ਨਵੀਂ ਦਿੱਲੀ/ਜਲੰਧਰ- ਪੰਜਾਬ ਵਿਧਾਨ ਸਭਾ ਚੋਣਾਂ ਨੂੰ ਲੈ ਕੇ ਆਮ ਆਦਮੀ ਪਾਰਟੀ ਨੇ ਸੀ. ਐੱਮ. ਚਿਹਰਾ ਐਲਾਨ ਦਿੱਤਾ ਹੈ। ਕਾਂਗਰਸ ਵੀ ਤਿਆਰੀ ਵਿਚ ਹੈ ਪਰ ਇਸ ’ਤੇ ਭਾਜਪਾ ਨੇ ਅਜੇ ਕੋਈ ਪੱਤਾ ਨਹੀਂ ਖੋਲ੍ਹਿਆ। ਇਸ ਨਾਲ ਤੇ ਪੰਜਾਬ ਵਿਚ ਵਿਧਾਨਸਭਾ ਚੋਣਾਂ ਨਾਲ ਜੁੜੇ ਸਵਾਲਾਂ ਨੂੰ ਲੈ ਕੇ ਕੇਂਦਰੀ ਮੰਤਰੀ ਅਤੇ ਭਾਜਪਾ ਦੇ ਪੰਜਾਬ ਚੋਣਾਂ ਦੇ ਕੋ-ਇੰਚਾਰਜ ਹਰਦੀਪ ਪੁਰੀ ਨਾਲ ਪੰਜਾਬ ਕੇਸਰੀ/ਨਵੋਦਿਆ ਟਾਈਮਜ਼/ਜਗ ਬਾਣੀ/ ਹਿੰਦ ਸਮਾਚਾਰ ਦੇ ਸ਼੍ਰਮਿਤ ਚੌਧਰੀ ਨੇ ਖਾਸ ਗੱਲਬਾਤ ਕੀਤੀ। ਪੇਸ਼ ਹਨ ਮੁੱਖ ਅੰਸ਼ :
ਸਾਡੀ ਕੈਂਡੀਡੇਟ ਸਿਲੈਕਸ਼ਨ ਵਧੀਆ ਹੈ। ਸਾਡਾ ਪ੍ਰੋਗਰਾਮ ਸੀਰੀਅਸ ਹੈ ਅਤੇ ਟ੍ਰੈਕ ਰਿਕਾਰਡ ਬਹੁਤ ਚੰਗਾ ਹੈ। ਸਿਰਫ਼ ਸਕੇਲ ਅਤੇ ਸਾਈਜ਼ ’ਚ ਹੀ ਨਹੀਂ ਸਗੋਂ ਸਭ ਤੋਂ ਇਨਕਲੂਸਿਵ ਪਾਰਟੀ ਹੈ ਭਾਜਪਾ
-ਭਾਜਪਾ ਨੇ ਪੰਜਾਬ ਵਿਚ ਆਪਣੀ ਪੂਰੀ ਟੀਮ ਲਗਾਈ ਹੋਈ ਹੈ। ਕੀ ਕੁੱਝ ਰਿਸਪਾਂਸ ਮਿਲ ਰਿਹਾ ਹੈ?
-ਬੀ.ਜੇ.ਪੀ. ਸਿਰਫ਼ ਸਕੇਲ ਅਤੇ ਸਾਈਜ਼ ਵਿਚ ਹੀ ਨਹੀਂ ਸਗੋਂ ਸਭ ਤੋਂ ਇਨਕਲੂਸਿਵ ਪਾਰਟੀ ਹੈ। ਅਸੀਂ ਜੋ 65 ਸੀਟਾਂ ਲੜ ਰਹੇ ਹਾਂ, ਉਸ ਵਿਚ ਕਿੰਨੇ ਸਾਫੇ ਵਾਲੇ ਹਨ, ਕਿੰਨੇ ਮਾਈਨੋਰਿਟੀਜ਼ ਹਨ। ਉਸ ਤੋਂ ਇੰਕਲੂਸਿਵ ਕੈਰੇਕਟਰ ਪਤਾ ਲੱਗ ਜਾਂਦਾ ਹੈ। 65 ਸੀਟਾਂ ’ਤੇ ਅਸੀ ਖੁਦ ਲੜ ਰਹੇ ਹਾਂ ਪਰ ਜੋ ਸਾਡੇ ਗਠਜੋੜ ਦੇ ਸਾਥੀ ਹਨ, ਉਨ੍ਹਾਂ ਦੇ ਕੈਂਡੀਡੇਟ ਵੀ ਕਮਲ ਦੇ ਫੁੱਲ ਦੇ ਨਾਲ ਚੋਣ ਲੜਨਾ ਚਾਹੁੰਦੇ ਹਨ। ਉਹ ਇਸ ਲਈ ਕਿਉਂਕਿ ਭਾਜਪਾ ਜੋ ਕਲੇਮ ਕਰਦੀ ਹੈ ਉਹ ਫਿਰ ਪ੍ਰੈਸ਼ਰ ਫ਼ੀਲ ਕਰਦੀ ਹੈ ਅਤੇ ਕਰਕੇ ਵਿਖਾਉਂਦੀ ਹੈ।
