ਨਵੀਂ ਦਿੱਲੀ : ਫਰਵਰੀ 'ਚ ਮਾਸਿਕ ਆਧਾਰ 'ਤੇ ਸ਼ਾਕਾਹਾਰੀ ਅਤੇ ਨਾਨਵੈੱਜ ਥਾਲੀ ਦੀ ਕੀਮਤ 'ਚ 5 ਫ਼ੀਸਦੀ ਦੀ ਕਮੀ ਆਈ ਹੈ। ਇਸ ਦਾ ਕਾਰਨ ਸਬਜ਼ੀਆਂ ਅਤੇ ਬਰਾਇਲਰ ਦੇ ਭਾਅ ਦਾ ਘਟਣਾ ਹੈ। ਕ੍ਰਿਸਿਲ ਮਾਰਕੀਟ ਇੰਟੈਲੀਜੈਂਸ ਐਂਡ ਐਨਾਲਿਸਿਸ ਨੇ ਆਪਣੀ ਮਾਸਿਕ 'ਰੋਟੀ ਰਾਈਸ ਪ੍ਰਾਈਸ' ਰਿਪੋਰਟ 'ਚ ਕਿਹਾ ਹੈ ਕਿ ਤਾਜ਼ਾ ਆਮਦ ਦੌਰਾਨ ਪਿਆਜ਼, ਆਲੂ ਅਤੇ ਟਮਾਟਰ ਦੀਆਂ ਕੀਮਤਾਂ 'ਚ ਕ੍ਰਮਵਾਰ ਸੱਤ ਫੀਸਦੀ, 17 ਫੀਸਦੀ ਅਤੇ 25 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।
ਇਸ ਤੋਂ ਇਲਾਵਾ ਦੱਖਣੀ ਭਾਰਤ 'ਚ 'ਬਰਡ ਫਲੂ' ਦੇ ਡਰ ਦੇ ਵਿਚਕਾਰ ਮੰਗ ਘੱਟ ਹੋਣ ਕਾਰਨ ਬਰਾਇਲਰ ਦੀਆਂ ਕੀਮਤਾਂ 'ਚ ਵੀ ਕਰੀਬ 5 ਫੀਸਦੀ ਦੀ ਗਿਰਾਵਟ ਆਈ ਹੈ। ਕ੍ਰਿਸਿਲ ਇੰਟੈਲੀਜੈਂਸ ਦੇ ਡਾਇਰੈਕਟਰ (ਖੋਜ) ਪੀ. ਸ਼ਰਮਾ ਨੇ ਕਿਹਾ, "ਸ਼ਾਕਾਹਾਰੀ ਥਾਲੀ ਦੀਆਂ ਕੀਮਤਾਂ ਵਿੱਚ ਗਿਰਾਵਟ ਸਬਜ਼ੀਆਂ ਖਾਸ ਕਰਕੇ ਪਿਆਜ਼, ਟਮਾਟਰ ਅਤੇ ਆਲੂ ਦੀਆਂ ਕੀਮਤਾਂ ਵਿੱਚ ਨਰਮੀ ਕਾਰਨ ਆਈ ਹੈ, ਜਦੋਂਕਿ ਨਾਨਵੈੱਜ ਥਾਲੀ ਦੇ ਮਾਮਲੇ ਵਿੱਚ ਬਰਾਇਲਰ ਦੇ ਭਾਅ ਵਿੱਚ ਕਮੀ ਆਉਣ ਕਾਰਨ ਭਾਅ ਵਿੱਚ ਕਮੀ ਆਈ ਹੈ।
ਇਹ ਵੀ ਪੜ੍ਹੋ : ਇੰਡੀਗੋ ਏਅਰਲਾਈਨਜ਼ ਦੇ ਪਾਇਲਟਾਂ ਦੀ ਸੂਝ-ਬੂਝ ਨਾਲ ਟਲਿਆ ਵੱਡਾ ਹਾਦਸਾ
ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਸਾਲ ਦਰ ਸਾਲ ਆਧਾਰ 'ਤੇ ਘਰ 'ਚ ਪਕਾਈ ਜਾਣ ਵਾਲੀ ਸ਼ਾਕਾਹਾਰੀ ਥਾਲੀ ਦੀ ਕੀਮਤ ਫਰਵਰੀ 'ਚ ਇਕ ਫੀਸਦੀ ਘਟੀ ਹੈ, ਜਦੋਂਕਿ ਨਾਨਵੈੱਜ ਥਾਲੀ ਦੀ ਕੀਮਤ 'ਚ ਕਰੀਬ 6 ਫੀਸਦੀ ਦਾ ਵਾਧਾ ਹੋਇਆ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਸ਼ਾਕਾਹਾਰੀ ਥਾਲੀ ਦੀਆਂ ਕੀਮਤਾਂ ਵਿਚ ਸਾਲ ਦਰ ਸਾਲ ਗਿਰਾਵਟ ਟਮਾਟਰ ਅਤੇ ਐੱਲਪੀਜੀ (ਰਸੋਈ ਗੈਸ) ਸਿਲੰਡਰ ਦੀਆਂ ਕੀਮਤਾਂ ਵਿਚ ਗਿਰਾਵਟ ਕਾਰਨ ਹੈ। ਟਮਾਟਰ ਦੀ ਕੀਮਤ ਸਾਲ-ਦਰ-ਸਾਲ 28 ਫੀਸਦੀ ਘੱਟ ਕੇ 23 ਰੁਪਏ ਪ੍ਰਤੀ ਕਿਲੋ ਰਹਿ ਗਈ, ਜੋ ਇਕ ਸਾਲ ਪਹਿਲਾਂ 32 ਰੁਪਏ ਪ੍ਰਤੀ ਕਿਲੋ ਸੀ। ਇਸ ਦਾ ਕਾਰਨ ਆਮਦ ਵਿੱਚ 20 ਫੀਸਦੀ ਵਾਧਾ ਹੈ।
ਨਾਨਵੈੱਜ ਥਾਲੀ ਦੀ ਕੀਮਤ ਵਿੱਚ ਵਾਧਾ ਬਰਾਇਲਰ ਦੀ ਕੀਮਤ ਵਿੱਚ ਅੰਦਾਜ਼ਨ 15 ਫੀਸਦੀ ਸਾਲਾਨਾ ਵਾਧੇ ਕਾਰਨ ਹੋਇਆ ਹੈ। ਨਾਨਵੈੱਜ ਥਾਲੀ ਦੀ ਕੀਮਤ ਦਾ ਲਗਭਗ 50 ਫ਼ੀਸਦੀ ਬਰਾਇਲਰ ਹਨ। ਇਸਦੀ ਕੀਮਤ ਵਿੱਚ ਇਹ ਉਛਾਲ ਪਿਛਲੇ ਸਾਲ ਦੇ ਘੱਟ ਤੁਲਨਾਤਮਕ ਅਧਾਰ ਕਾਰਨ ਹੈ। ਉਸ ਸਮੇਂ ਸਪਲਾਈ ਜ਼ਿਆਦਾ ਹੋਣ ਕਾਰਨ ਕੀਮਤ ਡਿੱਗ ਗਈ ਸੀ। ਰਿਪੋਰਟ ਮੁਤਾਬਕ ਮੱਕੀ ਦੀਆਂ ਕੀਮਤਾਂ ਵਿੱਚ ਸਾਲ-ਦਰ-ਸਾਲ 6 ਫੀਸਦੀ ਵਾਧੇ ਕਾਰਨ ਫੀਡ ਦੀਆਂ ਕੀਮਤਾਂ ਵਿੱਚ ਵਾਧਾ ਵੀ ਇਸ ਵਾਧੇ ਵਿੱਚ ਯੋਗਦਾਨ ਪਾਇਆ।
ਇਹ ਵੀ ਪੜ੍ਹੋ : 'X 'ਤੇ ਹੋਇਆ ਸਾਈਬਰ ਹਮਲਾ', ਸੇਵਾਵਾਂ ਠੱਪ ਹੋਣ ਮਗਰੋਂ Elon Musk ਦਾ ਵੱਡਾ ਬਿਆਨ
CRISIL ਨੇ ਕਿਹਾ ਕਿ ਘਰ ਵਿੱਚ ਥਾਲੀ ਤਿਆਰ ਕਰਨ ਦੀ ਔਸਤ ਲਾਗਤ ਉੱਤਰ, ਦੱਖਣ, ਪੂਰਬੀ ਅਤੇ ਪੱਛਮੀ ਭਾਰਤ ਵਿੱਚ ਮੌਜੂਦ ਕੱਚੇ ਮਾਲ ਦੀ ਕੀਮਤ ਦੇ ਆਧਾਰ 'ਤੇ ਗਣਨਾ ਕੀਤੀ ਜਾਂਦੀ ਹੈ। ਮਹੀਨਾਵਾਰ ਬਦਲਾਅ ਆਮ ਆਦਮੀ ਦੇ ਖਰਚੇ 'ਤੇ ਪੈਣ ਵਾਲੇ ਪ੍ਰਭਾਵ ਨੂੰ ਦਰਸਾਉਂਦਾ ਹੈ। ਡਾਟਾ ਇਹ ਵੀ ਦਰਸਾਉਂਦਾ ਹੈ ਕਿ ਕਿਹੜੀਆਂ ਵਸਤੂਆਂ (ਅਨਾਜ, ਦਾਲਾਂ, ਬਰਾਇਲਰ, ਸਬਜ਼ੀਆਂ, ਮਸਾਲੇ, ਖਾਣ ਵਾਲਾ ਤੇਲ ਅਤੇ ਰਸੋਈ ਗੈਸ) ਪਲੇਟ ਦੀਆਂ ਕੀਮਤਾਂ ਵਿੱਚ ਬਦਲਾਅ ਦਾ ਕਾਰਨ ਬਣਦੀਆਂ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
PM ਮੋਦੀ ਮਾਰੀਸ਼ਸ ਦੇ 2 ਦਿਨਾਂ ਦੌਰੇ ਲਈ ਹੋਏ ਰਵਾਨਾ, ਕਈ ਸਮਝੌਤਿਆਂ 'ਤੇ ਕਰਨਗੇ ਦਸਤਖ਼ਤ
NEXT STORY 
