ਨੈਸ਼ਨਲ ਡੈਸਕ : ਇਸ ਸਾਲ 28 ਅਗਸਤ ਨੂੰ ਮਨਾਏ ਜਾਣ ਵਾਲੇ ਰੱਖੜੀ ਦੇ ਤਿਉਹਾਰ ਤੋਂ ਪਹਿਲਾਂ ਸੋਨੇ ਅਤੇ ਚਾਂਦੀ ਦੀਆਂ ਅਸਮਾਨੀ ਚੜ੍ਹਦੀਆਂ ਕੀਮਤਾਂ ਕਾਰਨ ਇਹ ਆਮ ਲੋਕਾਂ ਦੀ ਪਹੁੰਚ ਤੋਂ ਦੂਰ ਹੋ ਰਹੇ ਹਨ। ਅਜਿਹੇ ਵਿੱਚ ਇਸ ਵਾਰ ਬਾਜ਼ਾਰ ਵਿੱਚ ਸੋਨੇ-ਚਾਂਦੀ ਦੇ ਬਦਲ ਵਜੋਂ ਗੋਹੇ ਤੋਂ ਬਣੀਆਂ ਰੱਖੜੀਆਂ ਤੇ ਗਹਿਣੇ ਲੋਕਾਂ ਲਈ ਖਿੱਚ ਦਾ ਕੇਂਦਰ ਬਣੇ ਹੋਏ ਹਨ। ਰਾਜਸਥਾਨ ਦੇ ਪਾਲੀ ਜ਼ਿਲ੍ਹੇ ਦੇ ਇੱਕ ਵਿਅਕਤੀ ਨੇ ਵਾਤਾਵਰਣ ਦੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਗੋਹੇ ਤੋਂ ਵੱਖ-ਵੱਖ ਡਿਜ਼ਾਈਨਾਂ ਦੀਆਂ ਰੱਖੜੀਆਂ, ਹਾਰ (ਨੇਕਲੈਸ) ਤੇ ਝੁਮਕੇ (ਈਅਰ ਰਿੰਗਸ) ਤਿਆਰ ਕੀਤੇ ਹਨ।
ਇਨ੍ਹਾਂ ਉਤਪਾਦਾਂ ਨੂੰ ਬਹੁਤ ਹੀ ਆਕਰਸ਼ਕ ਅਤੇ ਈਕੋ-ਫ੍ਰੈਂਡਲੀ ਰੰਗਾਂ ਨਾਲ ਸਜਾਇਆ ਗਿਆ ਹੈ। ਇਸ ਅਨੋਖੀ ਰੱਖੜੀ ਦੀ ਖਾਸ ਗੱਲ ਇਹ ਹੈ ਕਿ ਇਸ ਵਿੱਚ ਖਾਸ ਕਿਸਮ ਦੇ ਬੀਜ ਪਾਏ ਗਏ ਹਨ। ਜਦੋਂ ਤਿਉਹਾਰ ਤੋਂ ਬਾਅਦ ਇਸ ਰੱਖੜੀ ਨੂੰ ਉਤਾਰ ਕੇ ਮਿੱਟੀ ਵਿੱਚ ਦੱਬ ਦਿੱਤਾ ਜਾਵੇਗਾ, ਤਾਂ ਇਸ ਵਿੱਚੋਂ ਸੁੰਦਰ ਫੁੱਲਾਂ ਦੇ ਪੌਦੇ ਉੱਗਣਗੇ। ਇਸ ਤਰ੍ਹਾਂ ਇਹ ਰੱਖੜੀ ਭੈਣ-ਭਰਾ ਦੇ ਪਿਆਰ ਦੀ ਯਾਦ ਦੇ ਨਾਲ-ਨਾਲ ਵਾਤਾਵਰਣ ਦੀ ਸੁਰੱਖਿਆ ਦਾ ਸੰਦੇਸ਼ ਵੀ ਦੇ ਰਹੀ ਹੈ।
ਇਸ ਪਹਿਲ ਦੇ ਤਹਿਤ ਸਿਰਫ਼ ਰੱਖੜੀ ਹੀ ਨਹੀਂ, ਬਲਕਿ ਗੋਹੇ ਤੋਂ ਆਕਰਸ਼ਕ ਜਵੈਲਰੀ ਵੀ ਤਿਆਰ ਕੀਤੀ ਜਾ ਰਹੀ ਹੈ, ਜਿਸ ਵਿੱਚ ਗਲੇ ਦੇ ਹਾਰ, ਕੰਨਾਂ ਦੇ ਝੁਮਕੇ ਅਤੇ ਨੱਕ ਦੇ ਗਹਿਣੇ ਸ਼ਾਮਲ ਹਨ। ਇਨ੍ਹਾਂ ਦਾ ਡਿਜ਼ਾਈਨ ਇੰਨਾ ਸ਼ਾਨਦਾਰ ਹੈ ਕਿ ਪਹਿਲੀ ਨਜ਼ਰ ਵਿੱਚ ਇਹ ਅੰਦਾਜ਼ਾ ਲਗਾਉਣਾ ਮੁਸ਼ਕਲ ਹੋ ਜਾਂਦਾ ਹੈ ਕਿ ਇਹ ਸੋਨੇ-ਚਾਂਦੀ ਦੇ ਹਨ ਜਾਂ ਗੋਹੇ ਦੇ। ਗਾਹਕ ਆਪਣੀ ਪਸੰਦ ਦੇ ਸੂਟ ਜਾਂ ਸਾੜ੍ਹੀ ਦੇ ਡਿਜ਼ਾਈਨ ਮੁਤਾਬਕ ਵੀ ਇਹ ਜਵੈਲਰੀ ਤਿਆਰ ਕਰਵਾ ਸਕਦੇ ਹਨ। ਗੋਹੇ ਤੋਂ ਬਣੇ ਇਹ ਉਤਪਾਦ ਪੂਰੀ ਤਰ੍ਹਾਂ ਬਾਇਓਡੀਗ੍ਰੇਡੇਬਲ (ਨਸ਼ਟ ਹੋਣ ਯੋਗ) ਹਨ। ਇਹ ਤਿਉਹਾਰਾਂ ਦੌਰਾਨ ਪਲਾਸਟਿਕ ਅਤੇ ਹੋਰ ਗੈਰ-ਜੈਵਿਕ ਸਮੱਗਰੀਆਂ ਦੀ ਵਰਤੋਂ ਨੂੰ ਘਟਾਉਣ ਵਿੱਚ ਇੱਕ ਵਧੀਆ ਬਦਲ ਸਾਬਤ ਹੋ ਰਹੇ ਹਨ, ਜਿਸ ਨਾਲ ਵਾਤਾਵਰਣ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਦਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
LBW ਆਊਟ ਦੇਣ 'ਤੇ ਭੜਕਿਆ ਬੱਲੇਬਾਜ਼! ਅੰਪਾਇਰ ਦੇ ਸਿਰ 'ਤੇ ਮਾਰਿਆ ਬੈਟ, ਪੁਲਸ ਨੇ ਕੀਤਾ ਗ੍ਰਿਫ਼ਤਾਰ
NEXT STORY 
