ਨਵੀਂ ਦਿੱਲੀ (ਏਜੰਸੀ)- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸੰਸਦ ਦੇ ਹੰਗਾਮੇਦਾਰ ਮਾਨਸੂਨ ਸੈਸ਼ਨ ਦਰਮਿਆਨ ਸ਼ੁੱਕਰਵਾਰ ਨੂੰ ਰਾਜਗ ਦੇ ਨਵੇਂ 45 ਸੰਸਦ ਮੈਂਬਰਾਂ ਨਾਲ ਨਾਸ਼ਤੇ ’ਤੇ ਗੱਲਬਾਤ ਕੀਤੀ ਅਤੇ ਉਨ੍ਹਾਂ ਨੂੰ ਸਿਆਸੀ ਸ਼ਿਸ਼ਟਾਚਾਰ ਦੀ ਮਹੱਤਵਪੂਰਨ ਨਸੀਹਤ ਦਿੱਤੀ। ਪੀਐੱਮ ਮੋਦੀ ਨੇ ਸੰਸਦ ਮੈਂਬਰਾਂ ਨੂੰ ਸਲਾਹ ਦਿੱਤੀ ਕਿ ਉਹ ਸਦਨ ਦੇ ਅੰਦਰ ਦੀ ਚਿੰਤਾ ਜਾਂ ਤਣਾਅ ਨੂੰ ਬਾਹਰ ਲੈ ਕੇ ਨਾ ਜਾਣ ਅਤੇ ਲੁਟੀਅਨਜ਼ ਦਿੱਲੀ ਦੇ ਜਾਲ ਤੋਂ ਹਮੇਸ਼ਾ ਬਚ ਕੇ ਰਹਿਣ। ਪ੍ਰਧਾਨ ਮੰਤਰੀ ਨੇ ਸੰਸਦ ਮੈਂਬਰਾਂ ਨੂੰ ਸਾਫ਼ ਕਿਹਾ ਕਿ ਕਿਸੇ ਨੂੰ ਵੀ ਟੀ. ਵੀ. ’ਤੇ ਫਾਲਤੂ ਬਿਆਨਬਾਜ਼ੀ ਨਹੀਂ ਕਰਨੀ ਚਾਹੀਦੀ ਅਤੇ ਹਰ ਸਮੇਂ ਪੂਰਾ ਮਾਣ-ਸਤਿਕਾਰ ਬਣਾਈ ਰੱਖਣਾ ਚਾਹੀਦਾ ਹੈ।
ਉਨ੍ਹਾਂ ਕਿਹਾ, ਗੁੱਸੇ ਵਿਚ ਬੋਲਣ ਜਾਂ ਸਦਨ ਵਿਚ ਗੁੱਸੇ ਵਿਚ ਚੀਕਣ ਦੀ ਕੋਈ ਲੋੜ ਨਹੀਂ ਹੈ। ਤੁਸੀਂ ਸਾਰੇ ਪਾਰਟੀ ਦੀ ਲਾਈਨ ਜਾਣਦੇ ਹੋ ਅਤੇ ਹਰ ਮੁੱਦੇ ’ਤੇ ਸ਼ਾਂਤੀ ਨਾਲ ਆਪਣੀ ਗੱਲ ਰੱਖਣੀ ਚਾਹੀਦੀ ਹੈ। ਪੀ. ਐੱਮ. ਨੇ ਇਹ ਵੀ ਸਲਾਹ ਦਿੱਤੀ ਕਿ ਸਦਨ ਦੇ ਅੰਦਰ ਕਈ ਵਾਰ ਅਜਿਹਾ ਮਾਹੌਲ ਬਣ ਜਾਂਦਾ ਹੈ ਜਿਸ ਨਾਲ ਚਿੰਤਾ ਹੁੰਦੀ ਹੈ, ਪਰ ਉਸ ਨੂੰ ਆਪਣੇ ਨਾਲ ਨਹੀਂ ਲੈ ਕੇ ਜਾਣਾ ਚਾਹੀਦਾ। ਲਗਭਗ 45 ਸੰਸਦ ਮੈਂਬਰ ਇਸ ਖ਼ਾਸ ਨਾਸ਼ਤੇ ਦੀ ਬੈਠਕ ਵਿਚ ਸ਼ਾਮਲ ਹੋਏ। ਇਨ੍ਹਾਂ ਵਿਚ ਤ੍ਰਿਣਮੂਲ ਤੋਂ ਅੱਗੋਂ ਵੱਖ ਹੋ ਕੇ ਹਾਲ ਹੀ ਵਿਚ ਨੈਸ਼ਨਲਿਸਟ ਸਿਟੀਜ਼ਨਜ਼ ਪਾਰਟੀ ਆਫ਼ ਇੰਡੀਆ (ਐੱਨ. ਸੀ. ਪੀ. ਆਈ.) ਵਿਚ ਸ਼ਾਮਲ ਹੋਏ 20 ਸੰਸਦ ਮੈਂਬਰ, ਊਧਵ ਸੈਨਾ ਤੋਂ ਵੱਖ ਹੋਏ 7 ਸੰਸਦ ਮੈਂਬਰ, ਐੱਨ. ਪੀ. ਪੀ. ਦੇ 20 ਸੰਸਦ ਮੈਂਬਰ ਅਤੇ ਅਜੀਤ ਪਵਾਰ ਧੜੇ ਵਾਲੀ ਐੱਨ. ਸੀ. ਪੀ. ਦੇ 2 ਸੰਸਦ ਮੈਂਬਰ ਸ਼ਾਮਲ ਸਨ।
ਊਧਵ ਠਾਕਰੇ ਦੀ ਸ਼ਿਵਸੈਨਾ ਤੋਂ ਵੱਖ ਹੋਏ 7 ਵਿਚੋਂ 6 ਸੰਸਦ ਮੈਂਬਰ ਅਧਿਕਾਰਤ ਤੌਰ ’ਤੇ ਏਕਨਾਥ ਸ਼ਿੰਦੇ ਦੀ ਸ਼ਿਵਸੈਨਾ ਵਿਚ ਜਾ ਚੁੱਕੇ ਹਨ। ਬੈਠਕ ਵਿਚ ਮੋਦੀ ਨੇ ਖ਼ਾਸ ਤੌਰ ’ਤੇ ਪੱਛਮੀ ਬੰਗਾਲ ਦੇ ਸੰਸਦ ਮੈਂਬਰਾਂ ਨੂੰ ਜਨਤਾ ਦੇ ਵਿਚਕਾਰ ਆਪਣੀ ਪਹੁੰਚ ਵਧਾਉਣ ਲਈ ਕਿਹਾ। ਸੰਸਦ ਮੈਂਬਰਾਂ ਨੂੰ ਉਨ੍ਹਾਂ ਦੇ ਸੋਸ਼ਲ ਮੀਡੀਆ ਐਂਗੇਜਮੈਂਟ ਦੀ ਜਾਣਕਾਰੀ ਵਾਲਾ ਪ੍ਰਿੰਟਆਊਟ ਵੀ ਦਿੱਤਾ ਗਿਆ ਅਤੇ ਡਿਜੀਟਲ ਕਨੈਕਟ ਮਜ਼ਬੂਤ ਕਰਨ ਦੀ ਸਲਾਹ ਦਿੱਤੀ ਗਈ। ਕੇਂਦਰੀ ਸਿਹਤ ਮੰਤਰੀ ਜੇ. ਪੀ. ਨੱਡਾ ਅਤੇ ਭਾਜਪਾ ਪ੍ਰਧਾਨ ਨਿਤਿਨ ਨਬੀਨ ਵੀ ਨਾਸ਼ਤੇ ਦੌਰਾਨ ਬੈਠਕ ਵਿਚ ਸ਼ਾਮਲ ਹੋਏ। ਨਾਸ਼ਤਾ ਪੂਰੀ ਤਰ੍ਹਾਂ ਸ਼ਾਕਾਹਾਰੀ ਸੀ ਅਤੇ ਇਸ ਵਿਚ ਖੀਰ ਵਰਗੀਆਂ ਮਿਠਾਈਆਂ ਵੀ ਸਨ। ਐੱਨ. ਸੀ. ਪੀ. ਆਈ. ਸੰਸਦ ਮੈਂਬਰ ਕਾਕੋਲੀ ਘੋਸ਼ ਦਸਤੀਦਾਰ ਨੇ ਕਿਹਾ ਕਿ ਉਹ ਪ੍ਰਧਾਨ ਮੰਤਰੀ ਦੀ ਜਾਣਕਾਰੀ ਅਤੇ ਉਨ੍ਹਾਂ ਦੇ ਵਿਵਹਾਰ ਤੋਂ ਬਹੁਤ ਪ੍ਰਭਾਵਿਤ ਹੋਈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਫ਼ਿਰ ਸ਼ੁਰੂ ਹੋਇਆ Work From Home ! ਭਾਰੀ ਬਾਰਿਸ਼ ਮਗਰੋਂ ਗੁਰੂਗ੍ਰਾਮ ਪ੍ਰਸ਼ਾਸਨ ਵਲੋਂ ਜਾਰੀ ਐਡਵਾਇਜ਼ਰੀ
NEXT STORY 
