ਨਵੀਂ ਦਿੱਲੀ : ਦੇਸ਼ ਦੇ ਵੱਡੇ ਸਰਕਾਰੀ ਬੈਂਕਾਂ ਵਿੱਚ ਸ਼ਾਮਲ ਪੰਜਾਬ ਨੈਸ਼ਨਲ ਬੈਂਕ (PNB) ਨੇ ਬੈਂਕਿੰਗ ਖੇਤਰ ਵਿੱਚ ਇੱਕ ਵਾਰ ਫਿਰ ਹਲਚਲ ਮਚਾ ਦਿੱਤੀ ਹੈ। ਸਰੋਤਾਂ ਅਨੁਸਾਰ ਬੈਂਕ ਨੇ ਭਾਰਤੀ ਰਿਜ਼ਰਵ ਬੈਂਕ (RBI) ਨੂੰ 2,434 ਕਰੋੜ ਰੁਪਏ ਦੇ ਲੋਨ ਫਰਾਡ (ਕਰਜ਼ਾ ਧੋਖਾਧੜੀ) ਬਾਰੇ ਰਿਪੋਰਟ ਦਿੱਤੀ ਹੈ। ਇਹ ਮਾਮਲਾ SREI ਗਰੁੱਪ ਦੀਆਂ ਦੋ ਕੰਪਨੀਆਂ—SREI ਇਕੁਇਪਮੈਂਟ ਫਾਈਨਾਂਸ ਅਤੇ SREI ਇੰਫਰਾਸਟ੍ਰਕਚਰ ਫਾਈਨਾਂਸ—ਨਾਲ ਜੁੜਿਆ ਹੋਇਆ ਹੈ, ਜਿਨ੍ਹਾਂ ਦੇ ਪੁਰਾਣੇ ਪ੍ਰਮੋਟਰ ਇਸ ਧੋਖਾਧੜੀ ਵਿੱਚ ਸ਼ਾਮਲ ਦੱਸੇ ਜਾ ਰਹੇ ਹਨ।
ਕੰਪਨੀਆਂ ਮੁਤਾਬਕ ਫਰਾਡ ਦੇ ਵੇਰਵੇ ਬੈਂਕ ਵੱਲੋਂ ਸ਼ੇਅਰ ਬਾਜ਼ਾਰ ਨੂੰ ਦਿੱਤੀ ਗਈ ਜਾਣਕਾਰੀ ਦੇ ਆਧਾਰ 'ਤੇ:
• SREI ਇਕੁਇਪਮੈਂਟ ਫਾਈਨਾਂਸ: ਇਸ ਨਾਲ ਜੁੜਿਆ ਫਰਾਡ ਕਰੀਬ 1,241 ਕਰੋੜ ਰੁਪਏ ਦਾ ਹੈ।
• SREI ਇੰਫਰਾਸਟ੍ਰਕਚਰ ਫਾਈਨਾਂਸ: ਇਸ ਵਿੱਚ ਲਗਭਗ 1,193 ਕਰੋੜ ਰੁਪਏ ਦੀ ਧੋਖਾਧੜੀ ਹੋਈ ਹੈ।
ਰਾਹਤ ਵਾਲੀ ਗੱਲ ਇਹ ਹੈ ਕਿ ਬੈਂਕ ਨੇ ਇਨ੍ਹਾਂ ਦੋਵਾਂ ਮਾਮਲਿਆਂ ਵਿੱਚ ਆਪਣੀ ਪੂਰੀ ਬਕਾਇਆ ਰਾਸ਼ੀ ਲਈ 100 ਫੀਸਦੀ ਪ੍ਰੋਵਿਜ਼ਨ ਪਹਿਲਾਂ ਹੀ ਕਰ ਲਿਆ ਹੈ, ਜਿਸ ਕਾਰਨ ਬੈਂਕ ਦੇ ਖਾਤਿਆਂ 'ਤੇ ਇਸ ਦਾ ਕੋਈ ਸਿੱਧਾ ਅਸਰ ਨਹੀਂ ਪਵੇਗਾ।
ਦੀਵਾਲੀਆ ਪ੍ਰਕਿਰਿਆ ਅਤੇ ਹੱਲ
