ਨੈਸ਼ਨਲ ਡੈਸਕ- ਭਾਰਤੀ ਪੁਲਾੜ ਖੋਜ ਸੰਸਥਾ (ISRO) ਨੇ ਅੱਜ ਮੁੜ ਤੋਂ ਇਕ ਹੋਰ ਇਤਿਹਾਸ ਰੱਚ ਦਿੱਤਾ ਹੈ। ਅੱਜ ਯਾਨੀ ਬੁੱਧਵਾਰ ਨੂੰ ਭਾਰਤ 6K ਹੈਵੀ-ਲਿਫਟ ਲਾਂਚ ਵਹੀਕਲ (LVM3-M6) ਨੂੰ ਲਾਂਚ ਕਰ ਦਿੱਤਾ ਗਿਆ। ਇਹ ਰਾਕੇਟ ਅਮਰੀਕਾ ਦੇ ਨਵੀਂ ਪੀੜ੍ਹੀ ਦੇ ਸੰਚਾਰ ਸੈਟੇਲਾਈਟ ਨੂੰ ਪੁਲਾੜ 'ਚ ਲੈ ਕੇ ਜਾਵੇਗਾ। ਇਸ ਇਤਿਹਾਸਕ ਮਿਸ਼ਨ ਨੂੰ ਸਵੇਰੇ 8:54 ਵਜੇ ਸ਼੍ਰੀਹਰਿਕੋਟਾ ਦੇ ਦੂਜੇ ਲਾਂਚ ਪੈਡ ਤੋਂ ਲਾਂਚ ਕੀਤਾ ਗਿਆ। 24 ਘੰਟਿਆਂ ਦੀ ਉਲਟੀ ਗਿਣਤੀ ਪੂਰੀ ਹੋਣ ਤੋਂ ਬਾਅਦ ਦੋ S-200 ਸੋਲਿਡ ਬੂਸਟਰਾਂ ਨਾਲ ਲੈਸ 43.5 ਮੀਟਰ ਉੱਚਾ ਰਾਕੇਟ ਚੇਨਈ ਤੋਂ ਲਗਭਗ 135 ਕਿਲੋਮੀਟਰ ਪੂਰਬ ਵਿੱਚ ਸਥਿਤ ਪੁਲਾੜ ਸਟੇਸ਼ਨ ਦੇ ਦੂਜੇ ਲਾਂਚ ਪੈਡ ਤੋਂ ਸਵੇਰੇ 8:55 ਵਜੇ ਰਵਾਨਾ ਹੋਇਆ।
ਪੜ੍ਹੋ ਇਹ ਵੀ - Year Ender 2025: ਪਹਿਲਗਾਮ ਹਮਲੇ ਤੋਂ Air India ਜਹਾਜ਼ ਕ੍ਰੈਸ਼ ਤੱਕ ਵੱਡੇ ਦਰਦ ਦੇ ਗਿਆ ਸਾਲ 2025
ਦੱਸ ਦੇਈਏ ਕਿ ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਨੇ ਇੱਕ ਸਮਰਪਿਤ ਵਪਾਰਕ ਮਿਸ਼ਨ 'ਤੇ ਤਹਿਤ ਬੁੱਧਵਾਰ ਨੂੰ ਆਪਣੇ ਸਭ ਤੋਂ ਭਾਰੀ ਲਾਂਚ ਵਾਹਨ LVM-3M-6 ਦੀ ਵਰਤੋਂ ਕਰਕੇ ਅਗਲੀ ਪੀੜ੍ਹੀ ਦੇ ਅਮਰੀਕੀ ਸੰਚਾਰ ਉਪਗ੍ਰਹਿ "ਬਲੂਬਰਡ ਬਲਾਕ-2" ਨੂੰ ਲਾਂਚ ਕੀਤਾ, ਜੋ ਔਰਬਿਟ ਵਿੱਚ ਸਫਲਤਾਪੂਰਵਕ ਸਥਾਪਿਤ ਹੋ ਗਿਆ। ਇਹ ਮਿਸ਼ਨ ਨਿਊਸਪੇਸ ਇੰਡੀਆ ਲਿਮਟਿਡ (NSIL) ਅਤੇ ਅਮਰੀਕਾ ਸਥਿਤ AST ਸਪੇਸਮੋਬਾਈਲ ਵਿਚਕਾਰ ਇੱਕ ਵਪਾਰਕ ਸਮਝੌਤੇ ਤਹਿਤ ਕੀਤਾ ਜਾ ਰਿਹਾ ਹੈ। NSIL, ISRO ਦੀ ਵਪਾਰਕ ਸ਼ਾਖਾ ਹੈ। ਬਲੂਬਰਡ ਬਲਾਕ-2 ਮਿਸ਼ਨ ਇੱਕ ਗਲੋਬਲ LEO (ਲੋਅ ਅਰਥ ਔਰਬਿਟ) ਸੈਟੇਲਾਈਟ ਤਾਰਾਮੰਡਲ ਦਾ ਹਿੱਸਾ ਹੈ, ਜੋ ਸੈਟੇਲਾਈਟ ਰਾਹੀਂ ਸਿੱਧੀ ਮੋਬਾਈਲ ਕਨੈਕਟੀਵਿਟੀ ਪ੍ਰਦਾਨ ਕਰਦਾ ਹੈ।
ਪੜ੍ਹੋ ਇਹ ਵੀ - 'ਹਰੇਕ ਹਿੰਦੂ ਨੂੰ ਪੈਦਾ ਕਰਨੇ ਚਾਹੀਦੇ 3-4 ਬੱਚੇ', ਮਹਿਲਾ ਭਾਜਪਾ ਆਗੂ ਦਾ ਵੱਡਾ ਬਿਆਨ
