ਹਰ ਘੰਟੇ 92 ਲੋਕ ਕਰਦੇ ਨੇ ਸੁਸਾਇਡ, ਸਭ ਤੋਂ ਜ਼ਿਆਦਾ ਕਿਸਾਨ

Updated: 11 Sep, 2018 07:51 PM

everyday 92 people do a suicides the largest farmer

ਨਵੀਂ ਦਿੱਲੀ (ਏਜੰਸੀ)- ਵਿਸ਼ਵ 'ਚ ਹਰ ਸਾਲ 80 ਲੱਖ ਲੋਕ ਸੁਸਾਇਡ ਕਰਦੇ ਹਨ। ਇਸ ਦਾ ਖੁਲਾਸਾ ਸੋਮਵਾਰ ਨੂੰ ਡਬਲਿਊ.ਐਚ.ਓ. ਅਤੇ ਮੈਂਟਲ ਹੈਲਥ ਕਮਿਸ਼ਨ ਆਫ ਕੈਨੇਡਾ ਵਲੋਂ ਜਾਰੀ ਰਿਪੋਰਟ ਵਿਚ ਕੀਤਾ ਗਿਆ। ਰਿਪੋਰਟ ਮੁਤਾਬਕ 2016 ਵਿਚ ਦੁਨੀਆ ਵਿਚ 15-29 ਸਾਲ ਦੀ ਉਮਰ ਦੇ ਜਿੰਨੇ ਲੋਕਾਂ ਦੀ ਮੌਤ ਹੋਈ, ਉਨ੍ਹਾਂ ਵਿਚ ਸਭ ਤੋਂ ਜ਼ਿਆਦਾ ਲੋਕਾਂ ਨੇ ਖੁਦਕੁਸ਼ੀ ਕੀਤੀ ਸੀ। ਨੈਸ਼ਨਲ ਹੈਲਥ ਪ੍ਰੋਫਾਈਲ 2018 ਰਿਪੋਰਟ ਮੁਤਾਬਕ ਇਸ ਦੌਰਾਨ ਭਾਰਤ ਵਿਚ 1.35 ਲੱਖ ਲੋਕਾਂ ਨੇ ਖੁਦਕੁਸ਼ੀ ਕੀਤੀ। 80 ਫੀਸਦੀ ਯਾਨੀ 6.4 ਲੱਖ ਘੱਟ ਅਤੇ ਮੱਧਮ ਉਮਰ ਦੇ ਲੋਕਾਂ ਨੇ ਖੁਦਕੁਸ਼ੀ ਕੀਤੀ। 38 ਦੇਸ਼ਾਂ ਨੇ ਖੁਦਕੁਸ਼ੀ ਵਰਗੇ ਅਪਰਾਧ ਨੂੰ ਰੋਕਣ ਦੀ ਰਣਨੀਤੀ ਬਣਾਈ ਹੈ।
ਜ਼ਹਿਰ ਖਾਣ ਨਾਲ ਹੁੰਦੀਆਂ ਨੇ ਸਭ ਤੋਂ ਜ਼ਿਆਦਾ ਮੌਤਾਂ
ਮਰਨ ਵਾਲਿਆਂ ਵਿਚ ਸਭ ਤੋਂ ਜ਼ਿਆਦਾ 20 ਫੀਸਦੀ ਲੋਕ ਜ਼ਹਿਰ ਖਾ ਕੇ ਸੁਸਾਇਡ ਕਰਦੇ ਹਨ। ਅਜਿਹਾ ਕਰਨ ਵਾਲਿਆਂ ਵਿਚ ਸਭ ਤੋਂ ਜ਼ਿਆਦਾ ਪੇਂਡੂ ਇਲਾਕਿਆਂ ਵਿਚ ਰਹਿਣ ਵਾਲੇ ਘੱਟ ਅਤੇ ਮੱਧਮ ਉਮਰ ਦੇ ਲੋਕ ਅਤੇ ਕਿਸਾਨ ਹੁੰਦੇ ਹਨ। ਇਸ ਤੋਂ ਇਲਾਵਾ ਲੋਕ ਖੁਦ ਨੂੰ ਫਾਹੇ ਜਾਂ ਅੱਗ ਵੀ ਲਗਾ ਲੈਂਦੇ ਹਨ। ਰਿਪੋਰਟ ਮੁਤਾਬਕ ਇਕ ਵਿਅਕਤੀ ਖੁਦਕੁਸ਼ੀ ਕਰਨ ਤੋਂ ਪਹਿਲਾਂ 20 ਵਾਰ ਇਸ ਦੀ ਕੋਸ਼ਿਸ਼ ਕਰ ਚੁੱਕਾ ਹੁੰਦਾ ਹੈ।