ਸਰੋਤਾਂ ਮੁਤਾਬਕ SREI ਗਰੁੱਪ, ਜਿਸ ਨੇ 1989 ਵਿੱਚ ਫਾਈਨਾਂਸ ਖੇਤਰ ਵਿੱਚ ਕਦਮ ਰੱਖਿਆ ਸੀ, ਕਦੇ ਕੰਸਟਰਕਸ਼ਨ ਇਕੁਇਪਮੈਂਟ ਫਾਈਨਾਂਸ ਵਿੱਚ ਮਜ਼ਬੂਤ ਪਕੜ ਰੱਖਦਾ ਸੀ। ਪਰ ਗਲਤ ਵਿੱਤੀ ਪ੍ਰਬੰਧਨ ਅਤੇ ਭਾਰੀ ਡਿਫਾਲਟ ਕਾਰਨ ਅਕਤੂਬਰ 2021 ਵਿੱਚ ਕੰਪਨੀ ਨੂੰ ਦੀਵਾਲੀਆ ਪ੍ਰਕਿਰਿਆ ਦਾ ਸਾਹਮਣਾ ਕਰਨਾ ਪਿਆ। ਇਨ੍ਹਾਂ ਕੰਪਨੀਆਂ ਦਾ ਮਾਮਲਾ ਨੈਸ਼ਨਲ ਕੰਪਨੀ ਲਾਅ ਟ੍ਰਿਬਿਊਨਲ (NCLT) ਵਿੱਚ ਚੱਲਿਆ ਅਤੇ ਅਗਸਤ 2023 ਵਿੱਚ ਨੈਸ਼ਨਲ ਐਸੇਟ ਰੀਕੰਸਟ੍ਰਕਸ਼ਨ ਕੰਪਨੀ (NARCL) ਦੀ ਯੋਜਨਾ ਨੂੰ ਮਨਜ਼ੂਰੀ ਮਿਲਣ ਤੋਂ ਬਾਅਦ ਕੰਪਨੀਆਂ ਦੇ ਬੋਰਡ ਦਾ ਦੁਬਾਰਾ ਗਠਨ ਕੀਤਾ ਗਿਆ।
PNB ਦੀ ਮੌਜੂਦਾ ਵਿੱਤੀ ਸਥਿਤੀ
ਸਰੋਤਾਂ ਅਨੁਸਾਰ ਸਤੰਬਰ ਤਿਮਾਹੀ ਤੱਕ ਪੀ.ਐਨ.ਬੀ. ਦਾ ਪ੍ਰੋਵਿਜ਼ਨ ਕਵਰੇਜ ਰੇਸ਼ੋ (PCR) ਹੁਣ ਵਧ ਕੇ 96.91% ਹੋ ਗਿਆ ਹੈ, ਜਿਸ ਨੂੰ ਬੈਂਕ ਦੀ ਸੰਪਤੀ ਦੀ ਗੁਣਵੱਤਾ ਦੇ ਲਿਹਾਜ਼ ਨਾਲ ਇੱਕ ਸਕਾਰਾਤਮਕ ਸੰਕੇਤ ਮੰਨਿਆ ਜਾ ਰਿਹਾ ਹੈ।
ਸ਼ੇਅਰਾਂ ਦਾ ਹਾਲ
ਸ਼ੇਅਰ ਬਾਜ਼ਾਰ ਵਿੱਚ ਇਸ ਖੁਲਾਸੇ ਤੋਂ ਪਹਿਲਾਂ PNB ਦਾ ਸ਼ੇਅਰ 0.50 ਫੀਸਦੀ ਦੀ ਮਾਮੂਲੀ ਗਿਰਾਵਟ ਨਾਲ 120.35 ਰੁਪਏ 'ਤੇ ਬੰਦ ਹੋਇਆ ਸੀ। ਹਾਲਾਂਕਿ, ਪਿਛਲੇ 3 ਸਾਲਾਂ ਦੌਰਾਨ ਇਸ ਸਟਾਕ ਨੇ ਨਿਵੇਸ਼ਕਾਂ ਨੂੰ 144 ਫੀਸਦੀ ਦਾ ਸ਼ਾਨਦਾਰ ਰਿਟਰਨ ਦਿੱਤਾ ਹੈ ਅਤੇ ਬੈਂਕ ਦਾ ਮਾਰਕੀਟ ਕੈਪ 1,39,007 ਕਰੋੜ ਰੁਪਏ ਦਰਜ ਕੀਤਾ ਗਿਆ ਹੈ।
ਦਿਲ ਦਹਿਲਾ ਦੇਣ ਵਾਲੀ ਵਾਰਦਾਤ: ਲਵ ਮੈਰਿਜ ਦੇ ਵਿਵਾਦ 'ਚ ਜਵਾਈ ਨੇ ਸੱਸ ਨੂੰ ਸ਼ਰੇਆਮ ਗੋਲੀਆਂ ਨਾਲ ਭੁੰਨਿਆ
NEXT STORY 
