ਭਿੰਡ (ਏਜੰਸੀ)- ਮੱਧ ਪ੍ਰਦੇਸ਼ ਦੇ ਭਿੰਡ ਜ਼ਿਲ੍ਹੇ ਦੇ ਲਹਾਰ ਥਾਣਾ ਖੇਤਰ 'ਚ ਲਗਭਗ 2 ਮਹੀਨੇ ਪਹਿਲਾਂ ਇਕ ਖੂਹ 'ਚੋਂ ਮਿਲੀ 6 ਸਾਲ ਦੀ ਬੱਚੀ ਦੀ ਲਾਸ਼ ਦੇ ਮਾਮਲੇ ਨੂੰ ਪੁਲਸ ਨੇ ਸੁਲਝਾ ਲਿਆ ਹੈ, ਜਿਸ 'ਚ ਉਸ ਦੀ ਮਾਂ ਅਤੇ ਉਸ ਦੇ ਪ੍ਰੇਮੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਪੁਲਸ ਦੇ ਅਨੁਸਾਰ ਦੋਵੇਂ ਇਕੱਠੇ ਰਹਿਣਾ ਚਾਹੁੰਦੇ ਸਨ ਅਤੇ ਕੁੜੀ ਉਨ੍ਹਾਂ ਦੇ ਰਿਸ਼ਤੇ ਦੀ ਜਾਣਕਾਰੀ ਪਰਿਵਾਰ ਨੂੰ ਦੱਸਣ ਦੀ ਗੱਲ ਕਹਿ ਰਹੀ ਸੀ। ਇਸੇ ਡਰ ਕਾਰਨ ਦੋਵਾਂ ਨੇ ਉਸ ਦਾ ਕਤਲ ਕਰ ਕੇ ਲਾਸ਼ ਖੂਹ 'ਚ ਸੁੱਟ ਦਿੱਤੀ ਸੀ।
ਗੁਜਰਾਤ ਦੇ ਵਡੋਦਰਾ 'ਚ ਪੇਂਟਰ ਵਜੋਂ ਕੰਮ ਕਰਦਾ ਸੀ ਪਤੀ
ਪੁਲਸ ਦੇ ਅਨੁਸਾਰ, ਕੁੜੀ ਦੀ ਮਾਂ ਜੋਤੀ ਦਾ ਵਿਆਹ ਕਰੀਬ 8-9 ਸਾਲ ਪਹਿਲਾਂ ਅਟੇਰ ਖੇਤਰ ਦੇ ਗਿਆਨਪੁਰ ਪਿੰਡ ਦੇ ਰਹਿਣ ਵਾਲੇ ਧਰਮਿੰਦਰ ਸਿੰਘ ਨਾਲ ਹੋਇਆ ਸੀ। ਉਸ ਦੇ ਦੋ ਬੱਚੇ ਸਨ: ਅੱਠ ਸਾਲ ਦਾ ਪੁੱਤਰ ਅਤੇ ਇਕ ਛੇ ਸਾਲ ਦੀ ਧੀ, ਸ੍ਰਿਸ਼ਟੀ। ਧਰਮਿੰਦਰ ਗੁਜਰਾਤ ਦੇ ਵਡੋਦਰਾ 'ਚ ਪੇਂਟਰ ਵਜੋਂ ਕੰਮ ਕਰਦਾ ਸੀ। ਇਸ ਦੌਰਾਨ, ਮੇਹਰਾ ਪਿੰਡ ਦਾ ਰਹਿਣ ਵਾਲਾ ਰਾਮਸ਼ੰਕਰ ਸ਼ਰਮਾ ਵੀ ਵਡੋਦਰਾ 'ਚ ਪੇਂਟਰ ਵਜੋਂ ਕੰਮ ਕਰਦਾ ਸੀ ਅਤੇ ਦੋਵੇਂ ਇਕੱਠੇ ਕੰਮ ਕਰਦੇ ਸਨ। ਪੁਲਸ ਅਨੁਸਾਰ, ਧਰਮਿੰਦਰ ਕੋਲ ਮੋਬਾਈਲ ਫ਼ੋਨ ਨਹੀਂ ਸੀ, ਇਸ ਲਈ ਉਹ ਘਰ ਫ਼ੋਨ ਕਰਨ ਲਈ ਰਾਮਸ਼ੰਕਰ ਦੇ ਫ਼ੋਨ ਦੀ ਵਰਤੋਂ ਕਰਦਾ ਸੀ।
