ਨਵੀਂ ਦਿੱਲੀ- ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਨੇ ਆਪਣੇ ਹਾਲੀਆ ਭਾਰਤ ਦੌਰੇ ਦੀ ਸਮਾਪਤੀ 'ਤੇ ਇਕ ਬਹੁਤ ਹੀ ਖਾਸ ਅੰਦਾਜ਼ 'ਚ ਭਾਰਤੀਆਂ ਦਾ ਧੰਨਵਾਦ ਕੀਤਾ ਹੈ। ਮੈਕਰੋਨ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'X' 'ਤੇ ਇਕ 43 ਸੈਕਿੰਡ ਦੀ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਦੇ ਬੈਕਗ੍ਰਾਊਂਡ 'ਚ ਹਿੰਦੀ ਫਿਲਮ 'ਧੁਰੰਧਰ' ਦਾ ਸੁਪਰਹਿੱਟ ਟਾਈਟਲ ਟਰੈਕ 'ਨਾ ਦੇ ਦਿਲ ਪਰਦੇਸੀ ਨੂੰ' ਚੱਲ ਰਿਹਾ ਹੈ।
ਵੀਡੀਓ 'ਚ ਭਾਰਤ ਦੀਆਂ ਯਾਦਗਾਰੀ ਝਲਕੀਆਂ
ਇਸ ਵੀਡੀਓ 'ਚ ਮੈਕਰੋਨ ਦੇ ਭਾਰਤ ਦੌਰੇ ਦੇ ਖਾਸ ਪਲਾਂ ਨੂੰ ਦਿਖਾਇਆ ਗਿਆ ਹੈ, ਜਿਸ 'ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਉਨ੍ਹਾਂ ਦੀਆਂ ਨਿੱਘੀਆਂ ਮੁਲਾਕਾਤਾਂ, ਮੰਦਰਾਂ ਦੇ ਦਰਸ਼ਨ, ਸੱਭਿਆਚਾਰਕ ਪ੍ਰੋਗਰਾਮ ਅਤੇ ਮੁੰਬਈ ਦੀਆਂ ਸੜਕਾਂ 'ਤੇ ਸੈਰ ਕਰਨਾ ਸ਼ਾਮਲ ਹੈ। ਮੈਕਰੋਨ ਨੇ ਇਸ ਵੀਡੀਓ ਦੇ ਨਾਲ "Thank You India!" ਲਿਖ ਕੇ ਭਾਰਤ ਦੀ ਪ੍ਰਾਹੁਣਚਾਰੀ ਲਈ ਸ਼ੁਕਰਗੁਜ਼ਾਰੀ ਪ੍ਰਗਟਾਈ ਹੈ।
ਸੋਸ਼ਲ ਮੀਡੀਆ 'ਤੇ ਚਰਚਾ ਰਾਸ਼ਟਰਪਤੀ
ਮੈਕਰੋਨ ਵੱਲੋਂ ਇਸ ਗਾਣੇ ਦੀ ਚੋਣ ਨੇ ਭਾਰਤੀ ਪ੍ਰਸ਼ੰਸਕਾਂ ਨੂੰ ਕਾਫੀ ਉਤਸ਼ਾਹਿਤ ਕਰ ਦਿੱਤਾ ਹੈ। ਸੋਸ਼ਲ ਮੀਡੀਆ 'ਤੇ ਲੋਕ ਇਸ ਦੀ ਖੂਬ ਤਾਰੀਫ ਕਰ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ,"ਬੈਕਗ੍ਰਾਊਂਡ 'ਚ ਧੁਰੰਧਰ ਦਾ ਗਾਣਾ ਕਮਾਲ ਹੈ, ਜਦਕਿ ਇਕ ਹੋਰ ਨੇ ਇਸ ਨੂੰ "ਗੋਟੇਡ ਟਰੈਕ (ਸਭ ਤੋਂ ਵਧੀਆ ਗਾਣਾ) ਅਤੇ ਗੋਟੇਡ ਲੀਡਰਸ" ਕਿਹਾ ਹੈ।''
ਭਾਰਤ-ਫਰਾਂਸ ਸਬੰਧਾਂ ਦਾ ਨਵਾਂ ਅਧਿਆਏ
ਆਪਣੇ ਦੌਰੇ ਦੌਰਾਨ ਮੈਕਰੋਨ ਨੇ ਕਿਹਾ ਕਿ ਭਾਰਤ ਅਤੇ ਫਰਾਂਸ ਦੇ ਸਬੰਧ ਆਪਣੇ "ਸਭ ਤੋਂ ਉੱਚੇ ਪੱਧਰ" 'ਤੇ ਹਨ। ਉਨ੍ਹਾਂ ਨੇ ਭਾਰਤ ਦੇ ਡਿਜੀਟਲ ਬਦਲਾਅ ਅਤੇ ਟੈਕਨਾਲੋਜੀ ਦੇ ਖੇਤਰ 'ਚ ਭਾਰਤ ਦੀ ਮੋਹਰੀ ਭੂਮਿਕਾ ਦੀ ਵੀ ਸ਼ਲਾਘਾ ਕੀਤੀ। ਇਹ ਦੌਰਾ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਅਤੇ ਨਵੀਆਂ ਤਕਨੀਕਾਂ ਦੇ ਖੇਤਰ 'ਚ ਦੋਵਾਂ ਦੇਸ਼ਾਂ ਦੇ ਸਹਿਯੋਗ ਨੂੰ ਹੋਰ ਮਜ਼ਬੂਤ ਕਰਨ ਵੱਲ ਇਕ ਵੱਡਾ ਕਦਮ ਮੰਨਿਆ ਜਾ ਰਿਹਾ ਹੈ।
ਫਿਲਮ 'ਧੁਰੰਧਰ' ਦਾ ਦਬਦਬਾ
ਦੱਸਣਯੋਗ ਹੈ ਕਿ ਰਣਵੀਰ ਸਿੰਘ ਦੀ ਫਿਲਮ 'ਧੁਰੰਧਰ' ਨੇ ਕਮਾਈ ਦੇ ਮਾਮਲੇ 'ਚ 'ਪੁਸ਼ਪਾ 2' ਵਰਗੀਆਂ ਵੱਡੀਆਂ ਫਿਲਮਾਂ ਨੂੰ ਪਛਾੜ ਦਿੱਤਾ ਹੈ ਅਤੇ ਇਹ ਹੁਣ ਤੱਕ ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਹਿੰਦੀ ਫਿਲਮ ਬਣ ਗਈ ਹੈ। ਪ੍ਰਸ਼ੰਸਕ ਹੁਣ ਇਸ ਦੇ ਸੀਕਵਲ 'ਧੁਰੰਧਰ: ਦ ਰੀਵੈਂਜ' ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ, ਜੋ 19 ਮਾਰਚ 2026 ਨੂੰ ਰਿਲੀਜ਼ ਹੋਣ ਵਾਲੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਫੁੱਟਬਾਲ ਖੇਡਦੇ ਹੋਏ MP ਦੀ ਗਈ ਜਾਨ... PM ਮੋਦੀ ਨੇ ਜਤਾਇਆ ਦੁੱਖ
NEXT STORY 