2014 ਅਤੇ 2019 ਵਿਚ ਅਸੀਂ ਜੋ ਮੈਨੀਫੈਸਟੋ ਲਗਾਇਆ ਸੀ ਉਹ ਦੇਸ਼ ਵਿਚ ਅਸੀਂ ਲਾਗੂ ਕੀਤਾ। ਮੈਂ ਸਿਰਫ਼ ਅਰਬਨ ਸਕੀਮ ਦੀ ਗੱਲ ਨਹੀਂ ਕਰ ਰਿਹਾ, ਬਾਕੀ ਚੀਜ਼ਾਂ ਦੀ ਵੀ ਗੱਲ ਕਰ ਰਿਹਾ ਹਾਂ ਜੋ ਵੀ ਸਾਡੇ ਮੈਨੀਫੈਸਟੋ ਅਤੇ ਸੰਕਲਪ ਪੱਤਰ ਵਿਚ ਹੁੰਦਾ ਹੈ ਅਸੀਂ ਉਸ ਨੂੰ ਕਰਕੇ ਦਿਖਾਉਂਦੇ ਹਾਂ। ਇਸ ਸਮੇਂ ਪੰਜਾਬ ਗਵਰਨੈਂਸ ਕ੍ਰਾਈਸਿਸ ਦਾ ਸਾਹਮਣਾ ਕਰ ਰਿਹਾ ਹੈ। ਪੰਜਾਬ ਵਿਚ ਮਾਫੀਆ ਰਾਜ ਹੈ। ਮਾਈਨਿੰਗ ਮਾਫੀਆ, ਲੈਂਡ ਮਾਫੀਆ, ਲਿਕਰ ਮਾਫੀਆ ਹੈ। ਸਾਡੇ ਜੋ 11 ਕਮਿਟਮੈਂਟ ਹਨ। ਮੇਰੇ ਹਿਸਾਬ ਨਾਲ ਇਹ ਅਜੇ ਫਰਸਟ ਰਾਊਂਡ ਹੈ। ਅਜੇ ਘੋਸ਼ਣਾ ਪੱਤਰ ਪੇਂਡੂ ਇਲਾਕਿਆਂ ਲਈ ਆਵੇਗਾ, ਉਹ 2-3 ਦਿਨ ਦੀ ਗੱਲ ਹੈ।
ਅਸੀਂ ਕੋਈ ਵੀ ਅਜਿਹੀ ਚੀਜ਼ ਆਪਣੇ ਸੰਕਲਪ ਪੱਤਰ ਵਿਚ ਨਹੀਂ ਪਾਵਾਂਗੇ, ਜੋ ਸਾਨੂੰ ਲੱਗੇ ਅਨਬੇਸਡ ਹੈ। ਬਾਕੀ ਪਾਲੀਟੀਕਲ ਪਾਰਟੀਆਂ ਫ੍ਰੀ ਬੇਸ ਪਾਲੀਟਿਕਸ ਕਰ ਰਹੀਆਂ ਹਨ। ਉਹ, ਦਿੱਲੀ ਵਿਚ ਜੋ ਯੂਨੀਅਨ ਟੈਰੀਟਰੀ ਹੈ, ਉਥੇ ਨਹੀਂ ਕਰ ਸਕੇ ਤਾਂ ਪੰਜਾਬ ਜਿੱਥੇ 2 ਲੱਖ 81 ਹਜ਼ਾਰ ਕਰੋੜ ਰੁਪਏ ਦਾ ਕਰਜ਼ਾ ਹੈ... ਇੱਧਰ ਕੀ ਕਰਨਗੇ। ਫ੍ਰੀ ਬੀਜ ਇੱਥੇ ਦੇ ਦੇਣਗੇ, ਫ੍ਰੀ ਬੀਜ ਉਥੇ ਦੇ ਦੇਣਗੇ। ਇਹ ਈ ਰਿਸਪਾਂਸੀਬਲ ਪਾਲੀਟਿਕਸ ਹੈ। ਪੰਜਾਬ ਨੂੰ ਸਟੇਬਿਲਿਟੀ ਦੀ ਜ਼ਰੂਰਤ ਹੈ। ਇਹ ਸੈਂਸੇਟਿਵ ਬਾਰਡਰ ਸਟੇਟ ਹੈ।
-ਤੁਸੀਂ ਪਾਲੀਟੀਕਲ ਸਟਾਰਟਅਪ ਦੀ ਗੱਲ ਕਰ ਰਹੇ ਹੋ... ਤੁਹਾਡੇ ਲਈ ਮੇਨ ਚੁਣੌਤੀ ਆਮ ਆਦਮੀ ਪਾਰਟੀ ਹੈ ਜਾਂ ਕਾਂਗਰਸ ਵੀ?
