ਨਵੀਂ ਦਿੱਲੀ— ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਦੀ ਜਲਦ ਹੀ ਸੰਸਦ ਦੇ ਉੱਪਰੀ ਸਦਨ ਯਾਨੀ ਰਾਜਸਭਾ 'ਚ ਵਾਪਸੀ ਹੋ ਸਕਦੀ ਹੈ। ਕਾਂਗਰਸ ਦੇ ਉੱਚ ਸੂਤਰਾਂ ਮੁਤਾਬਕ ਰਾਜਸਥਾਨ 'ਚ ਖਾਲੀ ਹੋਈ ਰਾਜਸਭਾ ਦੀ ਇਕ ਸੀਟ ਤੋਂ ਮਨਮੋਹਨ ਸਿੰਘ ਨੂੰ ਪਾਰਟੀ ਉਮੀਦਵਾਰ ਬਣਾਇਆ ਜਾਣਾ ਲਗਭਗ ਤੈਅ ਹੈ। ਹਾਲ ਹੀ 'ਚ ਰਾਜਸਥਾਨ ਤੋਂ ਬੀ.ਜੇ.ਪੀ. ਦੇ ਰਾਜਸਭਾ ਸੰਸਦ ਅਤੇ ਪਾਰਟੀ ਦੇ ਪ੍ਰਵੇਸ਼ ਪ੍ਰਧਾਨ ਮਦਨਲਾਲ ਸੈਨੀ ਦੀ ਮੌਤ ਦੇ ਕਾਰਨ ਇਹ ਸੀਟ ਖਾਲੀ ਹੈ। ਸੈਨੀ ਪਿਛਲੇ ਸਾਲ ਅਪ੍ਰੈਲ 'ਚ ਰਾਜਸਥਾਨ ਤੋਂ ਰਾਜਸਭਾ ਮੈਂਬਰ ਚੁਣੇ ਗਏ ਸਨ। ਯਾਨੀ ਇਸ ਸੀਟ ਦਾ ਕਾਰਜਕਾਲ ਅਪ੍ਰੈਲ 2024 ਤੱਕ ਹੈ।
ਰਾਜਸਥਾਨ ਵਿਭਾਨਸਭਾ 'ਚ ਫਿਲਹਾਲ ਕਾਂਗਰਸ ਦਾ ਬਹੁਮਤ ਹੈ ਅਤੇ ਜਾਹਿਰ ਹੈ ਕਿ ਕਾਂਗਰਸ ਨੂੰ ਆਪਣਾ ਉਮੀਦਵਾਰ ਜਿਤਾਉਣ 'ਚ ਕੋਈ ਮੁਸ਼ਕਲ ਨਹੀਂ ਹੈ। ਕਾਂਗਰਸ ਪਾਰਟੀ ਦੇ ਸੀਨੀਅਰ ਨੇਤਾ ਨੇ ਇਕ ਨਿਊਜ਼ ਚੈਨਲ ਨਾਲ ਗੱਲਬਾਤ ਕਰਦੇ ਹੋਏ ਦੱਸਿਆ ਕਿ ਰਾਜਸਥਾਨ ਤੋਂ ਰਾਜਸਭਾ ਦੀ ਖਾਲੀ ਹੋਈ ਸੀਟ ਦੇ ਲਈ ਮਨਮੋਹਣ ਸਿੰਘ ਦੇ ਨਾਂ 'ਤੇ ਸਹਿਮਤੀ ਬਣ ਚੁੱਕੀ ਹੈ। ਮਨਮੋਹਨ ਸਿੰਘ ਰਾਜਸਭਾ 'ਚ ਰਾਜਸਥਾਨ ਦਾ ਨੁਮਾਇੰਦਗੀ ਕਰਦੇ ਹਨ ਤਾਂ ਪੂਰੇ ਰਾਜਸਥਾਨ ਦੇ ਲਈ ਮਾਣ ਦੀ ਗੱਲ ਹੋਵੇਗੀ। ਹਾਲਾਂਕਿ ਸੀਨੀਅਰ ਨੇਤਾ ਨੇ ਇਹ ਵੀ ਕਿਹਾ ਕਿ ਆਖਰੀ ਫੈਸਲਾ ਪਾਰਟੀ ਪ੍ਰਧਾਨ ਲੈਣਗੇ ਜਦੋਂ ਖਾਲੀ ਹੋਈ ਸੀਟ 'ਤੇ ਚੋਣ ਦਾ ਐਲਾਨ ਹੋ ਜਾਵੇਗਾ।
ਗਹਿਲੋਤ ਨੇ ਮਨਮੋਹਨ ਸਿੰਘ ਨਾਲ ਕੀਤੀ ਮੁਲਾਕਾਤ
ਮਨਮੋਹਨ ਸਿੰਘ ਨੇ ਨਾਂ ਦੀ ਪੁਸ਼ਟੀ ਕਰਦੇ ਹੋਏ ਰਾਜਸਥਾਨ ਸਰਕਾਰ ਦੇ ਇਸ ਮੰਤਰੀ ਨੇ ਕਿਹਾ ਕਿ ਡਾਕਟਰ ਸਿੰਘ ਇਕ ਸੰਸਥਾਨ ਹੈ। ਕਾਂਗਰਸ ਪਾਰਟੀ ਹਮੇਸ਼ਾ ਤੋਂ ਸੰਸਥਾਨਾਂ ਦੀ ਕਦਰ ਕਰਦੀ ਰਹਿੰਦੀ ਹੈ। ਜ਼ਿਕਰਯੋਗ ਹੈ ਕਿ ਰਾਜਸਥਾਨ ਦੇ ਮੁੱਖਮੰਤਰੀ ਅਸ਼ੋਕ ਗਹਿਲੋਤ ਨੇ ਸੋਮਵਾਰ ਸ਼ਾਮ ਨੂੰ ਮਨਮੋਹਣ ਸਿੰਘ ਨਾਲ ਮੁਲਾਕਾਤ ਕੀਤੀ ਸੀ।