ਜੋਤੀ ਦੀ ਆਰਥਿਕ ਮਦਦ ਕਰਦਾ ਸੀ ਰਾਮਸ਼ੰਕਰ
ਇਸ ਸਮੇਂ ਦੌਰਾਨ, ਜੋਤੀ ਦੀ ਵੀ ਰਾਮਸ਼ੰਕਰ ਨਾਲ ਵੀ ਗੱਲਬਾਤ ਸ਼ੁਰੂ ਹੋਈ ਅਤੇ ਹੌਲੀ-ਹੌਲੀ ਦੋਵਾਂ ਵਿਚਾਲੇ ਨਜ਼ਦੀਕੀਆਂ ਵਧ ਗਈਆਂ। ਜੋਤੀ ਨੇ ਪੁਲਸ ਨੂੰ ਦੱਸਿਆ ਕਿ ਉਸ ਦਾ ਪਤੀ ਸ਼ਰਾਬ ਪੀਂਦਾ ਸੀ ਅਤੇ ਘਰ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਨਹੀਂ ਕਰਦਾ ਸੀ, ਜਦੋਂ ਕਿ ਰਾਮਸ਼ੰਕਰ ਉਸ ਦੀ ਆਰਥਿਕ ਮਦਦ ਕਰਦਾ ਸੀ। ਇਸ ਤੋਂ ਬਾਅਦ, ਦੋਵਾਂ ਨੇ ਇਕੱਠੇ ਰਹਿਣ ਦਾ ਫੈਸਲਾ ਕਰ ਲਿਆ। ਪੁਲਸ ਅਨੁਸਾਰ, ਇਸ ਸਾਲ ਅਪ੍ਰੈਲ 'ਚ ਜੋਤੀ ਆਪਣੇ ਪਤੀ ਨੂੰ ਛੱਡ ਕੇ ਰਾਮਸ਼ੰਕਰ ਨਾਲ ਚਲੀ ਗਈ ਅਤੇ ਆਪਣੀ ਧੀ ਨੂੰ ਆਪਣੇ ਨਾਲ ਲੈ ਗਈ। ਲਗਭਗ 10 ਦਿਨਾਂ ਬਾਅਦ ਉਸ ਦੇ ਪਿਤਾ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਉਨ੍ਹਾਂ ਨੇ ਉਸ ਨੂੰ ਸਮਝਾ ਕੇ ਵਾਪਸ ਬੁਲਾਇਆ ਅਤੇ ਪਰਿਵਾਰ ਨੇ ਉਸ ਨੂੰ ਪਤੀ ਕੋਲ ਭੇਜ ਦਿੱਤਾ।
ਧੀ ਨੇ ਨਾਨਾ-ਨਾਨੀ ਘਰ ਜਾਣ ਦੀ ਕੀਤੀ ਜਿੱਦ
ਹਾਲਾਂਕਿ ਜੋਤੀ ਅਤੇ ਰਾਮਸ਼ੰਕਰ ਨੇ ਗੱਲਬਾਤ ਜਾਰੀ ਰੱਖੀ। 27 ਮਈ ਨੂੰ ਦੋਵਾਂ ਨੇ ਦੁਬਾਰਾ ਘਰ ਤੋਂ ਨਿਕਲਣ ਦੀ ਯੋਜਨਾ ਬਣਾਈ ਅਤੇ ਜੋਤੀ ਧੀ ਨੂੰ ਲੈ ਕੇ ਰਮਾਸ਼ੰਕਰ ਨਾਲ ਚਲੀ ਗਈ। ਦੋਵੇਂ ਪਹਿਲਾਂ ਉੱਤਰ ਪ੍ਰਦੇਸ਼ ਦੇ ਜਾਲੌਨ 'ਚ ਇਕ ਰਿਸ਼ਤੇਦਾਰ ਦੇ ਇੱਥੇ ਰੁਕੇ ਅਤੇ ਫਿਰ ਗਵਾਲੀਅਰ ਪਹੁੰਚੇ। ਕੁਝ ਦਿਨ ਗਵਾਲੀਅਰ 'ਚ ਰਹਿਣ ਤੋਂ ਬਾਅਦ ਦੋਵੇਂ ਸੇਵਢਾ ਅਤੇ ਫਿਰ ਔਰਤ ਦੇ ਪੇਕੇ ਦੇ ਨੇੜੇ-ਤੇੜੇ ਦੇ ਖੇਤਰ 'ਚ ਪਹੁੰਚੇ। ਪੁਲਸ ਅਨੁਸਾਰ 5 ਜੂਨ ਦੀ ਰਾਤ ਦੋਵੇਂ ਮੇਹਰਾ ਪਿੰਡ ਦੇ ਖੇਤ 'ਚ ਬਣੀ ਝੌਂਪੜੀ 'ਚ ਰੁਕੇ ਸਨ। ਇੱਥੇ ਜੋਤੀ ਦੀ 6 ਸਾਲਾ ਧੀ ਨਾਨਾ-ਨਾਨੀ ਦੇ ਘਰ ਜਾਣ ਦੀ ਜਿੱਦ ਕਰਨ ਲੱਗੀ। ਕੁੜੀ ਨੇ ਕਿਹਾ ਕਿ ਉਸ ਨੂੰ ਨਹੀਂ ਲਿਜਾਇਆ ਗਿਆ ਤਾਂ ਉਹ ਦੋਵੇਂ ਦੇ ਸੰਬੰਧਾਂ ਦੀ ਜਾਣਕਾਰੀ ਪਰਿਵਾਰ ਨੂੰ ਦੱਸ ਦੇਵੇਗੀ।
ਖੂਹ 'ਚੋਂ ਮਿਲੀ ਕੁੜੀ ਦੀ ਲਾਸ਼
ਪੁਲਸ ਦੇ ਅਨੁਸਾਰ ਬੱਚੀ ਦੀ ਗੱਲ ਤੋਂ ਜੋਤੀ ਨੂੰ ਡਰ ਸੀ ਕਿ ਪਰਿਵਾਰ ਨੂੰ ਜਾਣਕਾਰੀ ਮਿਲਣ ਤੋਂ ਬਾਅਦ ਉਸ ਨੂੰ ਮੁੜ ਪਤੀ ਕੋਲ ਭੇਜ ਦਿੱਤਾ ਜਾਵੇਗਾ। ਇਸ ਤੋਂ ਬਾਅਦ ਦੋਵਾਂ ਨੇ ਕੁੜੀ ਨੂੰ ਰਸਤੇ ਤੋਂ ਹਟਾਉਣ ਦੀ ਯੋਜਨਾ ਬਣਾਈ। ਪੁੱਛ-ਗਿੱਛ 'ਚ ਜੋਤੀ ਨੇ ਦੱਸਿਆ ਕਿ ਉਸ ਨੇ ਕੁੜੀ ਦੇ ਦੋਵੇਂ ਹੱਥ ਫੜ ਲਏ ਅਤੇ ਰਾਮਸ਼ੰਕਰ ਨੇ ਉਸ ਦਾ ਗਲਾ ਘੁੱਟ ਦਿੱਤਾ। ਕੁੜੀ ਦੀ ਮੌਤ ਤੋਂ ਬਾਅਦ ਦੋਵਾਂ ਨੇ ਲਾਸ਼ ਨੂੰ ਖੇਤ 'ਚ ਬਣੇ ਖੂਹ 'ਚ ਸੁੱਟ ਦਿੱਤਾ। ਘਟਨਾ 5 ਅਤੇ 6 ਜੂਨ ਦੀ ਦਰਮਿਆਨੀ ਰਾਤ ਦੀ ਦੱਸੀ ਗਈ ਹੈ। ਪੁਲਸ ਅਨੁਸਾਰ 15 ਜੂਨ ਦੀ ਸਵੇਰ ਮੇਹਰਾ ਪਿੰਡ ਦੇ ਖੇਤ 'ਚ ਬਣੇ ਖੂਹ 'ਚ ਕੁੜੀ ਦੀ ਲਾਸ਼ ਮਿਲਣ ਦੀ ਸੂਚਨਾ ਮਿਲੀ ਸੀ। ਪੁਲਸ ਨੇ ਲਾਸ਼ ਬਾਹਰ ਕੱਢਵਾ ਕੇ ਪੋਸਟਮਾਰਟਮ ਕਰਵਾਇਆ ਪਰ ਸ਼ੁਰੂਆਤ 'ਚ ਉਸ ਦੀ ਪਛਾਣ ਨਹੀਂ ਹੋ ਸਕੀ। ਬਾਅਦ 'ਚ ਨਾਨਾ ਪੱਖ ਦੇ ਪਰਿਵਾਰ ਨੇ ਲਾਸ਼ ਦੀ ਪਛਾਣ 6 ਸਾਲਾ ਸ੍ਰਿਸ਼ਟੀ ਵਜੋਂ ਕੀਤੀ।
