ਵੈੱਬ ਡੈਸਕ : ਬਿਹਾਰ ਦੇ ਮਧੇਪੁਰਾ ਜ਼ਿਲ੍ਹੇ ਦੇ ਮੁਰਲੀਗੰਜ ਥਾਣਾ ਅਧੀਨ ਆਉਂਦੇ ਬੇਲੋਡੀਹ 'ਚ ਨਹਿਰ ਦੇ ਨੇੜੇ ਇੱਕ ਕਿਸਾਨ ਦੀ ਲਾਸ਼ ਸੋਮਵਾਰ ਸਵੇਰੇ ਮਿਲੀ, ਜਿਸਦਾ ਗਲਾ ਵੱਢ ਕੇ ਕਤਲ ਕਰ ਦਿੱਤਾ ਗਿਆ। ਲਾਸ਼ ਮਿਲਣ ਤੋਂ ਬਾਅਦ ਇਲਾਕੇ 'ਚ ਸਨਸਨੀ ਫੈਲ ਗਈ।
ਜਵਾਈ ਨੂੰ ਜ਼ਮੀਨ ਦੇਣ 'ਤੇ ਅੜੀ ਸੀ ਪਤਨੀ
ਮ੍ਰਿਤਕ ਦੀ ਪਛਾਣ ਯਸ਼ਵੰਤ ਕੁਮਾਰ ਵਜੋਂ ਹੋਈ ਹੈ, ਜੋ ਕਿ ਖਾਦੀ ਵਾਰਡ ਨੰਬਰ 14 ਦੇ ਰਹਿਣ ਵਾਲੇ ਸ਼ੁਭੁਕਲਾਲ ਯਾਦਵ ਦਾ 45 ਸਾਲਾ ਪੁੱਤਰ ਹੈ। ਮ੍ਰਿਤਕ ਦੀ ਮਾਂ ਉਰਮਿਲਾ ਦੇਵੀ ਨੇ ਦੱਸਿਆ ਕਿ ਯਸ਼ਵੰਤ ਅਤੇ ਉਸਦੀ ਪਤਨੀ ਪੁਨੀਤਾ ਦੇਵੀ ਵਿਚਕਾਰ ਤਿੰਨ ਸਾਲਾਂ ਤੋਂ ਜ਼ਮੀਨੀ ਵਿਵਾਦ ਚੱਲ ਰਿਹਾ ਸੀ ਅਤੇ ਪਤਨੀ ਆਪਣੇ ਜਵਾਈ ਅਮਿਤ ਕੁਮਾਰ ਨੂੰ ਇੱਕ ਬਿਘਾ ਜ਼ਮੀਨ ਦੇਣ 'ਤੇ ਅੜੀ ਸੀ। ਮ੍ਰਿਤਕ ਦੀ ਮਾਂ ਨੇ ਦੱਸਿਆ ਕਿ ਇਸੇ ਪਿੰਡ ਦੇ ਅੰਸ਼ੂ ਕੁਮਾਰ ਨੇ ਐਤਵਾਰ ਰਾਤ ਨੂੰ ਯਸ਼ਵੰਤ ਨੂੰ ਖਾਦ ਲੋਡ ਕਰਨ ਲਈ ਬੁਲਾਇਆ ਸੀ, ਪਰ ਉਹ ਰਾਤ ਨੂੰ ਵਾਪਸ ਨਹੀਂ ਆਇਆ ਅਤੇ ਸਵੇਰੇ ਉਸਦੀ ਲਾਸ਼ ਘਰ ਤੋਂ ਪੰਜ ਕਿਲੋਮੀਟਰ ਦੂਰ ਮਿਲੀ।
ਪੁਲਸ ਸਟੇਸ਼ਨ ਇੰਚਾਰਜ ਅਜੀਤ ਕੁਮਾਰ ਨੇ ਦੱਸਿਆ ਕਿ ਲਾਸ਼ ਨੂੰ ਕਬਜ਼ੇ 'ਚ ਲੈ ਕੇ ਪੋਸਟਮਾਰਟਮ ਲਈ ਸਦਰ ਹਸਪਤਾਲ, ਮਧੇਪੁਰਾ ਭੇਜ ਦਿੱਤਾ ਗਿਆ ਹੈ ਜਦੋਂ ਕਿ ਪਤਨੀ ਨੂੰ ਹਿਰਾਸਤ 'ਚ ਲੈ ਲਿਆ ਗਿਆ ਹੈ ਅਤੇ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਮ੍ਰਿਤਕ ਯਸ਼ਵੰਤ ਦੀਆਂ ਤਿੰਨ ਧੀਆਂ ਹਨ, 15 ਸਾਲ ਦੀ ਨੇਹਾ, 13 ਸਾਲ ਦੀ ਨਿਧੀ ਅਤੇ 11 ਸਾਲ ਦੀ ਬਿਊਟੀ। ਪਤਨੀ ਨੇ ਆਪਣੀ ਮਰਜ਼ੀ ਨਾਲ ਨੇਹਾ ਦਾ ਵਿਆਹ ਉਸੇ ਪਿੰਡ ਦੇ ਅਮਿਤ ਕੁਮਾਰ ਨਾਲ ਕੀਤਾ ਸੀ। ਪੁਲਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਇਨ੍ਹਾਂ ਥਾਵਾਂ 'ਤੇ ਫੱਟਦੇ ਹਨ ਸਭ ਤੋਂ ਜ਼ਿਆਦਾ ਬੱਦਲ, ਘੁੰਮਣ ਜਾਣ ਤੋਂ ਪਹਿਲਾਂ ਦੇਖ ਲਵੋ ਲਿਸਟ
NEXT STORY 
