Fact Check By Vishvas.News
ਨਵੀਂ ਦਿੱਲੀ- ਸਾਬਕਾ ਭਾਰਤੀ ਕ੍ਰਿਕਟਰ ਸ਼ਿਖਰ ਧਵਨ ਦੀਆਂ ਕੁਝ ਤਸਵੀਰਾਂ ਦਾ ਇੱਕ ਕੋਲਾਜ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਉਹ ਅਦਾਕਾਰਾ ਹੁਮਾ ਕੁਰੈਸ਼ੀ ਨਾਲ ਦਿਖਾਈ ਦੇ ਰਹੇ ਹਨ। ਇੱਕ ਫੋਟੋ ਵਿੱਚ ਦੋਵਾਂ ਨੂੰ ਲਾੜਾ-ਲਾੜੀ ਦੇ ਰੂਪ ਵਿੱਚ ਦੇਖਿਆ ਜਾ ਸਕਦਾ ਹੈ। ਕੁਝ ਯੂਜ਼ਰ ਇਨ੍ਹਾਂ ਤਸਵੀਰਾਂ ਨੂੰ ਅਸਲੀ ਸਮਝ ਕੇ ਸ਼ੇਅਰ ਕਰ ਰਹੇ ਹਨ।
ਵਿਸ਼ਵਾਸ ਨਿਊਜ਼ ਨੇ ਜਾਂਚ ਕੀਤੀ ਅਤੇ ਵਾਇਰਲ ਦਾਅਵੇ ਨੂੰ ਫਰਜ਼ੀ ਪਾਇਆ। ਦਰਅਸਲ ਸ਼ਿਖਰ ਧਵਨ ਅਤੇ ਹੁਮਾ ਕੁਰੈਸ਼ੀ ਦੀਆਂ ਇਹ ਤਸਵੀਰਾਂ ਅਸਲੀ ਨਹੀਂ ਹਨ, ਸਗੋਂ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਨਾਲ ਬਣਾਈਆਂ ਗਈਆਂ ਹਨ।
ਵਾਇਰਲ ਪੋਸਟ ਵਿੱਚ ਕੀ ਹੈ ?
ਫੇਸਬੁੱਕ ਯੂਜ਼ਰ Amit Kumar ਨੇ (ਆਰਕਾਈਵ ਲਿੰਕ) ਵਾਇਰਲ ਤਸਵੀਰਾਂ ਸ਼ੇਅਰ ਕੀਤੀਆਂ ਅਤੇ ਲਿਖਿਆ, "ਪਹਿਲੀ ਪਤਨੀ ਤੋਂ ਤਲਾਕ ਤੋਂ ਬਾਅਦ ਮੁੜ ਵਿਆਹ ਦੇ ਬੰਧਨ 'ਚ ਦਿਖਣਗੇ ਸ਼ਿਖਰ ਧਵਨ ਤੇ ਹੁਮਾ ਕੁਰੈਸ਼ੀ।''
X ਯੂਜ਼ਰ Has San's ਨੇ ਵੀ ਇਸ ਕੋਲਾਜ ਨੂੰ ਸ਼ੇਅਰ ਕੀਤਾ ਅਤੇ ਅੰਗਰੇਜ਼ੀ ਵਿੱਚ ਲਿਖਿਆ, ''Another new pair has arrived in the market after Shami and Sania #INDvsAUS #Bollywood''
ਪੜਤਾਲ
