ਨਵੀਂ ਦਿੱਲੀ- ਕੇਂਦਰੀ ਮੰਤਰੀ ਅਸ਼ਵਨੀ ਵੈਸ਼ਨਵ ਨੇ ਸੋਮਵਾਰ ਨੂੰ ਕਿਹਾ ਕਿ ਭਾਰਤੀ ਰੇਲ ਨੇ ਵਿੱਤ ਸਾਲ 2025-26 ਲਈ ਤੈਅ ਆਪਣੇ ਬਜਟ ਦਾ 98 ਫੀਸਦੀ ਫਰਵਰੀ ਦੇ ਅੰਤ ਤੱਕ ਖਰਚ ਕਰ ਦਿੱਤਾ ਸੀ। ਇਹ ਪ੍ਰਾਜੈਕਟਾਂ ਦੇ ਤੇਜ਼ੀ ਨਾਲ ਲਾਗੂਕਰਨ ਨੂੰ ਦਰਸਾਉਂਦਾ ਹੈ। ਮੰਤਰੀ ਨੇ ਨਾਲ ਹੀ ਕਿਹਾ ਕਿ ਟਰੇਨ ਸੇਵਾਵਾਂ ਆਉਣ ਵਾਲੇ ਸਮੇਂ 'ਚ ਦੇਸ਼ ਦੇ ਕਈ ਮਾਰਗਾਂ 'ਤੇ ਉਡਾਣਾਂ ਤੋਂ ਅੱਗੇ ਨਿਕਲ ਜਾਣਗੀਆਂ। ਵੈਸ਼ਨਵ ਨੇ ਕਿਹਾ,''ਪਿਛਲੇ ਵਿੱਤ ਸਾਲ 'ਚ ਲਗਭਗ ਪੂਰਾ ਪੂੰਜੀਗਤ ਖਰਚ ਮਾਰਚ ਦੇ ਪਹਿਲੇ ਹਫ਼ਤੇ ਤੱਕ ਖਰਚ ਹੋ ਗਿਆ ਸੀ। ਫਰਵਰੀ ਦੇ ਅੰਤਿਮ ਹਫ਼ਤੇ ਤੱਕ ਕਰੀਬ 98 ਫੀਸਦੀ ਤੋਂ ਵੱਧ ਖਰਚ ਕਰ ਲਿਆ ਗਿਆ ਸੀ। ਇਸ ਦੇ ਬਾਅਦ ਤੋਂ ਸਾਨੂੰ ਖਰਚ ਦੀ ਗਤੀ ਨੂੰ ਕੁਝ ਹੱਦ ਤੱਕ ਰੋਕਣਾ ਪਿਆ ਤਾਂ ਕਿ ਵਿੱਤ ਸਾਲ ਦਾ ਅੰਤ ਸੰਤੁਲਿਤ ਰੂਪ ਨਾਲ ਕੀਤਾ ਜਾ ਸਕੇ।''
ਉਨ੍ਹਾਂ ਦੱਸਿਆ ਕਿ ਦੇਸ਼ 'ਚ ਹੁਣ ਤੱਕ 49,000 ਕਿਲੋਮੀਟਰ ਰੇਲਵੇ ਟਰੈਕ ਦਾ ਬਿਜਲੀਕਰਨ ਕੀਤਾ ਜਾ ਚੁੱਕਿਆ ਹੈ, ਜੋ ਜਰਮਨੀ ਦੇ ਪੂਰੇ ਰੇਲ ਨੈੱਟਵਰਕ ਤੋਂ ਵੀ ਵੱਧ ਹੈ। ਉੱਥੇ ਹੀ 36,000 ਕਿਲੋਮੀਟਰ ਨਵੀਆਂ ਪੱਟੜੀਆਂ ਜੋੜੀਆਂ ਗਈਆਂ ਹਨ, ਜੋ ਸਵਿਟਜ਼ਰਲੈਂਡ ਦੇ ਰੇਲ ਨੈੱਟਵਰਕ ਤੋਂ ਲਗਭਗ 6 ਗੁਣਾ ਹੈ। ਮੰਤਰੀ ਨੇ ਕਿਹਾ ਕਿ ਇਨ੍ਹਾਂ ਨਵੇਂ ਮਾਰਗਾਂ 'ਤੇ ਯਾਤਰਾ ਸਮੇਂ 'ਚ ਕਾਫੀ ਕਮੀ ਆਈ, ਜਿਸ ਨਾਲ ਲੋਕ ਹਵਾਈ ਯਾਤਰਾ ਦੀ ਬਜਾਏ ਟਰੇਨ ਨੂੰ ਪਹਿਲ ਦੇਣਗੇ। ਉਨ੍ਹਾਂ ਦੱਸਿਆ ਕਿ ਸਰਕਾਰ ਮੁੰਬਈ ਤੋਂ ਪੁਣੇ ਵਿਚਾਲੇ ਨਵਾਂ ਗਲਿਆਰਾ (ਕੋਰੀਡੋਰ) ਵਿਕਸਿਤ ਕਰ ਰਹੀ ਹੈ, ਜਿੱਥੇ ਯਾਤਰਾ ਦਾ ਸਮੇਂ ਘੱਟ ਕੇ ਸਿਰਫ਼ 28 ਮਿੰਟ ਰਹਿ ਜਾਵੇਗਾ। ਪੁਣੇ ਤੋਂ ਹੈਦਰਾਬਾਦ ਦਾ ਸਮਾਂ ਇਕ ਘੰਟਾ 55 ਮਿੰਟ ਅਤੇ ਹੈਦਰਾਬਾਦ ਤੋਂ ਬੈਂਗਲੁਰੂ ਦਾ ਸਮਾਂ ਲਗਭਗ 2 ਘੰਟੇ ਹੋਵੇਗਾ।
ਵੈਸ਼ਨਵ ਨੇ ਕਿਹਾ,''ਅਜਿਹੇ ਮਾਰਗਾਂ 'ਤੇ ਕੋਈ ਵੀ ਉਡਾਣ ਸੇਵਾ ਨੂੰ ਤਵੱਜੋ ਨਹੀਂ ਦੇਵੇਗਾ। ਇਹ ਖੇਤਰ ਹਵਾਬਾਜ਼ੀ ਕੰਪਨੀਆਂ ਲਈ ਲਗਭਗ ਖ਼ਤਮ ਹੋ ਜਾਣਗੀਆਂ। ਜੋ ਲੋਕ ਏਅਰਲਾਈਨਾਂ 'ਚ ਨਿਵੇਸ਼ ਕਰਨਾ ਚਾਹੁੰਦੇ ਹਨ, ਉਨ੍ਹਾਂ ਨੂੰ ਹੁਣ ਤੋਂ ਇਹ ਸਮਝ ਲੈਣਾ ਚਾਹੀਦਾ ਕਿ ਇਨ੍ਹਾਂ ਮਾਰਗਾਂ 'ਤੇ 99 ਫੀਸਦੀ ਆਵਾਜਾਈ ਰੇਲਵੇ ਨਾਲ ਹੋਵੇਗੀ।'' ਉਨ੍ਹਾਂ ਕਿਹਾ ਕਿ ਬੈਂਗਲੁਰੂ ਅਤੇ ਚੇਨਈ ਵਿਚਾਲੇ ਯਾਤਰਾ ਘੱਟ ਕੇ 78 ਮਿੰਟ ਹੋ ਜਾਵੇਗੀ, ਜਿਸ ਨਾਲ ਦੋਵੇਂ ਸ਼ਹਿਰ ਲਗਭਗ ਇਕ ਸੰਯੁਕਤ ਮਹਾਨਗਰ ਦੀ ਤਰ੍ਹਾਂ ਹੋ ਜਾਣਗੇ। ਇਸ ਤੋਂ ਇਲਾਵਾ, ਦਿੱਲੀ ਤੋਂ ਵਾਰਾਣਸੀ ਦੀ ਯਾਤਰਾ ਤਿੰਨ ਘੰਟੇ 50 ਮਿੰਟ 'ਚ ਪੂਰੀ ਹੋਵੇਗੀ, ਜਦੋਂ ਕਿ ਦਿੱਲੀ ਤੋਂ ਲਖਨਊ ਦੀ ਯਾਤਰਾ ਕਰੀਬ 2 ਘੰਟਿਆਂ 'ਚ ਸੰਭਵ ਹੋ ਜਾਵੇਗੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
PM ਮੋਦੀ ਨੇ ਪੱਛਮੀ ਬੰਗਾਲ 'ਚ ਆਯੁਸ਼ਮਾਨ ਭਾਰਤ ਯੋਜਨਾ ਲਾਗੂ ਕਰਨ ਦੇ ਫੈਸਲੇ ਦਾ ਕੀਤਾ ਸਵਾਗਤ
NEXT STORY 
