ਕੋਚੀ, (ਭਾਸ਼ਾ)- ਕੇਰਲ ’ਚ ਕੋਚੀ ਦੇ ਅਸਮਨੂਰ ਪਿੰਡ ’ਚ ਪੰਚਾਇਤੀ ਚੋਣਾਂ ਲਈ ਉਮੀਦਵਾਰਾਂ ’ਚ 90 ਸਾਲ ਦਾ ਇਕ ਵਿਅਕਤੀ ਨਾਰਾਇਣਨ ਨਾਇਰ ਵੀ ਸ਼ਾਮਲ ਹੈ ਜਿਸ ਲਈ ਉਮਰ ਸਿਰਫ਼ ਇਕ ਨੰਬਰ ਹੈ। ਉਹ ਉਤਸ਼ਾਹ ਨਾਲ ਪ੍ਰਚਾਰ ਕਰ ਰਿਹਾ ਹੈ ਤੇ ਲੋਕਾਂ ਨੂੰ ਵੋਟ ਦੇਣ ਦੀ ਅਪੀਲ ਕਰ ਰਿਹਾ ਹੈ। ਨਾਇਰ ਆਜ਼ਾਦ ਉਮੀਦਵਾਰ ਵਜੋਂ ਚੋਣ ਲੜ ਰਿਹਾ ਹੈ।
ਉਸ ਨੂੰ ਹੱਥ ’ਚ ਕਾਲਾ ਬੈਗ ਲੈ ਕੇ ਹੌਲੀ-ਹੌਲੀ ਤੁਰਦੇ ਹੋਏ ਘਰ-ਘਰ ਜਾ ਕੇ ਵੋਟਾਂ ਮੰਗਦੇ ਦੇਖਿਆ ਜਾ ਸਕਦਾ ਹੈ। ਨਾਇਰ ਦਸੰਬਰ ’ਚ ਹੋਣ ਵਾਲੀਆਂ ਪੰਚਾਇਤੀ ਚੋਣਾਂ ਲਈ ਅਸਮਨੂਰ ਗ੍ਰਾਮ ਪੰਚਾਇਤ ਦੇ ਦੂਜੇ ਵਾਰਡ ਤੋਂ ਉਮੀਦਵਾਰ ਹੈ।
ਇਸ ਉਮਰ ’ਚ ਚੋਣ ਲੜਨ ਦੀ ਪ੍ਰੇਰਣਾ ਬਾਰੇ ਪੁੱਛੇ ਜਾਣ ’ਤੇ ਨਾਇਰ ਨੇ ਕਿਹਾ ਕਿ ਉਮਰ ਉਸ ਲਈ ਕੋਈ ਰੁਕਾਵਟ ਨਹੀਂ ਹੈ। ਇੱਥੇ 9 ਤੇ 11 ਦਸੰਬਰ ਨੂੰ 2 ਪੜਾਵਾਂ ’ਚ ਵੋਟਾਂ ਪੈਣੀਆਂ ਹਨ। ਨਤੀਜੇ 13 ਦਸੰਬਰ ਨੂੰ ਐਲਾਨੇ ਜਾਣਗੇ।
ਸਹੁਰਿਆਂ ਹੱਥੋਂ ਪਰੇਸ਼ਾਨ 24048 ਔਰਤਾਂ ਨੇ ਕੀਤੀ ਖੁਦਕੁਸ਼ੀ
NEXT STORY 