ਰੂਸ ਵਿਚ ਸਭ ਤੋਂ ਜ਼ਿਆਦਾ ਖੁਦਕੁਸ਼ੀ ਕਰਦੇ ਹਨ ਲੋਕ : ਰੂਸ ਵਿਚ ਪੁਰਸ਼ਾਂ ਵਲੋਂ ਖੁਦਕੁਸ਼ੀ 48.3 ਫੀਸਦੀ, ਔਰਤਾਂ ਦੀ 14.5 ਫੀਸਦੀ, ਯੂਕਰੇਨ ਵਿਚ ਪੁਰਸ਼ 34.5 ਫੀਸਦੀ, ਔਰਤਾਂ 4.7 ਫੀਸਦੀ, ਦੱਖਣੀ ਕੋਰੀਆ ਵਿਚ ਪੁਰਸ਼ 29.9, ਔਰਤਾਂ 11.6 ਫੀਸਦੀ, ਪੋਲੈਂਡ ਵਿਚ ਪੁਰਸ਼ 23.9 ਫੀਸਦੀ, ਔਰਤਾਂ 3.4 ਫੀਸਦੀ ਅਤੇ ਬੈਲਜੀਅਮ ਵਿਚ ਪੁਰਸ਼ 22.2 ਤੇ ਔਰਤਾਂ 9.4 ਫੀਸਦੀ ਲੋਕ ਖੁਦਕੁਸ਼ੀ ਕਰਦੇ ਹਨ।
ਭਾਰਤ ਵਿਚ ਇਹ ਅੰਕੜਾ 18.5 ਅਤੇ 14.5 ਹੈ, ਅੰਕੜੇ ਪ੍ਰਤੀ ਇਕ ਲੱਖ ਵਿਚ ਹਨ।
ਜਵਾਨਾਂ ਦੀ ਮਾਨਸਿਕ ਸਥਿਤੀ ਜਾਂਚਣ ਨੂੰ ਸੀ.ਆਰ.ਪੀ.ਐਫ. ਨੇ ਸ਼ੁਰੂ ਕੀਤਾ ਪਹਿਲਾ ਮੈਂਟਲ ਹੈਲਥ ਪ੍ਰਾਜੈਕਟ
ਜਵਾਨਾਂ ਵਿਚ ਵੱਧ ਰਹੀ ਖੁਦਕੁਸ਼ੀ ਦੀ ਰਿਪੋਰਟ ਤੋਂ ਬਾਅਦ ਸੀ.ਆਰ.ਪੀ.ਐਫ. ਨੇ ਪਹਿਲਾ ਮੈਂਟਲ ਹੈਲਥ ਪ੍ਰਾਜੈਕਟ ਸ਼ੁਰੂ ਕੀਤਾ ਹੈ। ਸੀ.ਆਰ.ਪੀ.ਐਫ. ਦੇ ਡਾਇਰੈਕਟਰ ਜਨਰਲ ਆਰ.ਆਰ. ਭਟਨਾਗਰ ਨੇ ਇਕ ਇੰਟਰਵਿਊ ਵਿਚ ਕਿਹਾ ਕਿ ਜਵਾਨਾਂ ਵਲੋਂ ਖੁਦਕੁਸ਼ੀ ਕਰਨਾ ਇਕ ਬਹੁਤ ਹੀ ਵੱਡੀ ਚਿੰਤਾ ਦਾ ਵਿਸ਼ਾ ਹੈ। ਇਸ ਨੂੰ ਦੇਖਦੇ ਹੋਏ ਇਹ ਪਾਇਲਟ ਪ੍ਰਾਜੈਕਟ ਸ਼ੁਰੂ ਕੀਤਾ ਗਿਆ ਹੈ। ਇਸ ਲਈ ਏਮਸ ਅਤੇ ਟਾਟਾ ਇੰਸਟੀਚਿਊਟ ਆਫ ਸੋਸ਼ਲ ਸਾਇੰਸ ਨਾਲ ਕਰਾਰ ਕੀਤਾ ਗਿਆ ਹੈ।
ਮੈਂਟਲ ਹੈਲਥ ਪ੍ਰਾਜੈਕਟ ਰਾਹੀਂ ਜਵਾਨਾਂ ਦੀ ਮਾਨਸਿਕ ਸਥਿਤੀ ਦੀ ਜਾਂਚ ਲਈ ਉਨ੍ਹਾਂ ਦਾ ਖਾਸ ਤਰ੍ਹਾਂ ਦਾ ਟੈਸਟ ਅਤੇ ਇੰਟਰਵਿਊ ਲਿਆ ਜਾਵੇਗਾ। ਪਿਛਲੇ ਸਾਲ 156 ਜਵਾਨਾਂ ਦੀ ਮੌਤ ਹਾਰਟ ਅਟੈਕ ਨਾਲ ਹੋਈ ਸੀ, ਜਦੋਂ ਕਿ 38 ਨੇ ਤਣਾਅ ਵਿਚ ਆ ਕੇ ਖੁਦਕੁਸ਼ੀ ਕਰ ਲਈ ਸੀ। ਉਥੇ ਹੀ 435 ਦੀ ਕਿਸੇ ਹੋਰ ਕਾਰਨਾਂ ਕਾਰਨ ਮੌਤ ਹੋਈ ਸੀ। ਇਸ ਤੋਂ ਪਹਿਲਾਂ 2016 ਵਿਚ 92 ਜਵਾਨਾਂ ਦੀ ਮੌਤ ਹਾਰਟ ਅਟੈਕ ਨਾਲ ਹੋਈ ਸੀ। ਉਥੇ ਹੀ 26 ਨੇ ਤਣਾਅ ਵਿਚ ਆ ਕੇ ਖੁਦਕੁਸ਼ੀ ਕਰ ਲਈ ਅਤੇ 353 ਨੇ ਕਿਸੇ ਹੋਰ ਕਾਰਨਾਂ ਕਾਰਨ ਖੁਦਕੁਸ਼ੀ ਕਰ ਲਈ।