ਨੈਸ਼ਨਲ ਡੈਸਕ: ਜੇਕਰ ਤੁਹਾਡਾ ਬੱਚਾ ਦਿੱਲੀ ਦੇ ਕਿਸੇ ਸਰਕਾਰੀ ਸਕੂਲ 'ਚ ਪੜ੍ਹਦਾ ਹੈ, ਤਾਂ ਉਸ ਲਈ ਇੱਕ ਵੱਡੀ ਖ਼ਬਰ ਹੈ। ਦਿੱਲੀ ਸਰਕਾਰ ਨੇ 'ਨਿਊ ਏਰਾ ਆਫ ਐਂਟਰਪ੍ਰੈਨਿਓਰੀਅਲ ਈਕੋਸਿਸਟਮ ਐਂਡ ਵਿਜ਼ਨ' (NEEEV) ਨਾਮਕ ਇੱਕ ਨਵੀਂ ਸਕੀਮ ਸ਼ੁਰੂ ਕੀਤੀ ਹੈ। ਇਸ ਸਕੀਮ ਦੇ ਤਹਿਤ ਸਰਕਾਰ ਛੋਟੀ ਉਮਰ ਤੋਂ ਹੀ ਬੱਚਿਆਂ ਨੂੰ ਉੱਦਮੀ (ਕਾਰੋਬਾਰੀ) ਬਣਾਉਣ ਦੀ ਤਿਆਰੀ ਕਰ ਰਹੀ ਹੈ। ਇਸ ਲਈ ਕੁਝ ਪ੍ਰੋਜੈਕਟ ਕੰਮ ਕਰਨ ਵਾਲੇ ਬੱਚਿਆਂ ਨੂੰ ਸਰਕਾਰ ਵੱਲੋਂ ₹20,000 ਤੱਕ ਦੀ ਵਿੱਤੀ ਮਦਦ ਮਿਲੇਗੀ।
NEEEV ਸਕੀਮ ਕੀ ਹੈ?
NEEEV ਸਕੀਮ ਦਾ ਮੁੱਖ ਉਦੇਸ਼ ਸਕੂਲੀ ਬੱਚਿਆਂ ਨੂੰ ਨਵਾਂ ਸੋਚਣਾ, ਸਮੱਸਿਆਵਾਂ ਦੇ ਹੱਲ ਲੱਭਣਾ ਅਤੇ ਸਵੈ-ਨਿਰਭਰ ਬਣਨਾ ਸਿਖਾਉਣਾ ਹੈ। ਇਹ ਸਕੀਮ ਇਸ ਮੌਜੂਦਾ ਸਕੂਲ ਸੈਸ਼ਨ 'ਚ 8ਵੀਂ ਤੋਂ 12ਵੀਂ ਜਮਾਤ ਦੇ ਬੱਚਿਆਂ 'ਤੇ ਲਾਗੂ ਹੋਵੇਗੀ। ਇਹ ਸਿਰਫ਼ ਕਿਤਾਬਾਂ ਤੱਕ ਸੀਮਤ ਨਹੀਂ ਹੋਵੇਗੀ, ਸਗੋਂ ਬੱਚਿਆਂ ਨੂੰ ਅਸਲ ਜ਼ਿੰਦਗੀ 'ਚ ਕਾਰੋਬਾਰ ਕਰਨਾ ਸਿਖਾਏਗੀ।
ਇਹ ਵੀ ਪੜ੍ਹੋ...ਵੱਡੀ ਖ਼ਬਰ : ਹੁਣ ਲੋਕਾਂ ਨੂੰ ਮਿਲੇਗੀ 125 ਯੂਨਿਟ ਮੁਫ਼ਤ ਬਿਜਲੀ, ਸੂਬਾ ਸਰਕਾਰ ਨੇ ਕਰ'ਤਾ ਐਲਾਨ
NEEEV ਖਾਸ ਕਿਉਂ ਹੈ?
