ਨੈਸ਼ਨਲ ਡੈਸਕ : ਦਿੱਲੀ ਪੁਲਸ ਨੇ ਇੱਕ ਵੱਡੀ ਸਫ਼ਲਤਾ ਹਾਸਲ ਕਰਦੇ ਹੋਏ ਕਰੋਲ ਬਾਗ ਇਲਾਕੇ 'ਚ ਇੱਕ ਅਜਿਹੀ ਗੈਰ-ਕਾਨੂੰਨੀ ਮੋਬਾਈਲ ਅਸੈਂਬਲਿੰਗ ਅਤੇ ਆਈਐਮਈਆਈ (IMEI) ਨੰਬਰ ਬਦਲਣ ਵਾਲੀ ਫੈਕਟਰੀ ਦਾ ਪਰਦਾਫਾਸ਼ ਕੀਤਾ ਹੈ, ਜੋ ਪਿਛਲੇ ਦੋ ਸਾਲਾਂ ਤੋਂ ਕਾਰਜਸ਼ੀਲ ਸੀ। ਇਹ ਫੈਕਟਰੀ ਖਾਸ ਤੌਰ 'ਤੇ ਚੋਰੀ, ਲੁੱਟ, ਸਾਈਬਰ ਧੋਖਾਧੜੀ ਅਤੇ ਹੋਰ ਅਪਰਾਧਾਂ 'ਚ ਵਰਤੇ ਜਾਣ ਵਾਲੇ ਮੋਬਾਈਲ ਫੋਨ ਤਿਆਰ ਕਰ ਰਹੀ ਸੀ।
ਪੰਜ ਕਾਬੂ, ਵੱਡੀ ਗਿਣਤੀ 'ਚ ਮੋਬਾਈਲ ਫੋਨ ਤੇ ਸਾਮਾਨ ਜ਼ਬਤ
ਆਪਰੇਸ਼ਨ 'CYBERHAWK' ਤਹਿਤ ਕੀਤੀ ਗਈ ਇਸ ਕਾਰਵਾਈ ਵਿੱਚ ਪੁਲਸ ਨੇ ਮੌਕੇ ਤੋਂ ਪੰਜ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਗ੍ਰਿਫ਼ਤਾਰ ਕੀਤੇ ਗਏ ਮੁੱਖ ਦੋਸ਼ੀਆਂ ਵਿੱਚ ਯੂਨਿਟ ਦਾ ਮਾਲਕ ਅਸ਼ੋਕ ਕੁਮਾਰ (45), ਰਾਮਨਰਾਇਣ (36), ਧਰਮੇਂਦਰ ਕੁਮਾਰ (35), ਦੀਪਾਂਸ਼ੂ (25), ਅਤੇ ਦੀਪਕ (19) ਸ਼ਾਮਲ ਹਨ। ਪੁਲਸ ਨੇ ਮੌਕੇ ਤੋਂ ਕੁੱਲ 1826 ਤਿਆਰ ਅਤੇ ਅੱਧੇ-ਤਿਆਰ ਮੋਬਾਈਲ ਫੋਨ (ਸਮਾਰਟਫੋਨ ਅਤੇ ਕੀਪੈਡ ਮਾਡਲ) ਜ਼ਬਤ ਕੀਤੇ ਹਨ। ਇਸ ਤੋਂ ਇਲਾਵਾ, IMEI ਬਦਲਣ ਲਈ ਵਰਤੇ ਜਾਂਦੇ ਲੈਪਟਾਪ, ਵਿਸ਼ੇਸ਼ ਸੌਫਟਵੇਅਰ (ਜਿਵੇਂ ਕਿ WRITEIMEI 2.0), IMEI ਸਕੈਨਰ/ਰੀਡਰ ਮਸ਼ੀਨ, ਹਜ਼ਾਰਾਂ ਮੋਬਾਈਲ ਬੌਡੀ ਪਾਰਟਸ, ਅਤੇ ਹਜ਼ਾਰਾਂ ਨਕਲੀ IMEI ਲੇਬਲ ਵੀ ਬਰਾਮਦ ਕੀਤੇ ਗਏ ਹਨ।
ਕਿਵੇਂ ਚਲਦਾ ਸੀ ਗੋਰਖਧੰਦਾ
ਪੁਲਸ ਨੂੰ ਪਿਛਲੇ 15 ਦਿਨਾਂ ਤੋਂ ਬੀਡਨਪੁਰਾ, ਗਲੀ ਨੰਬਰ 22 ਵਿੱਚ ਇੱਕ ਵਪਾਰਕ ਇਮਾਰਤ ਦੀ ਚੌਥੀ ਮੰਜ਼ਿਲ 'ਤੇ ਸਥਿਤ 'ਆਦਿਤਿਆ ਇਲੈਕਟ੍ਰੋਨਿਕਸ ਐਂਡ ਐਕਸੈਸਰੀਜ਼' ਨਾਮ ਦੀ ਜਗ੍ਹਾ 'ਤੇ ਸ਼ੱਕੀ ਗਤੀਵਿਧੀਆਂ ਬਾਰੇ ਲਗਾਤਾਰ ਸੂਚਨਾਵਾਂ ਮਿਲ ਰਹੀਆਂ ਸਨ।
