ਨੈਸ਼ਨਲ ਡੈਸਕ : ਦੇਸ਼ ਦੇ ਪੰਜ ਸੂਬੇ ਪੱਛਮੀ ਬੰਗਾਲ, ਅਸਾਮ, ਤਾਮਿਲਨਾਡੂ, ਕੇਰਲ ਅਤੇ ਪੁਡੂਚੇਰੀ 'ਚ ਹੋਈਆਂ ਵਿਧਾਨ ਸਭਾ ਚੋਣਾਂ ਦੇ ਐਗਜ਼ਿਟ ਪੋਲ (Exit Poll) ਦੇ ਅੰਕੜੇ ਸਾਹਮਣੇ ਆ ਗਏ ਹਨ। ਇਨ੍ਹਾਂ ਚੋਣਾਂ ਵਿੱਚ ਸਾਰੇ ਸੂਬਿਆਂ ਵਿੱਚ ਭਾਰੀ ਵੋਟਿੰਗ ਦਰਜ ਕੀਤਾ ਗਿਆ ਹੈ।
ਪੱਛਮੀ ਬੰਗਾਲ: ਮਮਤਾ ਬੈਨਰਜੀ ਤੇ ਭਾਜਪਾ ਵਿਚਾਲੇ ਦੀ ਟੱਕਰ
ਬੰਗਾਲ ਵਿੱਚ ਵੱਖ-ਵੱਖ ਏਜੰਸੀਆਂ ਦੇ ਅਨੁਮਾਨਾਂ ਵਿੱਚ ਕਾਫੀ ਫਰਕ ਦੇਖਣ ਨੂੰ ਮਿਲ ਰਿਹਾ ਹੈ। 'ਚਾਣਕਿਆ ਸਟ੍ਰੈਟਜੀਜ਼' ਅਨੁਸਾਰ ਭਾਜਪਾ 150-160 ਸੀਟਾਂ ਜਿੱਤ ਕੇ ਬਹੁਮਤ (148 ਸੀਟਾਂ) ਹਾਸਲ ਕਰ ਸਕਦੀ ਹੈ, ਜਦੋਂ ਕਿ TMC+ ਨੂੰ 130-140 ਸੀਟਾਂ ਮਿਲਣ ਦਾ ਅਨੁਮਾਨ ਹੈ। ਇਸ ਦੇ ਉਲਟ, 'ਪੀਪਲਜ਼ ਪਲਸ' ਦਾ ਅਨੁਮਾਨ ਹੈ ਕਿ ਮਮਤਾ ਬੈਨਰਜੀ ਦੀ TMC 177-187 ਸੀਟਾਂ ਨਾਲ ਭਾਰੀ ਬਹੁਮਤ ਹਾਸਲ ਕਰੇਗੀ ਅਤੇ ਭਾਜਪਾ 95-110 ਸੀਟਾਂ 'ਤੇ ਸਿਮਟ ਜਾਵੇਗੀ। ਬੰਗਾਲ ਵਿੱਚ ਦੋਵਾਂ ਪੜਾਵਾਂ ਵਿੱਚ ਕਰੀਬ 90% ਵੋਟਿੰਗ ਦਰਜ ਕੀਤੀ ਗਈ ਹੈ।
ਕੇਰਲ: UDF ਦੀ ਸੱਤਾ ਵਿੱਚ ਵਾਪਸੀ ਦੇ ਸੰਕੇਤ
ਕੇਰਲ ਵਿੱਚ ਇਸ ਵਾਰ ਵੱਡਾ ਉਲਟਫੇਰ ਹੁੰਦਾ ਦਿਖਾਈ ਦੇ ਰਿਹਾ ਹੈ। 'ਐਕਸਿਸ ਮਾਈ ਇੰਡੀਆ' (Axis My India) ਮੁਤਾਬਕ ਕਾਂਗਰਸ ਦੀ ਅਗਵਾਈ ਵਾਲੇ UDF ਨੂੰ 78-90 ਸੀਟਾਂ ਮਿਲ ਸਕਦੀਆਂ ਹਨ, ਜਦੋਂ ਕਿ ਸੱਤਾਧਾਰੀ LDF ਨੂੰ ਸਿਰਫ਼ 49-62 ਸੀਟਾਂ ਮਿਲਣ ਦਾ ਅਨੁਮਾਨ ਹੈ। ਜੇਕਰ ਇਹ ਅੰਕੜੇ ਸਹੀ ਸਾਬਤ ਹੁੰਦੇ ਹਨ, ਤਾਂ ਪਿਨਾਰਾਈ ਵਿਜਯਨ ਲਗਾਤਾਰ ਤੀਜੀ ਵਾਰ ਮੁੱਖ ਮੰਤਰੀ ਬਣਨ ਤੋਂ ਖੁੰਝ ਸਕਦੇ ਹਨ। ਭਾਜਪਾ ਨੂੰ ਇੱਥੇ 0-3 ਸੀਟਾਂ ਮਿਲਣ ਦੀ ਸੰਭਾਵਨਾ ਹੈ।
ਅਸਾਮ: NDA ਦੀ ਹੈਟ੍ਰਿਕ ਦੀ ਤਿਆਰੀ
ਅਸਾਮ ਵਿੱਚ ਭਾਜਪਾ ਦੀ ਅਗਵਾਈ ਵਾਲੇ NDA ਗਠਜੋੜ ਦੀ ਸਥਿਤੀ ਕਾਫੀ ਮਜ਼ਬੂਤ ਨਜ਼ਰ ਆ ਰਹੀ ਹੈ। 'ਐਕਸਿਸ ਮਾਈ ਇੰਡੀਆ' ਦੇ ਅਨੁਸਾਰ NDA ਨੂੰ 126 ਵਿੱਚੋਂ 88 ਤੋਂ 100 ਸੀਟਾਂ ਮਿਲ ਸਕਦੀਆਂ ਹਨ, ਜਦੋਂ ਕਿ ਕਾਂਗਰਸ ਨੂੰ ਸਿਰਫ਼ 24-36 ਸੀਟਾਂ ਮਿਲਣ ਦੀ ਉਮੀਦ ਹੈ। ਅਸਾਮ ਵਿੱਚ 85.96 ਫੀਸਦੀ ਭਾਰੀ ਮਤਦਾਨ ਹੋਇਆ ਹੈ।
ਪੁਡੂਚੇਰੀ ਤੇ ਤਾਮਿਲਨਾਡੂ
ਪੁਡੂਚੇਰੀ ਵਿੱਚ NDA 40% ਵੋਟ ਸ਼ੇਅਰ ਨਾਲ ਸਭ ਤੋਂ ਅੱਗੇ ਦਿਖਾਈ ਦੇ ਰਿਹਾ ਹੈ, ਜਿੱਥੇ 1964 ਤੋਂ ਬਾਅਦ ਰਿਕਾਰਡ 89.87% ਮਤਦਾਨ ਹੋਇਆ ਹੈ। ਤਾਮਿਲਨਾਡੂ ਦੀਆਂ 234 ਸੀਟਾਂ 'ਤੇ 82.24% ਵੋਟਾਂ ਪਈਆਂ ਹਨ, ਜਿੱਥੇ ਸੱਤਾਧਾਰੀ DMK ਆਪਣੀ ਸੱਤਾ ਬਚਾਉਣ ਲਈ ਸੰਘਰਸ਼ ਕਰ ਰਹੀ ਹੈ।
ਮਾਹਰਾਂ ਦਾ ਕਹਿਣਾ ਹੈ ਕਿ ਐਗਜ਼ਿਟ ਪੋਲ ਸਿਰਫ਼ ਇੱਕ ਰੁਝਾਨ ਹੁੰਦੇ ਹਨ ਅਤੇ ਅੰਤਿਮ ਨਤੀਜੇ 4 ਮਈ ਨੂੰ ਹੀ ਸਪੱਸ਼ਟ ਹੋਣਗੇ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਦਿੱਲੀ ਹਾਈ ਕੋਰਟ 'ਚ ਸੁਣਵਾਈ ਦੌਰਾਨ ਚੱਲ ਪਈ 'ਗੰਦੀ' ਵੀਡੀਓ! ਜਸਟਿਸ ਨੇ ਤੁਰੰਤ ਰੋਕੀ ਕਾਰਵਾਈ
NEXT STORY 