-ਸਾਡਾ ਕਂੰਪੇਨ ਅਜੇ ਸ਼ੁਰੂ ਹੋਇਆ ਹੈ। ਪੁਰਾਣਾ ਸਾਡਾ ਜੋ ਗਠਜੋੜ ਸੀ, ਉਸ ਵਿਚ ਅਸੀਂ ਜੂਨੀਅਰ ਪਾਰਟੀ ਸੀ। ਇਸ ਲਈ ਪੁਰਾਣੀ ਸਥਿਤੀ ਦੇ ਨਾਲ ਇਸ ਵਾਰ ਤੁਲਨਾ ਕਰਨਾ ਗਲਤ ਹੋਵੇਗਾ।
ਅਸੀਂ ਸੰਕਲਪ ਪੱਤਰ ਜਾਰੀ ਕੀਤਾ ਹੈ, ਬਾਕੀ ਜੋ ਸਾਡੇ ਸਾਰੇ ਪ੍ਰੋਗਰਾਮ ਵਿਚ ਕਮਿਟਮੈਂਟ ਹੋਣਗੀਆਂ, ਅਸੀਂ ਐਲਾਨ ਕਰਾਂਗੇ। ਉਸ ਤੋਂ ਬਾਅਦ ਰਿਅਲਿਸਟਿਕ ਪਿਕਚਰ ਹੋਵੇਗੀ। ਸਾਡੀ ਕੈਂਡੀਡੇਟ ਸਿਲੈਕਸ਼ਨ ਵਧੀਆ ਹੈ। ਸਾਡਾ ਪ੍ਰੋਗਰਾਮ ਸੀਰੀਅਸ ਹੈ ਅਤੇ ਸਾਡਾ ਟ੍ਰੈਕ ਰਿਕਾਰਡ ਬਹੁਤ ਚੰਗਾ ਹੈ। ਜਿਵੇਂ ਉੱਤਰ ਪ੍ਰਦੇਸ਼ ਵਿਚ ਡਬਲ ਇੰਜਣ ਦੀ ਸਰਕਾਰ ਹੈ। ਯੋਗੀ ਜੀ ਦੇ ਆਉਣ ਤੋਂ ਪਹਿਲਾਂ ਅਖਿਲੇਸ਼ ਜੀ ਦੀ ਸਰਕਾਰ ਸੀ।
ਮੈਂ ਛੋਟਾ ਜਿਦੀ ਉਦਾਹਰਣ ਦਿੰਦਾ ਹਾਂ, ਪ੍ਰਧਾਨ ਮੰਤਰੀ ਗ੍ਰਹਿ ਯੋਜਨਾ ਜੂਨ, 2015 ਵਿਚ ਸ਼ੁਰੂ ਹੋਈ। 2017 ਤੱਕ ਯੂ.ਪੀ. ਵਿਚ ਅਖਿਲੇਸ਼ ਯਾਦਵ ਦੀ ਸਰਕਾਰ ਸੀ। 17 ਹਜ਼ਾਰ ਡਿਮਾਂਡ ਆਈਆਂ। ਯੋਗੀ ਜੀ ਦੇ ਆਉਣ ਤੋਂ ਬਾਅਦ 2017 ਤੋਂ ਅਗਲੇ 17 ਮਹੀਨਿਆਂ ਵਿਚ ਇਹ 17 ਲੱਖ ਹੋ ਗਈਆਂ। ਉੱਤਰ ਪ੍ਰਦੇਸ਼ ਵਿਚ ਤੁਸੀਂ ਵਿਕਾਸ ਦੇ ਅੰਕੜੇ ਵੇਖ ਲਓ ਹਰ ਵਿਚ ਨੰਬਰ ਵਨ ਹੈ। 