ਮੁੰਬਈ—ਭਾਰਤੀ ਹਵਾਈ ਫੌਜ ਨੇ ਮੁੰਬਈ 'ਚ ਪਾਕਿਸਤਾਨ ਤੋਂ ਆਏ ਅੱਤਵਾਦੀਆਂ ਦੇ ਭਿਆਨਕ ਹਮਲੇ ਤੋਂ ਬਾਅਦ ਏਅਰ ਸਟ੍ਰਾਈਕ ਦੀ ਯੋਜਨਾ ਬਣਾਈ ਸੀ ਪਰ ਉਸ ਸਮੇਂ ਦੀ ਸਰਕਾਰ ਨੇ ਮਨਜ਼ੂਰੀ ਨਹੀਂ ਦਿੱਤੀ। ਦੱਸ ਦੇਈਏ ਕਿ ਸ਼ੁੱਕਰਵਾਰ ਨੂੰ ਮੁੰਬਈ ਦੇ ਵਿਦਿਅਕ ਅਦਾਰੇ 'ਚ ਆਯੋਜਿਤ ਪ੍ਰੋਗਰਾਮ 'ਚ ਵਿਦਿਆਰਥੀ ਅਤੇ ਹੋਰ ਲੋਕਾਂ ਨੂੰ ਸੰਬੋਧਿਤ ਕਰਦੇ ਹੋਏ ਬੀ.ਐੱਸ. ਧਨੋਆ ਨੇ ਕਿਹਾ, 'ਅਸੀਂ ਜਾਣਦੇ ਸੀ ਕਿ ਪਾਕਿਸਤਾਨ 'ਚ ਅੱਤਵਾਦੀ ਟ੍ਰੇਨਿੰਗ ਦੇ ਠਿਕਾਣੇ ਕਿੱਥੇ ਹਨ ਅਤੇ ਉਨ੍ਹਾਂ ਨੂੰ ਖਤਮ ਕਰਨ ਲਈ ਅਸੀ ਤਿਆਰ ਸੀ ਪਰ ਇਹ ਰਾਜਨੀਤਿਕ ਫੈਸਲਾ ਸੀ ਕਿ ਹਮਲਾ ਕਰਨਾ ਹੈ ਜਾਂ ਨਹੀਂ।'' ਇਹ ਵੀ ਦੱਸਿਆ ਜਾਂਦਾ ਹੈ ਕਿ 31 ਦਸੰਬਰ 2016 ਤੋਂ 30 ਸਤੰਬਰ 2019 ਤੱਕ ਬੀ.ਐੱਸ. ਧਨੋਆ ਭਾਰਤੀ ਹਵਾਈ ਫੌਜ ਦੇ ਮੁਖੀ ਸੀ।
ਉਨ੍ਹਾਂ ਨੇ ਕਿਹਾ ਕਿ 2001 'ਚ ਦੇਸ਼ ਦੀ ਸੰਸਦ 'ਤੇ ਹੋਏ ਅੱਤਵਾਦੀ ਹਮਲੇ ਤੋਂ ਬਾਅਦ ਵੀ ਹਵਾਈ ਫੌਜ ਨੇ ਪਾਕਿਸਤਾਨ ਦੇ ਖਿਲਾਫ ਏਅਰ ਸਟ੍ਰਾਈਕ ਕਰਨ ਦੀ ਗੱਲ ਕੀਤੀ ਸੀ। ਧਨੋਆ ਨੇ ਦੱਸਿਆ, 'ਉਸ ਨੂੰ ਸਵੀਕਾਰ ਨਹੀਂ ਕੀਤਾ ਗਿਆ।' ਆਸ਼ਾਂਤੀ ਅਤੇ ਅੱਤਵਾਦ ਨੂੰ ਪਾਕਿਸਤਾਨ ਦਾ ਹਥਿਆਰ ਦੱਸਦੇ ਹੋਏ ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਸ਼ਾਂਤੀ ਸਥਾਪਿਤ ਹੁੰਦੀ ਹੈ ਤਾਂ ਕਈ ਸਹੂਲਤਾਂ ਗੁਆ ਦੇਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਪਾਕਿਸਤਾਨ ਕਸ਼ਮੀਰ 'ਚ ਆਸ਼ਾਂਤੀ ਬਣਾਈ ਰੱਖਣਾ ਚਾਹੁੰਦਾ ਹੈ।
ਉਨ੍ਹਾਂ ਨੇ ਕਿਹਾ ਹੈ ਕਿ ਪਾਕਿਸਤਾਨ ਸਾਡੇ ਖਿਲਾਫ ਪ੍ਰੋਪਗੈਂਡਾ ਵਾਰ 'ਚ ਜੁੱਟਿਆ ਹੋਇਆ ਹੈ ਅਤੇ ਅੱਗੇ ਵੀ ਅਟੈਕ ਕਰਦਾ ਰਹੇਗਾ। ਭਾਰਤੀ ਹਵਾਈ ਫੌਜ ਨੂੰ ਹਰ ਹਮਲੇ ਦਾ ਜਵਾਬ ਦੇਣ ਅਤੇ ਪਲਟਵਾਰ 'ਚ ਸਮਰਥ ਦੱਸਦੇ ਹੋਏ ਉਨ੍ਹਾਂ ਨੇ ਕਿਹਾ, "ਏਅਰ ਫੋਰਸ ਤੋਂ ਬਾਅਦ ਛੋਟੀ, ਅਚਾਨਕ ਛਿੜੀ ਜੰਗ ਜਾਂ ਫਿਰ ਭਵਿੱਖ 'ਚ ਛਿੜੇ ਕਿਸੇ ਵੀ ਯੁੱਧ ਨਾਲ ਨਿਪਟਣ ਦੀ ਸਮਰਥਾ ਹੈ।"
ਭਾਜਪਾ ਦੇ 'ਦੋਸ਼ ਪੱਤਰ' ਦੇ ਚੰਗੇ ਸੁਝਾਵਾਂ ਨੂੰ ਅਗਲੇ 5 ਸਾਲਾਂ 'ਚ ਕਰਾਂਗੇ ਲਾਗੂ : ਕੇਜਰੀਵਾਲ
NEXT STORY 