ਮੁਲਜ਼ਮਾਂ ਨੇ ਖੁਲਾਸਾ ਕੀਤਾ ਕਿ ਉਹ ਪੁਰਾਣੇ ਮੋਬਾਈਲ ਮਦਰਬੋਰਡ ਦਿੱਲੀ ਅਤੇ ਆਸ-ਪਾਸ ਦੇ ਸਕ੍ਰੈਪ ਬਾਜ਼ਾਰਾਂ ਤੋਂ ਸਸਤੇ ਭਾਅ 'ਤੇ ਖਰੀਦਦੇ ਸਨ। ਇਸ ਵਿੱਚ ਖਰਾਬ, ਟੁੱਟੇ ਹੋਏ ਜਾਂ ਚੋਰੀ ਕੀਤੇ ਮੋਬਾਈਲ ਫੋਨ ਸ਼ਾਮਲ ਹੁੰਦੇ ਸਨ। ਨਵੀਂ ਮੋਬਾਈਲ ਬਾਡੀ ਚੀਨ ਤੋਂ ਸ਼ਿਪਮੈਂਟ ਦੇ ਰੂਪ ਵਿੱਚ ਪਾਰਟਸ ਸਪਲਾਇਰਾਂ ਰਾਹੀਂ ਮੰਗਵਾਈ ਜਾਂਦੀ ਸੀ। ਫਿਰ WRITEIMEI 0.2.2 ਜਾਂ WRITEIMEI 2.0 ਵਰਗੇ ਖਾਸ ਸੌਫਟਵੇਅਰਾਂ ਦੀ ਮਦਦ ਨਾਲ ਮੋਬਾਈਲ ਦਾ ਅਸਲੀ IMEI ਨੰਬਰ ਬਦਲ ਕੇ ਨਕਲੀ IMEI ਪਾ ਦਿੱਤਾ ਜਾਂਦਾ ਸੀ। ਇਸ ਤੋਂ ਬਾਅਦ ਇਨ੍ਹਾਂ ਨੂੰ ਨਵੇਂ ਬੌਡੀ ਪਾਰਟਸ ਵਿੱਚ ਫਿੱਟ ਕਰਕੇ ਪੈਕ ਕੀਤਾ ਜਾਂਦਾ ਸੀ ਅਤੇ "ਨਵੇਂ ਮੋਬਾਈਲ" ਵਜੋਂ ਬਾਜ਼ਾਰਾਂ ਵਿੱਚ ਵੇਚਿਆ ਜਾਂਦਾ ਸੀ।
ਅਪਰਾਧੀਆਂ ਦੀ ਪਹਿਲੀ ਪਸੰਦ
ਇਹ ਫੋਨ ਅਪਰਾਧੀਆਂ ਲਈ ਬਹੁਤ ਫਾਇਦੇਮੰਦ ਸਨ, ਕਿਉਂਕਿ IMEI ਬਦਲਣ ਤੋਂ ਬਾਅਦ ਉਨ੍ਹਾਂ ਨੂੰ ਟ੍ਰੈਕ ਕਰਨਾ ਬਹੁਤ ਮੁਸ਼ਕਲ ਹੋ ਜਾਂਦਾ ਸੀ। ਇਹ ਫੋਨ ਕਰੋਲ ਬਾਗ, ਗੱਫਾਰ ਮਾਰਕੀਟ ਅਤੇ ਦਿੱਲੀ–ਐਨਸੀਆਰ ਦੇ ਹੋਰ ਬਾਜ਼ਾਰਾਂ ਵਿੱਚ ਵੱਖ-ਵੱਖ ਚੈਨਲਾਂ ਰਾਹੀਂ ਵੇਚੇ ਜਾਂਦੇ ਸਨ। ਇਹ ਯੂਨਿਟ ਵੱਡੇ ਪੱਧਰ 'ਤੇ ਚੱਲ ਰਹੀ ਸੀ ਅਤੇ ਹਰ ਮਹੀਨੇ ਸੈਂਕੜੇ ਨਕਲੀ ਫੋਨ ਬਾਜ਼ਾਰ ਵਿੱਚ ਭੇਜੇ ਜਾ ਰਹੇ ਸਨ। ਪੁਲਸ ਹੁਣ ਇਸ ਗੱਲ ਦੀ ਜਾਂਚ ਕਰ ਰਹੀ ਹੈ ਕਿ ਮਦਰਬੋਰਡਾਂ ਦੀ ਸਪਲਾਈ ਕਿੱਥੋਂ ਹੁੰਦੀ ਸੀ, ਚੀਨ ਤੋਂ ਪਾਰਟਸ ਕੌਣ ਮੰਗਵਾ ਰਿਹਾ ਸੀ ਅਤੇ ਤਿਆਰ ਫੋਨ ਕਿਨ੍ਹਾਂ ਲੋਕਾਂ ਤੱਕ ਪਹੁੰਚਾਏ ਜਾਂਦੇ ਸਨ।
ਸਵੇਰੇ-ਸਵੇਰੇ ED ਨੇ ਮਾਰੇ 10 ਸੂਬਿਆਂ ਵਿੱਚ 15 ਥਾਈਂ ਛਾਪੇ
NEXT STORY 
