ਨੈਸ਼ਨਲ ਡੈਸਕ : ਮੱਧ ਪ੍ਰਦੇਸ਼ ਦੇ ਪੰਨਾ ਜ਼ਿਲਾ ਹਸਪਤਾਲ ਦੇ ਬਲੱਡ ਬੈਂਕ ਦਾ ਇਕ ਵੀਡੀਓ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ 'ਚ ਇਕ ਬਲੱਡ ਬੈਂਕ ਕਰਮਚਾਰੀ ਨੂੰ 'ਹਿੰਦੂ-ਮੁਸਲਿਮ' ਬਾਰੇ ਗੱਲ ਕਰਦੇ ਸੁਣਿਆ ਜਾ ਸਕਦਾ ਹੈ, ਜਿਸ ਨੇ ਸੂਬੇ ਦੀ ਸਿਆਸਤ 'ਚ ਹਲਚਲ ਮਚਾ ਦਿੱਤੀ ਹੈ।
ਦਰਅਸਲ, ਪੰਨਾ ਜ਼ਿਲ੍ਹਾ ਹਸਪਤਾਲ ਵਿੱਚ ਲੈਬ ਟੈਕਨੀਸ਼ੀਅਨ ਵਜੋਂ ਕੰਮ ਕਰ ਰਹੇ ਰਵਿਕਾਂਤ ਸ਼ਰਮਾ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ। ਵੀਡੀਓ ਵਿੱਚ ਉਹ ਇੱਕ ਨੌਜਵਾਨ ਨੂੰ ਪੁੱਛਦਾ ਨਜ਼ਰ ਆ ਰਿਹਾ ਹੈ, "ਜੋ ਖੂਨਦਾਨ ਕਰਨ ਆਇਆ ਹੈ, ਕੀ ਉਹ ਮੁਸਲਮਾਨ ਹੈ? ਅਤੇ ਜਿਸਨੂੰ ਖੂਨ ਦਿੱਤਾ ਜਾਣਾ ਹੈ, ਕੀ ਉਹ ਹਿੰਦੂ ਹੈ?" ਇਸ 'ਤੇ ਨੌਜਵਾਨ ਨੇ ਜਵਾਬ ਦਿੱਤਾ, "ਜਦੋਂ ਖੂਨ ਦਾਨ ਕਰਨ ਵਾਲੇ ਅਤੇ ਲੈਣ ਵਾਲੇ ਦੋਵਾਂ ਨੂੰ ਕੋਈ ਇਤਰਾਜ਼ ਨਹੀਂ ਹੈ ਤਾਂ ਤੁਹਾਨੂੰ ਕੀ ਪਰੇਸ਼ਾਨੀ ਹੈ?" ਇਸ 'ਤੇ ਤਕਨੀਸ਼ੀਅਨ ਨੇ ਕਿਹਾ, "ਇਹ ਸਾਡੀ ਨੌਕਰੀ ਦਾ ਸਵਾਲ ਹੈ।"
ਕੀ ਹੈ ਪੂਰਾ ਮਾਮਲਾ?
