ਨੈਸ਼ਨਲ ਡੈਸਕ : ਨਵੀ ਮੁੰਬਈ ਦੇ ਬੇਲਾਪੁਰ ਇਲਾਕੇ ਵਿੱਚ ਸ਼ਨੀਵਾਰ ਰਾਤ ਇੱਕ ਵੱਡਾ ਹਾਦਸਾ ਟਲ ਗਿਆ। ਗੂਗਲ ਮੈਪ ਦੀ ਦਿਸ਼ਾ 'ਤੇ ਚੱਲ ਰਹੀ ਇੱਕ ਔਰਤ ਦੀ ਕਾਰ ਸਿੱਧੀ ਖਾੜੀ ਵਿੱਚ ਡਿੱਗ ਗਈ। ਹਾਦਸੇ ਸਮੇਂ ਪਾਣੀ ਦਾ ਵਹਾਅ ਤੇਜ਼ ਸੀ ਅਤੇ ਔਰਤ ਉਸ ਵਿੱਚ ਵਹਿਣ ਲੱਗ ਪਈ, ਪਰ ਮੌਕੇ 'ਤੇ ਮੌਜੂਦ ਮਰੀਨ ਸਕਿਓਰਿਟੀ (ਸਾਗਰੀ ਸੁਰੱਖਿਆ) ਪੁਲਸ ਨੇ ਸਮੇਂ ਸਿਰ ਉਸ ਨੂੰ ਬਚਾ ਲਿਆ ਅਤੇ ਉਸਦੀ ਜਾਨ ਬਚ ਗਈ।
ਇਹ ਵੀ ਪੜ੍ਹੋ : ਤੇਜ ਪ੍ਰਤਾਪ ਯਾਦਵ ਦਾ ਵੱਡਾ ਐਲਾਨ, ਮਹੂਆ ਸੀਟ ਤੋਂ ਆਜ਼ਾਦ ਉਮੀਦਵਾਰ ਵਜੋਂ ਲੜਨਗੇ ਚੋਣ
ਕਿਵੇਂ ਹੋਇਆ ਹਾਦਸਾ?
ਜਾਣਕਾਰੀ ਅਨੁਸਾਰ, ਸ਼ੁੱਕਰਵਾਰ ਰਾਤ ਲਗਭਗ 1 ਵਜੇ ਮੁੰਬਈ ਦੇ ਸ਼ਿਵਡੀ ਤੋਂ ਉਲਵਾ ਜਾ ਰਹੀ ਇੱਕ ਔਰਤ ਨੇ ਰਸਤਾ ਜਾਣਨ ਲਈ ਗੂਗਲ ਮੈਪ ਦੀ ਮਦਦ ਲਈ। ਪਰ ਨਕਸ਼ੇ ਨੇ ਔਰਤ ਨੂੰ ਗਲਤ ਦਿਸ਼ਾ ਵਿੱਚ ਮੋੜ ਦਿੱਤਾ ਅਤੇ ਪੁਲ 'ਤੇ ਜਾਣ ਦੀ ਬਜਾਏ ਉਹ ਹੇਠਲੇ ਰਸਤੇ ਵੱਲ ਚਲੀ ਗਈ। ਗੂਗਲ ਮੈਪ ਵਿੱਚ ਉਹ ਰਸਤਾ ਇੱਕ ਆਮ ਸੜਕ ਵਰਗਾ ਦਿਖਾਈ ਦਿੰਦਾ ਸੀ, ਪਰ ਅਸਲ ਵਿੱਚ ਉਹ ਰਸਤਾ ਧਰੁਵਤਾਰਾ ਜੈੱਟੀ ਦੇ ਨੇੜੇ ਖਾੜੀ ਵੱਲ ਜਾ ਰਿਹਾ ਸੀ। ਜਿਵੇਂ ਹੀ ਔਰਤ ਨੇ ਕਾਰ ਅੱਗੇ ਵਧਾਈ ਗੱਡੀ ਸਿੱਧੀ ਖਾੜੀ ਦੇ ਪਾਣੀ ਵਿੱਚ ਡਿੱਗ ਗਈ। ਪਾਣੀ ਦਾ ਵਹਾਅ ਇੰਨਾ ਤੇਜ਼ ਸੀ ਕਿ ਔਰਤ ਉਸ ਵਿੱਚ ਵਹਿਣ ਲੱਗ ਪਈ।
ਸਮਾਂ ਰਹਿੰਦੇ ਹੋਈ ਕਾਰਵਾਈ
ਖੁਸ਼ਕਿਸਮਤੀ ਨਾਲ ਘਟਨਾ ਵਾਲੀ ਥਾਂ ਦੇ ਨੇੜੇ ਤਾਇਨਾਤ ਸਮੁੰਦਰੀ ਸੁਰੱਖਿਆ ਪੁਲਸ ਪੂਰੀ ਘਟਨਾ 'ਤੇ ਨਜ਼ਰ ਰੱਖ ਰਹੀ ਸੀ। ਉਨ੍ਹਾਂ ਨੇ ਤੁਰੰਤ ਗਸ਼ਤ ਕਿਸ਼ਤੀ ਅਤੇ ਬਚਾਅ ਉਪਕਰਣਾਂ ਦੀ ਮਦਦ ਨਾਲ ਔਰਤ ਨੂੰ ਖਾੜੀ ਤੋਂ ਬਚਾਇਆ। ਇਸ ਤੋਂ ਬਾਅਦ ਕਾਰ ਨੂੰ ਵੀ ਕਰੇਨ ਦੀ ਮਦਦ ਨਾਲ ਪਾਣੀ ਵਿੱਚੋਂ ਬਾਹਰ ਕੱਢਿਆ ਗਿਆ।
ਇਹ ਵੀ ਪੜ੍ਹੋ : ਦੇਸ਼ ’ਚ ਸਾਰੇ ਸਕੂਲਾਂ ਦਾ ਹੋਵੇਗਾ ਸੁਰੱਖਿਆ ਆਡਿਟ, ਸਿੱਖਿਆ ਮੰਤਰਾਲਾ ਦਾ ਨਿਰਦੇਸ਼
ਦੇਸ਼ ਭਰ 'ਚ ਵੱਧ ਰਹੀਆਂ ਹਨ ਅਜਿਹੀਆਂ ਘਟਨਾਵਾਂ
ਇਹ ਪਹਿਲੀ ਘਟਨਾ ਨਹੀਂ ਹੈ ਜਦੋਂ ਗੂਗਲ ਮੈਪਸ 'ਤੇ ਨਿਰਭਰਤਾ ਕਾਰਨ ਸੜਕ ਹਾਦਸਾ ਹੋਇਆ ਹੋਵੇ। ਦੇਸ਼ ਭਰ ਵਿੱਚ ਅਜਿਹੀਆਂ ਕਈ ਘਟਨਾਵਾਂ ਵਾਪਰੀਆਂ ਹਨ, ਜਿੱਥੇ ਗਲਤ ਦਿਸ਼ਾਵਾਂ ਜਾਂ ਅਧੂਰੇ ਰਸਤੇ ਕਾਰਨ ਵਾਹਨ ਹਾਦਸਾਗ੍ਰਸਤ ਹੋਏ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Facebook 'ਤੇ ਵਿਦੇਸ਼ੀ ਕੁੜੀ ਨਾਲ ਦੋਸਤੀ ਪਈ ਮਹਿੰਗੀ, ਗੁਆ ਦਿੱਤੇ 10 ਲੱਖ ਰੁਪਏ
NEXT STORY 
