ਨਵੀਂ ਦਿੱਲੀ- ਕਿਸੇ ਕਾਰਨ ਘਰ ਛੱਡ ਕੇ ਨਿਕਲਣ ਵਾਲੀਆਂ ਲੜਕੀਆਂ ਨੂੰ ਇਕ ਗਿਰੋਹ ਆਪਣੇ ਚੰਗੁਲ ’ਚ ਫਸਾ ਲੈਂਦਾ। ਰੋਟੀ, ਕੱਪੜਾ, ਮਕਾਨ ਅਤੇ ਕੰਮ ਦਿਵਾਉਣ ਦੇ ਬਹਾਨੇ ਇਕ ਛੱਤ ਹੇਠਾਂ ਰੱਖਦਾ। ਫਿਰ ਹੋਰ ਭਲਾ ਬਣ ਕੇ ਉਨ੍ਹਾਂ ਦਾ ਵਿਆਹ ਕਰਵਾਉਂਦਾ। ਇਹ ਗੱਲ ਵੱਖ ਹੈ ਕਿ ਲਾੜਾ ਲੜਕੀ ਦੇ ਮੁਕਾਬਲੇ ਦੁੱਗਣੀ ਉਮਰ ਦਾ ਹੁੰਦਾ। ਦਰਅਸਲ ਉਨ੍ਹਾਂ ਲਾੜਿਆਂ ਤੋਂ ਲਾੜੀ ਦਿਵਾਉਣ ਦੇ ਏਵਜ ’ਚ ਲੱਖਾਂ ਰੁਪਏ ਵਸੂਲੇ ਜਾਂਦੇ ਸਨ। ਇਸ ਤਰ੍ਹਾਂ ਹਿਊਮਨ ਟਰੈਫਿਕਿੰਗ (ਮਾਨਵ ਤਸਕਰੀ) ਕਰਨ ਵਾਲੇ ਇਕ ਗਿਰੋਹ ਦਾ ਗੀਤਾ ਕਾਲੋਨੀ ਪੁਲਸ ਨੇ ਪਰਦਾਫਾਸ਼ ਕੀਤਾ ਹੈ। ਸ਼ੁਰੂਆਤੀ ਪੁੱਛ-ਗਿੱਛ ’ਚ ਪਤਾ ਲੱਗਾ ਹੈ ਕਿ ਇਹ ਗੈਂਗ 6 ਲੜਕੀਆਂ ਨੂੰ ਵੇਚ ਚੁਕਿਆ ਹੈ। ਉਨ੍ਹਾਂ ’ਚੋਂ 3 ਲੜਕੀਆਂ ਨੂੰ ਪੁਲਸ ਨੇ ਛੁਡਵਾ ਲਿਆ ਹੈ। ਗੈਂਗ ’ਚ ਸ਼ਾਮ ਪਤੀ-ਪਤਨੀ ਸਮੇਤ ਤਿੰਨ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਇਕ ਦੋਸ਼ੀ ਦੀ ਤਲਾਸ਼ ਹੈ।
4 ਲੱਖ ’ਚ ਪਤਨੀ ਖਰੀਦਣ ਵਾਲਾ ਵੀ ਗ੍ਰਿਫਤਾਰ
ਇਸ ਗੈਂਗ ਤੋਂ 4 ਲੱਖ ਰੁਪਏ ’ਚ ਨਾਬਾਲਗ ਲੜਕੀ ਖਰੀਦ ਕੇ ਪਤਨੀ ਬਣਾਉਣ ਵਾਲਾ ਵੀ ਫੜਿਆ ਗਿਆ ਹੈ। ਪੁਲਸ ਨੇ ਉਸ ਦੇ ਖਿਲਾਫ ਅਗਵਾ, ਪਾਸਕੋ, ਰੇਪ ਅਤੇ ਹੋਰ ਸੈਕਸ਼ਨ ’ਚ ਮੁਕੱਦਮਾ ਦਰਜ ਕੀਤਾ ਹੈ।
ਇਸ ਤਰ੍ਹਾਂ ਹੋਇਆ ਖੁਲਾਸਾ
ਡੀ.ਸੀ.ਪੀ. (ਸ਼ਾਹਦਰਾ) ਨੁਪੂਰ ਪ੍ਰਸਾਦ ਨੇ ਦੱਸਿਆ ਕਿ ਗੀਤਾ ਕਾਲੋਨੀ ਥਾਣੇ ’ਚ 2 ਮਾਰਚ 2017 ਨੂੰ 14 ਸਾਲ ਦੀ ਲੜਕੀ ਦੇ ਅਗਵਾ ਦਾ ਕੇਸ ਦਰਜ ਹੋਇਆ ਸੀ। ਉਸ ਨੂੰ ਪੁਲਸ ਨੇ 18 ਫਰਵਰੀ ਨੂੰ ਦਾਦਰੀ (ਉਤਰ ਪ੍ਰਦੇਸ਼) ਜ਼ਿਲੇ ਦੇ ਪੱਲਾ ਪਿੰਡ ਤੋਂ ਰਿਕਵਰ ਕੀਤਾ। ਜਿਸ ਘਰ ’ਚ ਲੜਕੀ ਮਿਲੀ, ਉਸੇ ’ਚ 32 ਸਾਲ ਦਾ ਨੀਰਜ ਮਿਲਿਆ। ਉਸ ਨੇ ਲੜਕੀ ਨੂੰ ਪਤਨੀ ਬਣਾ ਕੇ ਰੱਖਿਆ ਸੀ। ਨਰੀਜ ਤੋਂ ਪੁੱਛ-ਗਿੱਛ ’ਚ ਹਿਊਮਨ ਟਰੈਫਿਕਿੰਗ ’ਚ ਸ਼ਾਮਲ ਪੂਰੇ ਗੈਂਗ ਦਾ ਖੁਲਾਸਾ ਹੋਇਆ। ਨੀਰਜ ਨੇ ਦੱਸਿਆ ਕਿ ਉਸ ਨੇ 4 ਲੱਖ ਰੁਪਏ ਦੇ ਕੇ ਉਸ ਲੜਕੀ ਨੂੰ ਖਰੀਦਿਆ ਸੀ। ਫਿਰ ਉਸ ਨੂੰ ਪਤਨੀ ਦੀ ਤਰ੍ਹਾਂ ਰੱਖਣ ਲੱਗਾ। ਨੀਰਜ ਨੂੰ ਆਈ.ਪੀ.ਸੀ. ਦੀ ਧਾਰਾ 366 ਏ, 370, 376/34 ਅਤੇ ਪਾਸਕੋ ਐਕਟ ਦੇ ਅਧੀਨ ਗ੍ਰਿਫਤਾਰ ਕਰ ਲਿਆ। ਉਸ ਦੀ ਨਿਸ਼ਾਨਦੇਹੀ ’ਤੇ ਲੜਕੀ ਵੇਚਣ ਵਾਲੇ ਜੋੜੇ ਅਨੁਜ (31), ਨੇਹਾ (25) ਅਤੇ ਉਨ੍ਹਾਂ ਦਾ ਇਕ ਸਾਥੀ ਬੱਬਲੂ (31) ਗ੍ਰਿਫਤਾਰ ਹੋਏ। ਅਨੁਜ ਅਤੇ ਨੇਹਾ ਡਾਸਨਾ (ਉ¤ਤਰ ਪ੍ਰਦੇਸ਼) ਦੇ ਰਾਧਾ ਕ੍ਰਿਸ਼ਨਾ ਐਂਕਲੇਵ ’ਚ ਰਹਿੰਦੇ ਹਨ। ਬੱਬਲੂ ਬਾਗਪਤ (ਉਤਰ ਪ੍ਰਦੇਸ਼) ਦਾ ਰਹਿਣ ਵਾਲਾ ਹੈ।
ਸ਼ਰਨ ਦੇ ਨਾਂ ’ਤੇ ਕੈਦ ’ਚ ਰੱਖਦਾ ਸੀ ਜੋੜਾ
ਡੀ.ਸੀ.ਪੀ. ਅਨੁਸਾਰ ਅਨੁਜ ਅਤੇ ਨੇਹਾ ਦੇ ਘਰੋਂ 17 ਅਤੇ 14 ਸਾਲ ਦੀਆਂ 2 ਲੜਕੀਆਂ ਤੋਂ ਛੁਡਵਾਈਆਂ ਗਈਆਂ। ਉਸ ’ਚ ਇਕ ਯੂ.ਪੀ. ਅਤੇ ਦੂਜੀ ਬਿਹਾਰ ਦੀ ਰਹਿਣ ਵਾਲੀ ਹੈ। ਬਿਹਾਰ ਦੀ ਲੜਕੀ ਨੇ ਦੱਸਿਆ ਕਿ ਉਸ ਦਾ ਯੌਨ ਸ਼ੋਸ਼ਣ ਕੀਤਾ ਗਿਆ। ਜਾਂਚ ’ਚ ਪਤਾ ਲੱਗਾ ਕਿ ਇਸ ਗਿਰੋਹ ਨਾਲ ਰਾਜ ਨਾਮੀ ਸ਼ਖਸ ਵੀ ਜੁੜਿਆ ਹੈ, ਜੋ ਲੜਕੀਆਂ ਨੂੰ ਵਰਗਲਾ ਕੇ ਜੋੜੇ ਕੋਲ ਲਿਜਾਂਦਾ। ਉ¤ਥੇ ਸ਼ੈਲਟਰ ਦੇ ਨਾਂ ’ਤੇ ਲੜਕੀਆਂ ਨੂੰ ਕੈਦ ’ਚ ਰੱਖ ਲਿਆ ਜਾਂਦਾ। ਉਨ੍ਹਾਂ ਨੂੰ ਬਾਹਰ ਕਿਸੇ ਨਾਲ ਗੱਲ ਕਰਨ ਦੀ ਮਨਾਹੀ ਹੁੰਦੀ। ਬਾਅਦ ’ਚ ਜ਼ਿਆਦਾ ਉਮਰ ਵਾਲਿਆਂ ਨਾਲ ਵਿਆਹ ਲਈ ਵੇਚ ਦਿੰਦੇ। ਗਿਰੋਹ ਦੇ ਲੋਕ ਰੇਲਵੇ ਸਟੇਸ਼ਨ ਅਤੇ ਬੱਸ ਅੱਡਿਆਂ ’ਤੇ ਨਜ਼ਰ ਰੱਖਦੇ ਸਨ, ਜਿੱਥੇ ਕਈ ਵਾਰ ਹੋਰ ਰਾਜਾਂ ਤੋਂ ਨਾਬਾਲਗ ਲੜਕੀਆਂ ਘਰ ਛੱਡ ਕੇ ਪਹੁੰਚ ਜਾਂਦੀਆਂ ਹਨ। ਗਿਰੋਹ ਅਜਿਹੀਆਂ ਲੜਕੀਆਂ ਦੀ ਨਾਦਾਨੀ ਦਾ ਫਾਇਦਾ ਚੁੱਕ ਕੇ ਆਪਣੀਆਂ ਗੱਲਾਂ ਦੇ ਜਾਲ ’ਚ ਫਸਾਉਂਦਾ। ਘਰ ਅਤੇ ਕੰਮ ਦਿਵਾਉਣ ਦੇ ਬਹਾਨੇ ਆਪਣੀ ਕੈਦ ’ਚ ਰੱਖ ਲੈਂਦੇ। ਦੋਸ਼ੀਆਂ ਨੇ ਕਬੂਲਿਆ ਹੈ ਕਿ ਇਹ ਗਿਰੋਹ ਹੁਣ ਤੱਕ 6 ਲੜਕੀਆਂ ਦਾ ਸੌਦਾ ਕਰ ਚੁਕਿਆ ਹੈ। ਦੋਸ਼ੀ ਰਾਜ ਦੀ ਤਲਾਸ਼ ਕੀਤੀ ਜਾ ਰਹੀ ਹੈ। ਦੋਸ਼ੀਆਂ ਤੋਂ ਰਿਕਵਰ ਤਿੰਨੋਂ ਲੜਕੀਆਂ ਨੂੰ ਚਾਈਲਡ ਵੈਲਫੇਅਰ ਕਮੇਟੀ ਦੇ ਸਾਹਮਣੇ ਪੇਸ਼ ਕਰਨ ਤੋਂ ਬਾਅਦ ਦਿਲਸ਼ਾਦ ਗਾਰਡਨ ਦੇ ਇਕ ਸ਼ੈਲਟਰ ਹੋਮ ’ਚ ਰੱਖਿਆ ਹੈ। ਪੁਲਸ ਉਨ੍ਹਾਂ ਦੇ ਪਰਿਵਾਰ ਵਾਲਿਆਂ ਨਾਲ ਸੰਪਰਕ ਕਰ ਰਹੀ ਹੈ।
ਡਾਕਟਰਾਂ ਦੀ ਵੱਡੀ ਲਾਪਰਵਾਹੀ, ਨਾਰਮਲ ਡਿਲਵਰੀ ’ਚ ਹੀ ਕਰ ਦਿੱਤੀ ਵੱਡੀ ਗਲਤੀ
NEXT STORY 
