ਕਾਰਗਿਲ/ਜੰਮੂ (ਉਦੈ/ਅਰੁਣ)– ਕਾਰਗਿਲ ਜੰਗ ਵਿਚ ਸ਼ਹੀਦ ਹੋਏ ਜਵਾਨਾਂ ਦੀ ਯਾਦ ਵਿਚ ਫੌਜ, ਸਰਕਾਰ ਅਤੇ ਸਥਾਨਕ ਪੱਧਰ ’ਤੇ ਕਈ ਪ੍ਰੋਗਰਾਮ ਆਯੋਜਿਤ ਕੀਤੇ ਜਾ ਰਹੇ ਹਨ। ਸ਼ਹੀਦ ਜਵਾਨਾਂ ਨੂੰ ਸ਼ਰਧਾਂਜਲੀ ਦੇਣ ਲਈ ਹਰ ਕੋਈ ਆਪਣੇ-ਆਪਣੇ ਢੰਗ ਨਾਲ ਕੋਸ਼ਿਸ਼ ਕਰ ਰਿਹਾ ਹੈ। ਅਜਿਹੇ ਵਿਚ ਮੈਰਾਥਨ ਦੌੜਾਕ ਸੂਫੀਆ ਨੇ ਮੁਸ਼ਕਲ ਹਾਲਾਤਾਂ ਵਾਲੇ ਸਿਆਚਿਨ ਬੇਸ ਤੋਂ ਕਾਰਗਿਲ ਤੱਕ ਦੌੜ ਲਗਾ ਕਾਰਗਿਲ ਦੇ ਸ਼ਹੀਦਾਂ ਨੂੰ ਨਮਨ ਕੀਤਾ ਹੈ।
ਸੋਸ਼ਲ ਮੀਡੀਆ ਇੰਸਟਾਗ੍ਰਾਮ ’ਤੇ ਸੂਫੀਆ ਦੀ ਵੀਡੀਓ ਵਾਇਰਸ ਹੋਈ ਹੈ ਜਿਸ ਵਿਚ ਉਹ ਦੁਨੀਆ ਦੇ ਸਭ ਤੋਂ ਮੁਸ਼ਕਲ ਜੰਗ ਖੇਤਰ ਸਿਆਚਿਨ ਨਾਲ ਕਾਰਗਿਲ ਤੱਕ ਦੌੜ ਲਗਾ ਰਹੀ ਹੈ। ਸੂਫੀਆ ਨੇ ਇਹ ਦੌੜ 5 ਦਿਨ ਵਿਚ ਪੂਰੀ ਕੀਤੀ ਹੈ। ਬਰਫੀਲੇ ਪਹਾੜਾਂ ਨਾਲ ਘਿਰੇ ਸਿਆਚਿਨ ਵਿਚ ਜਿਥੇ ਸਾਹ ਲੈਣਾ ਮੁਸ਼ਕਲ ਹੁੰਦਾ ਹੈ, ਉਥੇ ਇਹ ਦੌੜਨਾ ਹੈਰਾਨੀ ਦੀ ਗੱਲ ਹੈ ਅਤੇ ਦੇਸ਼ਭਗਤੀ ਦਾ ਜਜਬਾ ਜੇਕਰ ਮਨ ਵਿਚ ਹੋਵੇ ਤਾਂ ਕੋਈ ਵੀ ਕੰਮ ਮੁਸ਼ਕਲ ਨਹੀਂ ਹੈ। ਸਿਆਚਿਨ ਵਿਚ ਜਦੋਂ ਵੀ ਜਵਾਨਾਂ ਨੂੰ ਭੇਜਿਆ ਜਾਂਦਾ ਹੈ ਤਾਂ ਪਹਿਲਾਂ ਉਨ੍ਹਾਂ ਨੂੰ ਬੇਸ ਕੈਂਪ ਵਿਚ ਠਹਿਰਾਇਆ ਜਾਂਦਾ ਹੈ ਤਾਂ ਜੋ ਉਹ ਵਾਤਾਵਰਣ ਦੇ ਅਨੁਕੂਲ ਆਪਣੇ-ਆਪ ਨੂੰ ਢਾਲ ਸਕੇ।
ਸੂਫੀਆ ਨੇ 131 ਕਿਲੋਮੀਟਰ ਦੀ ਦੌੜ ਵਿਚ ਨਾਮਿਲਾ ਪਾਸ, ਖਾਰਦੂੰਗਲਾ ਪਾਸ ਨੂੰ ਪਾਰ ਕੀਤਾ ਜਿਨ੍ਹਾਂ ਉੱਚਾਈ ਸਮੁੰਦਰਤਲ ਨਾਲ 12,198 ਫੁੱਟ ਹੈ। ਭਾਈਚਾਰੇ ਵਿਸ਼ੇਸ਼ ਨਾਲ ਸਬੰਧ ਰੱਖਣ ’ਤੇ ਜ਼ਿਆਦਾਤਰ ਲੋਕ ਦੇਸ਼ਭਗਤੀ ’ਤੇ ਸਵਾਲੀਆ ਨਿਸ਼ਾਨ ਲਗਾਉਂਦੇ ਹਨ ਪਰ ਇਸ ਦੌੜਾਕ ਨੇ ਬਰਫੀਲੇ ਰੇਗਿਸਤਾਨ ਵਿਚ ਕਾਰਗਿਲ ਸ਼ਹੀਦਾਂ ਨੂੰ ਨਮਨ ਕਰਨ ਲਈ ਜੋ ਦੌੜ ਲਗਾਈ ਹੈ ਉਸ ਨਾਲ ਹਰ ਦੇਸ਼ਵਾਸੀ ਮਾਣ ਮਹਿਸੂਸ ਕਰਦਾ ਹੈ। ਸੂਫੀਆ ਦੀ ਗੱਡੀ ’ਤੇ ਲੱਗਾ ਤਿਰੰਗਾ ਅਤੇ ਫੌਜ ਦਾ ਵਾਹਨ ਵੀ ਵੀਡੀਓ ਵਿਚ ਦਿਖਾਈ ਦੇ ਰਿਹਾ ਹੈ। ਦੇਸ਼ ਦੇ ਪ੍ਰਤੀ ਲਗਾਅ ਅਤੇ ਜਜਬਾ ਨੌਜਵਾਨਾਂ ਅਤੇ ਔਰਤਾਂ ਵਿਚ ਭਰਿਆ ਪਿਆ ਹੈ ਜੋ ਸਮਾਂ ਆਉਣ ’ਤੇ ਕੁਝ ਵੀ ਕਰਨ ਨੂੰ ਤਿਆਰ ਰਹਿੰਦੇ ਹਨ।
ਪ੍ਰਾਪਰਟੀ ਲਈ ਮਾਂ-ਪਿਓ ਦੇ ਕਾਤਲ ਪੁੱਤਰ ਦਾ ਹੈਰਾਨ ਕਰਦਾ ਕਬੂਲਨਾਮਾ, UP ਤੋਂ ਲਿਆਇਆ ਸੀ ਹਥਿਆਰ
NEXT STORY 
