ਨੈਸ਼ਨਲ ਡੈਸਕ - ਸ਼੍ਰੀ ਅਮਰਨਾਥ ਯਾਤਰਾ ਲਈ ਦੇਸ਼ ਭਰ ਤੋਂ ਆਉਣ ਵਾਲੇ ਸ਼ਿਵ ਭਗਤਾਂ ਵਿੱਚ ਭਾਰੀ ਉਤਸ਼ਾਹ ਹੈ। ਬਾਬਾ ਬਰਫਾਨੀ ਦੇ ਦਰਸ਼ਨਾਂ ਲਈ ਰੋਜ਼ਾਨਾ ਹਜ਼ਾਰਾਂ ਦੀ ਗਿਣਤੀ ਵਿੱਚ ਸ਼ਰਧਾਲੂ ਆ ਰਹੇ ਹਨ। ਤੀਜੇ ਦਿਨ 23437 ਸ਼ਰਧਾਲੂਆਂ ਨੇ ਬਾਬੇ ਦੇ ਦਰਬਾਰ ਵਿੱਚ ਹਾਜ਼ਰੀ ਭਰੀ। ਜਿਸ ਕਾਰਨ ਮਹਿਜ਼ ਤਿੰਨ ਦਿਨਾਂ ਵਿੱਚ ਕੁੱਲ ਸ਼ਰਧਾਲੂਆਂ ਦੀ ਗਿਣਤੀ 51,000 ਨੂੰ ਪਾਰ ਕਰ ਗਈ ਹੈ। ਯਾਤਰਾ ਰਵਾਇਤੀ ਪਹਿਲਗਾਮ ਅਤੇ ਬਾਲਟਾਲ ਰੂਟ ਰਾਹੀਂ ਜਾਰੀ ਹੈ। ਇਸ ਦੌਰਾਨ 6461 ਸ਼ਰਧਾਲੂਆਂ ਦਾ ਜਥਾ ਬੇਸ ਕੈਂਪ ਭਗਵਤੀ ਨਗਰ ਜੰਮੂ ਤੋਂ ਕਸ਼ਮੀਰ ਲਈ ਰਵਾਨਾ ਹੋਇਆ।
ਇਹ ਵੀ ਪੜ੍ਹੋ- ਨਿਊਯਾਰਕ 'ਚ ਵਾਪਰਿਆ ਵੱਡਾ ਜਹਾਜ਼ ਹਾਦਸਾ, ਇਕ ਹੀ ਪਰਿਵਾਰ ਦੇ 5 ਜੀਆਂ ਦੀ ਹੋਈ ਮੌਤ
ਜੰਮੂ ਤੋਂ ਬਾਲਟਾਲ ਲਈ ਰਵਾਨਾ ਹੋਏ ਇਸ ਸਮੂਹ ਵਿੱਚ 1628 ਪੁਰਸ਼, 525 ਔਰਤਾਂ, 7 ਬੱਚੇ, 145 ਸਾਧੂ ਅਤੇ 16 ਸਾਧਵੀਆਂ ਸ਼ਾਮਲ ਹਨ। ਇਸੇ ਤਰ੍ਹਾਂ ਪਹਿਲਗਾਮ ਲਈ 3203 ਪੁਰਸ਼, 698 ਔਰਤਾਂ, 7 ਬੱਚੇ, 187 ਸਾਧੂ ਅਤੇ 45 ਸਾਧਵੀਆਂ ਹਨ। ਇਹ ਯਾਤਰੀ 265 ਛੋਟੇ-ਵੱਡੇ ਵਾਹਨਾਂ ਵਿੱਚ ਜਥੇ ਨਾਲ ਗਏ ਹਨ। ਪਿਛਲੇ ਤਿੰਨ ਦਿਨਾਂ ਤੋਂ ਬੇਸ ਕੈਂਪ ਜੰਮੂ ਤੋਂ 6 ਹਜ਼ਾਰ ਤੋਂ ਵੱਧ ਸ਼ਰਧਾਲੂਆਂ ਦਾ ਜੱਥਾ ਲਗਾਤਾਰ ਜਾ ਰਿਹਾ ਹੈ।
ਮੌਸਮ ਵੀ ਯਾਤਰੀਆਂ ਦਾ ਸਾਥ ਦੇ ਰਿਹਾ ਹੈ। ਹਾਲਾਂਕਿ ਜੰਮੂ 'ਚ ਪਿਛਲੇ ਦੋ ਦਿਨਾਂ ਤੋਂ ਤੜਕੇ ਤੋਂ ਹੋ ਰਹੀ ਬਾਰਿਸ਼ ਤੋਂ ਬਾਅਦ ਦਿਨ 'ਚ ਮੌਸਮ ਖੁੱਲ੍ਹ ਰਿਹਾ ਹੈ ਅਤੇ ਗਰਮੀ ਦੇ ਨਾਲ-ਨਾਲ ਨਮੀ ਵੀ ਪਰੇਸ਼ਾਨ ਕਰ ਰਹੀ ਹੈ। ਪਰ ਯਾਤਰੀਆਂ ਦੇ ਉਤਸ਼ਾਹ ਵਿੱਚ ਕੋਈ ਕਮੀ ਨਹੀਂ ਆਈ ਜਾਪਦੀ ਹੈ। ਜੰਮੂ 'ਚ ਤੁਰੰਤ ਰਜਿਸਟ੍ਰੇਸ਼ਨ ਲਈ ਟੋਕਨ ਲੈਣ ਲਈ ਸ਼ਰਧਾਲੂ ਦੇਰ ਰਾਤ ਤੋਂ ਰੇਲਵੇ ਸਟੇਸ਼ਨ ਨੇੜੇ ਸਰਸਵਤੀ ਧਾਮ 'ਚ ਪਹੁੰਚ ਰਹੇ ਹਨ।
ਇਹ ਵੀ ਪੜ੍ਹੋ- ਪਾਕਿਸਤਾਨ ਨੇ 1965, 1971 ਦੀਆਂ ਜੰਗਾਂ ਦੇ ਲਾਪਤਾ ਰੱਖਿਆ ਕਰਮਚਾਰੀਆਂ ਦੀ ਸੂਚੀ ਭਾਰਤ ਨੂੰ ਸੌਂਪੀ
ਸ਼ਰਧਾਲੂਆਂ ਦੀ ਆਸਥਾ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਲੰਬੀਆਂ ਕਤਾਰਾਂ 'ਚ ਖੜ੍ਹੇ ਹੋਣ ਦੇ ਬਾਵਜੂਦ ਸ਼ਰਧਾਲੂਆਂ ਦੇ ਚਿਹਰਿਆਂ 'ਤੇ ਕੋਈ ਥਕਾਵਟ ਨਜ਼ਰ ਨਹੀਂ ਆ ਰਹੀ। ਜੰਮੂ ਸ਼ਹਿਰ ਬਮ ਬਮ ਭੋਲੇ ਅਤੇ ਜੈ ਸ਼ਿਵ ਸ਼ੰਕਰ ਦੇ ਜੈਕਾਰਿਆਂ ਨਾਲ ਗੁੰਜ ਉਠਿਆ ਹੈ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਛੱਤੀਸਗੜ੍ਹ 'ਚ IED ਧਮਾਕੇ ’ਚ ਸ਼ਾਮਲ 4 ਨਕਸਲੀਆਂ ਸਣੇ 9 ਗ੍ਰਿਫਤਾਰ
NEXT STORY 