2014 ਤੋਂ ਪਹਿਲਾਂ 2 ਸ਼ਹਿਰ ਸਨ, ਜਿੱਥੇ ਮੈਟਰੋ ਲਾਈਨ ਸੀ, ਅੱਜ 5 ਹੋ ਗਈਆਂ ਹਨ। ਕਈ ਮੈਟਰੋ ਲਾਈਨ ਅੰਡਰ ਕੰਟ੍ਰਕਸ਼ਨ ਹਨ। 5 ਅੰਤਰਰਾਸ਼ਟਰੀ ਹਵਾਈ ਅੱਡੇ ਹਨ। ਇਕ ਜੇਵਰ ਹੈ, ਜੋ ਏਸ਼ੀਆ ਦਾ ਸਭ ਤੋਂ ਬਹੁਤ ਏਅਰਪੋਰਟ ਬਣ ਰਿਹਾ ਹੈ।
ਜਿਥੇ ਮੋਦੀ ਜੀ ਸੈਂਟਰ ਵਿਚ ਹੋਣ ਅਤੇ ਭਾਜਪਾ ਦੀ ਸਰਕਾਰ ਸਟੇਟ ਵਿਚ ਹੋਵੇ, ਇਕਦਮ ਫਰਕ ਪਵੇਗਾ ਅਤੇ ਇਹ ਐਕਸਪੀਰੀਅੰਸ ਹੈ। ਜਿੱਥੇ ਸਾਡੀ ਸਰਕਾਰ ਨਹੀਂ ਹੈ, ਅਸੀਂ ਉੱਥੇ ਵੀ ਕੰਮ ਕਰਦੇ ਹਾਂ ਪਰ ਉੱਥੇ ਆਪਣਾ ਜੋ ਮੁੱਖ ਮੰਤਰੀ ਦਾ ਚਿਹਰਾ ਹੈ ਉਹ ਸੀਰੀਅਸ ਤਾਂ ਹੋ ਜਾਵੇ।
-ਤੁਸੀਂ ਪੰਜਾਬ ਨੂੰ ਮਾਫੀਆ ਮੁਕਤ ਕਰਨ ਦੀ ਗੱਲ ਕਹੀ ਹੈ ਪਰ ਤੁਹਾਡੇ ਜੋ ਪੁਰਾਣੇ ਗਠਜੋੜ ਦੇ ਸਾਥੀ ਸਨ, ਉਨ੍ਹਾਂ ਨੂੰ ਲੈ ਕੇ ਜਾਂ ਕੈਪਟਨ ਸਾਹਿਬ ਨੂੰ ਲੈ ਕੇ ਸਿੱਧੂ ਸਾਹਿਬ ਜਾਂ ਉਨ੍ਹਾਂ ਦੀਆਂ ਪਾਰਟੀਆਂ ਵੱਡੇ ਸਵਾਲ ਚੁੱਕਦੀਆਂ ਰਹੀਆਂ ਹਨ ਕਿ ਉਹ 2 ਪਰਿਵਾਰ ਮਿਲੇ ਹੋਏ ਸਨ। ਮਾਫੀਆ ਜੋ ਹੈ ਪਿਛਲੀ ਸਰਕਾਰ ਵਿਚ ਚੱਲ ਰਿਹਾ ਸੀ, ਉਹ ਅਗਲੀ ਸਰਕਾਰ ਵਿਚ ਵੀ ਕੰਟੀਨਿਊ ਹੋਇਆ। ਕੈਪਟਨ ਉਸ ਦੇ ਚਿਹਰੇ ਸਨ। ਅਕਾਲੀ ਦਲ ਨੂੰ ਬੀ.ਜੇ.ਪੀ. ਦੇ ਨੇਤਾ ਬੈਗੇਜ ਮੰਨਦੇ ਹਨ। ਕੀ ਕੈਪਟਨ ਸਾਹਿਬ ਤੁਹਾਡੇ ਲਈ ਬੈਗੇਜ ਨਹੀਂ ਹਨ?