VIDEO | ISRO's LVM3-M6 lifts off with BlueBird Block-2 satellite from Satish Dhawan Space Centre (SDSC) SHAR, Sriharikota. The satellite is part of a next generation of BlueBird Block-2 communication satellites, designed to provide space-based cellular broadband connectivity… pic.twitter.com/MRXpCOhvBV
— Press Trust of India (@PTI_News) December 24, 2025
ਹੁਣ ਤੱਕ ਦਾ ਸਭ ਤੋਂ ਭਾਰੀ ਪੇਲੋਡ
ਇਸਰੋ ਮੁਤਾਬਕ, ਇਸ ਵਪਾਰਕ ਮਿਸ਼ਨ ਤਹਿਤ ਭੇਜਿਆ ਜਾ ਰਿਹਾ ਬਲੂਬਰਡ ਬਲਾਕ-2 (Bluebird Block-2) ਸੈਟੇਲਾਈਟ ਬਹੁਤ ਖ਼ਾਸ ਹੈ। 6,100 ਕਿਲੋਗ੍ਰਾਮ ਭਾਰ ਵਾਲਾ ਇਹ ਸੈਟੇਲਾਈਟ LVM3 ਰਾਕੇਟ ਦੇ ਇਤਿਹਾਸ 'ਚ ਲੋਅ ਅਰਥ ਆਰਬਿਟ (LEO) 'ਚ ਸਥਾਪਿਤ ਕੀਤਾ ਜਾਣ ਵਾਲਾ ਸਭ ਤੋਂ ਭਾਰੀ ਪੇਲੋਡ ਹੋਵੇਗਾ। ਇਸ ਤੋਂ ਪਹਿਲਾਂ ਸਭ ਤੋਂ ਭਾਰੀ ਸੈਟੇਲਾਈਟ ਲਗਭਗ 4,400 ਕਿਲੋਗ੍ਰਾਮ ਦਾ ਸੀ, ਜੋ ਨਵੰਬਰ 'ਚ ਲਾਂਚ ਕੀਤਾ ਗਿਆ ਸੀ। ਬਲੂਬਰਡ ਬਲਾਕ-2 ਮਿਸ਼ਨ ਦਾ ਉਦੇਸ਼ ਸੈਟੇਲਾਈਟ ਰਾਹੀਂ ਸਿੱਧੀ ਮੋਬਾਈਲ ਕਨੈਕਟੀਵਿਟੀ ਪ੍ਰਦਾਨ ਕਰਨਾ ਹੈ। ਇਹ ਨੈੱਟਵਰਕ ਹਰ ਕਿਸੇ ਨੂੰ, ਕਿਤੇ ਵੀ, ਕਿਸੇ ਵੀ ਸਮੇਂ 4G ਅਤੇ 5G ਵੌਇਸ-ਵੀਡੀਓ ਕਾਲ, ਮੈਸੇਜਿੰਗ, ਸਟ੍ਰੀਮਿੰਗ ਅਤੇ ਡਾਟਾ ਸੇਵਾਵਾਂ ਪ੍ਰਦਾਨ ਕਰੇਗਾ।
ਪੜ੍ਹੋ ਇਹ ਵੀ - ਹੁਣ ਨਹੀਂ ਵੱਜਣਗੀਆਂ ਵਿਆਹ ਦੀਆਂ ‘ਸ਼ਹਿਨਾਈਆਂ’, ਲੱਖਾਂ ਰਹਿਣਗੇ ਕੁਆਰੇ!
ਇਸਰੋ ਦੇ ਸੂਤਰਾਂ ਨੇ ਕਿਹਾ ਕਿ ਇਹ ਬਦਲਾਅ ਸਮੇਂ ਵਿੱਚ ਬਦਲਾਅ ਦੇ ਅਨੁਸਾਰ ਸੈਟੇਲਾਈਟ ਨੂੰ ਇਸਦੇ ਲੋੜੀਂਦੇ ਪੰਧ ਵਿੱਚ ਸਥਾਪਿਤ ਕਰਨ ਲਈ ਕੀਤਾ ਗਿਆ ਸੀ। ਇੱਕ ਅਧਿਕਾਰੀ ਨੇ ਬੁੱਧਵਾਰ ਨੂੰ ਕਿਹਾ, "ਲਾਂਚ ਦਾ ਸਮਾਂ ਸ਼ੁਰੂ ਵਿੱਚ ਸਵੇਰੇ 11:30 ਵਜੇ ਨਿਰਧਾਰਤ ਕੀਤਾ ਗਿਆ ਸੀ, ਪਰ ਇਸਨੂੰ ਹੌਲੀ ਹੌਲੀ ਸਵੇਰੇ 8:55 ਵਜੇ ਤੱਕ ਸੋਧਿਆ ਗਿਆ।"
ਪੜ੍ਹੋ ਇਹ ਵੀ - ਵੱਡੀ ਵਾਰਦਾਤ: ਘਰ 'ਚੋਂ ਮਿਲੀਆਂ ਇੱਕੋਂ ਪਰਿਵਾਰ ਦੇ ਚਾਰ ਮੈਂਬਰਾਂ ਦੀਆਂ ਲਾਸ਼ਾਂ, ਪਿਆ ਚੀਕ-ਚਿਹਾੜਾ
SIR: 3 ਸੂਬਿਆਂ, ਇਕ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਦੀਆਂ ਖਰੜਾ ਵੋਟਰ ਸੂਚੀਆਂ ’ਚੋਂ ਕਰੀਬ 95 ਲੱਖ ਨਾਂ ਹਟੇ
NEXT STORY 
