ਵੈੱਬ ਡੈਸਕ: ਅੰਤਰਰਾਸ਼ਟਰੀ ਬਾਜ਼ਾਰ ਤਣਾਅ ਵਿਚਾਲੇ ਗੈਸ ਦੀਆਂ ਕੀਮਤਾਂ ਨੂੰ ਲੈ ਕੇ ਉਦਯੋਗ ਜਗਤ ਲਈ ਸੁਖਦ ਖਬਰ ਆਈ ਹੈ। ਊਰਜਾ ਖੇਤਰ ਦੀ ਪ੍ਰਮੁੱਖ ਕੰਪਨੀ ਅਡਾਨੀ ਟੋਟਲ ਗੈਸ ਲਿਮਟਿਡ (ATGL) ਨੇ Surplus Natural Gas ਦੀਆਂ ਕੀਮਤਾਂ 'ਚ ਵੱਡੀ ਕਟੌਤੀ ਕਰਨ ਦਾ ਐਲਾਨ ਕੀਤਾ ਹੈ। ਕੰਪਨੀ ਦੇ ਇਸ ਫੈਸਲੇ ਨਾਲ ਉਦਯੋਗਿਕ ਇਕਾਈਆਂ ਦੀ ਉਤਪਾਦਨ ਲਾਗਤ 'ਚ ਵੱਡੀ ਕਮੀ ਆਉਣ ਦੀ ਉਮੀਦ ਹੈ।
ਭਲਕੇ ਤੋਂ ਲਾਗੂ ਹੋਣਗੀਆਂ ਨਵੀਆਂ ਦਰਾਂ
ਕੰਪਨੀ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ, ਗੈਸ ਦੀਆਂ ਨਵੀਆਂ ਦਰਾਂ 16 ਮਾਰਚ 2026 ਦੀ ਸਵੇਰ 6 ਵਜੇ ਤੋਂ ਪ੍ਰਭਾਵੀ ਹੋਣਗੀਆਂ। ਜੋ ਗੈਸ ਹੁਣ ਤੱਕ ਲਗਭਗ 120 ਰੁਪਏ ਪ੍ਰਤੀ ਸਟੈਂਡਰਡ ਕਿਊਬਿਕ ਮੀਟਰ (SCM) ਦੇ ਆਸ-ਪਾਸ ਮਿਲ ਰਹੀ ਸੀ, ਉਸ ਦੀ ਕੀਮਤ ਹੁਣ ਘਟ ਕੇ ਕਰੀਬ 83 ਰੁਪਏ ਰਹਿ ਜਾਵੇਗੀ।
ਉਦਯੋਗਾਂ ਨੂੰ ਮਿਲੇਗਾ ਸਿੱਧਾ ਫਾਇਦਾ
ਕੰਪਨੀ ਦੇ ਨਵੇਂ ਦਿਸ਼ਾ-ਨਿਰਦੇਸ਼ਾਂ ਮੁਤਾਬਕ, ਇਹ ਕਟੌਤੀ ਉਨ੍ਹਾਂ ਉਦਯੋਗਿਕ ਖਪਤਕਾਰਾਂ ਲਈ ਕੀਤੀ ਗਈ ਹੈ ਜੋ ਤੈਅ ਸੀਮਾ ਤੋਂ ਵੱਧ 'ਐਕਸਟਰਾ ਗੈਸ' ਦੀ ਵਰਤੋਂ ਕਰਦੇ ਹਨ। ਪਹਿਲਾਂ ਇਸ ਵਾਧੂ ਗੈਸ ਲਈ ਉਦਯੋਗਾਂ ਨੂੰ 119.90 ਰੁਪਏ ਪ੍ਰਤੀ SCM ਦੇ ਹਿਸਾਬ ਨਾਲ ਭੁਗਤਾਨ ਕਰਨਾ ਪੈਂਦਾ ਸੀ, ਜਿਸ ਨੂੰ ਹੁਣ ਘਟਾ ਕੇ 82.95 ਰੁਪਏ ਪ੍ਰਤੀ SCM ਕਰ ਦਿੱਤਾ ਗਿਆ ਹੈ। ਇਸ ਤਰ੍ਹਾਂ ਸਨਅਤਕਾਰਾਂ ਨੂੰ ਪ੍ਰਤੀ SCM ਸਿੱਧੇ ਤੌਰ 'ਤੇ 37 ਰੁਪਏ ਦੀ ਰਾਹਤ ਮਿਲੇਗੀ।
ਕਿਉਂ ਲਈ ਗਈ ਸੀ ਸਖ਼ਤ ਪਾਬੰਦੀ?
ਜ਼ਿਕਰਯੋਗ ਹੈ ਕਿ ਕੁਝ ਸਮਾਂ ਪਹਿਲਾਂ ਅੰਤਰਰਾਸ਼ਟਰੀ ਹਾਲਾਤ ਅਤੇ ਸਟ੍ਰੇਟ ਆਫ ਹਾਰਮੁਜ਼ (Strait of Hormuz) 'ਚ ਜਹਾਜ਼ਾਂ ਦੀ ਆਵਾਜਾਈ ਪ੍ਰਭਾਵਿਤ ਹੋਣ ਕਾਰਨ ਗੈਸ ਦੀ ਸਪਲਾਈ 'ਚ ਸੰਕਟ ਪੈਦਾ ਹੋ ਗਿਆ ਸੀ। ਇਸ ਕਾਰਨ ATGL ਨੇ ਉਦਯੋਗਾਂ ਲਈ ਆਪਣੀ ਤੈਅ ਖਪਤ ਦਾ ਸਿਰਫ 40 ਫੀਸਦੀ ਹਿੱਸਾ ਵਰਤਣ ਦਾ ਅਸਥਾਈ ਨਿਯਮ ਲਾਗੂ ਕੀਤਾ ਸੀ ਅਤੇ ਵਾਧੂ ਵਰਤੋਂ 'ਤੇ ਉੱਚੀਆਂ ਦਰਾਂ ਵਸੂਲੀਆਂ ਜਾ ਰਹੀਆਂ ਸਨ। ਹੁਣ ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਕੀਮਤਾਂ ਘਟਣ ਨਾਲ ਕੰਪਨੀ ਨੇ ਇਹ ਰਾਹਤ ਦੇਣ ਦਾ ਫੈਸਲਾ ਕੀਤਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
Middle East 'ਚ ਵਧਿਆ ਤਣਾਅ: IndiGo ਨੇ ਯਾਤਰੀਆਂ ਲਈ ਜਾਰੀ ਕੀਤੀ ਐਡਵਾਈਜ਼ਰੀ
NEXT STORY 
