ਨੈਸ਼ਨਲ ਡੈਸਕ- ਮੱਧ ਪ੍ਰਦੇਸ਼ ਤੋਂ ਇਕ ਦਿਲ ਦਹਿਲਾਉਣ ਵਾਲੀ ਖ਼ਬਰ ਸਾਹਮਣੇ ਆ ਰਹੀ ਹੈ, ਜਿੱਥੇ ਇਕ ਵਿਅਕਤੀ ਨੇ ਆਪਣੀ 8 ਸਾਲਾ ਬੱਚੀ ਦਾ ਗਲਾ ਕੱਟ ਦਿੱਤਾ। ਇਹੀ ਨਹੀਂ ਅਜਿਹਾ ਕਰਦੇ ਸਮੇਂ ਉਸ ਨੇ ਬੱਚੀ ਸਾਹਮਣੇ 2 ਸਾਲ ਪੁਰਾਣਾ ਰਾਜ਼ ਵੀ ਉਗਲ ਦਿੱਤਾ, ਜਿਸ ਕਾਰਨ ਉਸ ਨੂੰ ਉਸੇ ਦੀ ਧੀ ਨੇ ਜੇਲ੍ਹ ਪਹੁੰਚਾ ਦਿੱਤਾ।
ਇਹ ਮਾਮਲਾ ਹੈ ਭੋਪਾਲ ਦਾ, ਜਿੱਥੇ 29 ਜਨਵਰੀ ਨੂੰ ਇਕ ਮਤਰੇਏ ਪਿਓ ਨੇ ਆਪਣੀ 8 ਸਾਲਾ ਬੱਚੀ ਦਾ ਗਲਾ ਰੇਡੀਅਮ ਕਟਰ ਨਾਲ ਕੱਟ ਦਿੱਤਾ। ਅਜਿਹਾ ਕਰਦੇ ਸਮੇਂ ਉਸ ਨੇ ਬੱਚੀ ਸਾਹਮਣੇ ਕਿਹਾ ਕਿ ਉਸ ਨੇ 2 ਸਾਲ ਪਹਿਲਾਂ ਬੱਚੀ ਦੀ ਮਾਂ ਨੂੰ ਵੀ ਇਸੇ ਤਰ੍ਹਾਂ ਮਾਰਿਆ ਸੀ। ਇਸ ਤੋਂ ਬਾਅਦ ਉਹ ਬੱਚੀ ਨੂੰ ਮਰੀ ਹੋਈ ਸਮਝ ਕੇ ਝਾੜੀਆਂ 'ਚ ਸੁੱਟ ਕੇ ਚਲਾ ਗਿਆ।
ਇਹ ਵੀ ਪੜ੍ਹੋ- ਅਮਰੀਕਾ ਕਰੇਗਾ ਸੀਰੀਆ ਤੇ ਇਰਾਕ 'ਚ ਈਰਾਨੀ ਅੱਤਵਾਦੀ ਠਿਕਾਣਿਆਂ 'ਤੇ ਹਮਲਾ, ਕੀ ਹੋਵੇਗੀ ਇਕ ਹੋਰ ਜੰਗ ਸ਼ੁਰੂ ?
ਪਰ ਬੱਚੀ ਬਚ ਗਈ ਅਤੇ ਉਹ ਹਿੰਮਤ ਕਰ ਕੇ ਉੱਠ ਕੇ ਸੜਕ ਵੱਲ ਆ ਗਈ। ਸੜਕ ਤੋਂ ਗੁਜ਼ਰਦੇ ਹੋਏ ਲੋਕਾਂ ਨੇ ਬੱਚੀ ਨੂੰ ਜ਼ਖਮੀ ਹਾਲਤ 'ਚ ਦੇਖਿਆ ਅਤੇ ਉਸ ਨੂੰ ਹਸਪਤਾਲ ਭਰਤੀ ਕਰਵਾਇਆ ਗਿਆ। ਇਸ ਦੌਰਾਨ ਜਦੋਂ ਪੁਲਸ ਨੂੰ ਇਸ ਘਟਨਾ ਦਾ ਪਤਾ ਲੱਗਾ ਤਾਂ ਪੁਲਸ ਅਧਿਕਾਰੀ ਬੱਚੀ ਕੋਲੋਂ ਪੁੱਛਗਿੱਛ ਕਰਨ ਪਹੁੰਚੀ ਤਾਂ ਬੱਚੀ ਨੇ ਦੱਸਿਆ ਕਿ ਉਸ ਦੇ ਪਿਤਾ ਦੀ ਮੌਤ ਹੋ ਚੁੱਕੀ ਹੈ। ਇਸ ਤੋਂ ਬਾਅਦ ਉਸ ਦੀ ਮਾਂ ਨੇ ਤੇਜ ਸਿੰਘ ਨਾਲ ਦੂਜਾ ਵਿਆਹ ਕਰਵਾ ਲਿਆ। ਉਸ ਦੀ ਮਾਂ ਦੀ ਵੀ ਕਰੀਬ 2 ਸਾਲ ਪਹਿਲਾਂ ਮੌਤ ਹੋ ਚੁੱਕੀ ਹੈ।
ਬੱਚੀ ਦਾ ਗਲਾ ਕੱਟਦੇ ਸਮੇਂ ਉਗਲਿਆ ਰਾਜ਼!
8 ਸਾਲਾ ਬੱਚੀ ਪ੍ਰੀਤੀ 2 ਸਾਲ ਪਹਿਲਾਂ ਮਰ ਚੁੱਕੀ ਆਪਣੀ ਮਾਂ ਬਾਰੇ ਸਵਾਲ ਪੁੱਛਦੀ ਸੀ ਤਾਂ ਉਸ ਦਾ ਮਤਰੇਆ ਪਿਓ ਉਸ ਨੂੰ ਗੱਲਾਂ 'ਚ ਪਾ ਕੇ ਵਰਗਲਾਉਂਦਾ ਰਿਹਾ। ਪਰ ਇਕ ਦਿਨ ਜਦੋਂ ਉਸ ਦਾ ਪਿਓ ਗੁੱਸੇ 'ਚ ਆ ਗਿਆ ਤੇ ਉਸ ਦਾ ਗਲਾ ਕੱਟਣ ਲੱਗਾ ਤਾਂ ਉਸ ਨੇ 2 ਸਾਲ ਪਹਿਲਾਂ ਮਰ ਚੁੱਕੀ ਉਸ ਦੀ ਮਾਂ ਬਾਰੇ ਕਿਹਾ ਕਿ ਉਸਨੇ ਉਸ ਦੀ ਮਾਂ ਨੂੰ ਵੀ ਇਸੇ ਤਰ੍ਹਾਂ ਮਾਰਿਆ ਸੀ। ਬੱਚੀ ਦੇ ਬਿਆਨਾਂ ਦੇ ਆਧਾਰ 'ਤੇ ਪੁਲਸ ਨੇ ਚੁਸਤੀ ਦਿਖਾਉਂਦੇ ਹੋਏ ਦੋਸ਼ੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ, ਜੋ ਕਿ ਸ਼ਹਿਰ ਛੱਡ ਕੇ ਭੱਜਣ ਦੀ ਤਿਆਰੀ ਕਰ ਰਿਹਾ ਸੀ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਦਿੱਲੀ ’ਚ 2 ਗੈਰ-ਕਾਨੂੰਨੀ ਕਾਲ ਸੈਂਟਰਾਂ ਦਾ ਪਰਦਾਫਾਸ਼
NEXT STORY 