ਜੋਤੀ ਨੂੰ ਰੀਲਾਂ ਬਣਾਉਣ ਦਾ ਸ਼ੌਂਕ ਸੀ
ਜਾਂਚ ਦੌਰਾਨ ਪੁਲਸ ਨੂੰ ਪਤਾ ਲੱਗਾ ਕਿ ਕੁੜੀ ਦੀ ਮਾਂ ਜੋਤੀ ਵੀ ਗਾਇਬ ਹੈ ਅਤੇ ਉਸ ਦੇ ਰਮਾਸ਼ੰਕਰ ਦੇ ਸੰਪਰਕ 'ਚ ਹੋਣ ਦੀ ਜਾਣਕਾਰੀ ਮਿਲੀ। ਲਹਾਰ ਪੁਲਸ ਦੋਵਾਂ ਦੀ ਭਾਲ ਕਰ ਰਹੀ ਸੀ। ਇਸ ਵਿਚ ਦੋਵਾਂ ਦੇ ਗਵਾਲੀਅਰ 'ਚ ਹੋਣ ਦੀ ਸੂਚਨਾ ਮਿਲੀ। ਪੁਲਸ ਨੇ ਘੇਰਾਬੰਦੀ ਕਰ ਕੇ ਜੋਤੀ ਅਤੇ ਰਮਾਸ਼ੰਕਰ ਨੂੰ ਹਿਰਾਸਤ 'ਚ ਲਿਆ। ਪੁੱਛ-ਗਿੱਛ 'ਚ ਪੁਲਸ ਅਨੁਸਾਰ ਜੋਤੀ ਨੇ ਘਟਨਾ ਸਵੀਕਾਰ ਕਰਦੇ ਹੋਏ ਕਤਲ ਨਾਲ ਜੁੜੇ ਘਟਨਾਕ੍ਰਮ ਦੀ ਜਾਣਕਾਰੀ ਦਿੱਤੀ। ਜਾਂਚ ਦੌਰਾਨ ਪੁਲਸ ਨੂੰ ਜੋਤੀ ਦੇ ਸੋਸ਼ਲ ਮੀਡੀਆ ਨਾਲ ਜੁੜੇ ਵੀਡੀਓ ਵੀ ਮਿਲੇ ਹਨ। ਮਾਂ ਅਤੇ ਉਸ ਦੇ ਪ੍ਰੇਮੀ ਦੀ ਭੂਮਿਕਾ ਸਾਹਮਣੇ ਆਉਣ ਤੋਂ ਬਾਅਦ, ਦੋਵਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਪੁੱਛ-ਗਿੱਛ 'ਚ ਕਤਲ ਦਾ ਕਾਰਨ ਅਤੇ ਘਟਨਾਕ੍ਰਮ ਸਾਹਮਣੇ ਆਇਆ ਹੈ। ਪੁਲਸ ਅਨੁਸਾਰ ਜੋਤੀ ਨੂੰ ਰੀਲਾਂ ਬਣਾਉਣ ਦਾ ਸ਼ੌਂਕ ਸੀ ਅਤੇ ਰਮਾਸ਼ੰਕਰ ਨਾਲ ਜੁੜੇ ਰਿਕਾਰਡ ਦੀ ਵੀ ਜਾਂਚ ਕਰ ਰਹੀ ਹੈ। ਦੋਵਾਂ ਦੋਸ਼ੀਆਂ ਨੂੰ ਅਦਾਲਤ 'ਚ ਪੇਸ਼ ਕੀਤਾ ਗਿਆ, ਜਿੱਥੇ ਉਨ੍ਹਾਂ ਨੂੰ ਜੇਲ੍ਹ ਭੇਜ ਦਿੱਤਾ ਗਿਆ। ਮਾਮਲੇ 'ਚ ਅੱਗੇ ਦੀ ਕਾਨੂੰਨੀ ਕਾਰਵਾਈ ਜਾਰੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਕਿਸਾਨਾਂ ਦੇ ਕਰਜ਼ੇ ਮੁਆਫ਼! CM ਵਿਜੇ ਨੇ ਕਰ'ਤਾ ਵੱਡਾ ਐਲਾਨ
NEXT STORY 