-ਮੈਂ ਕੈਪਟਨ ਸਾਹਿਬ ਤੋਂ ਇਹ ਸਵਾਲ ਪੁੱਛਿਆ, ਤਾਂ ਉਨ੍ਹਾਂ ਨੇ ਜਵਾਬ ਦਿੱਤਾ ਕਿ ਜਦੋਂ ਉਹ ਮੁੱਖ ਮੰਤਰੀ ਸਨ, ਉਨ੍ਹਾਂ ਨੇ 63 ਹਜ਼ਾਰ ਬੰਦੇ ਅੰਦਰ ਕੀਤੇ। ਉਨ੍ਹਾਂ ਨੂੰ ਐਲੀਗੇਸ਼ਨ ਲਗਾਉਣੇ ਹਨ, ਇਕ ਪਰਿਵਾਰ ਦੂਜੇ ਪਰਿਵਾਰ, ਮੈਂ ਇਸ ਵਿਚ ਕੁੱਝ ਨਹੀਂ ਕਹਾਂਗਾ। ਕੌਣ ਇਲਜ਼ਾਮ ਲਗਾ ਰਿਹਾ ਹੈ। ਕੌਣ ਜਵਾਬ ਦੇ ਰਿਹਾ ਹੈ, ਉਹ ਛੱਡੋ। ਮੋਟੀ ਗੱਲ ਇਹ ਹੈ ਕਿ ਕੈਪਟਨ ਸਾਹਿਬ ਨੇ ਸੁਧਾਰਣ ਦੀ ਕੋਸ਼ਿਸ਼ ਕੀਤੀ। ਅਸਫ਼ਲ ਰਹੇ ਪਰ ਕਿਉਂ ਅਸਫਲ ਰਹੇ, ਡਰੱਗਜ਼ ਇੱਧਰ ਆ ਰਿਹਾ ਹੈ, ਇਹ ਵੱਡਾ ਇਸ਼ੂ ਨਹੀਂ ਹੈ ਪਰ ਤੁਹਾਡੇ ਸ਼ਹਿਰਾਂ ਦੇ ਅੰਦਰ ਸਿੰਥੈਟਿਕ ਡਰੱਗਜ਼ ਮੈਨੂਫੈਕਚਰਿੰਗ ਹੈ ਜਾਂ ਨਹੀਂ... ਜੋ ਕੰਜ਼ਿਊਮਰ ਹੈ... ਉਨ੍ਹਾਂ ਨੂੰ ਪਤਾ ਹੈ ਕਿ ਡਰੱਗਜ਼ ਕਿੱਧਰ ਮਿਲਦੀ ਹੈ। ਕੋਈ ਤਾਂ ਉਨ੍ਹਾਂ ਦਾ ਸਪਲਾਇਰ ਹੈ ਤਾਂ ਸਪਲਾਇਰ ਕਿੱਥੋ ਲੈ ਕੇ ਆ ਰਿਹਾ ਹੈ। ਮੈਂ ਸਿਰਫ ਇੰਨਾ ਕਹਿ ਰਿਹਾ ਹਾਂ ਕਿ ਸਿਸਟਮ ਵਿਚ ਕੋਈ ਕਮਜ਼ੋਰੀ ਹੈ। ਮੇਰਾ ਇਕ ਹੀ ਦਾਅਵਾ ਹੈ, ਜਿੱਥੇ ਵੀ ਭਾਜਪਾ ਦੀ ਸਰਕਾਰ ਹੈ, ਉੱਥੇ ਅਜਿਹਾ ਨਹੀਂ ਹੋ ਸਕਦਾ।
-ਸੀ. ਐੱਮ. ਫੇਸ ਆਮ ਆਦਮੀ ਪਾਰਟੀ ਨੇ ਅਨਾਊਂਸ ਕਰ ਦਿੱਤਾ ਹੈ। ਕਾਂਗਰਸ ਵੀ 1-2 ਦਿਨ ਵਿਚ ਕਰ ਰਹੀ ਹੈ। ਤੁਹਾਡੇ ਉਧਰ ਵੀ ਇਸ ਵਾਰ ਕੋਈ ਚਰਚਾ ਹੋ ਰਹੀ ਹੈ।
-ਮੁੱਖ ਮੰਤਰੀ ਦਾ ਚਿਹਰਾ ਭਾਰਤੀ ਜਨਤਾ ਪਾਰਟੀ ਦਾ ਪਾਰਲੀਮੈਂਟਰੀ ਬੋਰਡ ਤੈਅ ਕਰਦਾ ਹੈ। ਪਿਛਲੀ ਵਾਰੀ ਕੀ ਹੋਇਆ ਬਾਕੀ ਸਟੇਟਾਂ ਵਿਚ? ਅਸੀਂ ਚਿਹਰਾ ਲੈ ਕੇ ਤਾਂ ਚਲਦੇ ਨਹੀਂ ਹਾਂ। ਪਹਿਲਾਂ ਅਸੀਂ ਜੰਗ ਲੜ ਲੈਂਦੇ ਹਾਂ। ਪੁਰਾਣਾ ਗਠਜੋੜ ਟੁੱਟਣ ਦੇ ਨਾਲ ਨਵਾਂ ਜੋ ਸਿਸਟਮ ਹੈ, ਇਸ ਵਿਚ ਸਾਡੇ ਸਾਰੇ ਵਰਗ ਅੱਗੇ ਅਾਉਣਗੇ। ਮੈਂ ਸੋਚ ਰਿਹਾ ਹਾਂ ਇਨ੍ਹਾਂ ਚੋਣਾਂ ਵਿਚ ਨਹੀਂ, ਉਸ ਤੋਂ ਅੱਗੇ ਵੀ ਸਾਡੇ ਕੋਲ ਚਿਹਰਿਆਂ ਦੀ ਕੋਈ ਕਮੀ ਨਹੀਂ ਰਹੇਗੀ।