NEEEV ਦੀ ਸਭ ਤੋਂ ਵੱਡੀ ਵਿਸ਼ੇਸ਼ਤਾ ਇਹ ਹੈ ਕਿ ਇਹ ਬੱਚਿਆਂ ਨੂੰ ਉੱਦਮੀ ਬਣਨ ਲਈ ਵਿਸ਼ੇਸ਼ ਸਿਖਲਾਈ ਦੇਵੇਗਾ। ਸਿੱਖਿਆ ਵਿਭਾਗ ਨੇ ਇਸ ਯੋਜਨਾ ਬਾਰੇ ਪੂਰੀ ਜਾਣਕਾਰੀ ਸਾਰੇ ਸਰਕਾਰੀ ਸਕੂਲਾਂ ਨੂੰ ਭੇਜ ਦਿੱਤੀ ਹੈ। ਉਨ੍ਹਾਂ ਨੇ ਪ੍ਰਿੰਸੀਪਲਾਂ ਨੂੰ ਆਪਣੇ ਸਕੂਲ ਵਿੱਚ ਇੱਕ NEEEV ਸਕੂਲ ਪ੍ਰੋਗਰਾਮ ਕੋਆਰਡੀਨੇਟਰ ਚੁਣਨ ਲਈ ਕਿਹਾ ਹੈ। ਇਹ ਕੋਆਰਡੀਨੇਟਰ ਸਕੂਲ ਦੇ ਅਧਿਆਪਕਾਂ ਵਿੱਚੋਂ ਹੋਵੇਗਾ ਅਤੇ ਸਕੂਲ ਵਿੱਚ ਹੋਣ ਵਾਲੀਆਂ ਸਾਰੀਆਂ ਗਤੀਵਿਧੀਆਂ ਦਾ ਧਿਆਨ ਰੱਖੇਗਾ। ਨਿਯੁਕਤ ਅਧਿਆਪਕਾਂ ਦੁਆਰਾ ਹਰ ਹਫ਼ਤੇ ਵਿਸ਼ੇਸ਼ ਕਲਾਸਾਂ ਲਈਆਂ ਜਾਣਗੀਆਂ। ਇਨ੍ਹਾਂ ਕਲਾਸਾਂ 'ਚ ਕਰ ਕੇ ਸਿੱਖਣ 'ਤੇ ਜ਼ੋਰ ਦਿੱਤਾ ਜਾਵੇਗਾ। ਇਸ 'ਚ ਬੱਚਿਆਂ ਨੂੰ ਸਿਖਾਇਆ ਜਾਵੇਗਾ ਕਿ ਅਸਲ ਦੁਨੀਆ 'ਚ ਉੱਦਮੀ ਬਣਨ ਲਈ ਮਹੱਤਵਪੂਰਨ ਚੀਜ਼ਾਂ ਦੀ ਵਰਤੋਂ ਕਿਵੇਂ ਕਰਨੀ ਹੈ।
ਇਹ ਵੀ ਪੜ੍ਹੋ...ਮਾਤਾ ਵੈਸ਼ਨੋ ਦੇਵੀ ਯਾਤਰਾ ਸਬੰਧੀ ਵੱਡੀ ਖ਼ਬਰ, ਹੁਣ ਸ਼ਰਧਾਲੂਆਂ ਦੀ ਯਾਤਰਾ ਹੋਵੇਗੀ ਆਸਾਨ
ਇਹ 4 ਮੁੱਖ ਗੱਲਾਂ NEEEV 'ਚ ਹੋਣਗੀਆਂ:
NEEEV ਸੰਵਾਦ: ਇਸ 'ਚ ਜਾਣੇ-ਪਛਾਣੇ ਉੱਦਮੀ ਅਤੇ ਕਾਰੋਬਾਰੀ ਮਾਹਰ ਬੱਚਿਆਂ ਨਾਲ ਗੱਲ ਕਰਨਗੇ। ਇਹ ਬੱਚਿਆਂ ਨੂੰ ਸਿੱਖਣ ਅਤੇ ਅੱਗੇ ਵਧਣ ਲਈ ਪ੍ਰੇਰਿਤ ਕਰੇਗਾ।
ਸਟਾਰਟਅੱਪ ਸਟੋਰਮਰ: ਇਹ ਕਈ ਪੜਾਵਾਂ ਵਾਲਾ ਮੁਕਾਬਲਾ ਹੋਵੇਗਾ। ਇਸ 'ਚ ਬੱਚੇ ਆਪਣੇ ਨਵੇਂ ਕਾਰੋਬਾਰੀ ਵਿਚਾਰਾਂ ਬਾਰੇ ਸੋਚਣਗੇ, ਉਨ੍ਹਾਂ ਨੂੰ ਦੂਜਿਆਂ ਨੂੰ ਪੇਸ਼ ਕਰਨਗੇ ਤੇ ਫਿਰ ਉਨ੍ਹਾਂ 'ਤੇ ਕੰਮ ਕਰਨਗੇ।
