ਨਵੀਂ ਦਿੱਲੀ — ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅਸੰਗਠਿਤ ਖੇਤਰ ਲਈ ਤਿੰਨ ਪੈਨਸ਼ਨ ਸਕੀਮਾਂ ਦੀ ਸ਼ੁਰੂਆਤ ਕੀਤੀ ਹੈ। ਇਹ ਪੈਨਸ਼ਨ ਸਕੀਮਾਂ ਕਿਸਾਨਾਂ, ਵਪਾਰੀਆਂ ਅਤੇ ਮਜ਼ਦੂਰਾਂ ਲਈ ਜਾਰੀ ਕੀਤੀਆਂ ਗਈਆਂ ਹਨ। ਇਸ ਵਿਚ Pradhan Mantri Shram Yogi Maan-dhan ਵਿਚ ਰਜਿਸਟ੍ਰੇਸ਼ਨ ਸਭ ਤੋਂ ਵੱਧ ਹੋ ਰਹੀ ਹੈ। ਇਸ ਦੇ ਤਹਿਤ 3 ਅਗਸਤ ਤੱਕ 44,27,264 ਲੋਕ ਸ਼ਾਮਲ ਹੋਏ ਹਨ। ਇਨ੍ਹਾਂ ਯੋਜਨਾਵਾਂ ਦੇ ਤਹਿਤ ਸਕੀਮ ਲੈਣ ਵਾਲਿਆਂ ਨੂੰ 60 ਸਾਲ ਦੀ ਉਮਰ ਹੋਣ 'ਤੇ 3000 ਰੁਪਏ ਹਰ ਮਹੀਨੇ ਪੈਨਸ਼ਨ ਮਿਲੇਗੀ। ਜੇ ਲਾਭਪਾਤਰੀ ਪੈਨਸ਼ਨ ਪ੍ਰਾਪਤ ਕਰਦੇ ਹੋਏ ਮਰ ਜਾਂਦਾ ਹੈ, ਤਾਂ 50% ਧਨਰਾਸ਼ੀ ਉਸਦੇ ਪਤੀ / ਪਤਨੀ ਨੂੰ ਪੈਨਸ਼ਨ ਵਜੋਂ ਦਿੱਤੀ ਜਾਏਗੀ।
ਪ੍ਰਧਾਨ ਮੰਤਰੀ ਮੋਦੀ ਨੇ ਇਸ ਯੋਜਨਾ ਦੀ ਰਸਮੀ ਸ਼ੁਰੂਆਤ 5 ਮਾਰਚ 2019 ਨੂੰ ਗਾਂਧੀਨਗਰ ਗੁਜਰਾਤ ਤੋਂ ਕੀਤੀ ਸੀ। ਜਦੋਂ ਕਿ ਇਸ ਲਈ ਰਜਿਸਟਰੇਸ਼ਨ 15 ਫਰਵਰੀ ਨੂੰ ਹੀ ਸ਼ੁਰੂ ਹੋ ਗਿਆ ਸੀ। ਇਹ ਯੋਜਨਾ ਦਿਹਾੜੀ ਮਜ਼ਦੂਰ ਅਤੇ ਅਸੰਗਠਿਤ ਖੇਤਰ ਦੇ ਮਜ਼ਦੂਰਾਂ ਨੂੰ ਹਰ ਮਹੀਨੇ ਪੈਨਸ਼ਨ ਦੇਣ ਲਈ ਸਭ ਤੋਂ ਵੱਡੀ ਸਕੀਮ ਹੈ।
ਇਹ ਵੀ ਪੜ੍ਹੋ: ਜਿੰਮ ਅਤੇ ਯੋਗਾ ਕੇਂਦਰ ਖੋਲ੍ਹਣ ਲਈ ਦਿਸ਼ਾ-ਨਿਰਦੇਸ਼ ਜਾਰੀ, ਇਨ੍ਹਾਂ ਗੱਲਾਂ ਦਾ ਰੱਖਣਾ ਹੋਵੇਗਾ ਖਿਆਲ
ਸੰਗਠਿਤ ਖੇਤਰ ਵਿਚ ਕੰਮ ਕਰ ਰਹੇ ਵਿਅਕਤੀ ਜਾਂ ਕਰਮਚਾਰੀ ਭਵਿੱਖ ਨਿਧੀ ਫੰਡ (ਈਪੀਐਫਓ), ਨੈਸ਼ਨਲ ਪੈਨਸ਼ਨ ਸਕੀਮ (ਐਨਪੀਐਸ) ਜਾਂ ਰਾਜ ਕਰਮਚਾਰੀ ਬੀਮਾ ਨਿਗਮ (ਈਐਸਆਈਸੀ) ਦੇ ਮੈਂਬਰ ਜਾਂ ਆਮਦਨ ਟੈਕਸ ਦਾ ਭੁਗਤਾਨ ਕਰਨ ਵਾਲੇ ਇਸ ਸਕੀਮ ਦਾ ਲਾਭ ਨਹੀਂ ਲੈ ਸਕਦੇ। ਇਹ ਯੋਜਨਾ ਉਨ੍ਹਾਂ ਲਈ ਹੈ ਜੋ ਇਕ ਮਹੀਨੇ ਵਿਚ 15,000 ਰੁਪਏ ਤੋਂ ਘੱਟ ਕਮਾਉਂਦੇ ਹਨ।