-ਸਿੱਖਾਂ ਨੂੰ ਨੌਕਰੀ ਅਤੇ ਕਿਸਾਨਾਂ ਦੇ ਮੁੱਦੇ ਨੂੰ ਤੁਸੀਂ ਸੰਕਲਪ ਪੱਤਰ ’ਚ ਲਿਖਿਆ ਹੈ। ਸਿੱਖਾਂ ਦੇ ਮੁੱਦੇ ’ਤੇ ਦਿੱਲੀ ਵਾਲੀ ਪਾਰਟੀ ਵੀ ਪ੍ਰਚਾਰ ਕਰ ਰਹੀ ਹੈ। ਨੌਕਰੀ ਦੇ ਮੁੱਦੇ ’ਤੇ ਪੰਜਾਬ ਦੇ ਮੁਲਾਜ਼ਮ ਪ੍ਰਦਰਸ਼ਨ ਕਰ ਰਹੇ ਹਨ। ਕਿਸਾਨਾਂ ਵਾਲੀ ਚੁਣੌਤੀ ਨਾਲ ਤੁਸੀਂ ਨਿਪਟਣ ਦਾ ਸੰਕਲਪ ਤਾਂ ਲਿਆ ਹੈ ਪਰ ਕਿਵੇਂ ਨਿਪਟਿਆ ਜਾਵੇਗਾ?
-ਸਾਡੇ ਕੋਲ ਪਾਲੀਟੀਕਲ ਰਿਜ਼ਾਲਵ ਹਨ। ਕਾਨੂੰਨ ਜੋ ਕਿਸਾਨਾਂ ਲਈ ਬਣਾਏ ਸਨ, ਚੰਗੀ ਨੀਅਤ ਨਾਲ ਬਣਾਏ ਸਨ। ਅਸੀਂ ਸੋਚਿਆ ਸੀ ਕਿ ਇਸ ਨਾਲ ਫਾਇਦਾ ਹੋਵੇਗਾ ਪਰ ਵਿਵਾਦ ਹੋਇਆ। 2-4 ਦਿਨਾਂ ਵਿਚ ਜੋ ਸਾਡਾ ਮੈਨੀਫੈਸਟੋ ਆਵੇਗਾ, ਬਾਕੀ ਉਸ ਵਿਚ ਇਹ ਸਭ ਕਲੈਰੀਫਾਈ ਕੀਤਾ ਜਾਵੇਗਾ।
-ਕਾਂਗਰਸ ਬਿਕਰਮ ਸਿੰਘ ਮਜੀਠੀਆ ਬਾਰੇ ਜੋ ਕਹਿ ਰਹੀ ਹੈ, ਕੀ ਉਹ ਹੀ ਇਸ ਦੇ ਪਿੱਛੇ ਹਨ?
-ਮੈਂ ਇਸ ਕੰਟਰੋਵਰਸੀ ਵਿਚ ਨਹੀਂ ਪੈਣਾ ਚਾਹੁੰਦਾ। ਇਸ ਕੇਸ ਨਾਲ ਮੇਰਾ ਕੋਈ ਲੈਣਾ-ਦੇਣਾ ਨਹੀਂ ਹੈ। ਮੇਰਾ ਸਿਰਫ਼ ਇਹ ਕਹਿਣਾ ਹੈ ਕਿ ਜਿੱਥੇ ਵੀ ਬੀ.ਜੇ.ਪੀ. ਦੀ ਸਰਕਾਰ ਹੈ, ਉੱਥੇ ਡਰੱਗਜ਼ ਮਾਫੀਆ ਕੈਨ ਨੌਟ ਸਰਵਾਈਵ। ਇਕ ਲਾਅ ਇਨਫੋਰਸਮੈਂਟ ਹੁੰਦੀ ਹੈ। ਇਸ ਲਾਰਜ ਸਕੇਲ ’ਤੇ ਜੋ ਫਾਲਟ ਲਾਈਨ ਸਿਸਟਮ ਵਿਚ ਹੈ, ਉਸ ਨੂੰ ਅਸੀਂ ਸਹੀ ਕਰ ਦੇਵਾਂਗੇ।
-ਪੰਜਾਬ ਦੇ ਸਿਆਸੀ ਮਾਹੌਲ ਵਿਚ ਈ. ਡੀ. ਦੀ ਬੜੀ ਚਰਚਾ ਹੋ ਰਹੀ ਹੈ। ਤਾਜ਼ਾ ਕਾਰਵਾਈ ਨੂੰ ਲੈ ਕੇ ਉਂਗਲੀ ਤੁਹਾਡੀ ਲੀਡਰਸ਼ਿਪ ’ਤੇ ਉਠ ਰਹੀ ਹੈ?