ਇਹ ਵੀਡੀਓ 22 ਜੂਨ ਦੀ ਦੱਸੀ ਜਾ ਰਹੀ ਹੈ। ਨਰਦਾਹਾ ਪਿੰਡ ਦਾ ਸੁਰੇਸ਼ ਸੋਨਕਰ ਆਪਣੀ ਬੀਮਾਰ ਮਾਂ ਲਈ ਖੂਨਦਾਨ ਕਰਨ ਲਈ ਇੱਕ ਮੁਸਲਮਾਨ ਦੋਸਤ ਨੂੰ ਬਲੱਡ ਬੈਂਕ ਲੈ ਕੇ ਆਇਆ ਸੀ। ਫਿਰ ਇਹ ਘਟਨਾ ਵਾਪਰੀ। ਸੁਰੇਸ਼ ਨੇ ਦੱਸਿਆ ਕਿ ਜਦੋਂ ਉਹ ਆਪਣੇ ਦੋਸਤ ਨਾਲ ਪਹੁੰਚਿਆ ਤਾਂ ਬਲੱਡ ਬੈਂਕ ਦੇ ਕਰਮਚਾਰੀ ਨੇ ਉਸ ਨੂੰ ਪੁੱਛਿਆ ਕਿ ਇਹ ਕੌਣ ਹੈ? ਜਦੋਂ ਸੁਰੇਸ਼ ਨੇ ਆਪਣੇ ਦੋਸਤ ਨੂੰ 'ਭਰਾ' ਕਿਹਾ ਤਾਂ ਕਰਮਚਾਰੀ ਨੇ ਕਿਹਾ, "ਇੱਕ ਮੁਸਲਮਾਨ ਹਿੰਦੂ ਦਾ ਭਰਾ ਕਿਵੇਂ ਹੋ ਸਕਦਾ ਹੈ?" ਸੁਰੇਸ਼ ਦਾ ਕਹਿਣਾ ਹੈ ਕਿ ਉਸ ਦੀ ਮਾਂ ਨੂੰ ਕਿਡਨੀ ਦੀ ਇਨਫੈਕਸ਼ਨ ਕਾਰਨ ਹਸਪਤਾਲ ਦਾਖਲ ਕਰਵਾਇਆ ਗਿਆ ਸੀ ਅਤੇ ਡਾਕਟਰ ਨੇ ਅਨੀਮੀਆ ਕਾਰਨ ਖੂਨ ਲਿਆਉਣ ਲਈ ਕਿਹਾ ਸੀ। ਇਸ ਲਈ ਉਹ ਆਪਣੇ ਮੁਸਲਮਾਨ ਦੋਸਤ ਨੂੰ ਵੀ ਨਾਲ ਲੈ ਗਿਆ।
ਪ੍ਰਸ਼ਾਸਨ ਜਾਂਚ 'ਚ ਲੱਗਾ
ਇਸ ਮਾਮਲੇ ਸਬੰਧੀ ਸਿਵਲ ਸਰਜਨ ਡਾ.ਆਲੋਕ ਗੁਪਤਾ ਨੇ ਦੱਸਿਆ ਕਿ ਬਲੱਡ ਬੈਂਕ ਦੇ ਕਰਮਚਾਰੀ ਕਈ ਵਾਰ ਪੇਸ਼ੇਵਰ ਖੂਨਦਾਨੀਆਂ ਨੂੰ ਰੋਕਣ ਲਈ ਸਵਾਲ ਪੁੱਛਦੇ ਹਨ ਪਰ ਇਹ ਮਾਮਲਾ ਸੰਵੇਦਨਸ਼ੀਲ ਹੈ ਅਤੇ ਇਸ ਸਬੰਧੀ ਜਾਂਚ ਲਈ ਸਬੰਧਤ ਕਰਮਚਾਰੀ ਨੂੰ ਨੋਟਿਸ ਭੇਜਿਆ ਗਿਆ ਹੈ। ਫਿਲਹਾਲ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ ਅਤੇ ਸਿਵਲ ਸਰਜਨ ਨੇ ਕਿਹਾ ਹੈ ਕਿ ਜਾਂਚ ਰਿਪੋਰਟ ਆਉਣ ਤੋਂ ਬਾਅਦ ਹੀ ਕੋਈ ਵੀ ਬਣਦੀ ਕਾਰਵਾਈ ਕੀਤੀ ਜਾਵੇਗੀ। ਇਹ ਘਟਨਾ ਇੱਕ ਸੰਵੇਦਨਸ਼ੀਲ ਮੁੱਦਾ ਬਣ ਚੁੱਕੀ ਹੈ ਤੇ ਇਸ 'ਤੇ ਲੋਕਾਂ ਦੀਆਂ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਵੀ ਸਾਹਮਣੇ ਆ ਰਹੀਆਂ ਹਨ।
ਚਾਵਾਂ ਨਾਲ Maggi ਖਾਣ ਦੇ ਸ਼ੌਕੀਨ ਹੋ ਜਾਓ ਸਾਵਧਾਨ! (ਵੀਡੀਓ)
NEXT STORY 
