ਗੈਜੇਟ ਡੈਸਕ- ਅੱਜ, 31 ਦਸੰਬਰ 2024 ਨੂੰ ਗੂਗਲ ਡੂਡਲ ਨੇ 'ਨਿਊ ਈਅਰ ਈਵ' (ਨਵੇਂ ਸਾਲ ਤੋਂ ਪਹਿਲੀ ਸ਼ਾਮ) ਦਾ ਖੁਸ਼ਨੁਮਾ ਅਤੇ ਰੰਗੀਨ ਐਨੀਮੇਟਿਡ ਡਿਜ਼ਾਈਨ ਦੇ ਨਾਲ ਜਸ਼ਨ ਮਨਾਇਆ ਹੈ। 'ਗੂਗਲ' ਸ਼ਬਦ ਨੂੰ ਇਕ ਹਨ੍ਹੇਰੇ ਆਸਮਾਨ ਦੀ ਬੈਕਗ੍ਰਾਊਂਡ 'ਤੇ ਮੋਟੇ ਅੱਖਰਾਂ ਵਿੱਚ ਦਰਸਾਇਆ ਗਿਆ ਹੈ, ਜਿੱਥੇ ਵਿਚਕਾਰਲਾ ‘O’ ਇਕ ਟਿਕ-ਟਿਕ ਕਰਦੀ ਘੜੀ 'ਚ ਬਦਲ ਗਿਆ ਹੈ, ਜੋ ਅੱਧੀ ਰਾਤ ਦਾ ਇੰਤਜ਼ਾਰ ਕਰ ਰਹੀ ਹੈ।
ਗੂਗਲ ਡੂਡਲ ਨੇ ਲਿਖਿਆ, “ਆਪਣੇ ਚਮਕਦਾਰ ਕੱਪੜੇ ਉਤਾਰੋ ਅਤੇ ਆਪਣੇ ਸੰਕਲਪ ਨੂੰ ਅੰਤਿਮ ਰੂਪ ਦਿਓ, ਅੱਜ ਦਾ ਡੂਡਲ ਨਵੇਂ ਸਾਲ ਦੀ ਪੂਰਵ ਸੰਧਿਆ ਦਾ ਜਸ਼ਨ ਮਨਾਉਂਦਾ ਹੈ! ਇਹ ਸਾਲ ਨਵੇਂ ਮੌਕਿਆਂ ਨਾਲ ਭਰਪੂਰ ਹੋਵੇ — ਜਿਵੇਂ ਅੱਜ ਦਾ ਡੂਡਲ ਚਮਕ ਰਿਹਾ ਹੈ! ਕਾਊਂਟਡਾਊਨ ਸ਼ੁਰੂ ਕਰੋ।”
31 ਦਸੰਬਰ ਨੂੰ ਮਨਾਈ ਜਾਣ ਵਾਲੀ ਨਵੇਂ ਸਾਲ ਦੀ ਪੂਰਵ ਸੰਧਿਆ ਸਾਲ ਦਾ ਆਖਰੀ ਦਿਨ ਹੁੰਦਾ ਹੈ ਅਤੇ ਨਵੇਂ ਸਾਲ ਦੀ ਸ਼ੁਰੂਆਤ ਨੂੰ ਦਰਸਾਉਂਦਾ ਹੈ। ਇਹ ਦਿਨ ਆਤਮ-ਨਿਰੀਖਣ ਅਤੇ ਜਸ਼ਨ ਨਾਲ ਭਰਿਆ ਹੁੰਦਾ ਹੈ, ਜਦੋਂ ਲੋਕ ਪੁਰਾਣੇ ਸਾਲ ਨੂੰ ਅਲਵਿਦਾ ਕਹਿ ਦਿੰਦੇ ਹਨ। ਹਾਲਾਂਕਿ ਹਰ ਸਭਿਆਚਾਰ 'ਚ ਇਸ ਦਿਨ ਦੇ ਜਸ਼ਨ ਦਾ ਵੱਖਰਾ ਤਰੀਕਾ ਹੋ ਸਕਦਾ ਹੈ ਪਰ ਕੁਝ ਆਮ ਪਰੰਪਰਾਵਾਂ ਵਿਚ ਪਰਿਵਾਰ ਅਤੇ ਦੋਸਤਾਂ ਨਾਲ ਇਕੱਠੇ ਹੋਣਾ, ਵਿਸ਼ੇਸ਼ ਭੋਜਨ, ਆਤਿਸ਼ਬਾਜ਼ੀ ਅਤੇ ਬੋਨਫਾਇਰ ਸ਼ਾਮਲ ਹਨ।
ਅਰਥਵਿਵਸਥਾ ਤੋਂ ਲੈ ਕੇ ਪੁਲਾੜ ਤੱਕ ਭਾਰਤ ਨੇ 2024 'ਚ ਚੁੱਕੇ ਇਤਿਹਾਸਕ ਕਦਮ
NEXT STORY 
