ਇੰਟਰਨੈਸ਼ਨਲ ਡੈਸਕ- ਵੇਨੇਜ਼ੁਏਲਾ 'ਚ ਬੁੱਧਵਾਰ ਨੂੰ ਆਏ ਭਿਆਨਕ ਭੂਚਾਲ ਦੇ ਝਟਕਿਆਂ ਕਾਰਨ ਦੇਸ਼ 'ਚ ਤਬਾਹੀ ਮਚੀ ਹੋਈ ਹੈ। ਭੂਚਾਲ ਕਾਰਨ ਮ੍ਰਿਤਕਾਂ ਦੀ ਗਿਣਤੀ ਵੀ ਤੇਜ਼ੀ ਨਾਲ ਵਧਦੀ ਜਾ ਰਹੀ ਹੈ, ਜੋ ਹੁਣ 235 ਤੋਂ ਪਾਰ ਹੋ ਗਈ ਹੈ, ਜਦਕਿ 4,300 ਤੋਂ ਵੱਧ ਲੋਕ ਜ਼ਖ਼ਮੀ ਹਨ। ਇਸ ਭਿਆਨਕ ਤ੍ਰਾਸਦੀ ਦੇ ਮੱਦੇਨਜ਼ਰ ਭਾਰਤ ਸਰਕਾਰ ਨੇ ਤੁਰੰਤ ਕਾਰਵਾਈ ਕਰਦਿਆਂ 'ਆਪ੍ਰੇਸ਼ਨ ਅਮਿਸਤਾਦ' ਸ਼ੁਰੂ ਕੀਤਾ ਹੈ। ਅਮਿਸਤਾਦ ਦਾ ਮਤਲਬ ਦੋਸਤੀ ਹੈ। ਭਾਰਤ ਨੇ ਵੇਨੇਜ਼ੁਏਲਾ 'ਚ ਭੂਚਾਲ ਪ੍ਰਭਾਵਿਤ ਖੇਤਰਾਂ ਵਿੱਚ ਮਦਦ ਲਈ ਭਾਰਤੀ ਫ਼ੌਜ ਦੀ ਇੱਕ ਸਪੈਸ਼ਲ ਮੈਡੀਕਲ ਟੀਮ ਭੇਜੀ ਹੈ।
ਭਾਰਤ ਨੇ ਆਪਣੇ '60 ਪੈਰਾ ਫੀਲਡ ਹਾਸਪਿਟਲ' ਦੀ 41 ਮੈਂਬਰੀ ਮੈਡੀਕਲ ਟੀਮ ਨੂੰ ਭੇਜਿਆ ਹੈ। ਇਸ ਟੀਮ 'ਚ 9 ਮੈਡੀਕਲ ਅਫ਼ਸਰ ਅਤੇ ਮਾਹਿਰ ਸਪੋਰਟ ਸਟਾਫ਼ ਸ਼ਾਮਲ ਹਨ। ਇਹ ਟੀਮ ਭਾਰਤੀ ਹਵਾਈ ਫ਼ੌਜ ਦੇ ਦੋ ਵੱਡੇ C-17 ਗਲੋਬਮਾਸਟਰ ਜਹਾਜ਼ਾਂ ਰਾਹੀਂ ਰਵਾਨਾ ਹੋਈ ਹੈ, ਜੋ ਆਪਣੇ ਨਾਲ ਲਗਭਗ 6 ਟਨ ਮੈਡੀਕਲ ਸਪਲਾਈ ਅਤੇ ਰਾਹਤ ਸਮੱਗਰੀ ਲੈ ਕੇ ਗਏ ਹਨ।
ਇਸ ਤੋਂ ਇਲਾਵਾ ਭਾਰਤ ਨੇ ਆਪਣੀ 'ਆਰੋਗਿਆ ਮੈਤਰੀ' ਮੁਹਿੰਮ ਤਹਿਤ ਸਵਦੇਸ਼ੀ ਤੌਰ 'ਤੇ ਵਿਕਸਿਤ ਕੀਤਾ 'ਭੀਸ਼ਮ ਕਿਊਬ' ਵੀ ਭੇਜਿਆ ਹੈ। ਇਹ ਇੱਕ ਅਜਿਹਾ ਮਾਡੂਲਰ ਫੀਲਡ ਹਸਪਤਾਲ ਹੈ ਜੋ ਬਹੁਤ ਜਲਦੀ ਤਾਇਨਾਤ ਹੋ ਕੇ ਇੱਕੋ ਸਮੇਂ 200 ਮਰੀਜ਼ਾਂ ਦਾ ਇਲਾਜ, ਐਮਰਜੈਂਸੀ ਸਰਜਰੀ, ਟਰੌਮਾ ਕੇਅਰ ਅਤੇ ਆਈ.ਸੀ.