ਨਾਮਜ਼ਦਗੀਆਂ ਲਈ ਅੱਗੇ ਆਏ ਦੇਸ਼ ਦੇ ਇਹ 5 ਸੂਬੇ
ਖੇਤੀਬਾੜੀ ਦੇ ਨਾਲ-ਨਾਲ ਉਦਯੋਗਾਂ ਵਿਚ ਵੀ ਮੋਹਰੀ, ਹਰਿਆਣਾ ਦੇ ਮਜ਼ਦੂਰਾਂ ਨੇ ਇਸ ਯੋਜਨਾ ਤਹਿਤ ਵੱਧ ਤੋਂ ਵੱਧ ਰਜਿਸਟਰੇਸ਼ਨ ਕਰਵਾਇਆ ਹੈ। ਹੁਣ ਤੱਕ 8,01,580 ਲੋਕ ਇਸ ਵਿਚ ਸ਼ਾਮਲ ਹੋ ਚੁੱਕੇ ਹਨ। ਦੂਸਰਾ ਨੰਬਰ ਉੱਤਰ ਪ੍ਰਦੇਸ਼ ਦਾ ਹੈ, ਜਿਥੇ 6,02,533 ਵਿਅਕਤੀ ਰਜਿਸਟਰਡ ਹੋਏ ਹਨ। ਤੀਜਾ ਮਹਾਰਾਸ਼ਟਰ ਹੈ ਜਿਥੇ 5,84,556 ਲੋਕ ਇਸ ਯੋਜਨਾ ਵਿਚ ਸ਼ਾਮਲ ਹੋਏ ਹਨ। 3,67,848 ਵਰਕਰਾਂ ਨਾਲ ਚੌਥੇ ਸਥਾਨ 'ਤੇ ਗੁਜਰਾਤ ਅਤੇ 2,07,063 ਨਾਮਜ਼ਦਗੀਆਂ ਨਾਲ ਪੰਜਵੇਂ ਸਥਾਨ 'ਤੇ ਛੱਤੀਸਗੜ੍ਹ ਹੈ।
ਇਹ ਵੀ ਪੜ੍ਹੋ: ਹੈਲਮੇਟ ਪਾਉਣ ਤੋਂ ਬਾਅਦ ਵੀ ਕੱਟਿਆ ਜਾ ਸਕਦਾ ਹੈ ਚਾਲਾਨ, ਜਲਦ ਬਦਲਣ ਵਾਲਾ ਹੈ ਇਹ ਨਿਯਮ
ਕਿਹੜੇ ਲੋਕਾਂ ਨੂੰ ਮਿਲ ਸਕਦਾ ਹੈ ਇਸ ਯੋਜਨਾ ਦਾ ਲਾਭ
ਘਰੇਲੂ ਮਜ਼ਦੂਰ, ਡਰਾਈਵਰ, ਪਲੰਬਰ, ਮੋਚੀ, ਦਰਜੀ, ਰਿਕਸ਼ਾ ਚਾਲਕ, ਧੋਬੀ ਅਤੇ ਖੇਤੀਬਾੜੀ ਮਜ਼ਦੂਰ ਇਸ ਯੋਜਨਾ ਦਾ ਲਾਭ ਲੈ ਸਕਦੇ ਹਨ। ਉਮਰ ਦੇ ਹਿਸਾਬ ਨਾਲ ਪ੍ਰੀਮੀਅਮ 55 ਤੋਂ 200 ਰੁਪਏ ਹੋਵੇਗਾ। ਇੰਨਾ ਹੀ ਪੈਸਾ ਸਰਕਾਰ ਵੀ ਦੇਵੇਗੀ।
ਇਨ੍ਹਾਂ ਦਸਤਾਵੇਜ਼ਾਂ ਦੀ ਹੋਵੇਗੀ ਜ਼ਰੂਰਤ
ਆਧਾਰ ਕਾਰਡ, ਆਈਐਫਐਸਸੀ ਨੰਬਰ ਦੇ ਨਾਲ ਸੇਵਿੰਗ ਜਾਂ ਜਨ ਧਨ ਖਾਤਾ ਅਤੇ ਮੋਬਾਈਲ ਨੰਬਰ। ਇਸ ਦੇ ਤਹਿਤ ਰਜਿਸਟ੍ਰੇਸ਼ਨ ਲਈ ਉਮਰ 18 ਸਾਲ ਤੋਂ 40 ਸਾਲ ਦੇ ਵਿਚਕਾਰ ਹੋਣੀ ਚਾਹੀਦੀ ਹੈ। ਤੁਸੀਂ ਨਜ਼ਦੀਕ ਦੇ ਸਾਂਝ ਸੇਵਾ ਕੇਂਦਰ (ਸੀਐਸਸੀ) ਵਿਖੇ ਰਜਿਸਟ੍ਰੇਸ਼ਨ ਕਰਵਾ ਸਕਦੇ ਹੋ।
ਇਹ ਵੀ ਪੜ੍ਹੋ: ਸਿਰਫ਼ 70 ਹਜ਼ਾਰ ਰੁਪਏ ਵਿਚ 25 ਸਾਲਾਂ ਲਈ ਪਾਓ ਮੁਫ਼ਤ ਬਿਜਲੀ, ਨਾਲੋ-ਨਾਲ ਪੈਸਾ ਵੀ ਕਮਾਓ
ਜਿੰਮ ਅਤੇ ਯੋਗਾ ਕੇਂਦਰ ਖੋਲ੍ਹਣ ਲਈ ਦਿਸ਼ਾ-ਨਿਰਦੇਸ਼ ਜਾਰੀ, ਇਨ੍ਹਾਂ ਗੱਲਾਂ ਦਾ ਰੱਖਣਾ ਹੋਵੇਗਾ ਖਿਆਲ
NEXT STORY 
