ਵੈੱਬ ਡੈਸਕ- ਭਾਰਤ 'ਚ ਦਾਲਾਂ ਹਰ ਘਰ ਦੀ ਰਸੋਈ ਦਾ ਅਹਿਮ ਹਿੱਸਾ ਹੁੰਦੀਆਂ ਹਨ। ਅਰਹਰ, ਚਨਾ, ਮੂੰਗ, ਉੜਦ ਅਤੇ ਮਸੂਰ ਵਰਗੀਆਂ ਦਾਲਾਂ ਰੋਜ਼ਾਨਾ ਦੇ ਖਾਣੇ 'ਚ ਵਰਤੀਆਂ ਜਾਂਦੀਆਂ ਹਨ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਨ੍ਹਾਂ 'ਚੋਂ ਮਸੂਰ ਦੀ ਦਾਲ ਨੂੰ ਸਨਾਤਨ ਧਰਮ 'ਚ ਮਾਸਾਹਾਰੀ ਮੰਨਿਆ ਗਿਆ ਹੈ? ਇਸੇ ਕਰਕੇ ਸਾਧੂ-ਸੰਤ ਅਤੇ ਧਾਰਮਿਕ ਲੋਕ ਇਸ ਦਾ ਸੇਵਨ ਨਹੀਂ ਕਰਦੇ।
ਇਹ ਵੀ ਪੜ੍ਹੋ : ਸਾਲ 2026 'ਚ ਅਮੀਰ ਹੋ ਜਾਣਗੇ ਇਨ੍ਹਾਂ ਰਾਸ਼ੀਆਂ ਦੇ ਲੋਕ! ਬਾਬਾ ਵੇਂਗਾ ਨੇ ਕਰ ਦਿੱਤੀ ਭਵਿੱਖਬਾਣੀ
ਧਾਰਮਿਕ ਕਥਾ — ਸਮੁੰਦਰ ਮੰਥਨ ਨਾਲ ਜੋੜ
ਮਾਨਤਾ ਅਨੁਸਾਰ, ਜਦੋਂ ਭਗਵਾਨ ਵਿਸ਼ਨੂੰ ਨੇ ਸਵਰਭਾਨੁ ਨਾਮੀ ਰਾਖਸ਼ਸ ਦਾ ਵਧ ਕੀਤਾ, ਤਾਂ ਉਸ ਦਾ ਸਿਰ ਅਤੇ ਧੜ ਵੱਖ ਹੋ ਗਿਆ ਸੀ। ਕਿਹਾ ਜਾਂਦਾ ਹੈ ਕਿ ਜਿੱਥੇ-ਜਿੱਥੇ ਉਸ ਰਾਖਸ਼ਸ ਦਾ ਖੂਨ ਧਰਤੀ ’ਤੇ ਟਪਕਿਆ, ਉੱਥੇ ਮਸੂਰ ਦੀ ਦਾਲ ਉੱਗੀ। ਇਸ ਲਈ ਇਸ ਨੂੰ ਮਾਸ ਤੋਂ ਜੰਮੀ ਹੋਈ ਦਾਲ ਮੰਨਿਆ ਗਿਆ ਅਤੇ “ਮਾਸਾਹਾਰੀ ਦਾਲ” ਦੀ ਸ਼੍ਰੇਣੀ 'ਚ ਰੱਖਿਆ ਗਿਆ।
ਇਹ ਵੀ ਪੜ੍ਹੋ : Bank Locker 'ਚ ਕਿੰਨਾ Gold ਰੱਖਣ ਦੀ ਹੈ ਲਿਮਿਟ? ਜਾਣੋ RBI ਦੇ ਨਿਯਮ
ਦੂਜੀ ਕਥਾ — ਕਾਮਧੇਨੁ ਗਾਂ ਨਾਲ ਸੰਬੰਧਿਤ