ਯੂ. ਵਰਗੀਆਂ ਸਹੂਲਤਾਂ ਪ੍ਰਦਾਨ ਕਰ ਸਕਦਾ ਹੈ। ਭਾਰਤ ਦੇ ਵਿਦੇਸ਼ ਮੰਤਰਾਲੇ ਨੇ ਵੇਨੇਜ਼ੁਏਲਾ ਦੇ ਲੋਕਾਂ ਨਾਲ ਹਮਦਰਦੀ ਜਤਾਉਂਦਿਆਂ ਕਿਹਾ, "ਅਸੀਂ ਤੁਹਾਡਾ ਦੁੱਖ ਸਮਝਦੇ ਹਾਂ ਤੇ ਤੁਹਾਡੇ ਨਾਲ ਖੜ੍ਹੇ ਹਾਂ।" ਇਹ ਕਦਮ ਭਾਰਤ ਦੇ 'ਵਸੁਧੈਵ ਕੁਟੁੰਬਕਮ' ਦੇ ਸਿਧਾਂਤ ਨੂੰ ਦਰਸਾਉਂਦਾ ਹੈ।
ਵੇਨੇਜ਼ੁਏਲਾ ਦੇ ਸਿਹਤ ਮੰਤਰੀ ਕਾਰਲੋਸ ਅਲਵਾਰਾਡੋ ਵੱਲੋਂ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਭੂਚਾਲ ਕਾਰਨ ਹੁਣ ਤੱਕ 235 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ, ਜਿਨ੍ਹਾਂ ਦੀਆਂ ਲਾਸ਼ਾਂ ਹਸਪਤਾਲਾਂ ਵਿੱਚ ਪਹੁੰਚ ਚੁੱਕੀਆਂ ਹਨ, ਜਦਕਿ ਹਜ਼ਾਰਾਂ ਲੋਕ ਬੇਘਰ ਹੋ ਕੇ ਪਾਰਕਾਂ ਅਤੇ ਖੁੱਲ੍ਹੇ ਮੈਦਾਨਾਂ ਵਿੱਚ ਰਹਿ ਰਹੇ ਹਨ।
Operation Amistad underway!
Two @IAF_MCC C17s took-off today for Venezuela with urgent assistance to support their post-earthquake relief efforts.
The assistance contains an Indian Army @adgpi Field Hospital Unit and over 35 tons of relief supplies, medicines and medical… pic.twitter.com/Dcq8P065tp
— Dr. S. Jaishankar (@DrSJaishankar) June 26, 2026
ਇਹ ਵੀ ਪੜ੍ਹੋ- ਕੈਨੇਡਾ ਪੁਲਸ ਨੇ ਜਾਰੀ ਕੀਤੀਆਂ 15 ਪੰਜਾਬੀਆਂ ਦੀਆਂ ਤਸਵੀਰਾਂ ! ਵੱਡੇ-ਵੱਡੇ ਕਾਰਿਆਂ ਮਗਰੋਂ ਹੋ ਰਹੀ ਭਾਲ
ਜ਼ਿਕਰਯੋਗ ਹੈ ਕਿ ਬੁੱਧਵਾਰ ਰਾਤ ਨੂੰ ਆਏ 7.2 ਅਤੇ 7.5 ਤੀਬਰਤਾ ਦੇ ਭੂਚਾਲ ਕਾਰਨ ਰਾਜਧਾਨੀ ਕਾਰਾਕਾਸ ਦੇ ਪੱਛਮੀ ਇਲਾਕੇ 'ਚਪੂਰੇ ਦੇ ਪੂਰੇ ਰਿਹਾਇਸ਼ੀ ਬਲਾਕ ਤਬਾਹ ਹੋ ਗਏ ਤੇ ਕਈ ਇਮਾਰਤਾਂ ਪਲਾਂ 'ਚ ਢਹਿ-ਢੇਰੀ ਹੋ ਗਈਆਂ। ਮਲਬੇ ਹੇਠ ਸੈਂਕੜੇ ਲੋਕ ਦੱਬ ਗਏ, ਜਿਨ੍ਹਾਂ ਨੂੰ ਕੱਢਣ ਦੀਆਂ ਕੋਸ਼ਿਸ਼ਾਂ ਲਗਾਤਾਰ ਜਾਰੀ ਹਨ।
ਭਾਰਤ ਤੋਂ ਇਲਾਵਾ ਰਾਹਤ ਕਾਰਜਾਂ ਲਈ ਵੇਨੇਜ਼ੁਏਲਾ ਦੀ ਮਦਦ ਵਾਸਤੇ ਅਮਰੀਕਾ ਨੇ ਆਪਣੇ ਮਰੀਨ ਕਾਰਪਸ ਦੀ ਅਗਵਾਈ ਲਈ ਇੱਕ ਮੇਜਰ ਜਨਰਲ ਭੇਜਿਆ ਹੈ, ਜਦਕਿ ਗੁਆਂਢੀ ਦੇਸ਼ ਮੈਕਸੀਕੋ ਨੇ ਵੀ ਇੱਥੇ ਆਪਣੀ ਇਕ ਰੈਸਕਿਊ ਟੀਮ ਤਾਇਨਾਤ ਕੀਤੀ ਹੈ।
ਇਹ ਪਹਿਲੀ ਵਾਰ ਨਹੀਂ ਹੈ, ਜਦੋਂ ਭਾਰਤ ਨੇ ਲੋੜਵੰਦ ਦੇਸ਼ ਦੀ ਮਦਦ ਕੀਤੀ ਹੋਵੇ। ਇਸ ਤੋਂ ਪਹਿਲਾਂ ਭਾਰਤ ਨੇ ਪਿਛਲੇ ਸਾਲ 28 ਮਾਰਚ 2025 ਨੂੰ ਮਿਆਂਮਾਰ ਵਿੱਚ ਆਏ ਭੂਚਾਲ ਦੌਰਾਨ 'ਆਪ੍ਰੇਸ਼ਨ ਬ੍ਰਹਮਾ' ਚਲਾ ਕੇ 750 ਟਨ ਤੋਂ ਵੱਧ ਰਾਹਤ ਸਮੱਗਰੀ ਭੇਜੀ ਸੀ ਅਤੇ ਉੱਥੇ 2,500 ਤੋਂ ਵੱਧ ਮਰੀਜ਼ਾਂ ਦਾ ਇਲਾਜ ਕੀਤਾ ਸੀ। ਇਸ ਤੋਂ ਇਲਾਵਾ ਤੁਰਕੀ ਅਤੇ ਨੇਪਾਲ ਵਰਗੇ ਦੇਸ਼ਾਂ 'ਚ ਵੀ ਭਾਰਤ ਸੰਕਟ ਦੇ ਸਮੇਂ ਸਭ ਤੋਂ ਪਹਿਲਾਂ ਮਦਦ ਪਹੁੰਚਾਉਣ ਵਾਲਾ ਦੇਸ਼ ਰਿਹਾ ਹੈ।
ਇਹ ਵੀ ਪੜ੍ਹੋ- ਕੈਨੇਡਾ 'ਚ 2 ਪੰਜਾਬੀਆਂ ਸਣੇ 4 ਨੌਜਵਾਨ ਗ੍ਰਿਫ਼ਤਾਰ ! ਹੈਰਾਨ ਕਰੇਗਾ ਕਾਰਾ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਮੁੰਡਕਾ 'ਚ ਸੈਪਟਿਕ ਟੈਂਕ ਬਣਿਆ ਮੌਤ ਦਾ ਖੂਹ ! ਜ਼ਹਿਰੀਲੀ ਗੈਸ ਸਾਹ ਲੈਣ ਨਾਲ 3 ਲੋਕਾਂ ਦੀ ਮੌਤ
NEXT STORY 