-ਸਾਡੇ ਵੱਲ ਉਂਗਲੀਆਂ ਕਿਉਂ ਆ ਰਹੀਆਂ ਹਨ, ਸਾਨੂੰ ਨਹੀਂ ਪਤਾ। ਮੈਨੂੰ ਨਹੀਂ ਪਤਾ ਕਿ ਕੀ ਹੋਇਆ। ਅਸੀਂ ਪ੍ਰੈੱਸ ਰਾਹੀਂ ਹੀ ਸੁਣਿਆ। ਚੰਨੀ ਜੀ ਜਿਸ ਵਿਧਾਨਸਭਾ ਸੀਟ ਤੋਂ ਚੋਣ ਲੜ ਰਹੇ ਹਨ, ਉਨ੍ਹਾਂ ਦੀ ਸੀਟ ’ਤੇ ਕੋਈ ਮਾਈਨਿੰਗ ਹੋ ਰਹੀ ਸੀ। ਜੇਕਰ ਹੋ ਰਹੀ ਹੈ ਤਾਂ ਉਸ ਵਿਚ ਅਸੀਂ ਕੀ ਕਰ ਸਕਦੇ ਹਾਂ। ਸੈਂਟਰਲ ਏਜੰਸੀਆਂ ਹਰ ਕਿਸੇ ’ਤੇ ਐਕਸ਼ਨ ਲੈਣਗੀਆਂ। ਚਾਹੇ ਉਹ ਤੁਸੀਂ ਹੋਵੋ ਜਾਂ ਮੈਂ। ਕਿਉਂਕਿ ਅਸੀਂ ਪਾਲੀਟੀਕਲੀ ਅਾਪੋਜੀਸ਼ਨ ਵਿਚ ਹਾਂ, ਇਸ ਲਈ ਇਹ ਗਲਤ ਗੱਲ ਕਰ ਰਹੇ ਹੋ।
ਭਗਵੰਤ ਮਾਨ ’ਤੇ ਬੋਲੇ ਹਰਦੀਪ ਪੁਰੀ : ਉਨ੍ਹਾਂ ਦਾ ਇਕ ਵੀਡੀਓ ਹੈ ਜਾਂ ਹੋਰ ਵੀਡੀਓਜ਼ ਹਨ, ਇਹ ਇਸ਼ੂ ਨਹੀਂ ਹੈ। ਮੇਰਾ ਸਵਾਲ ਇਹ ਹੈ ਕਿ ਕੀ ਉਨ੍ਹਾਂ ਕੋਲ ਸੀ. ਐੱਮ. ਬਣਨ ਲਈ ਤਜ਼ਰਬਾ ਹੈ।
-ਸੀ. ਐੱਮ. ਕੇਜਰੀਵਾਲ ਕਹਿੰਦੇ ਹਨ ਕਿ ਭਗਵੰਤ ਮਾਨ ਦੇ ਰਿਕਾਰਡ ਵਿਚ ਤਮਾਮ ਵਿਰੋਧੀ ਪਾਰਟੀਆਂ ਇਕ ਵੀਡੀਓ ਹੀ ਕੱਢ ਸਕੀਆਂ। ਉਹ ਕੱਟੜ ਇਮਾਨਦਾਰ ਹਨ। ਇਹ ਰੇਤਾ ਨਹੀਂ ਵੇਚਦਾ, ਚਿੱਟਾ ਨਹੀਂ ਵੇਚਦਾ, ਮਾਫੀਆ ਨਹੀਂ ਹੈ।
-ਇਕ ਵੀਡੀਓ ਹੈ ਜਾਂ ਹੋਰ ਵੀਡੀਓਜ਼ ਹਨ, ਇਹ ਇਸ਼ੂ ਨਹੀਂ ਹੈ। ਕੇਜਰੀਵਾਲ ਜੀ ਜੋ ਕਹਿ ਰਹੇ ਹਨ, ਮੇਰਾ ਸਵਾਲ ਉਸ ਵੀਡੀਓ ਨਾਲ ਰਿਲੇਟਡ ਨਹੀਂ। ਮੇਰਾ ਸਵਾਲ ਇਹ ਹੈ ਕਿ ਕੀ ਉਨ੍ਹਾਂ ਕੋਲ ਸੀ. ਐੱਮ. ਬਣਨ ਲਈ ਐਕਸਪੀਰੀਅੈਂਸ ਹੈ। ਕੌਣ ਚਿੱਟਾ ਵੇਚਦਾ ਹੈ, ਕੌਣ ਦਾਰੂ ਪੀਂਦਾ ਹੈ, ਇਹ ਇਸ਼ੂ ਨਹੀਂ। ਚਿੱਟਾ ਵੇਚਣਾ ਮਾੜਾ ਹੈ, ਡਕੈਤੀ ਕਰਨਾ ਮਾੜਾ ਹੈ ਪਰ ਪਰਸਨਲੀ ਜੇਕਰ ਉਹ ਦਾਰੂ ਪੀਂਦੇ ਹਨ ਤਾਂ ਮੈਨੂੰ ਇਤਰਾਜ਼ ਨਹੀਂ ਹੈ।
-ਬੀ. ਜੇ. ਪੀ. ਨੂੰ ਕਿੰਨੀਆਂ ਸੀਟਾਂ ਨੂੰ ਲੈ ਕੇ ਉਮੀਦ ਹੈ?