ਇਕ ਹੋਰ ਮਾਨਤਾ ਮੁਤਾਬਕ, ਮਸੂਰ ਦੀ ਦਾਲ ਕਾਮਧੇਨੁ ਗਾਂ ਦੇ ਖੂਨ ਤੋਂ ਪੈਦਾ ਮੰਨੀ ਜਾਂਦੀ ਹੈ। ਇਸ ਕਰਕੇ ਇਸ ਨੂੰ ਪਵਿੱਤਰ ਭੋਜਨ ਦੀ ਸ਼੍ਰੇਣੀ 'ਚ ਨਹੀਂ ਰੱਖਿਆ ਗਿਆ। ਧਾਰਮਿਕ ਗ੍ਰੰਥਾਂ 'ਚ ਕਿਹਾ ਗਿਆ ਹੈ ਕਿ ਇਹ ਦਾਲ ਤਾਮਸਿਕ ਪ੍ਰਵਿਰਤੀ ਨੂੰ ਵਧਾਉਂਦੀ ਹੈ — ਜਿਵੇਂ ਗੁੱਸਾ, ਆਲਸ ਅਤੇ ਕਾਮਨਾ। ਇਸ ਲਈ ਸੰਤ, ਤਪਸਵੀ ਅਤੇ ਸਾਤਵਿਕ ਜੀਵਨ ਜੀਣ ਵਾਲੇ ਲੋਕ ਇਸ ਤੋਂ ਪਰਹੇਜ਼ ਕਰਦੇ ਹਨ।
ਵਿਗਿਆਨਿਕ ਅਤੇ ਆਯੁਰਵੈਦਿਕ ਦ੍ਰਿਸ਼ਟੀਕੋਣ
ਵਿਗਿਆਨਕ ਤੌਰ ’ਤੇ ਮਸੂਰ ਦੀ ਦਾਲ 'ਚ ਮਾਸਾਹਾਰ ਵਾਲਾ ਕੋਈ ਤੱਤ ਨਹੀਂ ਹੁੰਦਾ। ਇਸ 'ਚ ਪ੍ਰੋਟੀਨ, ਫਾਈਬਰ ਅਤੇ ਆਇਰਨ ਦੀ ਉੱਚ ਮਾਤਰਾ ਹੁੰਦੀ ਹੈ, ਜੋ ਸਰੀਰ ਲਈ ਲਾਭਕਾਰੀ ਹੈ। ਪਰ ਆਯੁਰਵੈਦ ਅਨੁਸਾਰ, ਇਹ ਤਾਮਸਿਕ ਖਾਦ ਪਦਾਰਥ ਹੈ, ਜਿਸ ਨਾਲ ਸਰੀਰ 'ਚ ਭਾਰੀਪਨ ਅਤੇ ਸੁਸਤੀ ਵਧ ਸਕਦੀ ਹੈ। ਇਸ ਲਈ ਜੋ ਲੋਕ ਮਾਨਸਿਕ ਸ਼ਾਂਤੀ ਅਤੇ ਸਾਤਵਿਕ ਜੀਵਨਸ਼ੈਲੀ ਅਪਣਾਉਂਦੇ ਹਨ, ਉਹ ਇਸ ਦਾ ਸੇਵਨ ਨਹੀਂ ਕਰਦੇ।
ਨੋਟ : ਇਸ ਖ਼ਬਰ 'ਚ ਦਿੱਤੀ ਗਈ ਜਾਣਕਾਰੀ ਸਿਰਫ ਧਾਰਨਾਵਾਂ 'ਤੇ ਅਧਾਰਤ ਹੈ। ਇੱਥੇ ਤੁਹਾਨੂੰ ਇਹ ਦੱਸਣਾ ਜ਼ਰੂਰੀ ਹੈ ਕਿ ਜਗ ਬਾਣੀ ਕਿਸੇ ਵੀ ਤਰ੍ਹਾਂ ਦੀ ਮਾਨਤਾ, ਜਾਣਕਾਰੀ ਦੀ ਪੁਸ਼ਟੀ ਨਹੀਂ ਕਰਦਾ ਹੈ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਦੁਲਾਰਚੰਦ ਯਾਦਵ ਕਤਲ ਮਾਮਲੇ 'ਚ ਅਦਾਲਤ ਦੀ ਵੱਡੀ ਕਾਰਵਾਈ ! JDU ਉਮੀਦਵਾਰ ਨੂੰ ਭੇਜਿਆ ਜੇਲ੍ਹ
NEXT STORY 