ਅਸੀਂ ਪਹਿਲਾਂ ਵਾਇਰਲ ਤਸਵੀਰਾਂ ਨੂੰ ਨੇੜਿਓਂ ਦੇਖਿਆ। ਇਨ੍ਹਾਂ ਵਿੱਚ ਚਿਹਰੇ ਦੀ ਸਮੂਦਨੈੱਸ, ਇਕਸਾਰ ਰੌਸ਼ਨੀ, ਬੈਕਗ੍ਰਾਊਂਡ ਦਾ ਨਕਲੀ ਬਲੱਰ ਦਿਖਾਈ ਦਿੰਦਾ ਹੈ। ਨਾਲ ਹੀ ਹੁਮਾ ਕੁਰੈਸ਼ੀ ਦੇ ਚਿਹਰੇ ਦੀ ਬਣਤਰ ਸਹੀ ਨਹੀਂ ਹੈ, ਜਿਸ ਕਾਰਨ ਇਹ ਸ਼ੱਕ ਪੈਦਾ ਹੁੰਦਾ ਹੈ ਕਿ ਇਹ ਫੋਟੋਆਂ ਏ.ਆਈ. ਦੁਆਰਾ ਬਣਾਈਆਂ ਗਈਆਂ ਹਨ। ਅਸੀਂ ਪੁਸ਼ਟੀ ਕਰਨ ਲਈ AI ਇਮੇਜ ਡਿਟੈਕਸ਼ਨ ਟੂਲਸ ਦੀ ਵਰਤੋਂ ਕਰ ਕੇ ਵੱਖਰੇ ਤੌਰ 'ਤੇ ਤਸਵੀਰਾਂ ਦੀ ਜਾਂਚ ਕੀਤੀ।
ਅਸੀਂ AI ਇਮੇਜ ਡਿਟੈਕਸ਼ਨ ਟੂਲ Hive Moderation ਨਾਲ ਚਾਰੋਂ ਤਸਵੀਰਾਂ ਦੀ ਜਾਂਚ ਕੀਤੀ। ਇਸ ਵਿੱਚ, ਪਹਿਲੀ ਫੋਟੋ ਨੂੰ 84.3, ਦੂਜੀ ਨੂੰ 99.8, ਤੀਜੀ ਨੂੰ 99.7 ਅਤੇ ਚੌਥੀ ਨੂੰ 98.9 ਪ੍ਰਤੀਸ਼ਤ AI ਸੰਭਾਵਿਤ ਦੱਸਿਆ ਗਿਆ ਸੀ।
ਅਸੀਂ ਵਾਇਰਲ ਤਸਵੀਰਾਂ ਦੀ ਜਾਂਚ ਕਰਨ ਲਈ ਇੱਕ ਹੋਰ AI ਡਿਟੈਕਸ਼ਨ ਟੂਲ Site Engine ਦੀ ਵਰਤੋਂ ਕੀਤੀ। ਇਸ ਵਿੱਚ, ਪਹਿਲੀ ਫੋਟੋ ਨੂੰ 98 ਪ੍ਰਤੀਸ਼ਤ, ਦੂਜੀ ਨੂੰ 99 ਪ੍ਰਤੀਸ਼ਤ, ਤੀਜੀ ਨੂੰ 99 ਪ੍ਰਤੀਸ਼ਤ ਅਤੇ ਚੌਥੀ ਨੂੰ 99 ਪ੍ਰਤੀਸ਼ਤ AI ਸੰਭਾਵਿਤ ਦੱਸਿਆ ਗਿਆ ਸੀ।
ਜਾਂਚ ਵਿੱਚ ਅੱਗੇ ਅਸੀਂ ਸ਼ਿਖਰ ਧਵਨ ਦੇ ਸੋਸ਼ਲ ਮੀਡੀਆ ਹੈਂਡਲਾਂ ਨੂੰ ਦੇਖਿਆ। ਸਾਨੂੰ ਉੱਥੇ ਅਜਿਹੀ ਕੋਈ ਪੋਸਟ ਨਹੀਂ ਮਿਲੀ।
ਅਸੀਂ ਹੁਮਾ ਕੁਰੈਸ਼ੀ ਦੇ ਸੋਸ਼ਲ ਮੀਡੀਆ ਹੈਂਡਲ ਵੀ ਚੈੱਕ ਕੀਤੇ। ਇੱਥੇ ਵੀ ਸਾਨੂੰ ਅਜਿਹੀ ਕੋਈ ਪੋਸਟ ਨਹੀਂ ਮਿਲੀ।
