ਕੋਲਕਾਤਾ (ਭਾਸ਼ਾ)— ਕੋਲਕਾਤਾ ਦਾ ਇਕ ਪ੍ਰਸਿੱਧ ਦੁਰਗਾ ਪੰਡਾਲ ਇਸ ਸਾਲ ਦੇਸ਼ ਵਿਚ ਖੇਤੀ ਕਾਨੂੰਨਾਂ ਨੂੰ ਲੈ ਕੇ ਅੰਦੋਲਨ ਅਤੇ ਨਾਲ ਹੀ ਉੱਤਰ ਪ੍ਰਦੇਸ਼ ਦੇ ਲਖੀਮਪੁਰ ਖੀਰੀ ’ਚ ਕਿਸਾਨਾਂ ਦੇ ਕਤਲ ਦੀ ਘਟਨਾ ਨੂੰ ਦਰਸਾਏਗਾ। ਸ਼ਹਿਰ ਦੇ ਉੱਤਰੀ ਹਿੱਸੇ ’ਚ ਦਮਦਮ ਪਾਰਕ ਭਾਰਤ ਚੱਕਰ ਪੰਡਾਲ ਦੇ ਪ੍ਰਵੇਸ਼ ਦੁਆਰ ’ਤੇ ਕਿਸਾਨਾਂ ਦੇ ਟਰੈਕਟਰ ਤੋਂ ਖੇਤ ਵਾਉਣ ਦੀ ਇਕ ਵੱਡੀ ਕਲਾਕ੍ਰਿਤੀ ਲਾਈ ਗਈ ਹੈ, ਜੋ ਉਨ੍ਹਾਂ ਦੇ ਸੰਘਰਸ਼ ਨੂੰ ਦਰਸਾਉਂਦਾ ਹੈ।
ਪੂਜਾ ਪੰਡਾਲ ਦੇ ਆਲੇ-ਦੁਆਲੇ ਇਕ ਕਾਰ ਦਾ ਸਕੈਚ ਹੈ ਅਤੇ ਉਸ ਦੇ ਰਾਹ ਵਿਚ ਇਕ ਕਿਸਾਨ ਲੰਮੇ ਪਿਆ ਹੈ। ਹੇਠਾਂ ਬੰਗਾਲੀ ਵਿਚ ਲਿਖਿਆ ਹੈ: ਕਾਰ ਧੂੰਆਂ ਉਡਾਉਂਦੀ ਹੋਈ ਜਾ ਰਹੀ ਹੈ ਅਤੇ ਕਿਸਾਨ ਉਸ ਦੇ ਪਹੀਏ ਹੇਠਾਂ ਆ ਰਹੇ ਹਨ। ਪੰਡਾਲ ਵਿਚ ਸੈਂਕੜੇ ਚੱਪਲਾਂ ਹਨ, ਜੋ ਪ੍ਰਦਰਸ਼ਨ ਤੋਂ ਬਾਅਦ ਦ੍ਰਿਸ਼ ਨੂੰ ਦਰਸਾਉਂਦੀਆਂ ਹਨ।
ਦਰਅਸਲ ਪ੍ਰਦਰਸ਼ਨ ਦੌਰਾਨ ਪੁਲਸ ਦੀ ਕਾਰਵਾਈ ਹੋਣ ’ਤੇ ਕੋਈ ਲੋਕਾਂ ਦੀਆਂ ਚੱਪਲਾਂ ਲੱਥ ਜਾਂਦੀਆਂ ਹਨ। ਮੁੱਖ ਪੰਡਾਲ ’ਚ ਝੋਨੇ ਦੀ ਕਲਾਕ੍ਰਿਤੀ ਹੈ, ਜੋ ਛੱਤ ਤੋਂ ਲਟਕ ਰਹੀ ਹੈ।
ਇਸ ਵਿਸ਼ੇ ਦੀ ਅਵਸਥਾ ਪੇਸ਼ ਕਰਨ ਵਾਲੇ ਕਲਾਕਾਰ ਅਨੀਬਰਨ ਦਾਸ ਨੇ ਕਿਹਾ ਕਿ ਅੰਦੋਲਨ ਦੌਰਾਨ ਆਪਣੀ ਜਾਨ ਗੁਆਉਣ ਵਾਲੇ ਕਿਸਾਨਾਂ ਦੇ ਨਾਮ ਵਿਸ਼ਾਲ ਟਰੈਕਟਰ ’ਤੇ ਕਾਗਜ਼ ਦੇ ਛੋਟੇ-ਛੋਟੇ ਟੁਕੜਿਆਂ ’ਤੇ ਲਿਖੇ ਹਨ ਅਤੇ ਟਰੈਕਟਰ ’ਚ ਖੰਭ ਲਾਏ ਗਏ ਹਨ। ਉਨ੍ਹਾਂ ਨੇ ਕਿਹਾ ਕਿ ਇਹ ਖੰਭ ਬੰਧਨ ਤੋਂ ਮੁਕਤੀ ਦੀ ਇੱਛਾ ਦਾ ਪ੍ਰਤੀਕ ਹਨ।
ਪੰਡਾਲ ਵਿਚ ਇਕ ਹੋਰ ਪੋਸਟਰ ਅੰਗਰੇਜ਼ੀ ਵਿਚ ਹੈ, ਜਿਸ ’ਤੇ ਲਿਖਿਆ ਹੈ ਕਿ ਅਸੀਂ ਕਿਸਾਨ ਹਾਂ ਨਾ ਕਿ ਅੱਤਵਾਦੀ, ਕਿਸਾਨ ਅੰਨਦਾਤਾ ਹੁੰਦੇ ਹਨ। ਪੂਜਾ ਕਮੇਟੀ ਦੇ ਸਕੱਤਰ ਪ੍ਰਤੀਕ ਚੌਧਰੀ ਨੇ ਕਿਹਾ ਕਿ ਉਹ ਕਿਸਾਨਾਂ ਦੇ ਸ਼ੋਸ਼ਣ ਨੂੰ ਸਾਹਮਣੇ ਲਿਆਉਣਾ ਚਾਹੁੰਦੇ ਹਨ, ਜਿਸ ਕਾਰਨ ਉਨ੍ਹਾਂ ਨੇ ਕਿਸਾਨਾਂ ਨੂੰ ਪੂਜਾ ਪੰਡਾਲ ਦਾ ਹਿੱਸਾ ਬਣਾਇਆ।
ਲਖਨਊ ਹਵਾਈ ਅੱਡੇ ’ਤੇ ਕੁਝ ਦੇਰ ਧਰਨਾ ਦੇਣ ਮਗਰੋਂ ਰਾਹੁਲ ਆਪਣੇ ਵਾਹਨ ਤੋਂ ਲਖੀਮਪੁਰ ਰਵਾਨਾ
NEXT STORY 
