ ਪੁੱਛਗਿੱਛ ਤੋਂ ਬਾਅਦ ਜਦੋਂ ਭੁਪੇਸ਼ ਬਘੇਲ ਆਪਣੀ ਰਿਹਾਇਸ਼ ਤੋਂ ਬਾਹਰ ਆਏ ਤਾਂ ਉਨ੍ਹਾਂ ਦੇ ਸਮਰਥਕਾਂ ਨੇ ਹੰਗਾਮਾ ਕਰ ਦਿੱਤਾ। ਛਾਪੇਮਾਰੀ ਦੌਰਾਨ ਉਨ੍ਹਾਂ ਦੇ ਵੱਡੀ ਗਿਣਤੀ ਸਮਰਥਕ ਮੌਕੇ 'ਤੇ ਮੌਜੂਦ ਸਨ। ਵਰਕਰਾਂ ਨੇ ਈਡੀ ਦੀ ਕਾਰਵਾਈ ਦਾ ਜ਼ੋਰਦਾਰ ਵਿਰੋਧ ਕੀਤਾ। ਛਾਪੇਮਾਰੀ ਤੋਂ ਬਾਅਦ ਜਦੋਂ ਟੀਮ ਬਾਹਰ ਆਉਣ ਲੱਗੀ ਤਾਂ ਲੋਕਾਂ ਨੇ ਉਨ੍ਹਾਂ 'ਤੇ ਹਮਲਾ ਕਰ ਦਿੱਤਾ। ਇਸ ਦੌਰਾਨ ਭੁਪੇਸ਼ ਬਘੇਲ ਦੇ ਸਮਰਥਕਾਂ ਨੇ ਨਾਅਰੇਬਾਜ਼ੀ ਕੀਤੀ।
ਈਡੀ ਦੇ ਸੂਤਰਾਂ ਦੱਸਦੇ ਹਨ ਕਿ ਈਡੀ ਦੇ ਅਧਿਕਾਰੀ ਐਫਆਈਆਰ ਦਰਜ ਕਰਨ ਲਈ ਭਿਲਾਈ ਨਗਰ ਥਾਣੇ ਪੁੱਜੇ ਸਨ। ਈਡੀ ਦੀ ਟੀਮ 'ਤੇ ਇੱਟਾਂ-ਪੱਥਰਾਂ ਨਾਲ ਹਮਲਾ ਹੋਣ ਦੀ ਗੱਲ ਵੀ ਹੈ। ਅਧਿਕਾਰੀ ਦੀ ਕਾਰ 'ਤੇ ਪੱਥਰ ਸੁੱਟਣ ਵਾਲੇ ਵਿਅਕਤੀ ਨੂੰ ਸੁਰੱਖਿਆ ਬਲਾਂ ਨੇ ਮੌਕੇ 'ਤੇ ਹੀ ਕਾਬੂ ਕਰ ਲਿਆ ਹੈ। ਪੁਲਸ ਟੀਮ ਪਥਰਾਓ ਕਰਨ ਵਾਲੇ ਨੌਜਵਾਨਾਂ ਨੂੰ ਆਪਣੇ ਨਾਲ ਲੈ ਗਈ।
ਖ਼ੁਸ਼ਖਬਰੀ! ਸਸਤੀ ਹੋ ਗਈ ਸ਼ਾਕਾਹਾਰੀ ਥਾਲੀ, ਨਾਨਵੈੱਜ ਖਾਣ ਵਾਲਿਆਂ ਨੂੰ ਜੇਬ ਕਰਨੀ ਪਵੇਗੀ ਢਿੱਲੀ
NEXT STORY 