ਅਸੀਂ ਇਹ ਤਸਵੀਰ ਏ.ਆਈ. ਮਾਹਿਰ ਅੰਸ਼ ਮਹਿਰਾ ਨਾਲ ਸਾਂਝੀ ਕੀਤੀ। ਉਸ ਨੇ ਤਸਵੀਰਾਂ ਨੂੰ AI ਦੁਆਰਾ ਤਿਆਰ ਕੀਤਾ ਦੱਸਿਆ ਹੈ। ਉਨ੍ਹਾਂ ਕਿਹਾ ਕਿ ਇੱਕ ਫੋਟੋ ਵਿੱਚ ਹੁਮਾ ਕੁਰੈਸ਼ੀ ਦੇ ਚਿਹਰੇ ਦੀ ਬਣਤਰ ਸਹੀ ਨਹੀਂ ਹੈ ਅਤੇ ਦੂਜੀਆਂ ਫੋਟੋਆਂ ਵਿੱਚ ਵੱਖਰੀ ਹੈ। ਇਸ ਦੇ ਨਾਲ ਹੀ ਤਸਵੀਰਾਂ ਵਿੱਚ ਪਿਛੋਕੜ ਬਿਲਕੁਲ ਵੀ ਦਿਖਾਈ ਨਹੀਂ ਦੇ ਰਿਹਾ। ਜਿਸ ਤੋਂ ਇਹ ਸਪੱਸ਼ਟ ਹੈ ਕਿ ਇਹ ਤਸਵੀਰਾਂ ਅਸਲੀ ਨਹੀਂ ਹਨ।
ਅੰਤ ਵਿੱਚ ਅਸੀਂ ਪੋਸਟ ਸਾਂਝੀ ਕਰਨ ਵਾਲੇ ਉਪਭੋਗਤਾ ਦੀ ਪ੍ਰੋਫਾਈਲ ਨੂੰ ਸਕੈਨ ਕੀਤਾ। ਯੂਜ਼ਰ ਇੱਕ ਖਾਸ ਵਿਚਾਰਧਾਰਾ ਤੋਂ ਪ੍ਰਭਾਵਿਤ ਹੈ।
ਨਤੀਜਾ : ਸ਼ਿਖਰ ਧਵਨ ਅਤੇ ਹੁਮਾ ਕੁਰੈਸ਼ੀ ਦੀਆਂ ਕੁਝ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਅਸਲੀ ਦੱਸ ਕੇ ਵਾਇਰਲ ਹੋ ਰਹੀਆਂ ਹਨ ਪਰ ਵਿਸ਼ਵਾਸ ਨਿਊਜ਼ ਦੀ ਜਾਂਚ ਨੇ ਸਾਬਤ ਕੀਤਾ ਕਿ ਇਹ ਤਸਵੀਰਾਂ ਏ.ਆਈ. ਦੁਆਰਾ ਬਣਾਈਆਂ ਗਈਆਂ ਹਨ।
(Disclaimer: ਇਹ ਫੈਕਟ ਚੈੱਕ ਮੂਲ ਤੌਰ 'ਤੇ Vishvas.News ਵੱਲੋਂ ਕੀਤਾ ਗਿਆ ਹੈ, ਜਿਸ ਨੂੰ Shakti Collective ਦੀ ਮਦਦ ਨਾਲ ‘ਜਗ ਬਾਣੀ’ ਨੇ ਪ੍ਰਕਾਸ਼ਿਤ ਕੀਤਾ ਹੈ।
ਹੁਕਮਾਂ ਦੀ ਉਲੰਘਣਾ ਮਾਮਲੇ ਦਾ ਮੁਲਜ਼ਮ ਬਿਨਾਂ ਪਾਸਪੋਰਟ ਦੇ ਦੌੜਿਆ ਅਮਰੀਕਾ
NEXT STORY 