-ਪਹਿਲਾਂ ਅਸੀਂ 20-22 ਸੀਟਾਂ ’ਤੇ ਚੋਣ ਲੜਦੇ ਸੀ, ਉਦੋਂ ਸਾਡੇ ਦੋ ਵਿਧਾਇਕ ਸਨ। ਹੁਣ ਅਸੀਂ 65 ਸੀਟਾਂ ’ਤੇ ਲੜ ਰਹੇ ਹਾਂ। 5 ਫ਼ੀਸਦੀ ਵੋਟ ਸ਼ੇਅਰ, ਸਾਡੀਆਂ ਸੀਟਾਂ ਬਹੁਤ ਵਧਣਗੀਆਂ। ਕਿੰਨੀਆਂ ਹਨ ਉਹ ਮੈਂ ਤੁਹਾਨੂੰ ਹਫ਼ਤੇ ਤੋਂ ਬਾਅਦ ਅਸੈੱਸਮੈਂਟ ਦੇਵਾਂਗਾ।
-ਤੁਹਾਡਾ ਇਕ ਮੇਨ ਚਿਹਰਾ ਸੀ, ਮਦਨ ਮੋਹਨ ਮਿੱਤਲ, ਉਹ ਨਾਰਾਜ਼ ਹੋ ਕੇ ਦੂਜੀ ਧਿਰ ਵਿਚ ਚਲੇ ਗਏ, ਤੁਹਾਡੀ ਪ੍ਰਤੀਕਿਰਿਆ?
-ਬੜੀ ਖੁਸ਼ੀ ਹੋਈ ਕਿ ਉਹ ਆਪਣੇ ਬੇਟੇ ਲਈ ਸੀਟ ਮੰਗ ਰਹੇ ਸਨ। ਅਸੀਂ ਪਰਿਵਾਰਵਾਦ ’ਚ ਵਿਸ਼ਵਾਸ ਨਹੀਂ ਕਰਦੇ। ਕਿਸੇ ਦਾ ਵੀ ਪੁੱਤਰ ਹੋਵੇ, ਅਸੀਂ ਮਿਹਨਤ ’ਤੇ ਧਿਆਨ ਰੱਖਦੇ ਹਾਂ। ਅੰਮ੍ਰਿਤਸਰ ਤੋਂ ਵੀ ਇਕ ਸਾਡੇ ਲੀਡਰ ਸਨ, ਮੰਤਰੀ ਹੁੰਦੇ ਸਨ। ਉਹ ਵੀ ਛੱਡ ਕੇ ਚਲੇ ਗਏ। ਹੁਣ ਉਨ੍ਹਾਂ ਨੂੰ ਜਾ ਕੇ ਪੁੱਛੋ। ਕਈ ਲੋਕ ਜਾਂਦੇ ਹਨ ਫਿਰ ਵਾਪਸ ਆਉਂਦੇ ਹਨ ਇਨ੍ਹਾਂ ਨੂੰ ਛੱਡੋ।
ਤ੍ਰਿਣਮੂਲ ਤੇ ‘ਆਪ’ ਸਿਰਫ ਨੈਸ਼ਨਲ ਪਾਰਟੀ ਦੇ ਦਰਜੇ ਲਈ ਲੜ ਰਹੀਆਂ: ਦੇਵੇਂਦਰ ਫੜਨਵੀਸ
NEXT STORY 