ਰਾਜਸਥਾਨ ਤੋਂ ਰਾਜਸਭਾ ਭੇਜੇ ਜਾਣ ਨੂੰ ਲੈ ਕੇ ਜਦੋਂ ਮਨਮੋਹਨ ਸਿੰਘ ਦੇ ਦਫਤਰ ਨੂੰ ਸੰਪਰਕ ਕੀਤਾ ਗਿਆ ਤਾਂ ਜਵਾਬ ਮਿਲਿਆ ਕਿ ਹੁਣ ਪਾਰਟੀ ਵਲੋਂ ਨਾ ਤਾ ਕੋਈ ਸੂਚਨਾ ਦਿੱਤੀ ਗਈ ਹੈ ਨਾ ਹੀ ਚੋਣ ਦੀ ਕੋਈ ਸੂਚਨਾ ਹੀ ਜਾਰੀ ਹੋਈ ਹੈ। ਗਹਿਲੋਤ ਦੀ ਮਨਮੋਹਨ ਸਿੰਘ ਨਾਲ ਮੁਲਾਕਾਤ ਨੂੰ ਸਾਮਾਨ ਸ਼ਿਸ਼ਟਾਚਾਰ ਦੱਸਿਆ ਗਿਆ।
ਮਨਮੋਹਨ ਸਿੰਘ ਨੂੰ ਰਾਜਸਭਾ ਕਿਉਂ ਭੇਜਣਾ ਚਾਹੁੰਦੀ ਹੈ ਕਾਂਗਰਸ?
ਕਾਂਗਰਸ ਨੂੰ ਸੰਸਦ 'ਚ ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਦੀ ਜ਼ਰੂਰਤ ਇਸ ਲਈ ਹੈ ਕਿਉਂਕਿ ਉਹ ਜਾਣ-ਮੰਨ੍ਹੇ ਅਰਥ ਸ਼ਾਸਤਰੀ ਹਨ। ਸਾਬਕਾ ਪ੍ਰਧਾਨ ਮੰਤਰੀ ਦੇ ਤੌਰ 'ਤੇ ਉਨ੍ਹਾਂ ਦਾ ਕਦ ਅਤੇ ਅਨੁਭਵ ਬੇਹੱਦ ਮਹੱਤਵਪੂਰਨ ਹੈ। ਅਰਥਵਿਵਸਥਾ ਨੂੰ ਲੈ ਕੇ ਮਨਮੋਹਣ ਸਿੰਘ ਦੀ ਗੱਲ ਨੂੰ ਦੇਸ਼ ਬੇਹੱਦ ਗੰਭੀਰਤਾ ਨਾਲ ਲੈਂਦਾ ਹੈ। ਰਾਹੁਲ ਗਾਂਧੀ ਵੀ ਮੋਦੀ ਸਰਕਾਰ ਦੀ ਆਰਥਿਕ ਨੀਤੀਆਂ 'ਤੇ ਹਮਲਾ ਕਰਨ ਲਈ ਮਨਮੋਹਣ ਸਿੰਘ ਦੀਆਂ ਗੱਲਾਂ ਦਾ ਸਹਾਰਾ ਲੈਂਦੇ ਰਹੇ ਹਨ। ਨੋਟਬੰਦੀ ਤੋਂ ਬਾਅਦ ਮਨਮੋਹਨ ਸਿੰਘ ਨੇ ਜੀ.ਡੀ.ਪੀ. ਵਿਕਾਸ ਦਰ ਹੋਲੀ ਹੋਣ ਦੀ ਭਵਿੱਖਬਾਣੀ ਕੀਤੀ ਸੀ ਜੋ ਸਟੀਕ ਸਾਬਤ ਹੋਈ। ਜਾਹਿਰ ਹੈ ਮੋਦੀ ਸਰਕਾਰ 2 ਆਰਥਿਕ ਮੋਰਚੇ 'ਤੇ ਕਿਸ ਤਰ੍ਹਾਂ ਦਾ ਪ੍ਰਦਰਸ਼ਨ ਰਿਹਾ ਇਸ ਦੀ ਸਮੀਖਿਆ ਲਈ ਵਿਰੋਧੀ ਧੀਰ 'ਚ ਮਨਮੋਹਣ ਸਿੰਘ ਨਾਲ ਬਿਹਤਰੀਨ ਹੋਰ ਕੌਣ ਹੋ ਸਕਦਾ ਹੈ?
ਮਾਤਾ-ਪਿਤਾ ਨੂੰ ਛੱਡਣ ਵਾਲਿਆਂ ਨੂੰ 6 ਮਹੀਨੇ ਜੇਲ 'ਚ ਰੱਖਣ ਦਾ ਪ੍ਰਸਤਾਵ
NEXT STORY 
