ਇਸਲਾਮਾਬਾਦ/ਨਵੀਂ ਦਿੱਲੀ (ਏਜੰਸੀਆਂ) : ਪਾਕਿਸਤਾਨ ਨੇ ਇੱਕ ਵਾਰ ਫਿਰ ਭਾਰਤ ਦੇ ਅੰਦਰੂਨੀ ਮਾਮਲਿਆਂ ਵਿਚ ਦਖਲ ਕਰਣ ਦੀ ਹਿਮਾਕਤ ਕੀਤੀ ਹੈ। ਪਾਕਿਸਤਾਨ ਨੇ ਅਯੁੱਧਿਆ ਵਿਚ ਰਾਮ ਮੰਦਰ ਦੀ ਉਸਾਰੀ ਸ਼ੁਰੂ ਕਰਣ 'ਤੇ ਸਵਾਲ ਚੁੱਕੇ ਹਨ ਅਤੇ ਭਾਰਤ ਦੀ ਨਿੰਦਾ ਕੀਤੀ ਹੈ। ਉੱਧਰ, ਪਾਕਿਸਤਾਨ ਦੀ ਟਿੱਪਣੀ 'ਤੇ ਅਯੁੱਧਿਆ ਦੇ ਸੰਤ ਭੜਕ ਗਏ ਹਨ। ਸੰਤਾਂ ਨੇ ਪਾਕਿਸਤਾਨ ਨੂੰ ਹਿਦਾਇਤ ਦਿੱਤੀ ਹੈ।
ਪਾਕਿਸਤਾਨ ਦਾ ਬਿਆਨ
ਪਾਕਿਸਤਾਨ ਦੇ ਵਿਦੇਸ਼ ਮੰਤਰਾਲਾ ਨੇ ਬੁੱਧਵਾਰ ਨੂੰ ਬਿਆਨ ਜਾਰੀ ਕਰ ਕਿਹਾ ਕਿ ਇੱਕ ਪਾਸੇ ਜਿੱਥੇ ਦੁਨੀਆ ਕੋਰੋਨਾ ਵਾਇਰਸ ਮਹਾਮਾਰੀ ਨਾਲ ਜੂਝ ਰਹੀ ਹੈ। ਉਥੇ ਹੀ ਆਰ.ਐਸ.ਐਸ. ਅਤੇ ਭਾਜਪਾ ਹਿੰਦੂਤਵ ਦੇ ਏਜੰਡੇ ਵਿਚ ਰੁੱਝੀ ਹੋਈ ਹੈ। ਅਯੁੱਧਿਆ ਵਿਚ ਮੰਦਰ ਉਸਾਰੀ ਦੀ ਸ਼ੁਰੂਆਤ ਇਸ ਦਿਸ਼ਾ ਵਿਚ ਇੱਕ ਹੋਰ ਕਦਮ ਹੈ। ਇਹ ਦਰਸ਼ਾਉਂਦਾ ਹੈ ਕਿ ਦੇਸ਼ ਵਿਚ ਮੁਸਲਮਾਨਾਂ ਨੂੰ ਕਿਵੇਂ ਹਾਸ਼ੀਏ 'ਤੇ ਰੱਖਿਆ ਜਾ ਰਿਹਾ ਹੈ? ਪਾਕਿਸਤਾਨ ਸਰਕਾਰ ਅਤੇ ਇੱਥੇ ਦੇ ਲੋਕ ਇਸ ਦੀ ਸਖਤ ਨਿੰਦਾ ਕਰਦੇ ਹਨ।
ਭਾਰਤ ਨੇ ਟਿੱਪਣੀਆਂ ਨੂੰ ਵਾਰ-ਵਾਰ ਕੀਤਾ ਖਾਰਿਜ
ਭਾਰਤ ਨੇ ਰਾਮ ਮੰਦਰ 'ਤੇ ਸੁਪਰੀਮ ਕੋਰਟ ਦੇ ਫੈਸਲੇ 'ਤੇ ਪਾਕਿਸਤਾਨ ਦੁਆਰਾ ਕੀਤੀ ਗਈ ਅਣ-ਉਚਿਤ ਅਤੇ ਬਿਨਾਂ ਮਤਲਬ ਦੀਆਂ ਟਿੱਪਣੀਆਂ ਨੂੰ ਵਾਰ-ਵਾਰ ਖਾਰਿਜ ਕੀਤਾ ਹੈ। ਉਸ ਦਾ ਕਹਿਣਾ ਹੈ ਕਿ ਭਾਰਤ ਦੇ ਸੁਪਰੀਮ ਕੋਰਟ ਦੇ ਇਹ ਫੈਸਲਾ ਇੱਕ ਨਾਗਰਿਕ ਮਾਮਲੇ 'ਤੇ ਪੂਰੀ ਤਰ੍ਹਾਂ ਨਾਲ ਅੰਦਰੂਨੀ ਮਾਮਲਾ ਹੈ।
ਪਾਕਿਸਤਾਨ ਕੌਣ ਹੁੰਦਾ ਹੈ ਇਤਰਾਜ਼ ਕਰਣ ਵਾਲਾ : ਇਕਬਾਲ ਅੰਸਾਰੀ
ਇਸ ਮਾਮਲੇ ਵਿਚ ਵਿਵਾਦਪੂਰਨ ਢਾਂਚੇ ਦੇ ਵਿਰੋਧੀ ਧਿਰ ਇਕਬਾਲ ਅੰਸਾਰੀ ਨੇ ਕਿਹਾ ਕਿ ਪਾਕਿ ਸਾਡੇ ਅੰਦਰੂਨੀ ਮਾਮਲਿਆਂ ਵਿਚ ਦਖਲ ਨਾ ਦੇਵੇ ਨਹੀਂ ਤਾਂ ਅਸੀਂ ਇਸਲਾਮਾਬਾਦ ਵਿਚ ਵੀ ਇੱਕ ਰਾਮ ਮੰਦਰ ਬਣਾ ਕੇ ਰਹਾਂਗੇ। ਉਨ੍ਹਾਂ ਨੇ ਕਿਹਾ ਕਿ ਪਾਕਿਸਤਾਨ ਕੌਣ ਹੁੰਦਾ ਹੈ ਇਤਰਾਜ਼ ਕਰਣ ਵਾਲਾ? ਅੱਜ ਤੱਕ ਪਾਕਿਸਤਾਨ ਨੇ ਕੋਈ ਵੀ ਚੰਗਾ ਕੰਮ ਨਹੀਂ ਕੀਤਾ, ਜੋ ਹੁਣ ਕਰੇਗਾ।
ਬਾਬਰੀ ਮਸਜਿਦ ਮਾਮਲਾ : ਦੋਸ਼ੀਆਂ ਦੇ ਬਿਆਨ ਦਰਜ ਕਰਨ ਲਈ 4 ਜੂਨ ਦੀ ਤਰੀਕ ਤੈਅ
NEXT STORY 
