ਭੰਡਾਰਾ—ਮਹਾਰਾਸ਼ਟਰ ਦੇ ਭੰਡਾਰਾ ਜ਼ਿਲੇ 'ਚ ਮੋਹਗਾਂਵ ਦੇ ਕਾਲੇ ਪਰਿਵਾਰ ਨੇ 58 ਤੋਂ 60 ਸਾਲ ਤੱਕ ਖੇਤੀ ਕਰਨ ਤੋਂ ਬਾਅਦ ਮੁਖੀ ਗਜਾਨਨ ਕਾਲੇ (80) ਨੂੰ ਰਿਟਾਇਰਮੈਂਟ ਦਿੱਤੀ ਹੈ। ਹੁਣ ਉਹ ਖੇਤੀ ਦਾ ਕੰਮ ਨਹੀਂ ਕਰਨਗੇ। ਪਰਿਵਾਰ ਨੇ ਉਨ੍ਹਾਂ ਨੂੰ ਵਿਦਾਈ ਦੇਣ ਦੇ ਲਈ ਖੇਤ 'ਚ ਪ੍ਰੋਗਰਾਮ ਆਯੋਜਿਤ ਕੀਤਾ। ਉਨ੍ਹਾਂ ਦੇ ਨਾਲ 10 ਕਿਸਾਨਾਂ ਨੂੰ ਸਨਮਾਨਿਤ ਕੀਤਾ ਅਤੇ ਉਨ੍ਹਾਂ ਨੂੰ ਬੈਲਗੱਡੀ 'ਚ ਬਿਠਾ ਕੇ ਪਿੰਡ 'ਚ ਘੁੰਮਾਇਆ ਗਿਆ।
ਗਜਾਨਨ ਦੇ ਭਰਾ ਯਸ਼ਵੰਤ ਨੇ ਦੱਸਿਆ ਕਿ ਸਾਡਾ ਸਾਂਝਾ ਪਰਿਵਾਰ ਹੈ, ਜਿਸ 'ਚ ਛੋਟੇ-ਵੱਡੇ 19 ਮੈਂਬਰ ਹਨ। ਗਜਾਨਨ 25 ਕਿੱਲਿਆਂ 'ਚ ਖੇਤੀ ਕਰਦਾ ਹੈ। ਭਰਾ ਦੀ ਉਮਰ ਜ਼ਿਆਦਾ ਹੋ ਗਈ ਹੈ, ਇਸ ਲਈ ਉਨ੍ਹਾਂ ਨੂੰ ਖੇਤੀ ਦੇ ਕੰਮ ਤੋਂ ਮੁਕਤ ਕਰਨ ਲਈ ਇਹ ਫੈਸਲਾ ਕੀਤਾ ਗਿਆ ਹੈ।
CAA ਅਤੇ NRC ਵਿਰੁੱਧ ਭੀਮ ਆਰਮੀ ਦਾ ਮਾਰਚ, ਕਾਂਗਰਸ ਦਾ ਮਿਲਿਆ ਸਮਰਥਨ
NEXT STORY