ਫੰਡ ਕਿਵੇਂ ਪ੍ਰਾਪਤ ਕੀਤੇ ਜਾਣਗੇ: ਜਿਨ੍ਹਾਂ ਵਿਦਿਆਰਥੀ ਸਮੂਹਾਂ ਦੇ ਵਿਚਾਰ ਚੁਣੇ ਗਏ ਹਨ, ਉਨ੍ਹਾਂ ਨੂੰ ਆਪਣੇ ਨਵੇਂ ਵਿਚਾਰ (ਪ੍ਰੋਟੋਟਾਈਪ) ਬਣਾਉਣ ਜਾਂ ਆਪਣਾ ਕਾਰੋਬਾਰ ਸ਼ੁਰੂ ਕਰਨ ਲਈ ਪ੍ਰਤੀ ਪ੍ਰੋਜੈਕਟ ₹20,000 ਦੀ ਵਿੱਤੀ ਸਹਾਇਤਾ ਮਿਲੇਗੀ।
ਇਹ ਵੀ ਪੜ੍ਹੋ...9 ਸਾਲਾ ਮਾਸੂਮ ਦੀ Heart Attack ਨਾਲ ਮੌਤ, ਜਾਣੋ ਕਿਉਂ ਵਧ ਰਿਹਾ ਹੈ ਇਹ ਖ਼ਤਰਾ
ਉਪਕਰਣ ਵੀ ਪ੍ਰਦਾਨ ਕੀਤੇ ਜਾਣਗੇ: ਜਿਨ੍ਹਾਂ ਸਕੂਲਾਂ 'ਚ ਅਟਲ ਟਿੰਕਰਿੰਗ ਲੈਬਜ਼ (ATLs) ਹਨ, ਉਨ੍ਹਾਂ 'ਚ ਬੱਚਿਆਂ ਨੂੰ 3D ਪ੍ਰਿੰਟਰ, ਇੰਟਰਨੈੱਟ ਆਫ਼ ਥਿੰਗਜ਼ (IoT) ਕਿੱਟਾਂ, AI ਅਤੇ ਰੋਬੋਟਿਕਸ ਨਾਲ ਸਬੰਧਤ ਉਪਕਰਣ ਤੇ ਵਿਗਿਆਨ, ਤਕਨਾਲੋਜੀ, ਇੰਜੀਨੀਅਰਿੰਗ, ਗਣਿਤ (STEM) ਸਿੱਖਣ ਦੇ ਤਰੀਕੇ ਵਰਗੇ ਆਧੁਨਿਕ ਉਪਕਰਣ ਵੀ ਮਿਲਣਗੇ।
ਯੋਜਨਾ ਨੂੰ ਕਿਵੇਂ ਲਾਗੂ ਕੀਤਾ ਜਾਵੇਗਾ?
NEEEV ਨੂੰ ਸਹੀ ਢੰਗ ਨਾਲ ਲਾਗੂ ਕਰਨ ਲਈ ਹਰੇਕ ਸਕੂਲ 'ਚ ਇੱਕ ਸਕੂਲ ਇਨੋਵੇਸ਼ਨ ਕੌਂਸਲ (SIC) ਬਣਾਈ ਜਾਵੇਗੀ। ਇਸਦੀ ਅਗਵਾਈ ਸਕੂਲ ਦੇ ਪ੍ਰਿੰਸੀਪਲ ਜਾਂ ਮੁਖੀ ਕਰਨਗੇ। ਇਸ ਤੋਂ ਇਲਾਵਾ ਬਿਹਤਰ ਤਾਲਮੇਲ ਅਤੇ ਨਿਗਰਾਨੀ ਲਈ ਜ਼ਿਲ੍ਹਾ ਤੇ ਜ਼ੋਨ ਪੱਧਰ 'ਤੇ ਇਨੋਵੇਸ਼ਨ ਕੌਂਸਲਾਂ ਵੀ ਬਣਾਈਆਂ ਜਾਣਗੀਆਂ। ਹਰ ਜ਼ੋਨ ਤੇ ਜ਼ਿਲ੍ਹੇ 'ਚ ਕੁਝ ਵਿਸ਼ੇਸ਼ ਨੋਡਲ ਸਕੂਲ ਵੀ ਚੁਣੇ ਜਾਣਗੇ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਵੱਡੀ ਖ਼ਬਰ ; 25 ਸਾਲਾ ਅਧਿਆਪਕਾ ਨੇ ਸਕੂਲ 'ਚ ਹੀ ਚੁੱਕ ਲਿਆ ਖ਼ੌਫ਼ਨਾਕ ਕਦਮ ! ਆਪਣੇ ਹੀ ਦੁਪੱਟੇ ਨਾਲ...
NEXT STORY 
